12-ാമത് ബ്രിക്സ് പാർലമെന്ററി ഫോറം: ക്യൂബ, ഈജിപ്ത്, ബെലാറസ് പ്രതിനിധികളുമായി ലോക്സഭാ സ്പീക്കർ ഓം ബിർള ഉഭയകക്ഷി ചർച്ച നടത്തി | Om Birla
Current: മലയാളം
ന്യൂഡൽഹി: ഡൽഹിയിൽ ആരംഭിക്കുന്ന 12-ാമത് ബ്രിക്സ് (BRICS) പാർലമെന്ററി ഫോറത്തിന് മുന്നോടിയായി ക്യൂബ, ഈജിപ്ത്, ബെലാറസ് എന്നീ രാജ്യങ്ങളിലെ പാർലമെന്ററി തലവന്മാരുമായി ലോക്സഭാ സ്പീക്കർ ഓം ബിർള പ്രധാന ഉഭയകക്ഷി ചർച്ചകൾ നടത്തി. പാർലമെന്ററി സഹകരണം ശക്തമാക്കുക, സാമ്പത്തിക-വ്യാപാര ബന്ധങ്ങൾ വദ്ധിപ്പിക്കുക, ഔഷധ മേഖലയിലെ പങ്കാളിത്തം വ്യാപിപ്പിക്കുക, ഗ്ലോബൽ സൗത്തിന്റെ മുൻഗണനകൾക്കായി നിലകൊള്ളുക എന്നിവയായിരുന്നു ചർച്ചകളിലെ പ്രധാന വിഷയങ്ങൾ.(Om Birla Holds Bilateral Talks Ahead Of 12th BRICS Parliamentary Forum)
ക്യൂബൻ നാഷണൽ അസംബ്ലി വൈസ് പ്രസിഡന്റ് അന മരിയ മാരി മച്ചാഡോയുമായുള്ള കൂടിക്കാഴ്ചയിൽ ആരോഗ്യ മേഖലയിലെയും ഔഷധ നിർമ്മാണ മേഖലയിലെയും സഹകരണം വർദ്ധിപ്പിക്കുന്നതിനെക്കുറിച്ച് സംസാരിച്ചു. ഈജിപ്ഷ്യൻ ഡെലഗേഷൻ തലവനും എംപിയുമായ സാമേ ഷൗക്രിയുമായുള്ള ചർച്ചയിൽ വ്യാപാരം, സുരക്ഷ, വ്യവസായം എന്നിവയ്‌ക്കൊപ്പം പഹൽഗാം ഭീകരാക്രമണത്തെ ഈജിപ്ത് ശക്തമായി അപലപിച്ചതിലുള്ള നന്ദിയും സ്പീക്കർ അറിയിച്ചു. ഭീകരവാദത്തിനെതിരെയുള്ള ആഗോള പോരാട്ടത്തിന്റെ പ്രാധാന്യവും ഇരുവരും അടിവരയിട്ടു.
ബെലാറസ് ഹൗസ് ഓഫ് റെപ്രസെന്റേറ്റീവ്സ് ഡെപ്യൂട്ടി സ്പീക്കർ വ്ളാഡിമിർ ഇപറ്റോവുമായുള്ള കൂടിക്കാഴ്ചയിൽ ഇരുരാജ്യങ്ങളും തമ്മിലുള്ള ബാങ്കിംഗ് ബന്ധങ്ങൾ ശക്തിപ്പെടുത്തുന്നതിനെക്കുറിച്ചും സാമ്പത്തിക വളർച്ചയെക്കുറിച്ചും ചർച്ച നടന്നു. റഷ്യൻ സ്റ്റേറ്റ് ഡൂമ ചെയർമാൻ വ്യാസെസ്ലാവ് വോലോഡിനുമായും ബിർള നിർണായക ചർച്ചകൾ നടത്തിയിരുന്നു. ഒക്ടോബർ 26, 27 തീയതികളിൽ സംവിധാൻ സദന്റെ സെൻട്രൽ ഹാളിലാണ് ഇന്ത്യ ആതിഥേയത്വം വഹിക്കുന്ന 12-ാമത് ബ്രിക്സ് പാർലമെന്ററി ഫോറം നടക്കുന്നത്.
Story Summary
Lok Sabha Speaker Om Birla conducted bilateral meetings with parliamentary delegations from Cuba, Egypt, Belarus, and Russia ahead of the 12th BRICS Parliamentary Forum in New Delhi. The discussions focused on expanding trade, banking linkages, healthcare cooperation, fighting terrorism, and strengthening parliamentary ties to amplify the voice of the Global South.
