‘പാറ്റകൾ ഒരിക്കലും മരിക്കില്ല’: ഒരു വർഷത്തേക്ക് സമാധാനം പാലിക്കണമെന്ന ഉപാധിയോടെ CJP നേതാക്കൾ ഒടുവിൽ മോചിതരായി; ഇന്ന് ഉച്ചയ്ക്ക് 2ന് വാർത്താസമ്മേളനം, ഡൽഹിയിൽ 20ലേറെ FIRകൾ രജിസ്റ്റർ ചെയ്തു | CJP Protest

ന്യൂഡൽഹി : ഡൽഹിയിൽ നടന്ന പ്രതിഷേധ സമരങ്ങൾക്ക് മുന്നോടിയായി കസ്റ്റഡിയിലായ കോക്രോച്ച് ജനതാ പാർട്ടി (CJP) നേതാക്കളായ അഭിജിത് ദീപകെ, അശുതോഷ് രങ്ക, സൗരവ് ദാസ് എന്നിവരെ ഡൽഹി കാന്റ് പൊലീസ് സ്റ്റേഷനിലെ എക്സിക്യൂട്ടീവ് മജിസ്ട്രേറ്റിന് മുന്നിൽ ഹാജരാക്കിയ ശേഷം വിട്ടയച്ചു. ഒരു വർഷത്തേക്ക് സമാധാനം പാലിക്കണമെന്ന ഉപാധിയോടെയാണ് ഇവരുടെ മോചനം.(CJP Protest Cockroach Janta Party Leaders Released In Delhi)

തടങ്കലിൽ നിന്ന് മോചിതരായതിന് പിന്നാലെ, ഡൽഹി പൊലീസിന്റെ നടപടിയെ പരിഹസിച്ച് പാർട്ടി രംഗത്തെത്തി. “പാർട്ടി നേതാക്കളെ വിട്ടയക്കാൻ ഡൽഹി പൊലീസ് നിർബന്ധിതരായിരിക്കുകയാണ്. കരിമ്പൂച്ചകളെപ്പോലെ കോക്രോച്ചുകളും ഒരിക്കലും മരിക്കില്ല” എന്ന് പാർട്ടി എക്സ് പ്രസ്താവനയിലൂടെ വ്യക്തമാക്കി.

തുടർനടപടികളെക്കുറിച്ചും നിലപാടുകൾ വ്യക്തമാക്കുന്നതിനായി ഇന്ന് ഉച്ചയ്ക്ക് 2 മണിക്ക് പാർട്ടി ആസ്ഥാനത്ത് പ്രത്യേക വാർത്താസമ്മേളനം വിളിച്ചുചേർത്തിട്ടുണ്ടെന്ന് ദേശീയ വക്താവ് അശുതോഷ് രങ്ക അറിയിച്ചു. മറുവശത്ത്, പ്രതിഷേധങ്ങളെത്തുടർന്നുണ്ടായ റോഡ് ഉപരോധവും ഗതാഗത സ്തംഭനവും ബിസിനസിനെ ബാധിച്ചുവെന്ന് ചൂണ്ടിക്കാട്ടി ഗതാഗത യൂണിയൻ സുപ്രീം കോടതിയെ സമീപിച്ചിട്ടുണ്ട്. പ്രതിഷേധവുമായി ബന്ധപ്പെട്ട് ഡൽഹിയിലുടനീളം ഇരുപതിലധികം എഫ്.ഐ.ആറുകൾ രജിസ്റ്റർ ചെയ്തതായി പൊലീസ് വ്യക്തമാക്കി. ഉദ്യോഗസ്ഥരുടെ ഔദ്യോഗിക കൃത്യനിർവഹണം തടസ്സപ്പെടുത്തൽ, നിയമം കയ്യിലെടുക്കൽ തുടങ്ങിയ കുറ്റങ്ങളാണ് ഇവർക്കമേൽ ചുമത്തിയിരിക്കുന്നത്.

Story Summary

Cockroach Janta Party leaders Abhijeet Dipke, Ashutosh Ranka, and Saurav Das have been released by the executive magistrate on a one-year peace bond following their detention during the Delhi protests. Welcoming their release, the party announced plans to hold a press conference at 2 PM to address the ongoing political situation. Meanwhile, Delhi Police has registered over 20 FIRs in connection with the demonstrations, and transport bodies have approached the Supreme Court regarding major road blockages.