12-ാമത് കഴിമ്പ്രം ബീച്ച് ഫെസ്റ്റിവൽ ഡിസംബർ 24 മുതൽ 31 വരെ, സംഘാടക സമിതി രൂപീകരിച്ചു
തൃപ്രയാർ: 12-ാ മത് കഴിമ്പ്രം ബീച്ച് ഫെസ്റ്റിവൽ 2026 ഡിസംബർ 24 മുതൽ 31 വരെ വൈവിധ്യങ്ങളായ പരിപാടികളോടെ കഴിമ്പ്രം ബീച്ചിൽ സംഘടിപ്പിക്കും. ബീച്ച് ഫെസ്റ്റിവലിന്റെ സംഘാടകസമിതി രൂപീകരണയോഗം ഗീതാഗോപി എംഎൽഎ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻ്റ് പി കെ മോഹനൻ അധ്യക്ഷത വഹിച്ചു . ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ പഎസ്. ഷജിത്ത് ആമുഖ പ്രഭാഷണം നടത്തി. പി.എസ്. സന്തോഷ്, ശ്രേയസ് രാമചന്ദ്രൻ, അതുല്യ ഘോഷ് വെട്ടിയാട്ടിൽ, പ്രിയൻ കാഞ്ഞിരപ്പറമ്പിൽ, ഇ.ആർ. രഞ്ജൻ, വി.എ. ഫിറോസ്, ഷിബു നെടിയിരിപ്പിൽ, എ.ജി. സുഭാഷ്, കെ.കെ. ജിനേന്ദ്ര ബാബു, പി.എസ്. നിമോദ്, കെ.വി. രാജൻ, സുപ്രിയ ഷിബു, ജനപ്രതിനിധികളായ വൈസ് പ്രസിഡൻ്റ് ഗേളി ഷാജി, രാജിഷ ശിവജി, എം.ടി. നിതീഷ്, പി.വി. ആനന്ദൻ, പി.ബി. കണ്ണൻ എന്നിവർ സംസാരിച്ചു. ഗീതാഗോപി എം എൽ എ ചെയർമാനായി 1001 അംഗ ജനറൽ കമ്മിറ്റിയുടെ നേതൃത്വത്തിൽ വിവിധങ്ങളായ സബ് കമ്മിറ്റികൾ രൂപീകരിച്ച് ബീച്ച് ഫെസ്റ്റിവലിന്റെ പ്രവർത്തനങ്ങൾ ഏകോപിപ്പിക്കും.
