ഓപ്പറേഷൻ ഗ്രിപ്പിൽ ‘ഗ്രിപ്പ്’ ഇല്ലാതെ ആഭ്യന്തരം..! സിസിടിവിയും ഫോൺ ലൊക്കേഷനും പരാജയപ്പെടുന്നു; പോലീസിനെ വെല്ലുവിളിച്ച് അർജുൻ ആയങ്കി ഒളിവിൽ തുടരുന്നു

കേരളാ പോലീസിന്റെ ഉറക്കം കെടുത്തിക്കൊണ്ട് കസ്റ്റഡിയിലാക്കാൻ കഴിയാത്തവിധം വീണ്ടും വെല്ലുവിളിയാവുകയാണ് ക്രിമിനൽ കേസ് പ്രതി അർജുൻ ആയങ്കി. സംസ്ഥാനത്തിനകത്തും പുറത്തുമായി വ്യാപകമായ അന്വേഷണം നടത്തുമ്പോഴും പോലീസിന് യാതൊരുവിധ തുമ്പും ലഭിക്കാതെ പ്രതി ഒളിവിൽ തുടരുകയാണ്. പോലീസിന്റെ സകല നീക്കങ്ങളെയും കാറ്റിൽപ്പറത്തിക്കൊണ്ട് ഇയാൾ സാമൂഹ്യമാധ്യമങ്ങളിലൂടെ തുടർച്ചയായി പ്രകോപനം സൃഷ്ടിക്കുന്ന പശ്ചാത്തലത്തിൽ അന്വേഷണം കൂടുതൽ ശക്തമാക്കിയിരിക്കുകയാണ് അധികൃതർ.

പ്രതിക്കായുള്ള തെരച്ചിൽ ഊർജ്ജിതമാക്കുന്നതിന്റെ ഭാഗമായി സംസ്ഥാന വ്യാപകമായി ‘ഓപ്പറേഷൻ ഗ്രിപ്പ്’ എന്ന പേരിൽ പ്രത്യേക ഗുണ്ടാവേട്ടയാണ് പോലീസ് ഇപ്പോൾ നടത്തിവരുന്നത്. എന്നാൽ ദിവസങ്ങളായി തുടരുന്ന ശക്തമായ അന്വേഷണത്തിനിടയിലും അർജുൻ ആയങ്കിയുടെ യഥാർത്ഥ ലൊക്കേഷനോ കൃത്യമായ വിവരങ്ങളോ കണ്ടെത്താൻ പോലീസിന് ഇതുവരെ സാധിച്ചിട്ടില്ല.

ALSO READ;ഇനി വെറുതെ ഇരിക്കില്ല പുടിൻ..! കരിങ്കടലിൽ കപ്പലുകൾ തകർത്ത് റഷ്യ

സിസിടിവി ദൃശ്യങ്ങളും മൊബൈൽ ഫോൺ ലൊക്കേഷനുകളും കേന്ദ്രീകരിച്ച് നടത്തിയ പരിശോധനകളെല്ലാം വഴിമുട്ടിയ അവസ്ഥയിലാണ്. പോലീസിന്റെ കണ്ണുവെട്ടിച്ച് ഇയാൾ ഒളിവിൽ കഴിയുന്നത് അന്വേഷണ ഉദ്യോഗസ്ഥരെയും ഏറെ വലയ്ക്കുന്നുണ്ട്.

കർശന നടപടി സ്വീകരിക്കാനാണ് ആഭ്യന്തര വകുപ്പിന്റെ തീരുമാനം. സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള പ്രത്യേക അന്വേഷണ സംഘങ്ങൾ പ്രതിക്കായി നിരീക്ഷണം ശക്തമാക്കിയിട്ടുണ്ട്.

The post ഓപ്പറേഷൻ ഗ്രിപ്പിൽ ‘ഗ്രിപ്പ്’ ഇല്ലാതെ ആഭ്യന്തരം..! സിസിടിവിയും ഫോൺ ലൊക്കേഷനും പരാജയപ്പെടുന്നു; പോലീസിനെ വെല്ലുവിളിച്ച് അർജുൻ ആയങ്കി ഒളിവിൽ തുടരുന്നു appeared first on Express Kerala.