സൗദി-തുർക്കി-പാകിസ്ഥാൻ സഖ്യത്തിന് ഇറാന്റെ മാസ് മുന്നറിയിപ്പ്; കളിമാറുന്നു!

മിഡിൽ ഈസ്റ്റിലെ രാഷ്ട്രീയ സമവാക്യങ്ങളെ പൂർണ്ണമായും മാറ്റിമറിച്ചുകൊണ്ട് സൗദി അറേബ്യ, തുർക്കി, പാകിസ്ഥാൻ എന്നീ രാജ്യങ്ങൾ ചേർന്ന് രൂപീകരിച്ച പുതിയ ത്രികക്ഷി പ്രതിരോധ സഖ്യത്തിനെതിരെ കടുത്ത നിലപാടുമായി ഇറാൻ രംഗത്ത്. ഈ പുതിയ സഖ്യത്തിന്റെ രൂപീകരണത്തിന് പിന്നാലെ ഇറാൻ പാർലമെന്റ് പ്രസീഡിയം അംഗം അലി സലീമി നൽകിയ മുന്നറിയിപ്പ് അന്താരാഷ്ട്ര തലത്തിൽ വലിയ ചർച്ചയായി മാറിയിരിക്കുകയാണ്. പുതിയ പ്രതിരോധ സഖ്യത്തിന്റെ കടന്നുവരവിനെ വളരെ ഗൗരവത്തോടെയാണ് ടെഹ്റാൻ നോക്കിക്കാണുന്നത് എന്ന് വ്യക്തമാക്കുന്നതാണ് ഈ പ്രസ്താവന.

സൗദി അറേബ്യ, തുർക്കി, പാകിസ്ഥാൻ എന്നീ രാജ്യങ്ങൾ രൂപീകരിച്ച പുതിയ ത്രികക്ഷി പ്രതിരോധ സഖ്യത്തെക്കുറിച്ച് സംസാരിക്കവെയാണ് അലി സലീമി നിർണായകമായ ആ മുന്നറിയിപ്പ് നൽകിയത്. ഈ സഖ്യത്തിലുള്ള ഏതെങ്കിലും ഒരു രാജ്യം തങ്ങളെ ആക്രമിക്കാൻ മുതിർന്നാൽ, ആ സഖ്യത്തിന്റെ വലിപ്പമോ പിന്തുണയോ ഒട്ടും നോക്കാതെ തന്നെ ഇറാൻ അതിശക്തമായി തിരിച്ചടിക്കുമെന്നാണ് അദ്ദേഹം വ്യക്തമാക്കിയത്. ‘സഖ്യത്തെയൊന്നും പരിഗണിക്കാതെ തന്നെ ഇറാൻ ശക്തമായി തിരിച്ചടിക്കും’ എന്ന അദ്ദേഹത്തിന്റെ വാക്കുകൾ മിഡിൽ ഈസ്റ്റിലെ പുതിയ യുദ്ധസൂചനകളിലേക്കാണ് വിരൽ ചൂണ്ടുന്നത്.

ALSO READ;ലോകം ഇതുവരെ കണ്ടിട്ടില്ലാത്തത്ര വലിയ കെട്ടിടം! ഇലോൺ മസ്കിന്റെ ‘ടെറാഫാബ്’ വിവരങ്ങൾ പുറത്ത്

പരസ്പരം സഹകരിച്ച് പുതിയ പ്രതിരോധ കൂട്ടുകെട്ടുകൾ ഉണ്ടാക്കുന്ന രാജ്യങ്ങൾക്ക് കൃത്യമായ ഒരു സന്ദേശമാണ് ഇറാൻ ഇതിലൂടെ നൽകിയിരിക്കുന്നത്. ഏതെങ്കിലും തരത്തിലുള്ള സൈനീത നീക്കങ്ങളോ പ്രകോപനങ്ങളോ ഉണ്ടായാൽ അതിനെ ഒറ്റക്കെട്ടായി നേരിടാൻ സജ്ജമാണെന്ന് വ്യക്തമാക്കുന്നതാണ് ഈ നിലപാട്. മുസ്ലിം ലോകത്തെ വമ്പൻമാരായ രാജ്യങ്ങൾ പുതിയൊരു സഖ്യമായി രൂപം കൊള്ളുമ്പോൾ, അതിനെതിരെ ഇറാൻ പരസ്യമായി രംഗത്തുവന്നത് വരും ദിവസങ്ങളിൽ വലിയ രാഷ്ട്രീയ പോരാട്ടങ്ങൾക്ക് കാരണമായേക്കാം.

മേഖലയിലെ സമാധാനാന്തരീക്ഷത്തെ മാറ്റിമറിക്കാൻ പോന്ന ഈ പുതിയ സംഭവവികാസങ്ങൾ ആഗോള രാഷ്ട്രീയ നിരീക്ഷകരും അതീവ ഗൗരവത്തോടെയാണ് വിലയിരുത്തുന്നത്. സൗദി-തുർക്കി-പാകിസ്ഥാൻ സഖ്യവും ഇറാനും തമ്മിലുള്ള ഈ വാക്പോര് മിഡിൽ ഈസ്റ്റിലെ അടുത്ത വലിയ സംഘർഷ ഭൂമിയായി മാറുമോ എന്നാണ് ലോകം ഉറ്റുനോക്കുന്നത്.

The post സൗദി-തുർക്കി-പാകിസ്ഥാൻ സഖ്യത്തിന് ഇറാന്റെ മാസ് മുന്നറിയിപ്പ്; കളിമാറുന്നു! appeared first on Express Kerala.