ആപ്പാഞ്ചിറയിൽ കെഎസ്ആർടിസി പ്രിയദർശിനി ബസും പിക്കപ്പ് വാനുമായി കൂട്ടിയിടിച്ച് അപകടം; നിരവധി പേർക്ക് പരുക്ക്. അപകടത്തെത്തുടർന്ന് നിയന്ത്രണം വിട്ട ബസ് സമീപത്തെ മതിലിൽ ഇടിച്ചാണ് നിന്നത്

കോട്ടയം: ആപ്പാഞ്ചിറയിൽ കെഎസ്ആർടിസി  പ്രിയദർശിനി ബസും പിക്കപ്പ് വാനും കൂട്ടിയിടിച്ച് അപകടം. ഇന്ന് രാവിലെ 6:40-ഓടെയാണ് അപകടം നടന്നത്. അപകടത്തെത്തുടർന്ന് നിയന്ത്രണം വിട്ട വാഹനം സമീപത്തെ മതിലിലും ഇടിക്കുകയായിരുന്നു.

രാവിലെ മത്സ്യ വ്യാപാരത്തിന് പോയ സ്ത്രീകളാണ് ബസിൽ ഉണ്ടായിരുന്നവരിലേറെയും. ഇവർക്കാണ് പരുക്കേറ്റത്. യാത്രക്കാരുടെ പരുക്ക് ഗുരുതരമല്ലെന്നാണ് പ്രാഥമിക വിവരം.  

അപകട വിവരമറിഞ്ഞ് ഉടൻ തന്നെ പോലീസ് സ്ഥലത്തെത്തി മേൽനടപടികൾ സ്വീകരിക്കുകയും ഗതാഗതം നിയന്ത്രിക്കുകയും ചെയ്തു. പരുക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്.