യെമനിൽ തിരക്കേറിയ മാർക്കറ്റിൽ വ്യോമാക്രമണം; 20 പേർ കൊല്ലപ്പെട്ടതായി റിപ്പോർട്ട് | Yemen airstrike

കെയ്റോ: തെക്കുപടിഞ്ഞാറൻ യെമനിലെ തൈസ് പ്രവിശ്യയിലുള്ള മാർക്കറ്റിൽ നടന്ന വ്യോമാക്രമണത്തിൽ 20 പേർ കൊല്ലപ്പെട്ടതായി റിപ്പോർട്ട് (Yemen airstrike). അൽ-വസിയയിലെ തിരക്കേറിയ മാർക്കറ്റിലുണ്ടായ ആക്രമണത്തിൽ 15 പേർക്ക് പരിക്കേറ്റതായും അധികൃതർ അറിയിച്ചു.

ആക്രമണത്തിൽ മരണസംഖ്യ ഇനിയും ഉയരാൻ സാധ്യതയുണ്ടെന്നാണ് അധികൃതരുടെ വിലയിരുത്തൽ. സൗദി അറേബ്യയുടെ നേതൃത്വത്തിലുള്ള സഖ്യസേനയാണ് വ്യോമാക്രമണത്തിന് പിന്നിലെന്നും അവർ ആരോപിച്ചു.

തിരക്കേറിയ മാർക്കറ്റിൽ ആളുകൾ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി തൈസിലെ പ്രാദേശിക അധികാരികൾ സ്ഥിരീകരിച്ചിട്ടുണ്ട്. എന്നാൽ മരണസംഖ്യ സംബന്ധിച്ച കൃത്യമായ ഔദ്യോഗിക കണക്ക് പുറത്തുവിട്ടിട്ടില്ല. സംഭവത്തെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.

Story Summary : An airstrike reportedly killed 20 people and injured 15 others at a busy market in Al-Waziya, Taiz province, southwestern Yemen. Local authorities said the death toll could rise and alleged that the Saudi-led coalition was behind the attack. The exact casualty figures have not yet been officially confirmed.