മോട്ടോർസൈക്കിളായ X-47 വിപണിയിലെത്തി. ഉപഭോക്താക്കൾക്ക് കൂടുതൽ ലാഭകരമായി വാഹനം സ്വന്തമാക്കാൻ ‘ബാറ്ററി ഫ്ലെക്സ്’ എന്ന നൂതന പദ്ധതിയും കമ്പനി അവതരിപ്പിച്ചു. ഈ പ്ലാൻ പ്രകാരം 1,49,000 രൂപയ്ക്ക് ബൈക്ക് വാങ്ങാനും, ബാറ്ററിക്ക് പ്രതിമാസം 2,499 രൂപ സബ്സ്ക്രിപ്ഷൻ നൽകാനും സാധിക്കും. ഇക്കോഫി എന്ന എൻബിഎഫ്സിയുമായി സഹകരിച്ച് നടപ്പിലാക്കുന്ന ഈ പദ്ധതിയിലൂടെ ബാറ്ററിയുടെയും ഷാസിയുടെയും വില വേർതിരിച്ച് കുറഞ്ഞ മുൻകൂർ ചെലവിൽ വാഹനം സ്വന്തമാക്കാൻ ഉപഭോക്താക്കൾക്ക് അവസരമൊരുങ്ങുന്നു. ബാറ്ററി പാക്കിന് അഞ്ച് വർഷത്തെ വാറണ്ടിയും കമ്പനി വാഗ്ദാനം ചെയ്യുന്നുണ്ട്.
സാങ്കേതിക വിദ്യയിലും രൂപകൽപ്പനയിലും ഏറെ മുന്നിലാണ് X-47. F77 മോഡലിൽ നിന്ന് പ്രചോദനം ഉൾക്കൊണ്ട ആംഗുലർ ബോഡി, കാസ്റ്റ് അലുമിനിയം ചേസിസ്, വിൻഡ്സ്ക്രീൻ എന്നിവ ഇതിന്റെ പ്രത്യേകതയാണ്. എല്ലാ വേരിയന്റുകളിലും UV ഹൈപ്പർസെൻസ് എന്ന റഡാർ അധിഷ്ഠിത സുരക്ഷാ സംവിധാനം ലഭ്യമാണ്. 200 മീറ്റർ വരെ ദൂരത്തിലുള്ള വസ്തുക്കളെ ട്രാക്ക് ചെയ്യാനും റിയർ കൊളീഷൻ അലേർട്ട്, ലെയ്ൻ ചേഞ്ച് അസിസ്റ്റൻസ് തുടങ്ങിയവ നൽകാനും ഈ സിസ്റ്റത്തിന് കഴിയും. ഇതിനുപുറമെ ഡ്യുവൽ-ചാനൽ എബിഎസ്, ഒമ്പത് ലെവൽ റീജനറേറ്റീവ് ബ്രേക്കിംഗ്, ട്രാക്ഷൻ കൺട്രോൾ എന്നിവയും യാത്ര സുരക്ഷിതമാക്കാൻ ബൈക്കിൽ ഉൾപ്പെടുത്തിയിട്ടുണ്ട്.
Also Read: ഷാഹിദ് കപൂറിന്റെ കാർ ശേഖരത്തിലേക്ക് പുത്തൻ അതിഥി; 3 കോടിയുടെ മെഴ്സിഡീസ് ജി-ക്ലാസ് സ്വന്തമാക്കി താരം
മികച്ച പ്രകടനക്ഷമതയാണ് X-47 കാഴ്ചവെക്കുന്നത്. 10.7 kWh ബാറ്ററി പാക്കിൽ നിന്ന് 40 bhp കരുത്തും 610 Nm ടോർക്കും ഈ ഇലക്ട്രിക് മോട്ടോർ ഉത്പാദിപ്പിക്കുന്നു. ഒറ്റത്തവണ ചാർജ് ചെയ്താൽ 323 കിലോമീറ്റർ റേഞ്ച് ലഭിക്കുമെന്നാണ് കമ്പനി അവകാശപ്പെടുന്നത്. വെറും 8.1 സെക്കൻഡിൽ മണിക്കൂറിൽ 100 കിലോമീറ്റർ വേഗത കൈവരിക്കാനും പരമാവധി 145 കിലോമീറ്റർ വേഗതയിൽ സഞ്ചരിക്കാനും ഇതിന് സാധിക്കും. 1.6 kW ഓൺബോർഡ് എയർ-കൂൾഡ് യൂണിറ്റാണ് ചാർജിംഗിനായി നൽകിയിരിക്കുന്നത്. മികച്ച സുരക്ഷയ്ക്കായി സർജ് പ്രൊട്ടക്ഷൻ, എർത്ത് ലീക്കേജ് പ്രൊട്ടക്ഷൻ എന്നിവയും ഇതിലുണ്ട്.
The post അൾട്രാവയലറ്റ് X-47 വിപണിയിൽ; 1.49 ലക്ഷം രൂപയ്ക്ക് സ്വന്തമാക്കാം, ഒപ്പം ആകർഷകമായ ബാറ്ററി സബ്സ്ക്രിപ്ഷൻ പ്ലാനും appeared first on Express Kerala.
