ഷൊർണൂർ റെയിൽവേ ട്രാക്കിൽ ഭാരമുള്ള വസ്തുക്കൾ കണ്ടെത്തിയ സംഭവം: അറസ്റ്റിലായ ബിഹാർ സ്വദേശി കുറ്റസമ്മതം നടത്തി, കാരണം വിചിത്രം! | Palakkad train derailment attempt

പാലക്കാട്: ഷൊർണൂർ റെയിൽവേ ട്രാക്കിൽ കല്ലും ഇരുമ്പ് കഷണങ്ങളും വെച്ച് ട്രെയിൻ പാളം തെറ്റിക്കാൻ ശ്രമിച്ച സംഭവത്തിൽ 24 കാരനായ ബിഹാർ സ്വദേശി ഷുക് ലാൽ മാറിയയെ പൊലീസ് അറസ്റ്റ് ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ജോലി ലഭിക്കാത്തതിലുള്ള കടുത്ത മാനസിക സമ്മർദ്ദമാണ് കൃത്യത്തിന് പിന്നിലെന്ന് ഇയാൾ പൊലീസിന് മൊഴി നൽകി.(Palakkad train derailment attempt Bihar native arrested in Shoranur)

ചൊവ്വാഴ്ച രാവിലെ 10.30-നും 11.30-നും ഇടയിലായിരുന്നു സംഭവം. ഒറ്റപ്പാലത്തിനും ഷൊർണൂരിനും ഇടയിലുള്ള മൂന്നിടങ്ങളിലാണ് ട്രാക്കിൽ ഭാരമേറിയ വസ്തുക്കൾ കണ്ടെത്തിയത്. കോൺക്രീറ്റ് സ്ലാബ്, റെയിൽ കഷണം, കട്ടപിടിച്ച സിമന്റ് ചാക്ക് എന്നിവയാണ് റെയിൽവേ ട്രാക്കിൽ സ്ഥാപിച്ചിരുന്നത്. സംശയാസ്പദമായ സാഹചര്യത്തിൽ ഷൊർണൂർ റെയിൽവേ മേൽപ്പാലത്തിന് താഴെ കണ്ട യുവാവിനെ കസ്റ്റഡിയിലെടുക്കുകയായിരുന്നു.

Story Summary

A 23-year-old Bihar native, Shuk Lal Mariya, was arrested and remanded for attempting to derail a train by placing heavy concrete slabs and iron pieces on the railway tracks between Ottapalam and Shoranur in Palakkad. During interrogation, he confessed to the crime, stating that frustration from unemployment and resentment toward the world led him to commit the act while under the influence of alcohol.