നെയ്യാറ്റിൻകരയിൽ മദ്യം കഴിക്കുന്നതിനിടെയുണ്ടായ തർക്കത്തെത്തുടർന്ന് രണ്ട് പേർക്ക് കുത്തേറ്റു. പ്രതിക്കായി അന്വേഷണം ഊർജിതമാക്കി പൊലീസ്
Current: മലയാളം
തിരുവനന്തപുരം: നെയ്യാറ്റിൻകരയിൽ മദ്യം കഴിക്കുന്നതിനിടെയുണ്ടായ തർക്കത്തെത്തുടർന്ന് രണ്ട് പേർക്ക് കുത്തേറ്റു. അതിയന്നൂർ പ്ലാവിള സ്വദേശി രഞ്ചിത്ത് (33), വഴുതൂർ സ്വദേശി വിനോദ് (35) എന്നിവർക്കാണ് പരിക്കേറ്റത്. സംഭവത്തിൽ സനൽ എന്നയാൾക്കായി പൊലീസ് അന്വേഷണം ഊർജിതമാക്കി.
ചൊവ്വാഴ്ചയാണ് സംഭവം നടന്നത്. ഒന്നിച്ച് മദ്യം കഴിക്കുന്നതിനിടെ ഇവർക്കിടയിൽ വാക്കേറ്റവും തർക്കവുമുണ്ടാകുകയായിരുന്നു. തർക്കം രൂക്ഷമായതോടെ സനൽ കൈയിലുണ്ടായിരുന്ന ആയുധം ഉപയോഗിച്ച് രഞ്ചിത്തിനെയും വിനോദിനെയും കുത്തിപ്പരിക്കൽപ്പിക്കുകയായിരുന്നുവെന്ന് പൊലീസ് പറഞ്ഞു.
പരിക്കേറ്റ ഇരുവരേയും ഉടൻ തന്നെ നെയ്യാറ്റിൻകര ജില്ലാ ആശുപത്രിയിൽ പ്രവേശിപ്പിച്ചു. ഇരുവരുടെയും പരിക്കുകൾ ഗുരുതരമല്ലെന്നാണ് ആശുപത്രി അധികൃതർ നൽകുന്ന വിവരം. സംഭവത്തിന് ശേഷം ഒളിവിൽ പോയ പ്രതിയായ സനലിനെ കണ്ടെത്താൻ പൊലീസിന്റെ പ്രത്യേക സംഘം അന്വേഷണം വ്യാപിപ്പിച്ചിട്ടുണ്ട്.
