GCC ഏകീകൃത ടൂറിസ്റ്റ് വിസ ഉടൻ പ്രാബല്യത്തിൽ വരും: 6 രാജ്യങ്ങളിലേക്ക് ഒരൊറ്റ അപേക്ഷ | GCC Unified Tourist Visa

റിയാദ് : ജിസിസി അംഗരാജ്യങ്ങൾക്കിടയിൽ സ്വതന്ത്രമായി യാത്ര ചെയ്യാൻ അനുമതി നൽകുന്ന ഏകീകൃത ടൂറിസ്റ്റ് വിസ ഉടൻ നിലവിൽ വരുമെന്ന് ജിസിസി സെക്രട്ടറി ജനറൽ ജാസിം അൽ ബുദൈവി അറിയിച്ചു. റിയാദിൽ നടന്ന ‘സെക്യൂരിറ്റി ആൻഡ് ഹിസ്റ്ററി ഡയലോഗ്’ കോൺഫറൻസിലാണ് അദ്ദേഹം ഇക്കാര്യം വെളിപ്പെടുത്തിയത്. 2023-ലാണ് ഏകീകൃത ടൂറിസ്റ്റ് വിസയ്ക്ക് ജിസിസി അംഗരാജ്യങ്ങൾ ഔദ്യോഗിക അംഗീകാരം നൽകിയത്.(GCC Unified Tourist Visa To Be Launched Soon For Six Countries)

ഓൺലൈൻ വഴി മാത്രമായിരിക്കും ഈ വിസയ്ക്കുള്ള അപേക്ഷകൾ സമർപ്പിക്കാൻ സാധിക്കുക. സൗകര്യപ്രദമായ ഇലക്ട്രോണിക് സംവിധാനത്തിലൂടെ ഏതാനും മിനിറ്റുകൾക്കകം അപേക്ഷ പൂർത്തിയാക്കാനാകും. ഓരോ രാജ്യത്തിനും പ്രത്യേകമായി വിസ എടുക്കുന്നതിനുള്ള സമയനഷ്ടവും സങ്കീർണ്ണതകളും ഒഴിവാക്കി, ഒരൊറ്റ വിസ ഉപയോഗിച്ച് ആറ് ജിസിസി രാജ്യങ്ങളും സന്ദർശിക്കാൻ ഇത് വഴി സാധിക്കും.

Story Summary

The GCC will soon launch a unified tourist visa, allowing travelers to visit all six member states with a single permit. GCC Secretary-General Jasem Al Budaiwi announced that the visa applications will be processed exclusively online.