സ്വത്തെല്ലാം കാമുകിക്ക് എഴുതിക്കൊടുക്കുമെന്ന് ഭയന്നു: കാൺപൂരിലെ വ്യാപാരിയുടെ കൊലയ്ക്ക് പിന്നിൽ പ്രവർത്തിച്ചത് സ്വന്തം മകൻ! അറസ്റ്റിൽ | Vineet Manocha Murder Case

കാൺപൂർ: ഉത്തർപ്രദേശിലെ കാൺപൂരിൽ പ്രമുഖ മരുന്ന് വ്യാപാരി വിനീത് മനോച്ചയെ (60) സ്വന്തം ഫ്ലാറ്റിൽ കഴുത്തറുത്ത് കൊല്ലപ്പെട്ട നിലയിൽ കണ്ടെത്തിയ സംഭവത്തിൽ മകൻ സുബ്രതും അറസ്റ്റിൽ. പിതാവിന് മറ്റ് സ്ത്രീകളുമായി ബന്ധമുണ്ടെന്നും സ്വത്ത് മറ്റാർക്കെങ്കിലും എഴുതിവെക്കുമോ എന്ന ഭയവും കൊണ്ടാണ് കൊലപാതകം ആസൂത്രണം ചെയ്തതെന്ന് മകൻ പോലീസിന് മൊഴി നൽകി.(Vineet Manocha Murder Case, Son Arrested For Planning Father Murder Over Property In Kanpur)

സെപ്റ്റംബർ 5-നാണ് ഇന്ദിരാനഗറിലെ ആഡംബര ഫ്ലാറ്റിൽ വിനീത് മനോച്ച കൊല്ലപ്പെട്ടത്. സംഭവം നടക്കുമ്പോൾ മകൻ സുബ്രതും ഭാര്യ ഷാലുവും വിരുന്നിനായി പുറത്തുപോയിരിക്കുകയായിരുന്നു. കേസിൽ തുടക്കത്തിൽ ഭാര്യ ഷാലുവിനെയും, ഇവരുടെ മുൻ ജീവനക്കാരനായ വിശാൽ ഗൗതം, കൂട്ടാളി രാജ്കിഷോർ എന്നിവരെയും പോലീസ് അറസ്റ്റ് ചെയ്തിരുന്നു. എന്നാൽ വിശദമായ ഫോൺ കോൾ പരിശോധനയിലും സി.സി.ടി.വി. ദൃശ്യങ്ങളിൽ നിന്നുമാണ് കൊലപാതകത്തിന് പിന്നിലെ പ്രധാന സൂത്രധാരൻ മകൻ സുബ്രത് ആണെന്ന് വ്യക്തമായത്.

കൊലപാതകത്തിന് തൊട്ടുമുമ്പ് പ്രതിയായ വിശാൽ പുതിയ സിം കാർഡിൽ നിന്ന് സുബ്രതുമായി ആറോളം തവണ സംസാരിച്ചതായി പോലീസ് കണ്ടെത്തി. കൊലപാതകം നടത്തുന്നതിനായി വിശാലിന് സുബ്രത് 6 ലക്ഷം രൂപ വാഗ്ദാനം ചെയ്തിരുന്നു. ഒരുവേള പിടിയിലായാൽ കുറ്റം മുഴുവൻ തന്റെ ഭാര്യ ഷാലുവിന്റെ തലയിൽ കെട്ടിവെക്കണമെന്ന് സുബ്രത് നിർദ്ദേശിച്ചതായി വിശാൽ പോലീസിനോട് സമ്മതിച്ചു.

കടബാധ്യതകൾ തീർക്കാനും പിതാവിന്റെ കോടിക്കണക്കിന് വിലമതിക്കുന്ന സ്വത്തുക്കൾ സ്വന്തമാക്കാനുമാണ് മകൻ ക്രൂരമായ ഈ കൊലപാതകം ആസൂത്രണം ചെയ്തത്. അറസ്റ്റിലായ ഷാലുവിനെ കേസിൽ പൂർണ്ണമായി ഒഴിവാക്കിയിട്ടില്ലെന്നും അന്വേഷണം പുരോഗമിക്കുകയാണെന്നും കാൺപൂർ പോലീസ് കമ്മീഷണർ രഘുബീർ ലാൽ അറിയിച്ചു.

Story Summary

In a shocking murder case in Kanpur, police arrested Subrat for conspiring to kill his 60-year-old father, Vineet Manocha, over fears that he would transfer his property to another woman. Subrat hired a former employee for Rs 6 lakh and initially tried to frame his own wife for the crime before digital evidence exposed his involvement.