മൂന്നുകോടിയുടെ നിരോധിത പുകയില ഉൽപ്പന്നങ്ങൾ പിടികൂടിയ കേസിലെ മുഖ്യ സൂത്രധാരൻ അറസ്റ്റിൽ
കൊരട്ടിയിൽ സവാള ലോറിയിൽ കടത്തിയ മൂന്നുകോടിയുടെ നിരോധിത പുകയില ഉൽപ്പന്നങ്ങൾ പിടികൂടിയ കേസിലെ മുഖ്യസൂത്രധാരനെ അറസ്റ്റ് ചെയ്തു.
മലപ്പുറം പാണക്കാട് ഹാജിയാർ പള്ളി സ്വദേശി പള്ളിക്കൽ വീട്ടിൽ മുഹമ്മദ് ഫറാസ് (27) നെയാണ് ചാലക്കുടി പോലീസ് അറസ്റ്റ് ചെയ്തത്.കഴിഞ്ഞ ദിവസം ദേശീയപാതയിൽ പോലീസ് നടത്തിയ പരിശോധനയിലാണ് 11 ടണ്ണോളം പാൻമസാലകൾ പിടികൂടിയത്.ഈ കേസിൽ കണ്ണൂർ ഇരിട്ടി കീഴ്പ്പള്ളി സ്വദേശി പാനാട്ടിൽ വീട്ടിൽ ടെൽസൺ ബാബു (36), ഇരിട്ടി ആറളം സ്വദേശി കയ്യാലക്കകത്ത് വീട്ടിൽ സൈബ് (33) എന്നിവരെ പോലീസ് അറസ്റ്റ് ചെയ്തിരുന്നു. ഇവരെ ചോദ്യം ചെയ്തതിൽ നിന്നാണ് പ്രധാന പ്രതിയെ അറസ്റ്റ് ചെയ്തത്.ബാംഗ്ലൂരിൽനിന്ന് നിരോധിത പുകയില ഉൽപ്പന്നങ്ങൾ ലോറിയിൽ കയറ്റി എറണാകുളം ജില്ലയിലെ കാലടിയിലേക്ക് കടത്തിക്കൊണ്ടുപോകുന്നതിനിടെയാണ് പിടികൂടിയത്. പാൻ മസാല കടത്തിയ ലോറി പോലീസ് കസ്റ്റഡിയിലെടുത്തു.
