ആലപ്പുഴ മെഡിക്കൽ കോളേജിൽ ആദ്യ കമ്മ്യൂണിറ്റി കിച്ചൺ ജനുവരിയിൽ പ്രവർത്തനം ആരംഭിക്കും: മന്ത്രി കെ മുരളീധരൻ | First Hospital Community Kitchen

ആലപ്പുഴ: രോഗികൾക്കും കൂട്ടിരിപ്പുകാർക്കും ഗുണനിലവാരമുള്ള ഭക്ഷണം ഉറപ്പാക്കുന്നതിനായി ആലപ്പുഴ മെഡിക്കൽ കോളേജിൽ ആദ്യ കമ്മ്യൂണിറ്റി കിച്ചണിന്റെ പ്രവർത്തനം അടുത്ത വർഷം ജനുവരിയിൽ ആരംഭിക്കുമെന്ന് ആരോഗ്യ മന്ത്രി കെ. മുരളീധരൻ പ്രഖ്യാപിച്ചു. കമ്മ്യൂണിറ്റി കിച്ചൺ നിലവിൽ വരുന്നതോടെ മെഡിക്കൽ കോളേജ് ക്യാമ്പസിനുള്ളിലെ സ്വകാര്യ സന്നദ്ധ സംഘടനകളുടെ ഭക്ഷണവിതരണം പൂർണ്ണമായും അവസാനിപ്പിക്കുമെന്നും മന്ത്രി വ്യക്തമാക്കി.(First Hospital Community Kitchen To Start At Alappuzha Medical College In January)

അധികാരമേറ്റെടുത്ത ശേഷം ആശുപത്രികളിൽ കമ്മ്യൂണിറ്റി കിച്ചൺ നടപ്പിലാക്കുമെന്ന് മന്ത്രി പ്രഖ്യാപിച്ചിരുന്നു. ആശുപത്രി ക്യാമ്പസിനുള്ളിൽ സംഘടനകൾ നടത്തുന്ന പൊതിച്ചോർ വിതരണവുമായി ബന്ധപ്പെട്ട ചർച്ചകൾക്കിടയിലാണ് മന്ത്രിയുടെ നിർണായക നീക്കം.

ആശുപത്രിക്കുള്ളിൽ കൊടിവെച്ച് ആഹാരം വിതരണം ചെയ്യാൻ ഇനി അനുവദിക്കില്ലെന്ന് സർക്കാർ വ്യക്തമാക്കി. മെഡിക്കൽ കോളേജിൽ ചികിത്സയിലുള്ളവർക്ക് വൃത്തിയുള്ളതും ആരോഗ്യകരവുമായ ഭക്ഷണം സൗജന്യമായോ വളരെ കുറഞ്ഞ നിരക്കിലോ ലഭ്യമാക്കുകയാണ് പദ്ധതിയുടെ ലക്ഷ്യം.

Story Summary

Health Minister K. Muraleedharan announced that the state’s first hospital community kitchen will commence operations at Alappuzha Medical College in January to provide quality food to patients and bystanders. Once operational, direct food distribution by private and voluntary organizations inside the campus will be moved outside to ensure sanitation, reduce congestion, and prevent political branding during food drives.