അഞ്ച് ലക്ഷം രൂപയുടെ കടബാധ്യത; കോഴിക്കോട് ജപ്തി ചെയ്ത വീടിന് മുന്നിൽ സഹോദരിമാരുടെ പ്രതിഷേധം | Kozhikode house seizure

കോഴിക്കോട്: കുറ്റിക്കാട്ടൂർ പൈങ്ങോട്ടുപുറത്ത് ജപ്തി ചെയ്ത വീടിന് മുന്നിൽ സഹോദരിമാരുടെ പ്രതിഷേധം (Kozhikode house seizure). അറുപത് വയസ്സ് പിന്നിട്ട പ്രേമയും അമൃതവല്ലിയുമാണ് വീട് നഷ്ടപ്പെട്ടതിനെ തുടർന്ന് വീടിന് മുന്നിൽ കുത്തിയിരുന്ന് പ്രതിഷേധിക്കുന്നത്. രാത്രി വൈകിയും ഇവർ വീടിന് പുറത്തുതന്നെ തുടരുകയായിരുന്നു.
ഫറോക്ക് സ്വദേശിയായ ഒരാൾ വ്യാജരേഖകൾ ചമച്ച് വീടും പറമ്പും സ്വന്തമാക്കിയെന്നാണ് സഹോദരിമാരുടെ പരാതി. സഹോദരൻ ഫറോക്ക് സ്വദേശിയിൽനിന്ന് അഞ്ച് ലക്ഷം രൂപ കടം വാങ്ങിയിരുന്നു. ഈ തുക തിരിച്ചുനൽകാത്തതിനെ തുടർന്നുണ്ടായ നിയമനടപടികളുടെ ഭാഗമായാണ് വീട് ജപ്തി ചെയ്തത്.
വീട് ജപ്തി ചെയ്തതോടെ പ്രേമയും അമൃതവല്ലിയും ദുരിതത്തിലായിരിക്കുകയാണ്. വീടും സ്വത്തും നഷ്ടപ്പെട്ട സാഹചര്യത്തിലാണ് സഹോദരിമാർ ജപ്തി നടപടിക്കെതിരെ പ്രതിഷേധവുമായി രംഗത്തെത്തിയത്.
Story Summary:
Two sisters, Prema and Amritavalli, are protesting outside their seized house in Paingottupuram, Kozhikode. They allege that a Farook resident fraudulently acquired their house and land following a dispute over a ₹5 lakh loan taken by their brother.




