‘ഇന്ത്യക്ക് പുറത്ത് വൈഭവ് സൂര്യവംശിയുടെ പ്രായത്തെക്കുറിച്ച് ഇപ്പോഴും സംശയമുണ്ട്’: ബ്രെറ്റ് ലീ

ഇന്ത്യൻ ക്രിക്കറ്റിലെ കൗമാര താരം വൈഭവ് സൂര്യവംശിയുടെ പ്രായത്തെക്കുറിച്ച് വിദേശ ആരാധകർക്കിടയിൽ സംശയങ്ങൾ നിലനിൽക്കുന്നുണ്ടെന്ന് മുൻ ഓസ്ട്രേലിയൻ പേസർ ബ്രെറ്റ് ലീ. എന്നാൽ പ്രായത്തെക്കുറിച്ചുള്ള ചോദ്യങ്ങൾക്ക് പ്രസക്തിയില്ലെന്നും, താരത്തിന്റെ പ്രകടനമാണ് വിലയിരുത്തപ്പെടേണ്ടതെന്നും ‘ബീർ ബൈസെപ്സ്’ യൂട്യൂബ് ചാനലിൽ സംസാരിക്കവെ ബ്രെറ്റ് ലീ അഭിപ്രായപ്പെട്ടു.

ഐപിഎല്ലിൽ സൺറൈസേഴ്സ് ഹൈദരാബാദിനെതിരെ വൈഭവ് നേടിയ 97 റൺസ് അസാധ്യ പ്രകടനമായിരുന്നുവെന്ന് ലീ പ്രശംസിച്ചു. അതിവേഗ പന്തുകളെപ്പോലും സധൈര്യം നേരിടാൻ താരത്തിന് സാധിക്കുന്നുണ്ട്. സിംബാബ്‌വെ പരമ്പരയിൽ ‘പ്ലെയർ ഓഫ് ദി സീരീസ്’ നേട്ടം കൈവരിച്ച വൈഭവ് ഇന്ത്യൻ ക്രിക്കറ്റിന്റെ മികച്ച കണ്ടെത്തലാണെന്നും അദ്ദേഹം കൂട്ടിച്ചേർത്തു.

ഇപ്പോഴും ഒരു കുട്ടിയായ വൈഭവിനുമേൽ അധിക സമ്മർദ്ദം അടിച്ചേൽപ്പിക്കാതെ സ്വതന്ത്രമായി കളിക്കാൻ അനുവദിക്കണമെന്നാണ് ബ്രെറ്റ് ലീ നിർദ്ദേശിക്കുന്നത്. വരും വർഷങ്ങളിൽ ഇന്ത്യൻ ക്രിക്കറ്റിന്റെ അവിഭാജ്യ ഘടകമായി മാറി വലിയ നേട്ടങ്ങൾ കൊയ്യാൻ വൈഭവിന് സാധിക്കുമെന്നും അദ്ദേഹം പ്രത്യാശ പ്രകടിപ്പിച്ചു.

The post ‘ഇന്ത്യക്ക് പുറത്ത് വൈഭവ് സൂര്യവംശിയുടെ പ്രായത്തെക്കുറിച്ച് ഇപ്പോഴും സംശയമുണ്ട്’: ബ്രെറ്റ് ലീ appeared first on Express Kerala.