‘തീർച്ചയായും നിങ്ങൾക്ക് ഒരു പെൺസുഹൃത്ത് പോലും ഉണ്ടാകില്ല’; ഹാർദിക് പാണ്ഡ്യയുമായുള്ള ഡേറ്റിംഗ് അഭ്യൂഹത്തിൽ സോഷ്യൽ മീഡിയ ഉപയോക്താവിന് അമീഷ പട്ടേലിന്റെ മറുപടി | Ameesha Patel Hardik dating rumours

ക്രിക്കറ്റ് താരം ഹാർദിക് പാണ്ഡ്യയുമായി ഡേറ്റിംഗിലാണെന്ന തരത്തിൽ പ്രചരിച്ച അഭ്യൂഹങ്ങൾക്ക് മറുപടിയുമായി നടി അമീഷ പട്ടേൽ. ഹാർദിക്കിനൊപ്പമുള്ള ഒരു വീഡിയോ സമൂഹമാധ്യമങ്ങളിൽ പ്രചരിച്ചതിന് പിന്നാലെയാണ് ഇരുവരും തമ്മിൽ പ്രണയബന്ധമുണ്ടെന്ന തരത്തിലുള്ള ചർച്ചകൾ ഉയർന്നത് (Ameesha Patel Hardik dating rumours). എന്നാൽ ഇത്തരം പ്രചാരണങ്ങളെ പരിഹസിച്ചുകൊണ്ടാണ് അമീഷ പ്രതികരിച്ചത്. മുംബൈയിലെ താജ് മഹൽ പാലസിൽ നടന്ന ഒരു കൂടിക്കാഴ്ചയ്ക്കിടെയാണ് അമീഷയും ഹാർദിക് പാണ്ഡ്യയും ഒരുമിച്ച് പ്രത്യക്ഷപ്പെട്ടത്. ചടങ്ങിനിടെ അമീഷ തന്റെ സുഹൃത്തുക്കളിൽ ചിലർക്ക് ഹാർദിക്കിനെ പരിചയപ്പെടുത്തുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായിരുന്നു. ഇതിനുപിന്നാലെ ഒരു എക്സ് ഉപയോക്താവ് വീഡിയോ പങ്കുവെച്ച് ഇരുവരും തമ്മിലുള്ള ബന്ധത്തെക്കുറിച്ച് സൂചന നൽകുകയായിരുന്നു. “ബെംഗളൂരുവിലെ ഒരു ഹോട്ടലിൽ നടന്ന പാർട്ടിക്കിടെ അമീഷ പട്ടേൽ ഹാർദിക് പാണ്ഡ്യയുടെ തോളിൽ കൈവെച്ച രീതി നോക്കൂ. റെഡ്ഡിറ്റിൽ പ്രചരിച്ചിരുന്ന അഭ്യൂഹങ്ങളെല്ലാം ശരിയാകുന്നതുപോലെ തോന്നുന്നു” എന്നായിരുന്നു ഉപയോക്താവിന്റെ കുറിപ്പ്.

എന്നാൽ പോസ്റ്റ് ശ്രദ്ധയിൽപ്പെട്ട അമീഷ അഭ്യൂഹം അവഗണിച്ചില്ല. ഇൻസ്റ്റഗ്രാം സ്റ്റോറിയിൽ പോസ്റ്റിന്റെ സ്ക്രീൻഷോട്ട് പങ്കുവെച്ച താരം പരിഹാസരൂപത്തിൽ മറുപടി നൽകി. “അതെ, ശരിയാണ്. എന്റെ ദൈവമേ, നിങ്ങൾ പറഞ്ഞത് ശരിയാണ്… തീർച്ചയായും എന്റെ കൈ അദ്ദേഹത്തിന്റെ മേൽ വെച്ചത് വളരെ റൊമാന്റിക് രീതിയിലായിരുന്നു” എന്നായിരുന്നു അമീഷയുടെ പ്രതികരണം. സാധാരണ സുഹൃത്തുക്കൾ തമ്മിലുള്ള ഇടപെടലിനെ പോലും പ്രണയത്തിന്റെ കണ്ണിലൂടെ കാണുന്നതിനെ ചോദ്യം ചെയ്ത അമീഷ, സോഷ്യൽ മീഡിയ ഉപയോക്താവിനെതിരെ മറ്റൊരു പരിഹാസവും നടത്തി. “എനിക്ക് നിങ്ങളെ അറിയില്ല. പക്ഷേ തീർച്ചയായും നിങ്ങൾക്ക് ഒരു പെൺകുട്ടിയെ സുഹൃത്തായി പോലും കിട്ടിയിട്ടുണ്ടാകില്ല. ഇത്തരം കാര്യങ്ങളിൽ പോസ്റ്റിടുന്നതിന് മുമ്പ് ആദ്യം ഒരു പെൺസുഹൃത്തിനെ ഉണ്ടാക്കുന്നതാണ് നല്ലത്” എന്നായിരുന്നു താരത്തിന്റെ മറുപടി.
അതേസമയം, ഹാർദിക് പാണ്ഡ്യ നിലവിൽ മോഡൽ മഹീക ശർമയുമായി പ്രണയത്തിലാണെന്നാണ് റിപ്പോർട്ടുകൾ. 2025-ൽ ഇൻസ്റ്റഗ്രാമിലൂടെ മഹീകയുമായുള്ള ബന്ധം ഹാർദിക് പരസ്യമാക്കിയിരുന്നു. നടി നതാഷ സ്റ്റാങ്കോവിച്ചുമായി നേരത്തെ വിവാഹിതനായിരുന്ന ഹാർദിക് പിന്നീട് ഇരുവരും വേർപിരിഞ്ഞിരുന്നു.

Summary: Actress Ameesha Patel has sarcastically responded to a social media user who linked her recent interaction with cricketer Hardik Pandya to dating rumours. After a video of the two together went viral, Ameesha dismissed the speculation and questioned why a friendly interaction was being interpreted romantically.