നഗരസഭയിലെ വിവിധ പടശേഖരങ്ങളിൽ കാർപ് ഇനത്തിൽപെട്ട 234000 മത്സ്യവിത്ത് നിക്ഷേപിച്ചു

ഇരിങ്ങാലക്കുട : കേരള സർക്കാർ ഫിഷറീസ് വകുപ്പ് “ജനകീയ മത്സ്യകൃഷി – ഒരു നെല്ലും ഒരു മീനും” പദ്ധതിയുടെ ഭാഗമായി ഇരിങ്ങാലക്കുട നഗരസഭയിലെ വിവിധ പടശേഖരങ്ങളിൽ കാർപ് ഇനത്തിൽപെട്ട 234000 മത്സ്യവിത്ത് നിക്ഷേപിച്ചു.

നഗരസഭ വൈസ് ചെയർപേഴ്സൺ ചിന്ത ധർമരാജൻ ഉദ്ഘാടനം നിർവഹിച്ചു.

വികസന സ്റ്റാന്റിങ് കമ്മിറ്റി ചെയർമാൻ അഡ്വ. വി.സി. വർഗ്ഗീസ് അധ്യക്ഷത വഹിച്ചു.

സ്റ്റാന്റിങ് കമ്മിറ്റി അംഗങ്ങളായ ടി.എ. പോൾ, പ്രവീൺസ് ഞാറ്റുവെട്ടി, കൗൺസിലർ സി.സി. ഷിബിൻ, പാടശേഖരസമിതി അംഗങ്ങൾ, ഫിഷറീസ് എക്സ്റ്റൻഷൻ ഓഫീസർ മനു, കോർഡിനേറ്റർ റന്റീന, പ്രൊമോട്ടർ അജിത സുരേഷ് എന്നിവർ ചടങ്ങിൽ പങ്കെടുത്തു.