മലയാളികൾക്ക് ഹൃദയം നിറഞ്ഞ ഓണാശംസകളുമായി രാഷ്ട്രപതി ദ്രൗപതി മുർമു | Droupadi Murmu Onam wishes

ന്യൂഡൽഹി: കേരളീയർക്ക് ഓണാശംസകൾ നേർന്ന് രാഷ്ട്രപതി ദ്രൗപതി മുർമു (Droupadi Murmu Onam wishes). ഇന്ത്യയിലും വിദേശരാജ്യങ്ങളിലുമുള്ള എല്ലാ മലയാളികൾക്കും ഹൃദയം നിറഞ്ഞ ഓണാശംസകൾ നേരുന്നതായി രാഷ്ട്രപതി സന്ദേശത്തിൽ പറഞ്ഞു.

പ്രകൃതിയോടുള്ള നന്ദിയും ആദരവും പ്രകടിപ്പിക്കുന്ന ഉത്സവമാണ് ഓണമെന്നും ദ്രൗപതി മുർമു ചൂണ്ടിക്കാട്ടി. സമ്പന്നമായ കേരളീയ സംസ്കാരത്തിന്റെയും സാഹോദര്യത്തിന്റെയും ആഘോഷമെന്ന നിലയിലും ഓണത്തിന് പ്രത്യേക പ്രാധാന്യമുണ്ടെന്ന് രാഷ്ട്രപതി പറഞ്ഞു.

വൈവിധ്യത്തിൽ ഏകത്വം എന്ന ഇന്ത്യയുടെ ആശയം കൂടുതൽ ശക്തിപ്പെടുത്തുന്നതിലും ഓണം നിർണായക പങ്കുവഹിക്കുന്നതായി അവർ വ്യക്തമാക്കി. കേരളത്തിന്റെ തനത് സംസ്കാരവും പാരമ്പര്യവും വിളിച്ചോതുന്ന വള്ളംകളി, നാടോടിനൃത്തങ്ങൾ, സംഗീതം, വിവിധ കായിക വിനോദങ്ങൾ എന്നിവ ഓണാഘോഷങ്ങളുടെ പ്രധാന ഭാഗങ്ങളാണെന്നും രാഷ്ട്രപതി പറഞ്ഞു.

കേരളീയ സമൂഹത്തിന്റെ മൂല്യങ്ങളും പാരമ്പര്യങ്ങളും ഒത്തുചേരുന്ന മഹത്തായ ആഘോഷമാണ് ഓണമെന്നും ഈ ഉത്സവം എല്ലാവരിലും സന്തോഷവും സാഹോദര്യവും ഐക്യബോധവും വളർത്തട്ടെയെന്നും രാഷ്ട്രപതി ആശംസിച്ചു.

Story Summary:
President Droupadi Murmu extended heartfelt Onam wishes to Malayalis in India and abroad. She described Onam as a celebration of gratitude towards nature, Kerala’s rich cultural heritage, brotherhood, and unity in diversity.