കുറ്റിക്കാട്ടൂരിൽ നാലുമാസം പ്രായമുള്ള കുഞ്ഞിന്റെ മരണം കൊലപാതകം; അച്ഛനും അമ്മയും അറസ്റ്റിൽ | Kuttikkattoor baby murder

കോഴിക്കോട്: കുറ്റിക്കാട്ടൂർ വയൽക്കരയിൽ നാലുമാസം പ്രായമുള്ള കുഞ്ഞിന്റെ മരണം കൊലപാതകമാണെന്ന് പൊലീസ് (Kuttikkattoor baby murder). മദ്യലഹരിയിൽ അച്ഛൻ കുഞ്ഞിനെ മർദിച്ച് കൊലപ്പെടുത്തിയതാണെന്നാണ് പൊലീസിന്റെ കണ്ടെത്തൽ. സംഭവത്തിൽ കുഞ്ഞിന്റെ അച്ഛൻ ഷിജിനെയും അമ്മ അഞ്ജനയെയും പൊലീസ് അറസ്റ്റ് ചെയ്തു.

കുറ്റിക്കാട്ടൂർ വയൽക്കര സ്വദേശികളാണ് ഇരുവരും. കഴിഞ്ഞ വർഷം ഒക്ടോബർ ഒന്നിനാണ് കുഞ്ഞിന്റെ മരണം സംഭവിച്ചതെന്നാണ് വിവരം.

കൊലപാതകം മറച്ചുവെച്ചെന്ന കുറ്റം ചുമത്തിയാണ് അമ്മ അഞ്ജനയെ അറസ്റ്റ് ചെയ്തിരിക്കുന്നത്. സംഭവവുമായി ബന്ധപ്പെട്ട് കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.

Story Summary: Police have classified the death of a four-month-old baby in Kuttikkattoor, Kozhikode, as murder. The child’s father, Shijin, was allegedly responsible for the fatal assault while intoxicated. Both parents have been arrested, with the mother accused of concealing the crime.