തുർക്കിക്കെതിരെ ഇറാൻ മിസൈൽ വിക്ഷേപിച്ചുവെന്ന വാർത്തകൾ തള്ളി ഇറാൻ സൈന്യം ഔദ്യോഗിക വാർത്താക്കുറിപ്പ് പുറത്തിറക്കി. തങ്ങൾ മിസൈൽ ആക്രമണം നടത്തിയിട്ടില്ലെന്നും പ്രചരിക്കുന്ന വാർത്തകൾ അടിസ്ഥാനരഹിതമാണെന്നും ഇറാൻ വ്യക്തമാക്കി.
എന്നാൽ, ഇറാഖിനും സിറിയയ്ക്കും മുകളിലൂടെ പറന്ന് തുർക്കി വ്യോമപാതയിലേക്ക് എത്തിയ മിസൈൽ നാറ്റോ സഖ്യം തകർത്തതായി തുർക്കി പ്രതിരോധ മന്ത്രാലയം നേരത്തെ അറിയിച്ചിരുന്നു. നാറ്റോയുടെ പ്രതിരോധ സംവിധാനങ്ങൾ കൃത്യസമയത്ത് ഇടപെട്ട് മിസൈൽ തകർത്തതിനാൽ വലിയൊരു അപകടം ഒഴിവായെന്നും ആളപായമില്ലെന്നുമാണ് തുർക്കി വ്യക്തമാക്കുന്നത്.
Also Read: ഹോർമുസ് കടലിടുക്ക് അടച്ചു; ഇന്ധനം ലാഭിക്കാൻ ‘വർക്ക് ഫ്രം ഹോം’ നടപ്പിലാക്കാൻ പാകിസ്ഥാൻ
മേഖലയിൽ സംഘർഷം നിലനിൽക്കുന്ന പശ്ചാത്തലത്തിൽ, മിസൈൽ എവിടെ നിന്നാണ് വന്നതെന്ന കാര്യത്തിൽ ഇപ്പോഴും അവ്യക്തത തുടരുകയാണ്. ഇറാന്റെ നിഷേധവും തുർക്കിയുടെ ആരോപണവും രാജ്യാന്തര തലത്തിൽ വലിയ ചർച്ചകൾക്ക് വഴിവെച്ചിട്ടുണ്ട്.
The post തുർക്കിക്കെതിരെ മിസൈൽ അയച്ചിട്ടില്ല; വിശദീകരണവുമായി ഇറാൻ സൈന്യം appeared first on Express Kerala.
