മലപ്പുറം: സ്ത്രീ സ്വാതന്ത്ര്യവുമായി ബന്ധപ്പെട്ട വിവാദ പ്രസ്താവനയില്‍ ഉറച്ച് കാന്തപുരം എപി അബൂബക്കര്‍ മുസ്ലിയാര്‍. രാഷ്ട്രീയ പാര്‍ട്ടികള്‍ക്കോ വ്യക്തികള്‍ക്കോ വേണ്ടി തിരുത്തിപ്പറയേണ്ടതല്ല ഇസ്ലാമിക നിയമങ്ങളെന്ന് കാന്തപുരം പറഞ്ഞു. 

ആരുടെയും അഭിപ്രായ പ്രകാരമോ ഇഷ്ടമനുസരിച്ചോ അല്ല പണ്ഡിതന്മാര്‍ മതകാര്യങ്ങള്‍ പറയുന്നത്. സമസ്ത പണ്ഡിതന്മാര്‍ക്ക് ഒരിക്കല്‍ പറഞ്ഞ കാര്യം തിരുത്തിപ്പറയേണ്ടി വന്നിട്ടില്ലെന്നും കാന്തപുരം വ്യക്തമാക്കി. മലപ്പുറത്ത് നടന്ന പരിപാടിയിലാണ് കാന്തപുരം നിലപാട് വ്യക്തമാക്കിയത്.

മരിക്കുന്നതുവരെ ജമാഅത്തിനു വേണ്ടി പറയാനും പറഞ്ഞാല്‍ അതുകേട്ട് സ്വീകരിച്ച് പ്രവര്‍ത്തിക്കാനും അല്ലാഹു നമുക്ക് തൗഫീഖ് നല്‍കിത്തരുമാറാകട്ടെ. അത് മുടക്കിക്കളയാനോ തിരുത്തിപ്പറയാനോ ഇവിടെ ഒരാള്‍ക്കും സാധ്യമല്ല. 

ഒരിക്കല്‍ പറഞ്ഞാല്‍ വ്യക്തികള്‍ക്കോ പാര്‍ട്ടികള്‍ക്കോ വേണ്ടി തിരുത്തിപ്പറയുന്ന പ്രശ്‌നമില്ല. ഞങ്ങള്‍ വളരെയധികം ആലോചിച്ച്, ഗ്രന്ഥങ്ങള്‍ പരിശോധിച്ചാണ് ഒരു വിധി പറയുന്നത്. അത് മാറ്റിപ്പറയില്ല -കാന്തപുരം പറഞ്ഞു.

കഴിഞ്ഞ മാസം കൊച്ചിയില്‍ നടന്ന ഇസ്ലാമിക സമ്മേളനത്തില്‍ സംസാരിക്കവെ, സ്ത്രീകള്‍ വീടുകള്‍ക്കുള്ളില്‍ തന്നെ കഴിയണമെന്നും പൊതുവേദികളില്‍ പ്രത്യക്ഷപ്പെടരുതെന്നും ഖുര്‍ആന്‍ നിര്‍ദ്ദേശിക്കുന്നുണ്ടെന്ന് കാന്തപുരം പറഞ്ഞിരുന്നു. 

സ്ത്രീകളെ പൊതുവേദികളിലേക്ക് കൊണ്ടുവരുന്നത് വലിയ നാശത്തിന് കാരണമാകുമെന്നതിനാലാണ് ഇസ്ലാം പര്‍ദ്ദ നിര്‍ബന്ധമാക്കിയതെന്നും അദ്ദേഹം പറഞ്ഞിരുന്നു. സ്ത്രീകള്‍ പുരുഷന്മാരോടൊപ്പം വേദികള്‍ പങ്കിടുന്നതില്‍ നിന്ന് വിലക്കി സമസ്ത സര്‍ക്കുലര്‍ ഇറക്കിയതിന് പിന്നാലെയായിരുന്നു ഈ പരാമര്‍ശങ്ങള്‍.

കഴിഞ്ഞ ദിവസം മലേഷ്യന്‍ പ്രധാനമന്ത്രി അന്‍വര്‍ ഇബ്രാഹിം കാന്തപുരത്തിന്റെ നിലപാടില്‍ യോജിപ്പില്ലെന്നും മലേഷ്യയില്‍ സ്ത്രീകള്‍ക്ക് തുല്യ അവസരം നല്‍കാറുണ്ടെന്നും പ്രതികരിച്ചിരുന്നു.

 ഇന്ന് കാന്തപുരവുമായി കോഴിക്കോട്ട് കൂടിക്കാഴ്ച നടക്കുന്ന പശ്ചാത്തലത്തിലാണ് മലേഷ്യന്‍ പ്രധാനമന്ത്രിയുടെ പ്രതികരണം. ആവശ്യമെങ്കില്‍ തന്റെ നിലപാട് കാന്തപുരത്തിന്റെ മുഖത്തുനോക്കി പറയുമെന്നും അന്‍വര്‍ ഇബ്രാഹിം വ്യക്തമാക്കിയിരുന്നു.

​കോട്ടയം: ഓണക്കാലത്ത് ഉയർന്ന എയർ കണ്ടീഷണർ (എസി) വിൽപ്പന, ഉത്സവ സീസൺ കഴിഞ്ഞിട്ടും കുറവില്ലാതെ തുടരുന്നു.

സെപ്റ്റംബർ മാസത്തിലും സംസ്ഥാനത്ത് കടുത്ത ചൂടും ഉയർന്ന ഈർപ്പവും അനുഭവപ്പെടുന്നതാണ് എസി വിപണിയെ സജീവമായി നിർത്തുന്നത്.

മുൻ വർഷങ്ങളെ അപേക്ഷിച്ച് എസി വിൽപ്പനയിൽ ഈ വർഷം റെക്കോർഡ് വർധനവാണ് രേഖപ്പെടുത്തിയതെന്ന് വ്യാപാരികൾ വ്യക്തമാക്കുന്നു.

കടുത്ത ചൂട് കാരണം ഫെബ്രുവരി മുതൽ ഏപ്രിൽ മാസം വരെ മികച്ച കച്ചവടം നടന്നിരുന്നു. കാലവർഷം എത്തിയതോടെ വില്പന കുറയും എന്നാണ് കരുതിയിരുന്നത് എങ്കിലും മഴ കുറഞ്ഞത് വിൽപ്പന വർധിക്കാൻ കാരണമായി എന്നും വ്യാപാരികൾ പറയുന്നു.

​കഴിഞ്ഞ വർഷത്തെ ഓണം-മഴക്കാല സീസണുകളെ അപേക്ഷിച്ച് 30% മുതൽ 40% വരെ വിൽപ്പന വർധനവാണ് ഇത്തവണ വ്യാപാര സ്ഥാപനങ്ങളിൽ ഉണ്ടായിരിക്കുന്നത്.

വൈദ്യുതി ഉപയോഗം കുറയ്ക്കുന്ന 3-സ്റ്റാർ, 5-സ്റ്റാർ ഇൻവെർട്ടർ എസികൾക്കാണ് ഉപഭോക്താക്കൾക്കിടയിൽ ഏറ്റവും കൂടുതൽ ആവശ്യക്കാരുള്ളത്.

​ ഓണത്തോടനുബന്ധിച്ച് നൽകിയ സീറോ-ഡൗൺപേയ്‌മെൻ്റ്, കുറഞ്ഞ പലിശ നിരക്കിലുള്ള ഇ.എം.ഐ സ്കീമുകൾ ഇപ്പോഴും തുടരുന്നത് സാധാരണക്കാരായ ഉപഭോക്താക്കളെ എസി വാങ്ങാൻ പ്രേരിപ്പിക്കുന്നുണ്ട്. വരും ആഴ്ചകളിലും ഈ ഡിമാൻഡ് തുടരുമെന്നാണ് വ്യാപാരികളുടെ പ്രതീക്ഷ.

അതേസമയം, വിൽപ്പന ഉയർന്നതോടെ പുതിയ എസികളുടെ ഇൻസ്റ്റാളേഷനും സർവീസിംഗിനുമായി ടെക്നീഷ്യൻമാരെ കിട്ടാത്ത അവസ്ഥയുമുണ്ട്.

• വൈദ്യുതി-ട്രാൻസ്മിഷൻ ശൃംഖല: 33,066 കോടി രൂപ
• തൂത്തുക്കുടി സൂപ്പർക്രിട്ടിക്കൽ തെർമൽ പവർ പ്ലാന്റ്: 20,800 കോടി രൂപ
• റോഡ്-അടിസ്ഥാനസൗകര്യ വികസനം: 11,000 കോടി രൂപ
• നഗര റോഡുകളുടെ പുനരുദ്ധാരണം: 1,850 കോടി രൂപ
• പുതിയ നിയമസഭാ-സെക്രട്ടേറിയറ്റ് സമുച്ചയം: 1,200 കോടി രൂപ

കടക്കെണിയുടെ നടുവിൽ വൻ ചെലവെന്ന് പ്രതിപക്ഷം

ന്യൂഡല്‍ഹി: കാന്തപുരം എപി അബൂബക്കര്‍ മുസ്ലിയാരുടെ എല്ലാ കാഴ്ചപ്പാടുകളോടും താന്‍ യോജിക്കുന്നില്ലെന്ന് മലേഷ്യന്‍ പ്രധാനമന്ത്രി അന്‍വര്‍ ഇബ്രാഹിം.

മലേഷ്യയില്‍ സ്ത്രീകള്‍ക്ക് തുല്യ അവകാശങ്ങള്‍ ഉറപ്പുനല്‍കുന്നുണ്ടെന്ന് താന്‍ അദ്ദേഹത്തിന്റെ മുഖത്തുനോക്കി പറയുമെന്നും അദ്ദേഹം കൂട്ടിച്ചേര്‍ത്തു. 

ന്യൂഡല്‍ഹിയില്‍ നടക്കുന്ന ബ്രിക്‌സ് ഉച്ചകോടിയുടെ വേളയില്‍ എന്‍ഡിടിവിക്ക് നല്‍കിയ പ്രത്യേക അഭിമുഖത്തില്‍ സംസാരിക്കുകയായിരുന്നു അദ്ദേഹം. കാന്തപുരവുമായി നാളെ കോഴിക്കോട്ട് കൂടിക്കാഴ്ച നടത്താനിരിക്കെ, അദ്ദേഹത്തിന്റെ പരാമര്‍ശത്തെക്കുറിച്ചുള്ള ചോദ്യത്തിന് മറുപടി നല്‍കുകയായിരുന്നു പ്രധാനമന്ത്രി.

‘അദ്ദേഹം ഖുറാനും പ്രവാചകന്റെ ചര്യകളും മനസ്സിലാക്കുന്നതില്‍ സംഭാവനകള്‍ നല്‍കിയ ഒരു പരമ്പരാഗത മതപണ്ഡിതനാണ്. പ്രവാചകന്‍ പല കാര്യങ്ങളിലും മികച്ച അധ്യാപനാണ്. എന്നാല്‍ അദ്ദേഹത്തിന്റെ എല്ലാ കാഴ്ചപ്പാടുകളും പങ്കുവെക്കണമെന്ന് നിര്‍ബന്ധമില്ല’ -അന്‍വര്‍ ഇബ്രാഹിം പറഞ്ഞു. 

കാന്തപുരം നടത്തുന്ന നഴ്‌സിങ് കോളജ് പോലുള്ള സ്ഥാപനങ്ങളെക്കുറിച്ച് മലേഷ്യന്‍ പ്രധാനമന്ത്രി ചൂണ്ടിക്കാണിക്കുകയും, അത്തരം കോളജുകളിലെ വിദ്യാര്‍ഥിനികള്‍ ആശുപത്രികളില്‍ ജോലി ചെയ്യുമല്ലോ എന്ന് ചൂണ്ടിക്കാണിക്കുകയും ചെയ്തു.

‘മൊത്തത്തിലുള്ള പശ്ചാത്തലം നോക്കുമ്പോള്‍ എനിക്ക് വലിയ ആശങ്കയൊന്നുമില്ല. എന്നാല്‍ പരസ്യമായി എന്നോട് ചോദിച്ചാല്‍, അദ്ദേഹം നേരിട്ട് ചോദിച്ചാല്‍ പോലും ഞാന്‍ പറയും, മലേഷ്യയില്‍ ഞങ്ങള്‍ സ്ത്രീകള്‍ക്ക് തുല്യ അവകാശങ്ങള്‍ നല്‍കുന്നുണ്ട്. 

ഞങ്ങളുടെ സര്‍വകലാശാലകളില്‍ കൂടുതല്‍ പെണ്‍കുട്ടികളാണ് പഠിക്കുന്നത്. എന്റെ ഭാര്യ ഒരു മെഡിക്കല്‍ ഡോക്ടറാണ്. പെണ്‍കുട്ടികള്‍ ഉള്‍പ്പെടെ എന്റെ എല്ലാ മക്കള്‍ക്കും പഠിക്കാനും സ്വാതന്ത്ര്യം നേടാനുമുള്ള എല്ലാ അവസരങ്ങളും നല്‍കിയിട്ടുണ്ട്.

പ്രധാനമന്ത്രി നരേന്ദ്ര മോദിയോടും ഞാന്‍ ഇക്കാര്യം സൂചിപ്പിച്ചിട്ടുണ്ട്. നിങ്ങള്‍ എല്ലാ പണ്ഡിതന്മാരുടെയും എല്ലാ കാഴ്ചപ്പാടുകളോടും യോജിക്കണമെന്നില്ല. അതുപോലെ എല്ലാ പ്രധാനമന്ത്രിമാരുടെയും പ്രസിഡന്റുമാരുടെയും നിലപാടുകളോടും യോജിക്കണമെന്നില്ല’ -അദ്ദേഹം പറഞ്ഞു.

മലേഷ്യയിലെ പ്രവാസികളുടെ കാര്യത്തില്‍ ദക്ഷിണേന്ത്യയുടെ പ്രാധാന്യത്തിന് ഊന്നല്‍ നല്‍കിയ അദ്ദേഹം, തമിഴ്‌നാട് സന്ദര്‍ശിക്കാനും ആഗ്രഹിച്ചിരുന്നുവെന്ന് പറഞ്ഞു. എന്നാല്‍ മുഖ്യമന്ത്രി വിജയ് വിദേശത്തായതിനാല്‍, ആ സന്ദര്‍ശനം മാറ്റിവെച്ച് താന്‍ കേരളത്തില്‍ ശ്രദ്ധ കേന്ദ്രീകരിക്കാന്‍ തീരുമാനിച്ചുവെന്നും അദ്ദേഹം പറഞ്ഞു.

കഴിഞ്ഞ മാസം കൊച്ചിയില്‍ നടന്ന ഇസ്ലാമിക സമ്മേളനത്തില്‍ സംസാരിക്കവെ, സ്ത്രീകള്‍ വീടുകള്‍ക്കുള്ളില്‍ തന്നെ കഴിയണമെന്നും പൊതുവേദികളില്‍ പ്രത്യക്ഷപ്പെടരുതെന്നും ഖുര്‍ആന്‍ നിര്‍ദ്ദേശിക്കുന്നുണ്ടെന്ന് കാന്തപുരം പറഞ്ഞിരുന്നു.

സ്ത്രീകളെ പൊതുവേദികളിലേക്ക് കൊണ്ടുവരുന്നത് വലിയ നാശത്തിന് കാരണമാകുമെന്നതിനാലാണ് ഇസ്ലാം പര്‍ദ്ദ നിര്‍ബന്ധമാക്കിയതെന്നും അദ്ദേഹം പറഞ്ഞിരുന്നു. സ്ത്രീകള്‍ പുരുഷന്മാരോടൊപ്പം വേദികള്‍ പങ്കിടുന്നതില്‍ നിന്ന് വിലക്കി സമസ്ത സര്‍ക്കുലര്‍ ഇറക്കിയതിന് പിന്നാലെയായിരുന്നു ഈ പരാമര്‍ശങ്ങള്‍.

ന്യൂഡൽഹി: ബ്രിക്സ് ഉച്ചകോടിയുടെ ഭാ​ഗമായി പ്രധാനമന്ത്രി നരേന്ദ്രമോദി ഒരുക്കിയ അത്താഴവിരുന്നിൽനിന്ന് വിട്ടുനിന്ന് ചൈനീസ് പ്രസിഡന്റ് ഷീ ജിൻപിങ്. 

ശനിയാഴ്ച ബ്രിക്സ് നേതാക്കൾക്കായി മോദി ഒരുക്കിയ അത്താഴവിരുന്നിൽനിന്നാണ് ഷീ ജിൻപിങ് വിട്ടുനിന്നത്. ശനിയാഴ്ച ഭാരത് മണ്ഡപത്തിൽ സംഘടിപ്പിച്ച അത്താഴവിരുന്നിൽ ചൈനീസ് പ്രസിഡന്റ് പങ്കെടുത്തില്ലെന്ന് ബന്ധപ്പെട്ട വൃത്തങ്ങളെ ഉദ്ധരിച്ച് വാർത്താ ഏജൻസിയായ പിടിഐയും റിപ്പോർട്ട്ചെയ്തു. 

അതേസമയം, അത്താഴവിരുന്നിൽ പങ്കെടുക്കാതിരുന്നതിന്റെ കാരണം വ്യക്തമല്ലെന്നും പിടിഐ റിപ്പോർട്ടിൽ പറയുന്നു. ഭാരത് മണ്ഡപത്തിൽ സംഘടിപ്പിച്ച വിരുന്നിൽ റഷ്യൻ പ്രസിഡന്റ് വ്ളാദിമിർ പുതിൻ ഉൾപ്പെടെയുള്ള നേതാക്കൾ പങ്കെടുത്തിരുന്നു. 

എന്നാൽ, ശനിയാഴ്ച ബ്രിക്സ് ഉച്ചകോടി വേദിയിലെത്തിയ ഷീ ജിൻപിങ് ഉച്ചകോടിയിൽ പങ്കെടുത്ത്, മോദിയുമായുള്ള ഉഭയകക്ഷി ചർച്ചയും പൂർത്തിയാക്കിയശേഷം വേദിയിൽനിന്ന് മടങ്ങുകയായിരുന്നു. 

ഉച്ചകോടി വേദിയായ ഭാരത് മണ്ഡപത്തിൽനിന്ന് താമസിക്കുന്ന ഹോട്ടലിലേക്കാണ് ഷീ ജിൻപിങ് പോയത്. അബുദാബി കിരീടാവകാശി ഷെയ്ഖ് ഖാലിദ് ബിൻ മുഹമ്മദും അത്താഴവിരുന്നിൽ പങ്കെടുക്കാതെ ശനിയാഴ്ച തന്നെ മടങ്ങിയിരുന്നു.
 

ജക്കാർത്ത:  മോശം കാലവസ്ഥയെ തുടർന്ന്, ഇന്തോനേഷ്യയിൽ യാത്രാകപ്പലിന്റെ നിയന്ത്രണം നഷ്ടമായി. 243 യാത്രക്കാരുമായി ബഞ്ചർമാസിലേക്ക് പോവുകയായിരുന്ന ‘ദ വെർഗോ ട്രാൻസ്പോർട്ട് 8’ എന്ന കപ്പലാണ് അപകടത്തിൽപ്പെട്ടത്. 

ഒരാളുടെ മരണം സ്ഥിരീകരിച്ചു. 103 പേരെ രക്ഷപ്പെടുത്തി. രക്ഷാപ്രവർത്തനം തുടരുന്നു. ഇന്ന് പുലർച്ചെയാണ് ജാവ കടലിൽവെച്ച് കപ്പലുമായുള്ള ബന്ധം നഷ്ടമായത്. ശനിയാഴ്ച പ്രാദേശിക സമയം രാവിലെ 10.30നാണ് കപ്പൽ യാത്ര തിരിച്ചത്. 

കിഴക്കൻ ജാവയിൽ നിന്ന് തെക്കൻ കലിമന്താൻ പ്രവിശ്യയിലേക്ക് പോവുകയായിരുന്നു കപ്പൽ .മോശം കാലാവസ്ഥയെ തുടർന്ന് കപ്പലുമായുള്ള ബന്ധം നഷ്ടപ്പെട്ടെന്നാണ് പ്രാഥമിക നിഗമനം .ബൻജർമാസിനിലെ തുറമുഖത്തുനിന്ന് ഏകദേശം 148 കിലോമീറ്റർ അകലെ വച്ചാണ് കപ്പൽ കാണാതായത്.

ബന്ധം നഷ്ടപ്പെട്ടതിന് ഏകദേശം രണ്ട് മണിക്കൂറിനുശേഷമാണ് സംഭവത്തെക്കുറിച്ച് രക്ഷാസേനയ്ക്ക് ഔദ്യോഗിക വിവരം ലഭിച്ചത് .

തുടർന്ന് സമീപത്തുണ്ടായിരുന്ന കപ്പലുകളെ ഉപയോഗിച്ച് രക്ഷാപ്രവർത്തനം ആരംഭിക്കുകയായിരുന്നു . അപകടത്തിന്റെ കൃത്യകാരണം അധികൃതർ ഇതുവരെ സ്ഥിരീകരിച്ചിട്ടില്ല. കപ്പൽ മുങ്ങിയതാണോ, മറിഞ്ഞതാണോ എന്നതിലടക്കം അന്വേഷണം തുടരുകയാണ്.

ദില്ലി: ചൈനയുമായുള്ള കേന്ദ്ര സർക്കാർ ചർച്ചകളിൽ വിമർശനവുമായി കോൺഗ്രസ്. ലഡാക്കിലും അരുണാചൽ പ്രദേശിലും ചൈനീസ് കൈയേറ്റങ്ങളോട് എന്തിനാണ് മൃദുസമീപനമെന്നും ഓപ്പറേഷൻ സിന്ദൂറിൽ പാകിസ്ഥാന് ചൈന നൽകിയ പിന്തുണയിലും നിലപാട് മയപ്പെടുത്തിയത് എന്തിനെന്ന് പ്രധാനമന്ത്രി നരേന്ദ്ര മോദിയോട് കോൺഗ്രസ് ചോദിച്ചു. 

ഇന്ത്യ-ചൈന ചർച്ചക്ക് പിന്നാലെ പ്രധാനമന്ത്രിയോട് നാല് ചോദ്യങ്ങളുമായും കോൺ​ഗ്രസ് രം​ഗത്തെത്തി. എഐസിസി ജനറൽ സെക്രട്ടറി (കമ്മ്യൂണിക്കേഷൻസ്) എം.പി ജയറാം രമേശാണ് പ്രസ്താവന ഇറക്കിയത്.

2020 ജൂൺ 19-ന് ചൈനയ്ക്ക് നിങ്ങൾ നൽകിയ കുപ്രസിദ്ധമായ ക്ലീൻ ചിറ്റ് ഇന്ത്യയെ ദുർബലപ്പെടുത്തിയില്ലേയെന്നും കോൺ​ഗ്രസ് ചോദിച്ചു. ൽവൻ താഴ്‌വരയിൽ ചൈനീസ് സൈന്യവുമായുള്ള കൈയാങ്കളിയിൽ നമ്മുടെ 20 സൈനികർ പരമോന്നത ത്യാഗം സഹിച്ചു. 

2020 ജൂൺ 19-ന്, ആരും നമ്മുടെ അതിർത്തിയിൽ പ്രവേശിച്ചിട്ടില്ല, ആരും അവിടെ കൈയേറിയിട്ടില്ല എന്ന പ്രസ്താവന ഇതുവരെ തിരുത്തിയിട്ടില്ല.

ഇത് പിന്നീട് നടന്ന ചർച്ചകളിൽ നമ്മുടെ നിലപാടിനെ കാര്യമായി ദുർബലപ്പെടുത്തിയില്ലേയെന്നും കോൺ​ഗ്രസ് ചോദിച്ചു.

കിഴക്കൻ ലഡാക്കിലെ വലിയൊരു മേഖലയിലുണ്ടായിരുന്ന നമ്മുടെ പരമ്പരാഗത പട്രോളിംഗ് അവകാശങ്ങൾ അടിയറവ് വെക്കപ്പെട്ടു.

അതേസമയം, അരുണാചൽ പ്രദേശിൽ ചൈനീസ് കടന്നുകയറ്റം നടക്കുന്നതായും പട്രോളിംഗ് പോയിന്റുകളിലേക്കുള്ള ഇന്ത്യയുടെ പ്രവേശനം നഷ്ടപ്പെടുന്നതായും പുതിയ തർക്കങ്ങൾ ഉടലെടുക്കുന്നതായും റിപ്പോർട്ടുകളുണ്ട്. 

അരുണാചൽ പ്രദേശിൽ പ്രദേശങ്ങളുടെ പേരുകൾ മാറ്റുക, ദക്ഷിണ ടിബറ്റ് എന്ന അവരുടെ അവകാശവാദം വീണ്ടും ഉന്നയിക്കുക, ബ്രഹ്മപുത്രയുടെ ഗ്രേറ്റ് ബെൻഡിൽ 60,000 മെഗാവാട്ടിന്റെ മെഡോഗ് മെഗാ ഡാം നിർമ്മാണവുമായി മുന്നോട്ട് പോവുക തുടങ്ങിയ നീക്കങ്ങളുമായി ചൈന മുന്നോട്ട് പോകുകയാണെന്നും കോൺ​ഗ്രസ് കുറ്റപ്പെടുത്തി.

‘ഓപ്പറേഷൻ സിന്ദൂർ’ സമയത്ത് പാകിസ്ഥാനെ സഹായിക്കുന്നതിൽ ചൈന വഹിച്ച നിർണായക പങ്കിനെക്കുറിച്ചുള്ള സൈനിക കേന്ദ്രങ്ങളുടെ വിലയിരുത്തൽ പരസ്യമായി വ്യക്തമാക്കിയിരുന്നു. 

ചൈനയുമായുള്ള ഇന്ത്യയുടെ വ്യാപാരക്കമ്മി റെക്കോർഡ് തുകയായ 112.6 ബില്യൺ ഡോളറിലെത്തി, ഇത് നമ്മുടെ വ്യവസായ മേഖലയെ, പ്രത്യേകിച്ച് ചെറുകിട-ഇടത്തരം സംരംഭങ്ങളെ (MSME) തകർത്തുവെന്നും കോൺ​ഗ്രസ് കുറ്റപ്പെടുത്തി. 

ചൈനയുമായുള്ള ഇന്ത്യയുടെ ബന്ധം സാധാരണ നിലയിലാക്കുന്നത് ഒരു കാര്യമാണ്. എന്നാൽ പ്രധാനമന്ത്രിയുടെ ഭാഗത്ത് നിന്ന് വ്യക്തമാകുന്നത് അടിയറവ് പറയലാണെന്നും കോൺ​ഗ്രസ് വിമർശിച്ചു.

അയോധ്യ: ശബരിമലയിലെ തീര്‍ത്ഥാടകത്തിരക്ക് നിയന്ത്രിക്കുന്നതിനായി കേരളം ദീര്‍ഘകാലമായി സാങ്കേതികവിദ്യ ഉപയോഗിച്ചുവരുന്നുണ്ട്. സമാനമായ രീതിയില്‍ സ്വന്തം നാട്ടിലെ വര്‍ദ്ധിച്ചുവരുന്ന ജനക്കൂട്ടത്തെ നിയന്ത്രിക്കാന്‍ കഴിയുമോ എന്ന് പരിശോധിക്കുകയാണ് അയോധ്യയും. 

രാമജന്മഭൂമി ക്ഷേത്രത്തില്‍ വെര്‍ച്വല്‍ ക്യൂ സംവിധാനം ഏര്‍പ്പെടുത്തുന്നത് പരിശോധിക്കാന്‍ തയ്യാറെടുക്കുകയാണ് ജില്ലാ ഭരണകൂടം. ഇതിനൊപ്പം തീര്‍ത്ഥാടകര്‍ക്ക് കൂടുതല്‍ സമയം നഗരത്തില്‍ തങ്ങാന്‍ സഹായിക്കുന്ന രീതിയില്‍ പുതിയ ടൂറിസം സര്‍ക്യൂട്ടുകളും ആകര്‍ഷണങ്ങളും അടിസ്ഥാന സൗകര്യങ്ങളും ആസൂത്രണം ചെയ്യുന്നുണ്ട്.

പ്രായമായവരും ശാരീരിക ബുദ്ധിമുട്ടുള്ളവരുമായ ഭക്തര്‍ക്കായി ക്ഷേത്രത്തില്‍ ഇതിനകം ഓണ്‍ലൈന്‍ ‘സുഗം പാസ്’ നല്‍കുന്നുണ്ടെന്ന് അയോധ്യ ജില്ലാ മജിസ്‌ട്രേറ്റ് ശശാങ്ക് ത്രിപാഠി വ്യക്തമാക്കി. ഇത് വഴി അവര്‍ക്ക് പ്രത്യേക ക്യൂവിലൂടെയും വീല്‍ചെയര്‍ പോലുള്ള സൗകര്യങ്ങളിലൂടെയും പ്രവേശനം സാധ്യമാകുന്നുണ്ട്. 

പ്രവൃത്തി ദിവസങ്ങളില്‍ 80,000 വരെയും വാരാന്ത്യങ്ങളില്‍ ഒരു ലക്ഷത്തിനടുത്തും തീര്‍ത്ഥാടകര്‍ അയോധ്യയില്‍ എത്തുന്നുണ്ട്. ഉത്സവ ദിവസങ്ങളില്‍ ഇത് 3 ലക്ഷം വരെയാകും. കുംഭമേള സമയത്ത് 5 ലക്ഷം പേര്‍ എത്തിയെന്നും ജില്ലാ ഭരണകൂടത്തിന്റെ കണക്കുകള്‍ വ്യക്തമാക്കുന്നു.

തീര്‍ത്ഥാടകര്‍ ദര്‍ശനം കഴിഞ്ഞ് ഉടന്‍ മടങ്ങിപ്പോകുന്നതിന് പകരം രണ്ട് മൂന്ന് ദിവസം നഗരത്തില്‍ തങ്ങണമെന്നാണ് ഭരണകൂടം ആഗ്രഹിക്കുന്നത്. അതിനായി ഹോസ്പിറ്റാലിറ്റി മേഖല വിപുലീകരിക്കുകയും കൂടുതല്‍ വിനോദസഞ്ചാര കേന്ദ്രങ്ങളും പ്രവര്‍ത്തനങ്ങളും സൃഷ്ടിക്കുകയും വേണം. 

കേരളത്തില്‍ നിന്നും ദക്ഷിണേന്ത്യയിലെ മറ്റ് സംസ്ഥാനങ്ങളില്‍ നിന്നും നിരവധി തീര്‍ത്ഥാടകര്‍ അയോദ്ധ്യ സന്ദര്‍ശിക്കുന്നുണ്ട് എന്നതിനാല്‍ ഈ പദ്ധതി കേരളത്തിന് പ്രത്യേക പ്രാധാന്യമുള്ളതാണ്.

തിരുവനന്തപുരം: പാറശ്ശാലയിൽ അനധികൃതമായി സൂക്ഷിച്ചിരുന്ന 6000 കിലോ റേഷൻ അരി പിടിച്ചെടുത്തു. റേഷൻ അരി ശേഖരിച്ച് ബ്രാൻഡ് ആക്കി മാറ്റി വിൽപന നടത്തുന്ന സംഘമാണ് ഇതിന് പിന്നിലെന്നാണ് വിവരം.

തമിഴ്നാട്ടിലെയും കേരളത്തിലെയും റേഷൻ അരി ശേഖരിച്ചായിരുന്നു തട്ടിപ്പ്. റേഷൻ അരി ശേഖരിച്ചതിന് ശേഷം പോളിഷ് ചെയ്ത് ബ്രാൻഡ് ആക്കി മറിച്ച് വിൽപന നടത്തുകയാണ് ഇവരുടെ രീതി. പാറശ്ശാല കാരാളിയിലെ ഒരു വീട്ടിൽ നടത്തിയ റെയ്ഡിൽ 203 ചാക്കുകളിലായി സൂക്ഷിച്ച അരി പിടികൂടി.

റേഷൻ കടകളിൽനിന്ന് കുറഞ്ഞ വിലക്ക് അരി ശേഖരിച്ച് കൂടുതൽ വിലക്ക് വിറ്റായിരുന്നു തട്ടിപ്പ്. പാറശാല പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. സിവിൽ സപ്ലൈസ് സംഘത്തിന്റെ നേതൃത്വത്തിലായിരുന്നു പരിശോധന. താലൂക്ക് സപ്ലൈ ഓഫീസർ പ്രവീണിന്റെ നേതൃത്വത്തിൽ നടത്തിയ പരിശോധനയിൽ 50 കിലോ വീതമുള്ള ചാക്കുകളിൽ സൂക്ഷിച്ചിരുന്ന അരിയാണ് പിടിച്ചെടുത്തത്.

തമിഴ്നാട് കളിയിക്കാവിള സ്വദേശി വാടകക്ക് താമസിച്ചിരുന്ന വീട്ടിൽ നിന്നാണ് അരി പിടിച്ചെടുത്തത്. കെട്ടിടത്തിന്റെ സുരക്ഷക്കായി രണ്ട് രാജപാളയം ഇനത്തിൽപ്പെട്ട നായകളെ ഇവിടെ കാവൽ നിർത്തിയിരുന്നു.

ഉദ്യോഗസ്ഥരെത്തിയപ്പോൾ വീട്ടിൽ ആളില്ലായിരുന്നു. സുരേഖ, സോടെക്‌സ് തുടങ്ങിയ ബ്രാൻഡുകളുടെ പേരിലാണ് ഇവർ വിൽപന നടത്തുന്നത്. പിടികൂടിയ അരി സിവിൽ സപ്ലൈസ് ഗോഡൗണിലേക്ക് മാറ്റി.

തമിഴ്നാട്ടിൽനിന്ന് സൗജന്യമായി ലഭിക്കുന്ന റേഷൻ അരിയും ഗോതമ്പും കാറുകളുടെ ഡിക്കികളിലും സ്‌കൂട്ടറുകളിലും ട്രെയിനുകൾ വഴിയുമാണ് എത്തിച്ചിരുന്നത്. അരി കടത്താൻ ഉപയോഗിച്ച ഒരു കാറും പൊലീസ് കസ്റ്റഡിയിലെടുത്തു.

കോഴിക്കോട്: മറ്റ് രാഷ്ട്രീയ പാർട്ടികളുമായി താരതമ്യം ചെയ്യുമ്പോൾ കമ്യൂണിസ്റ്റുകാർ ഭേദമാണെന്ന് പറഞ്ഞതുകൊണ്ട് മാത്രമായില്ലെന്നും, വാക്കിലും പ്രവൃത്തിയിലും ജനങ്ങളോടുള്ള ദൈനംദിന പെരുമാറ്റത്തിലും അവർ അടിമുടി വ്യത്യസ്തരായിരിക്കണമെന്നും സി.പി.എം ജനറൽ സെക്രട്ടറി എം.എ. ബേബി. 

കോഴിക്കോട്ട് ചേർന്ന സി.പി.എം വിപുലീകൃത സംസ്ഥാന സമിതി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. തെറ്റുകൾ സംഭവിച്ചിട്ടുണ്ടെങ്കിൽ അത് സത്യസന്ധമായി തിരിച്ചറിഞ്ഞ് സ്വയം തിരുത്താൻ പാർട്ടി സഖാക്കൾ തയ്യാറാകണമെന്നും, ജനവിശ്വാസം പൂർണ്ണമായി വീണ്ടെടുത്ത് മുന്നോട്ടുപോകാൻ സംഘടനാപരമായ തിരുത്തൽ പ്രക്രിയ അനിവാര്യമാണെന്നും അദ്ദേഹം ഓർമ്മിപ്പിച്ചു.

പാർട്ടിക്ക് നിലവിലുണ്ടായ രാഷ്ട്രീയ ക്ഷീണം യാഥാർത്ഥ്യബോധത്തോടെ തിരിച്ചറിയണമെന്ന് ജനറൽ സെക്രട്ടറി ചൂണ്ടിക്കാട്ടി. ഈ തിരിച്ചടിക്ക് പിന്നിൽ പ്രതിയോഗികൾ നടത്തിയ വ്യാജ പ്രതീതി നിർമ്മാണം വലിയ പങ്കുവഹിച്ചിട്ടുണ്ട്. സി.പി.എമ്മിന് ആർ.എസ്.എസുമായി രഹസ്യബന്ധമുണ്ടെന്ന തരത്തിൽ ആസൂത്രിതമായ പ്രതീതിയുണ്ടാക്കാൻ ചിലർക്ക് കഴിഞ്ഞു. 

ഇത് ഒരുവിഭാഗം ജനങ്ങളെ സ്വാധീനിക്കുകയും ചെയ്തു. എന്നാൽ, ഇത്തരം തെറ്റായ പ്രചാരണങ്ങൾ ജനങ്ങൾക്കിടയിൽ ആശയക്കുഴപ്പം ഉണ്ടാക്കുമ്പോൾ കൃത്യസമയത്ത് മറുപടി നൽകാനും അത് തുറന്നുകാട്ടി പരാജയപ്പെടുത്താനും പാർട്ടിക്ക് വേണ്ടത്ര ജാഗ്രതയുണ്ടായില്ലെന്ന വലിയ പോരായ്മ അദ്ദേഹം തുറന്നുസമ്മതിച്ചു.

തെറ്റുകൾ പറ്റാത്തവരല്ല കമ്യൂണിസ്റ്റുകാരെന്നും, ലെനിനും ഇ.എം.എസും ഉൾപ്പെടെയുള്ള ലോകോത്തര വിപ്ലവ നേതാക്കൾ പോലും തെറ്റുകൾ സംഭവിച്ചിട്ടുണ്ടെന്ന് തുറന്നുപറഞ്ഞ് സ്വയം തിരുത്തിയവരാണെന്നും എം.എ. ബേബി വ്യക്തമാക്കി.

ഇ.എം.എസ്, ഇ.കെ. നായനാർ, വി.എസ്. അച്യുതാനന്ദൻ, പിണറായി വിജയൻ തുടങ്ങി പാർട്ടിയുടെ ചരിത്രത്തിലെയും വർത്തമാനത്തിലെയും ഓരോ സമുന്നത നേതാവും പാർട്ടി ചർച്ചകളുടെയും സംഘടനാ തീരുമാനങ്ങളുടെയും ഭാഗമായി തിരുത്തൽ നടപടികൾക്ക് വിധേയരായവരാണ്.

ജനങ്ങൾ ചൂണ്ടിക്കാണിക്കുന്ന വിമർശനങ്ങളിൽ ന്യായമായ കാര്യങ്ങളുണ്ടെങ്കിൽ അത് ഉൾക്കൊണ്ട് തിരുത്തി മുന്നോട്ടുപോകാൻ സി.പി.എം മടിക്കില്ല. അധികാരത്തിന്റെയോ അഹങ്കാരത്തിന്റെയോ ലാഞ്ചനയില്ലാതെ എളിയവരോടും സാധാരണക്കാരോടും മാതൃകാപരമായി ഇടപെടാൻ ഓരോ പ്രവർത്തകനും ബാധ്യസ്ഥനാണ്.

കേന്ദ്ര സർക്കാരിന്റെ ജനവിരുദ്ധ നയങ്ങൾക്കെതിരായ പോരാട്ടത്തിന് ദേശീയതലത്തിൽ അതിവിശാലമായ സമരവേദി അനിവാര്യമാണ്. ആ സമരവേദി ഫലപ്രദമാകണമെങ്കിൽ കാഴ്ചപ്പാടിൽ തെളിമയുള്ളതും ശക്തവുമായ ഇടതുപക്ഷ ജനാധിപത്യ പ്രസ്ഥാനം രാജ്യത്ത് ഉയർന്നുവരണം. ഇതിൽ ഏറ്റവും നിർണ്ണായകമായ സംഭാവന അർപ്പിക്കേണ്ടത് കേരള ഘടകമാണ്.

രാജ്യത്തെ പാവപ്പെട്ടവരുടെയും അശരണരുടെയും ആശ്രയ കേന്ദ്രമാണ് കമ്യൂണിസ്റ്റ് പ്രസ്ഥാനം. ജനവിഭാഗങ്ങൾക്കിടയിൽ നിലനിൽക്കുന്ന അവിശ്വാസങ്ങളും തെറ്റിദ്ധാരണകളും പൂർണ്ണമായി ദൂരീകരിച്ച്, നഷ്ടപ്പെട്ട ജനപിന്തുണയും സ്വാധീനവും തിരിച്ചുപിടിച്ച് പാർട്ടി പൂർവ്വാധികം ശക്തിയോടെ മുന്നേറണമെന്ന് എം.എ. ബേബി ആഹ്വാനം ചെയ്തു.

കൊല്ലം: ദേശീയപാത 66ൽ ആറുവരിപ്പാതക്ക് മുകളിലൂടെ നടപ്പാലം നിർമിക്കുന്നതിന് സ്ഥലമേറ്റെടുക്കൽ നടപടി തുടങ്ങി. കാവനാട് മുതൽ കടമ്പാട്ടുകോണം വരെയുള്ള ഭാഗത്ത് എട്ടിടങ്ങളിലാണ് നടപ്പാലം നിർമിക്കുക.

എൻ.എച്ച്‌.എ.ഐയുടെയും നിർമാണ കമ്പനിയുടെയും ഉദ്യോഗസ്ഥ സംഘം കഴിഞ്ഞദിവസം പരിശോധന നടത്തി ഏറ്റെടുക്കേണ്ട സ്ഥലം നിർണയിച്ചു.

സർവീസ്‌ റോഡുകളെ ബന്ധിച്ചാണ്‌ ഫുട്ഓവർ ബ്രിഡ്ജ് നിർമാണം. ഇരുവശത്തെ സർവീസ്‌ റോഡും കഴിഞ്ഞുള്ള ഭാഗത്ത്‌ യാത്രക്കാർക്ക്‌ ഇറങ്ങാൻ പറ്റുന്ന രീതിയിലാണ്‌ നടപ്പാലത്തിന്റെ രൂപകൽപന. ഇരു ഭാഗത്തായി മൂന്ന്‌ സെന്റ്‌ സ്ഥലം വീതമാണ്‌ ഏറ്റെടുക്കുക.

എട്ടിടങ്ങളിലായി ആകെ ഏറ്റെടുക്കുക 50 സ്‌ക്വയർ ഫീറ്റ്‌ സ്ഥലമാണ്‌. മങ്ങാട് ബസ് ബേക്ക് സമീപം, കൊല്ലം ബൈപാസ് മുള്ളുവിള ശ്രീനാരായണ പബ്ലിക് സ്കൂളിന്‌ സമീപം, ഉമയനല്ലൂർ ബസ് ബേയ്ക്കു സമീപം, ചാത്തന്നൂർ ജങ്ഷനിൽ ഭാരത് പെട്രോൾ പമ്പിന്‌ സമീപം, കൊട്ടിയം സിതാര ജങ്ഷനിൽ കിംസ് ആശുപത്രിക്ക് എതിർവശം, ചാത്തന്നൂർ എസ്.ബി.ഐക്ക് സമീപം, ചാത്തന്നൂർ ശീമാട്ടി ജങ്ഷൻ, കല്ലുവാതുക്കൽ ബസ് ബേയ്ക്ക്‌ സമീപം എന്നിവിടങ്ങളിലാണ്‌ നടപ്പാലം നിർമിക്കുക.

ഉദ്യോഗസ്ഥസംഘം ഇതുസംബന്ധിച്ച റിപ്പോർട്ട്‌ കലക്‌ടർക്ക്‌ കൈമാറും. തുടർന്നാവും നഷ്‌ടപരിഹാരം നൽകി ഭൂമി ഏറ്റെടുക്കുക. മികച്ച വില നൽകി സ്ഥലം ഏറ്റെടുക്കാനാണ് ദേശീയപാത അതോറ്റിയുടെ തീരുമാനം. ദേശീയപാത നിർമാണം ഏറ്റെടുത്തിട്ടുള്ള ശിവാലയ കൺസ്ട്രക്‍ഷന്‍ കമ്പനിയാണ് നടപ്പാലം നിർമിക്കുക.

കോട്ടയം: ഈരാറ്റുപേട്ട-വാഗമൺ റോഡിൽ മാവടിയിൽ ഉണ്ടായ അപകടത്തിൽ നിരവധി പേർക്ക് പരുക്കേറ്റു.

സെപ്റ്റിക് ടാങ്ക് മാലിന്യം ശേഖരിക്കുന്ന വാഹനത്തിന്റെ ബ്രേക്ക് നഷ്ടപ്പെട്ടതാണ് അപകട കാരണം.

ഇന്നു രാവിലെ 10 മണിയോടെയാണ് അപകടം.

നിയന്ത്രണം വിട്ട ലോറി എതിരെ വന്ന ട്രാവലറിൽ ഇടിച്ചു കയറുകയായിരുന്നു.

 പിന്നാലെ വന്ന ഓട്ടോറിക്ഷയിലേക്ക് ട്രാവലർ പിന്നോട്ട് ഉരുണ്ട് ഇടിക്കുകയും ചെയ്തു.

 പാലക്കാട് സ്വദേശികളാണ് ട്രാവലറിൽ ഉണ്ടായിരുന്നത്. ഓട്ടോറിക്ഷയുടെ മുൻഭാഗവും തകർന്നിട്ടുണ്ട്.

പരുക്കേറ്റ രണ്ടു പേരെ ഈരാറ്റുപേട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു.

 അപകടത്തിൽ തുടർന്നു റോഡിൽ വലിയ ഗതാഗത തടസവും ഉണ്ടായി.

ഗ്യാംഗ്‌ടോക്ക്: തോരാതെ പെയ്യുന്ന കനത്ത മഴയിൽ പടിഞ്ഞാറൻ സിക്കിമിൽ വൻ മലയിടിച്ചിൽ. റിമ്പി ഗ്രാമത്തിൽ വൻ പാറക്കല്ലുകളും മണ്ണും അവശിഷ്ടങ്ങളും ഒലിച്ചിറങ്ങി വീടുകൾക്ക് കനത്ത നാശനഷ്ടം സംഭവിച്ചു. പ്രദേശം ഇതോടെ ഭീതിയുടെ മുൾമുനയിലാണ്.

യുക്സോം-താഷിഡിംഗ് മണ്ഡലത്തിൽ റിമ്പിയെയും വിനോദസഞ്ചാര കേന്ദ്രമായ ഖേചുപെരിയെയും ബന്ധിപ്പിക്കുന്ന പ്രധാന റോഡിലേക്ക് മലയിടിഞ്ഞു വീണതോടെ പാത പൂർണ്ണമായും തകർന്നു.

മേഖലയിൽ വാഹന ഗതാഗതം പൂർണ്ണമായി നിലച്ചിരിക്കുകയാണ്. പ്രദേശം അതീവ ദുർബലമായി തുടരുന്നതും മലനിരകളിലെ വിള്ളലുകളും നാട്ടുകാരിൽ കടുത്ത ആശങ്ക സൃഷ്ടിക്കുന്നു.

സിക്കിമിന് പുറമെ സമീപപ്രദേശമായ ഡാർജിലിംഗ് മലനിരകളിലും പലയിടങ്ങളിലായി വ്യാപകമായ മണ്ണിടിച്ചിൽ റിപ്പോർട്ട് ചെയ്തിട്ടുണ്ട്. മേഖലയിൽ പേമാരി ഇപ്പോഴും തുടരുകയാണ്.

ഇനിയും മണ്ണിടിച്ചിലിനും മലവെള്ളപ്പാച്ചിലിനും സാധ്യതയുള്ളതിനാൽ നദീതീരങ്ങളിലും മലയോരങ്ങളിലുമുള്ള താമസക്കാർക്ക് ഭരണകൂടം ജാഗ്രതാ നിർദ്ദേശം നൽകി. 

പ്രതികൂല കാലാവസ്ഥയും അസ്ഥിരമായ ഭൂപ്രകൃതിയും തകർന്നടിഞ്ഞ റോഡുകളും കാരണം ദുരന്തമേഖലയിലേക്കുള്ള രക്ഷാപ്രവർത്തനങ്ങൾ കനത്ത വെല്ലുവിളി നേരിടുകയാണ്.

കോട്ടയം: കുടുംബ വഴക്കിന് പരിഹാരം കാണുന്നതിനിടെ രണ്ടാഴ്ചക്കിടെ നടന്നത് നാലോളം കൂട്ടയടികൾ. ഏറ്റവും ഒടുവിലെ സംഘട്ടനം അൽപം കടന്നു പോയതോടെ പൊലീസ് കേസെടുത്തു. കോട്ടയത്താണ് സംഭവം. ജില്ലയുടെ പടിഞ്ഞാറൻ മേഖലയിലെ ഒരു പഞ്ചായത്തിലാണ് കൂട്ടയടി അരങ്ങേറിയത്.

വഴക്ക് തീർക്കാൻ ഇടപെടണമെന്ന് കുടുംബനാഥയാണ് ജനപ്രതിനിധിയോട് അഭ്യർഥിച്ചത്. എല്ലാം പറഞ്ഞ് നേരെയാക്കാനാണ് ജനപ്രതിനിധി വീട്ടിലെത്തിയതെങ്കിലും പരസ്പരം അങ്ങോട്ടുമിങ്ങോട്ടും പറഞ്ഞ് കുടുംബനാഥനും ജനപ്രതിനിധിയും തമ്മിൽ തർക്കം മൂത്തു. 

അതിനിടെ ജനപ്രതിനിധി കുടുംബനാഥനെ തല്ലി. ദിവസങ്ങൾക്കുള്ളിൽ കുടുംബനാഥൻ ജനപ്രതിനിധിയെ വീട്ടിൽക്കയറി തിരിച്ചുതല്ലി. ഇത് വലിയ നാണക്കേടായതോടെ ജനപ്രതിനിധിയും സംഘവും കുടുംബനാഥനെ കൂട്ടംകൂടി മർദിച്ചു. 

തലയ്ക്ക് പരിക്കേറ്റ് ആശുപത്രിയിലായെങ്കിലും പ്രശ്നം തല്ലിത്തീർത്തോളാം എന്നായിരുന്നു കുടുംബനാഥന്റെ മറുപടി.

അതിനിടെ കുടുംബനാഥന്റെയും കൂട്ടരുടെയും മുൻപിൽ കൂട്ടംകൂടിയുള്ള അടിക്ക് നേതൃത്വം നൽകിയ ആൾ കഴിഞ്ഞ ദിവസം പെട്ടു. സംഘം ചേർന്നുള്ള ആക്രമണത്തിൽ ഇയാളുടെ മുഖത്തിനും മൂക്കിനും ഗുരുതരപരിക്കേറ്റു.

കീവ്: റഷ്യയുടെ ക്രൂരമായ മിസൈൽ ആക്രമണത്തിൽ യുക്രെയ്നിയൻ അന്താരാഷ്ട്ര ടെന്നീസ് താരം ദയാന യാസ്‌ട്രെംസ്‌കയുടെ കുടുംബവീട് പൂർണ്ണമായി തകർന്നു. 

യുക്രെയ്നിലെ തുറമുഖ നഗരമായ ഒഡേസയിൽ റഷ്യ തൊടുത്തുവിട്ട ‘കാലിബർ ക്രൂയിസ് മിസൈൽ’ പതിച്ചാണ് താരം ജനിച്ചുവളർന്ന വലിയ അപ്പാർട്ട്‌മെന്റ് സമുച്ചയം തകർന്നടിഞ്ഞത്. 

വീട് തകർന്നതിന്റെ നെഞ്ചുപിളർക്കുന്ന ചിത്രങ്ങൾ യാസ്‌ട്രെംസ്‌ക ഇൻസ്റ്റാഗ്രാമിലൂടെ ലോകത്തോട് പങ്കുവെച്ചു.

തകർന്നുവീണ കോൺക്രീറ്റ് പാളികൾക്കും അവശിഷ്ടങ്ങൾക്കുമിടയിൽ പൊടിപിടിച്ച് കിടക്കുന്ന ഒരു ഫ്രഞ്ച് ഓപ്പൺ (റോളണ്ട് ഗാരോസ്) ടവ്വലിന്റെ ചിത്രവും താരം പങ്കുവെച്ചിട്ടുണ്ട്. 

“ഇതാണ് റഷ്യയുടെ യഥാർത്ഥ മുഖം. ഒഡേസയിലെ ഞങ്ങളുടെ അപ്പാർട്ട്‌മെന്റ് ഒരു കാലിബർ ക്രൂയിസ് മിസൈൽ ആക്രമണത്തിൽ തകർന്നു തരിപ്പണമായി. 

ആ കൊടുംനാശത്തിൽ നിന്ന് എന്റെ കുടുംബത്തിന് അവശേഷിച്ച ഒരേയൊരു വസ്തു ഈ റോളണ്ട് ഗാരോസ് ടവ്വൽ മാത്രമാണ്” എന്ന് താരം അതിതീവ്ര വേദനയോടെ കുറിച്ചു.

യുക്രെയ്ൻ ജനത നേരിടുന്ന ഭീകരതയ്ക്കെതിരെ അന്താരാഷ്ട്ര കായിക സംഘടനകൾ കണ്ണടയ്ക്കരുതെന്ന് യാസ്‌ട്രെംസ്‌ക ആവശ്യപ്പെട്ടു. പ്രതിസന്ധി ഘട്ടത്തിൽ റഷ്യക്കെതിരെ വ്യക്തമായ നിലപാട് സ്വീകരിക്കാനും യുക്രെയ്ൻ താരങ്ങൾക്ക് പിന്തുണ നൽകാനും വനിതാ ടെന്നീസ് അസോസിയേഷനും (WTA) ഇന്റർനാഷണൽ ടെന്നീസ് ഫെഡറേഷനും (ITF) അടിയന്തരമായി ഇടപെടണമെന്ന് അവർ ആവശ്യപ്പെട്ടു.

ഇതാദ്യമായല്ല യാസ്‌ട്രെംസ്‌കയുടെ കുടുംബം റഷ്യൻ ആക്രമണത്തിന്റെ ഇരയാകുന്നത്. 2024 ഡിസംബറിൽ തന്റെ മുത്തശ്ശി താമസിച്ചിരുന്ന കെട്ടിടത്തിന് നേരെയും റഷ്യ നടത്തിയ വ്യോമാക്രമണത്തിൽ സാരമായ കേടുപാടുകൾ സംഭവിച്ച വിവരം താരം മുൻപ് പങ്കുവെച്ചിരുന്നു.

2024-ലെ ഓസ്‌ട്രേലിയൻ ഓപ്പൺ സെമിഫൈനൽ വരെ മുന്നേറി ചരിത്രം കുറിച്ച യാസ്‌ട്രെംസ്‌ക, കഴിഞ്ഞ ഓഗസ്റ്റിലാണ് അവസാനമായി അന്താരാഷ്ട്ര കോർട്ടിലിറങ്ങിയത്. ലോക ടെന്നീസിൽ യുക്രെയ്ന്റെ ശക്തമായ ശബ്ദമാണ് ഈ ഇരുപത്തിനാലുകാരി. 

ന്യൂഡൽഹി: ബ്രിക്സ് ഉച്ചകോടിയിൽ പങ്കെടുക്കാനായി ഇന്ത്യയിലെത്തിയ മലേഷ്യൻ പ്രധാനമന്ത്രി അൻവർ ഇബ്രാഹിം തന്റെ ബോളിവുഡ് ഇഷ്ടത്തിലൂടെ ശ്രദ്ധേയനാകുന്നു. 1965-ൽ പുറത്തിറങ്ങിയ ‘തീൻ ദേവിയാം’ എന്ന സിനിമയിലെ കിഷോർ കുമാർ ആലപിച്ച വിഖ്യാത ഗാനമായ ‘ഖ്വാബ് ഹോ തും യാ കോയി ഹഖീഖത്’ എന്ന പാട്ടുപാടി അൻവർ ഇബ്രാഹിം സദസ്സിനെ കയ്യിലെടുത്തു.(Malaysian PM Anwar Ibrahim Sings Kishore Kumar Song BRICS Summit 2026 Delhi Visit)

ഡൽഹിയിലെ ഹോട്ടലിൽ വെച്ച് അദ്ദേഹം ഈ ഗാനം ആലപിക്കുന്ന വീഡിയോ ഇപ്പോൾ സോഷ്യൽ മീഡിയയിൽ തരംഗമാണ്. എസ്.ഡി. ബർമൻ സംഗീതം പകർന്ന് മജ്‌റൂഹ് സുൽത്താൻപുരി എഴുതിയ വരികളോടുള്ള തന്റെ പ്രിയം നയതന്ത്ര കൂടിക്കാഴ്ചകൾക്കിടയിലും അദ്ദേഹം മറച്ചുവെച്ചില്ല. മുൻപും പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചകളിൽ അൻവർ ഇബ്രാഹിം തനിക്കുള്ള ഹിന്ദി സിനിമായോടുള്ള ഇഷ്ടം പ്രകടിപ്പിച്ചിട്ടുണ്ട്. മോദിയുടെ മലേഷ്യൻ സന്ദർശന വേളയിൽ ‘കഭി ഖുഷി കഭി ഗം’ എന്ന ചിത്രത്തിലെ ‘ബോലെ ചൂഡിയാൻ’ എന്ന ഗാനം പശ്ചാത്തലമാക്കിയ വീഡിയോ അദ്ദേഹം പങ്കുവെച്ചിരുന്നു.

സന്ദർശനത്തിനിടെ ഇന്ത്യയും മലേഷ്യയും തമ്മിലുള്ള ഉഭയകക്ഷി ബന്ധം ‘കോംപ്രിഹെൻസീവ് സ്ട്രാറ്റജിക് പാർട്ണർഷിപ്പ്’ തലത്തിലേക്ക് ഉയർത്തുകയും ഡിജിറ്റൽ സാങ്കേതികവിദ്യ, ടൂറിസം മേഖലകളിൽ കരാറുകളിൽ ഒപ്പുവെക്കുകയും ചെയ്തു. നയതന്ത്ര ബന്ധം വീണ്ടും ശക്തമാക്കുന്നതിന്റെ സൂചനയായാണ് ഈ സന്ദർശനം വിലയിരുത്തപ്പെടുന്നത്.

Story Summary

Malaysian Prime Minister Anwar Ibrahim highlighted his admiration for Bollywood by singing Kishore Kumar’s classic song “Khwab Ho Tum Ya Koi Haqeeqat” during his visit to New Delhi for the BRICS Summit 2026. The visit marked a milestone as India and Malaysia elevated their bilateral ties to a Comprehensive Strategic Partnership.

മുംബൈ: വാഹനം ഓടിക്കുന്നവർക്ക് ബാങ്ക് മാറ്റുമ്പോഴെല്ലാം ഫാസ്റ്റാഗ് (FASTag) മാറ്റി പുതിയത് ഒട്ടിക്കേണ്ട ബുദ്ധിമുട്ട് ഇനിയില്ല. നിലവിലെ ഫിസിക്കൽ ടാഗ് മാറ്റിസ്ഥാപിക്കാതെ തന്നെ മറ്റൊരു ബാങ്കിലേക്ക് മാറാൻ സൗകര്യമൊരുക്കുന്ന ‘വൺടാഗ്’ (OneTag) പോർട്ടബിലിറ്റി പദ്ധതി കേന്ദ്ര സർക്കാർ പുറത്തിറക്കി. മുംബൈയിൽ നടന്ന ഗ്ലോബൽ ഫിൻടെക് ഫെസ്റ്റ് 2026-ൽ കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിയാണ് ഈ പുതിയ സൗകര്യം ഉദ്ഘാടനം ചെയ്തത്.(Govt Launches OneTag FASTag Portability Facility Nitin Gadkari)

ഇതുവരെ ഫാസ്റ്റാഗ് നൽകിയ ബാങ്ക് മാറ്റണമെങ്കിൽ പഴയ ടാഗ് ക്ലോസ് ചെയ്ത് പുതിയ ടാഗിനായി വീണ്ടും അപേക്ഷിക്കണമായിരുന്നു. എന്നാൽ ‘വൺടാഗ്’ വരുന്നതോടെ വാഹനത്തിൽ ഒട്ടിച്ചിരിക്കുന്ന ടാഗ് മാറ്റിസ്ഥാപിക്കാതെ തന്നെ പുതിയ ബാങ്കിലേക്ക് ഫാസ്റ്റാഗ് മാറ്റാം. പോർട്ടബിലിറ്റി പൂർത്തിയായാലും ടാഗ് ഐഡിയും വാഹന രജിസ്ട്രേഷൻ നമ്പറും മാറ്റമില്ലാതെ തുടരും.

ദേശീയപാത അതോറിറ്റിയുടെ ‘രാജ്മാർഗ് യാത്ര’ മൊബൈൽ ആപ്പ് വഴി ഉപഭോക്താക്കൾക്ക് പോർട്ടബിലിറ്റി സേവനം ലഭ്യമാകും. പഴയ ബാങ്കിന്റെ വാളറ്റിലുള്ള തുകയുടെ റീഫണ്ട്, നിലവിലുള്ള ഇടപാടുകൾ എന്നിവ പഴയ ബാങ്ക് തന്നെ കൈകാര്യം ചെയ്യും. പുതിയ ബാങ്ക് പോർട്ടബിലിറ്റി പൂർത്തിയാകുന്നതോടെ സേവനങ്ങൾ നൽകിത്തുടങ്ങും. ഭാവിയിൽ കൃത്രിമബുദ്ധിയും ഓട്ടോമാറ്റിക് നമ്പർ പ്ലേറ്റ് റെക്കഗ്നിഷനും ഉപയോഗിച്ച് ടോൾ ബൂത്തുകളിലെ കാത്തുനിൽപ്പ് പൂർണ്ണമായും ഒഴിവാക്കാനുള്ള തയ്യാറെടുപ്പിലാണെന്നും ഗഡ്കരി കൂട്ടിച്ചേർത്തു.

Story Summary

Union Minister Nitin Gadkari launched ‘OneTag’, a FASTag portability facility at the Global Fintech Fest 2026 in Mumbai. This facility allows vehicle owners to switch their issuer bank without having to replace the existing physical FASTag on their vehicles.

ന്യൂഡൽഹി: ഡൽഹിയിൽ നടന്ന പതിനെട്ടാമത് ബ്രിക്സ് ഉച്ചകോടിയിൽ പങ്കെടുത്ത ശേഷം റഷ്യൻ പ്രസിഡന്റ് വ്ലാദിമിർ പുടിൻ മടങ്ങി. രണ്ട് ദിവസം നീണ്ടുനിന്ന ഉച്ചകോടിക്ക് ശേഷം പ്രധാനമന്ത്രി നരേന്ദ്ര മോദിയുമായി ഉഭയകക്ഷി ചർച്ചകളും നടത്തിയാാണ് അദ്ദേഹം റഷ്യയിലേക്ക് തിരിച്ചത്. കൂടുതൽ നീതിയുക്തവും ബഹുമുഖവുമായ പുതിയ ലോക ക്രമത്തിനായി 11 അംഗ ബ്രിക്സ് കൂട്ടായ്മ പ്രവർത്തിക്കുകയാണെന്ന് മടങ്ങുന്നതിന് മുൻപ് പുടിൻ വ്യക്തമാക്കി.(Vladimir Putin Departs India After 18th BRICS Summit 2026 New Delhi Declaration) സന്ദർശന വേളയിൽ പ്രധാനമന്ത്രി മോദിയുമായി നടത്തിയ കൂടിക്കാഴ്ചയിൽ പ്രതിരോധം, ഊർജ്ജം, വ്യാപാരം തുടങ്ങിയ തന്ത്രപ്രധാന മേഖലകളിലെ ഇന്ത്യ-റഷ്യ സഹകരണം ഇരുനേതാക്കളും ചർച്ച ചെയ്തു. പതിനെട്ടാമത് ഉച്ചകോടിയുടെ ഭാഗമായി ‘ന്യൂഡൽഹി പ്രഖ്യാപനം 2026’ ഏകോപനത്തോടെ അംഗീകരിച്ചു. “ന്യൂഡൽഹി ഡിക്ലറേഷൻ — ബിൽഡിംഗ് ഫോർ റെസിലിയൻസ്, ഇന്നൊവേഷൻ, കോഓപ്പറേഷൻ ആൻഡ് സസ്റ്റൈനബിലിറ്റി” എന്ന തലക്കെട്ടിലുള്ള ഈ രേഖയിൽ ആഗോള ഭരണം, ഭീകരവിരുദ്ധ പ്രവർത്തനം, വ്യാപാരം, കാലാവസ്ഥാ വ്യതിയാനം, ആരോഗ്യം, സാങ്കേതികവിദ്യ എന്നീ മേഖലകളെക്കുറിച്ചുള്ള 140 നിർദ്ദേശങ്ങളുണ്ട്. ചൈനീസ് പ്രസിഡന്റ് ഷി ജിൻപിങ്, ഇറാൻ പ്രസിഡന്റ് മസൂദ് പെസഷ്കിയാൻ തുടങ്ങിയ പ്രമുഖ നേതാക്കളും ഉച്ചകോടിയിൽ പങ്കെടുത്തു. ബ്രസീൽ, റഷ്യ, ഇന്ത്യ, ചൈന, ദക്ഷിണാഫ്രിക്ക, ഈജിപ്ത്, എത്യോപ്യ, ഇന്തോനേഷ്യ, ഇറാൻ, സൗദി അറേബ്യ, യു.എ.ഇ എന്നീ 11 രാജ്യങ്ങൾ ഉൾപ്പെടുന്ന ബ്രിക്സ് കൂട്ടായ്മ ആഗോള ജനസംഖ്യയുടെ 49.5 ശതമാനത്തെയും ആഗോള ജി.ഡി.പിയുടെ (GDP) 40 ശതമാനത്തെയുമാണ് പ്രതിനിധീകരിക്കുന്നത്. റഷ്യ-യുക്രൈൻ യുദ്ധം അവസാനിപ്പിക്കുന്നതിനായുള്ള സമാധാന ചർച്ചകളിൽ മധ്യസ്ഥത വഹിക്കാൻ തയാറാണെന്ന പ്രധാനമന്ത്രി നരേന്ദ്ര മോദിയുടെയും ചൈനീസ് പ്രസിഡന്റ് ഷീ ജിൻപിങ്ങിന്റെയും വാഗ്ദാനത്തെ സ്വാഗതം ചെയ്ത് റഷ്യ. ഡൽഹിയിൽ നടന്ന 18-ാമത് ബ്രിക്സ് ഉച്ചകോടിക്കിടെയാണ് ഇരു നേതാക്കളും തങ്ങളുടെ സന്നദ്ധത അറിയിച്ചതെന്നും, റഷ്യൻ പ്രസിഡന്റ് വ്ളാഡിമിർ പുടിൻ ഈ നീക്കത്തെ പരസ്യമായി പ്രശംസിച്ചുവെന്നും ക്രെംലിൻ വക്താവ് ദിമിത്രി പെസ്കോവ് വ്യക്തമാക്കി. ചർച്ചകളിലൂടെയും നയതന്ത്രത്തിലൂടെയും പ്രശ്നങ്ങൾ പരിഹരിക്കാൻ ഇന്ത്യ പ്രതിജ്ഞാബദ്ധമാണെന്ന് മോദി വ്യക്തമാക്കിയപ്പോൾ, സമാധാനശ്രമങ്ങളിൽ പ്രധാന പങ്കുവഹിക്കാൻ സന്നദ്ധരാണെന്ന നിലപാടാണ് ചൈനയും സ്വീകരിച്ചത്. ഉച്ചകോടിയുടെ ഭാഗമായി സെപ്റ്റംബർ 11-ന് പ്രധാനമന്ത്രി മോദി പ്രസിഡന്റ് പുടിനുമായി കൂടിക്കാഴ്ച നടത്തിയിരുന്നു. യുക്രൈൻ വിഷയത്തിന് പുറമെ കരിങ്കടൽ മേഖലയിൽ ജോലി ചെയ്യുന്ന ഇന്ത്യൻ നാവികരുടെ സുരക്ഷയെക്കുറിച്ചും പ്രധാനമന്ത്രി ആശങ്കയറിയിച്ചു. എങ്കിലും സമാധാന ചർച്ചകൾക്ക് റഷ്യ മുന്നോട്ടുവെക്കുന്ന ഉപാധികൾ പാശ്ചാത്യ രാജ്യങ്ങൾക്ക് അംഗീകരിക്കാൻ കഴിയുന്നതല്ല എന്നത് പ്രധാന വെല്ലുവിളിയായി തുടരുന്നു. നാറ്റോയുടെ വികാസം തടയണമെന്ന റഷ്യയുടെ പ്രധാന ആവശ്യം യുക്രൈനും പാശ്ചാത്യ സഖ്യകക്ഷികളും മുൻപും തള്ളിക്കളഞ്ഞിട്ടുള്ളതാണ്.…

തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി രൂക്ഷമായ സാഹചര്യത്തിൽ അടിയന്തര സഹായം തേടി കെ.എസ്.ഇ.ബി. അധിക വൈദ്യുതി ഉറപ്പാക്കുന്നതിനായി ബോർഡ് ഡയറക്ടർമാർ നാളെ ഉത്തരേന്ത്യൻ സംസ്ഥാനങ്ങളിലേക്ക് തിരിക്കും. മഹാരാഷ്ട്ര, ഉത്തർപ്രദേശ്, പഞ്ചാബ്, ബിഹാർ എന്നീ സംസ്ഥാനങ്ങളിലെ ഊർജ്ജ വകുപ്പ് ഉദ്യോഗസ്ഥരുമായി ഇവർ നേരിട്ട് ചർച്ച നടത്തും.(Kerala power crisis, A delegation of KSEB directors is heading to North Indian states)

ഇന്ന് രാവിലെ ചേർന്ന കെ.എസ്.ഇ.ബി ഉന്നതതല യോഗത്തിലാണ് മറ്റ് സംസ്ഥാനങ്ങളുമായി നേരിട്ട് ചർച്ച നടത്തി വൈദ്യുതി ലഭ്യമാക്കാൻ തീരുമാനമായത്. അതേസമയം, വായ്പാ വ്യവസ്ഥയിൽ ലഭിക്കേണ്ടിയിരുന്ന 200 മെഗാവാട്ട് വൈദ്യുതി ഇന്നും സംസ്ഥാനത്തിന് ലഭ്യമാകില്ല.

ഇത് പ്രതിസന്ധിയുടെ ആഘാതം വർദ്ധിപ്പിച്ചിട്ടുണ്ട്. പകരം 50 മെഗാവാട്ട് വൈദ്യുതി താൽക്കാലികമായി എത്തിക്കാൻ കെ.എസ്.ഇ.ബി ക്രമീകരണം ഒരുക്കിയിട്ടുണ്ടെങ്കിലും, ആവശ്യകതയും ലഭ്യതയും തമ്മിലുള്ള വലിയ വ്യത്യാസം ആശങ്കയായി തുടരുകയാണ്.

Story Summary

With the electricity crisis deepening in Kerala, a delegation of KSEB directors is heading to North Indian states to secure additional power. Discussions will be held with officials in Maharashtra, Uttar Pradesh, Punjab, and Bihar after a shortage of 200 MW further strained the state’s power supply.

കൊൽക്കത്ത: നന്ദിഗ്രാം, രജിനഗർ നിയമസഭാ ഉപതിരഞ്ഞെടുപ്പുകൾക്കുള്ള നാമനിർദ്ദേശ പത്രിക സമർപ്പിക്കാനുള്ള അവസാന തീയതിയായ സെപ്റ്റംബർ 16 അടുത്തിരിക്കെ, തൃണമൂൽ കോൺഗ്രസിന്റെ പാർട്ടിയുടെ പേരും ചിഹ്നവും സംബന്ധിച്ച തർക്കത്തിൽ കേന്ദ്ര തിരഞ്ഞെടുപ്പ് കമ്മീഷന്റെ തീരുമാനം വൈകുന്നു. ഇരു വിഭാഗങ്ങളും തമ്മിലുള്ള തർക്കത്തിൽ എപ്പോൾ തീരുമാനമുണ്ടാകുമെന്ന കാര്യത്തിൽ ഇനിയും വ്യക്തത വന്നിട്ടില്ല.(TMC Party Symbol Dispute ECI Decision Pending Nandigram Rejinagar Bypolls)

പാർട്ടി പേരിനും ചിഹ്നത്തിനുമുള്ള അവകാശവാദങ്ങളിൽ റിതാബ്രത ബാനർജിയുടെ നേതൃത്വത്തിലുള്ള വിമത വിഭാഗത്തിന്റെയും മുൻ പശ്ചിമ ബംഗാൾ മുഖ്യമന്ത്രി മമത ബാനർജിയുടെ നേതൃത്വത്തിലുള്ള വിഭാഗത്തിന്റെയും വാദങ്ങൾ തിരഞ്ഞെടുപ്പ് കമ്മീഷൻ വെവ്വേറെ കേട്ടിരുന്നു. ഇതിന് പിന്നാലെ ഇരുവിഭാഗങ്ങളിൽ നിന്നും കമ്മീഷൻ കൂടുതൽ രേഖകളും വിശദീകരണങ്ങളും തേടിയിട്ടുണ്ട്.

റിതാബ്രത വിഭാഗം സമർപ്പിച്ച രേഖകളിൽ മമത വിഭാഗത്തിന്റെ നിലപാട് തേടി കമ്മീഷൻ സന്ദേശമയച്ചപ്പോൾ, എതിർവിഭാഗം നൽകിയ രേഖകളുടെ പൂർണ്ണ വിവരങ്ങൾ ലഭ്യമാക്കണമെന്ന് മമത വിഭാഗവും ആവശ്യപ്പെട്ടു. തുടർ രേഖകൾ കൈമാറുന്ന നടപടികൾ നീളുന്നതിനാൽ പത്രികാ സമർപ്പണത്തിന് മുൻപ് തീരുമാനം ഉണ്ടാകാൻ സാധ്യത കുറവാണെന്നാണ് രാഷ്ട്രീയ നിരീക്ഷകർ വിലയിരുത്തുന്നത്. ഒക്ടോബർ 6-നാണ് നന്ദിഗ്രാം, റെജിനഗർ മണ്ഡലങ്ങളിലെ ഉപതിരഞ്ഞെടുപ്പ് നടക്കുന്നത്. ഒക്ടോബർ 9-ന് വോട്ടെണ്ണൽ നടക്കും.

Story Summary

Uncertainty looms over the TMC party name and symbol as the Election Commission of India is yet to decide on the claims of the rival factions led by Mamata Banerjee and Ritabrata Banerjee ahead of the September 16 nomination deadline for Nandigram and Rejinagar bypolls.

ഗാംഗ്‌ടോക്ക്: സിക്കിമിലും അയൽ സംസ്ഥാനമായ പശ്ചിമ ബംഗാളിലെ ഡാർജിലിംഗ് കുന്നിൻപ്രദേശങ്ങളിലും പെയ്യുന്ന കനത്ത മഴയെ തുടർന്ന് വൻ മണ്ണിടിച്ചിൽ. പടിഞ്ഞാറൻ സിക്കിമിലെ റിമ്പി ഗ്രാമത്തിലുണ്ടായ ശക്തമായ മണ്ണിടിച്ചിലിൽ വലിയ പാറക്കല്ലുകളും മണ്ണും പതിച്ച് റിമ്പി-ഖെച്ചൂപേരി പാതയിലെ ഗതാഗതം പൂർണ്ണമായും തടസ്സപ്പെട്ടു. പ്രദേശത്തെ രണ്ട് വീടുകൾ നിലവിൽ വൻ അപകടഭീഷണിയിലാണ്.(Sikkim Landslide Rimbi Khechuperi Road Blocked Heavy Rain Darjeeling Damage)

മണ്ണിടിച്ചിൽ തുടരാനുള്ള സാധ്യത മുന്നിൽക്കണ്ട് മേഖലയിലെ നിവാസികൾക്ക് ജാഗ്രതാ നിർദ്ദേശം നൽകിയിട്ടുണ്ട്. സിക്കിമിലും ഡാർജിലിംഗിലും തുടരുന്ന ശക്തമായ മഴയിൽ നിരവധി റോഡുകൾക്കും പാലങ്ങൾക്കും കേടുപാടുകൾ സംഭവിച്ചു.

ഡാർജിലിംഗിലെ തബാകോശിയിൽ റംഗ്ഭംഗ് നദിക്ക് കുറുകെയുള്ള താത്കാലിക പാലവും ദുധെയിലെ ബാലാസൺ നദിക്ക് കുറുകെയുള്ള പൈപ്പ് പാലവും കുത്തിയൊഴുകിയ വെള്ളത്തിൽ ഒലിച്ചുപോയി. ഇതോടെ മിരിക്-സിലിഗുരി പാതയിലെ ചരക്ക് വാഹന ഗതാഗതം സ്തംഭിച്ചു. ദുരന്തബാധിത പ്രദേശങ്ങളിൽ അടിയന്തിര രക്ഷാപ്രവർത്തനവും റോഡ് പുനരുദ്ധാരണ പ്രവർത്തനങ്ങളും പുരോഗമിക്കുകയാണെന്ന് അധികൃതർ അറിയിച്ചു.

Story Summary 

Heavy rainfall triggered a massive mudslide in Rimbi village, West Sikkim, blocking the key Rimbi-Khechuperi road and putting two nearby houses at risk. Meanwhile, relentless rain in the Darjeeling Hills washed away temporary bridges over the Rangbhang and Balason rivers, disrupting major traffic routes.

ന്യൂഡൽഹി: ലോക്‌സഭാ പ്രതിപക്ഷ നേതാവ് രാഹുൽ ഗാന്ധിയും കോൺഗ്രസ് എം പി പ്രിയങ്ക ഗാന്ധി വദ്രയും മലേഷ്യൻ പ്രധാനമന്ത്രി അൻവർ ഇബ്രാഹിമുമായി ന്യൂഡൽഹിയിൽ കൂടിക്കാഴ്ച നടത്തി. പ്രഭാതഭക്ഷണത്തോടൊപ്പം നടന്ന കൂടിക്കാഴ്ചയിൽ ഇന്ത്യ-മലേഷ്യ ബന്ധവും ഇരുരാജ്യങ്ങളും തമ്മിലുള്ള സഹകരണവും ചർച്ചയായി.(Malaysian PM Anwar Ibrahim Meets Rahul Gandhi Priyanka Gandhi in New Delhi)

ബ്രിക്സ് ഉച്ചകോടിയിൽ പങ്കെടുക്കാനായാണ് മലേഷ്യൻ പ്രധാനമന്ത്രി അൻവർ ഇബ്രാഹിം ഇന്ത്യയിലെത്തിയത്. പ്രധാനമന്ത്രി നരേന്ദ്ര മോദിയുമായുള്ള ഉഭയകക്ഷി ചർച്ചകൾക്ക് തൊട്ടുപിന്നാലെയാണ് അദ്ദേഹം കോൺഗ്രസ് നേതാക്കളുമായി കൂടിക്കാഴ്ച നടത്തിയത്.

മുൻ പ്രധാനമന്ത്രി ഡോ. മൻമോഹൻ സിങ്ങുമായി അൻവർ ഇബ്രാഹിമിനുണ്ടായിരുന്ന ആഴത്തിലുള്ള സൗഹൃദവും ആദരവും ഈ കൂടിക്കാഴ്ചയുടെ പശ്ചാത്തലത്തിൽ ശ്രദ്ധേയമാകുന്നുണ്ട്. താൻ രാഷ്ട്രീയ പ്രതിസന്ധികൾ നേരിട്ട് ജയിലിലായിരുന്ന കാലത്ത് മക്കളെ പഠിപ്പിക്കാൻ മൻമോഹൻ സിങ് സഹായിക്കാൻ സന്നദ്ധത അറിയിച്ച കാര്യം അൻവർ ഇബ്രാഹിം മുൻപ് ഓർത്തെടുത്തിരുന്നു.

Story Summary

Leader of Opposition Rahul Gandhi and Congress general secretary Priyanka Gandhi Vadra met Malaysian Prime Minister Anwar Ibrahim over breakfast in New Delhi. The leaders discussed India-Malaysia ties during Ibrahim’s visit for the BRICS Summit 2026.

———————————- കുരിയച്ചിറയിൽ ആംബുലൻസ് അപകടത്തിൻ്റെ ദൃശ്യങ്ങൾ പുറത്ത്….
പുതുക്കാട് അസംബ്ലിയിലെയും കൊടകര ബ്ലോക്കിലെയും ഏറ്റവും വലിയ വാർത്താ കൂട്ടായ്മയിലേക്ക് നിങ്ങൾക്കും സ്വാഗതം. നാട്ടിലെ പ്രധാന സംഭവങ്ങൾ, പ്രാദേശിക വാർത്തകൾ, തത്സമയ അപ്‌ഡേറ്റുകൾ എന്നിവയൊന്നും ഇനി നിങ്ങൾക്ക് നഷ്ടമാകില്ല.

പുതുക്കാട് നിയോജകമണ്ഡലത്തിലെയും കൊടകര ബ്ലോക്കിലെയും ഏറ്റവും പുതിയതും വിശ്വസനീയവുമായ വാർത്തകളും വിശേഷങ്ങളും ഉടനടി അറിയാൻ ഈ ചാനൽ സബ്‌സ്‌ക്രൈബ് ചെയ്യൂ!

നിങ്ങളുടെ നാട്ടിലെ വാർത്തകളും അറിയിപ്പുകളും ഞങ്ങളെ അറിയിക്കാൻ മറക്കരുത്. ഈ വീഡിയോ ഇഷ്ടമായാൽ ദയവായി ലൈക് ചെയ്യുക, നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലേക്കും ഷെയർ ചെയ്യുക!

ഞങ്ങളുടെ സോഷ്യൽ മീഡിയ പേജുകൾ ഫോളോ ചെയ്യാം:

📌 Instagram: https://www.instagram.com/thrissurupdates_pudukad_news/
📌 Facebook: https://www.facebook.com/profile.php?id=100063671596029

🔔 സബ്‌സ്‌ക്രൈബ് ചെയ്ത് ബെൽ ഐക്കൺ ഓൺ ചെയ്തു വെക്കൂ… എല്ലാ അപ്‌ഡേറ്റുകളും നേരത്തെ അറിയാം!

#PudukadNews #Pudukad #Kodakara #ThrissurNews #KeralaNews #LocalUpdates #PudukadAssembly #KodakaraBlock

———————————- ദേശീയപാത പുതുക്കാട് ഗതാഗതക്കുരുക്ക് രൂക്ഷം;
മുന്നറിയിപ്പില്ലാതെ കുറുമാലി പാലത്തിൽ നടത്തിയ അറ്റക്കുറ്റപ്പണി പോലീസ് തടഞ്ഞു…
പുതുക്കാട് അസംബ്ലിയിലെയും കൊടകര ബ്ലോക്കിലെയും ഏറ്റവും വലിയ വാർത്താ കൂട്ടായ്മയിലേക്ക് നിങ്ങൾക്കും സ്വാഗതം. നാട്ടിലെ പ്രധാന സംഭവങ്ങൾ, പ്രാദേശിക വാർത്തകൾ, തത്സമയ അപ്‌ഡേറ്റുകൾ എന്നിവയൊന്നും ഇനി നിങ്ങൾക്ക് നഷ്ടമാകില്ല.

പുതുക്കാട് നിയോജകമണ്ഡലത്തിലെയും കൊടകര ബ്ലോക്കിലെയും ഏറ്റവും പുതിയതും വിശ്വസനീയവുമായ വാർത്തകളും വിശേഷങ്ങളും ഉടനടി അറിയാൻ ഈ ചാനൽ സബ്‌സ്‌ക്രൈബ് ചെയ്യൂ!

നിങ്ങളുടെ നാട്ടിലെ വാർത്തകളും അറിയിപ്പുകളും ഞങ്ങളെ അറിയിക്കാൻ മറക്കരുത്. ഈ വീഡിയോ ഇഷ്ടമായാൽ ദയവായി ലൈക് ചെയ്യുക, നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലേക്കും ഷെയർ ചെയ്യുക!

ഞങ്ങളുടെ സോഷ്യൽ മീഡിയ പേജുകൾ ഫോളോ ചെയ്യാം:

📌 Instagram: https://www.instagram.com/thrissurupdates_pudukad_news/
📌 Facebook: https://www.facebook.com/profile.php?id=100063671596029

🔔 സബ്‌സ്‌ക്രൈബ് ചെയ്ത് ബെൽ ഐക്കൺ ഓൺ ചെയ്തു വെക്കൂ… എല്ലാ അപ്‌ഡേറ്റുകളും നേരത്തെ അറിയാം!

#PudukadNews #Pudukad #Kodakara #ThrissurNews #KeralaNews #LocalUpdates #PudukadAssembly #KodakaraBlock

പാലക്കാട്: കേരള സർക്കാരിന്റെ ഓപ്പറേഷൻ തണ്ടറിന്റെ ഭാഗമായി പാലക്കാട് റെയിൽവേ സ്റ്റേഷനിൽ നടത്തിയ സംയുക്ത പരിശോധനയിൽ 71 കിലോയിലധികം ക ഞ്ചാവ് പിടികൂടി. സംഭവവുമായി ബന്ധപ്പെട്ട് പശ്ചിമ ബംഗാൾ മുർഷിദാബാദ് സ്വദേശികളായ മൈനുൽ ഇസ്ലാം (21), മന്നൻ മൊല്ല (38), തോജമ്മൽ എസ്.കെ. (36), നൂർ ഇസ്ലാം (19) എന്നിവരെ അറസ്റ്റ് ചെയ്തു. ആർപിഎഫ് ക്രൈം വിംഗ്, ആർപിഎഫ് പാലക്കാട്, എക്സൈസ് എൻഫോഴ്സ്മെന്റ് ആൻഡ് ആന്റി നാർക്കോട്ടിക് സ്പെഷ്യൽ സ്ക്വാഡ് പാലക്കാട് എന്നിവയുടെ സംയുക്ത സംഘമാണ് പരിശോധന […]
The post റെയിൽവേ സ്റ്റേഷനിൽ വൻ കഞ്ചാവ് വേട്ട; 71 കിലോയിലധികം ക ഞ്ചാവുമായി നാല് പേർ അറസ്റ്റിൽ.. appeared first on Thrissur Vartha.

ന്യൂഡൽഹി: സാങ്കേതികവിദ്യയെയും ലോക സമ്പദ്‌വ്യവസ്ഥയുടെ നട്ടെല്ലായ നിർണ്ണായക ധാതുക്കളെയും ഭൂരാഷ്ട്രീയ താല്പര്യങ്ങൾക്കായി ആയുധവൽക്കരിക്കുന്ന അപകടകരമായ പ്രവണതയ്‌ക്കെതിരെ ആഗോളതലത്തിൽ ശക്തമായ താക്കീതുമായി പ്രധാനമന്ത്രി നരേന്ദ്ര മോദി. 

ന്യൂഡൽഹിയിൽ നടക്കുന്ന ബ്രിക്‌സ് ഉച്ചകോടിയുടെ രണ്ടാം ദിനത്തിലെ പ്ലീനറി സെഷനിൽ സംസാരിക്കവെയാണ് ചൈനീസ് പ്രസിഡന്റ് ഷി ജിൻപിങ് വേദിയിലിരിക്കെ പ്രധാനമന്ത്രിയുടെ ഈ നിർണ്ണായക ഒളിയമ്പ്. 

വിതരണ ശൃംഖലകൾ ഏകപക്ഷീയമായി തടസ്സപ്പെടുത്തുന്നതും ആഗോള വിപണിയെ സമ്മർദ്ദത്തിലാക്കുന്നതും ലോകത്തിന് ആപത്താണെന്ന് അദ്ദേഹം ഓർമ്മിപ്പിച്ചു.

പരസ്പരം ഇഴചേർന്നു കിടക്കുന്ന ആധുനിക ലോകത്ത് ഉണ്ടാകുന്ന ഏതൊരു പ്രതിസന്ധിയും ഏതെങ്കിലും ഒരു പ്രത്യേക ഭൂമേഖലയിൽ മാത്രമായി ഒതുങ്ങിനിൽക്കില്ലെന്നും, അത് വിനാശകരമായ തരംഗമായി എല്ലാ രാജ്യങ്ങളെയും ബാധിക്കുമെന്നും പ്രധാനമന്ത്രി ചൂണ്ടിക്കാട്ടി. 

മനുഷ്യകുലത്തിന്റെ കൂട്ടായ വളർച്ചയ്ക്കായി ലോകം ഇതുവരെ പടുത്തുയർത്തിയ നേട്ടങ്ങളെ തകർക്കുന്ന വിധത്തിൽ അസംസ്കൃത വസ്തുക്കളും നിർണ്ണായക ധാതുക്കളും സാങ്കേതികവിദ്യയും രാഷ്ട്രീയ ആയുധങ്ങളാക്കി മാറ്റുന്നതിലെ വിപത്ത് ബ്രിക്സ് കൂട്ടായ്മ തിരിച്ചറിയണമെന്ന് അദ്ദേഹം ആഹ്വാനം ചെയ്തു.

ലോകമെമ്പാടും വർദ്ധിച്ചുവരുന്ന സംഘർഷങ്ങൾ സാധാരണ ജനങ്ങളുടെ നിത്യജീവിതത്തെയാണ് ഏറ്റവും ക്രൂരമായി ബാധിക്കുന്നതെന്ന് പ്രധാനമന്ത്രി പറഞ്ഞു. “മഹാമാരികൾ, കാലാവസ്ഥാ വ്യതിയാന ദുരന്തങ്ങൾ, വിതരണ ശൃംഖലകളിലെ വിള്ളലുകൾ എന്നിവ തെളിയിക്കുന്നത് ഒരു പ്രദേശത്തെയും പ്രതിസന്ധി അവിടെ മാത്രമായി ഒതുങ്ങില്ലെന്നാണ്.” 

ആഗോളതലത്തിൽ വീണ്ടും തലപൊക്കാവുന്ന പകർച്ചവ്യാധികളെയും ആരോഗ്യ അടിയന്തരാവസ്ഥകളെയും മുൻകൂട്ടി കണ്ട് പ്രതിരോധിക്കുന്നതിനായി ‘ബ്രിക്‌സ് ഇന്റഗ്രേറ്റഡ് ഏർലി വാണിങ് സിസ്റ്റം’ (BRICS Integrated Early Warning System) നടപ്പാക്കാൻ ഉച്ചകോടിയിൽ സമവായമായതായി പ്രധാനമന്ത്രി പ്രഖ്യാപിച്ചു. ഇതിനായുള്ള ഡാറ്റാ ഇന്റഗ്രേഷൻ സിസ്റ്റത്തിന്റെ മാർഗ്ഗനിർദ്ദേശങ്ങൾ ഇതിനകം തയ്യാറായിക്കഴിഞ്ഞു.

റഷ്യൻ പ്രസിഡന്റ് വ്ലാഡിമിർ പുടിൻ, ഇറാൻ പ്രസിഡന്റ് മസൂദ് പെസെഷ്‌കിയൻ, മലേഷ്യൻ പ്രധാനമന്ത്രി അൻവർ ഇബ്രാഹിം, ഇന്തോനേഷ്യൻ പ്രസിഡന്റ് പ്രബോവോ സുബിയാന്തോ തുടങ്ങിയ പ്രമുഖ ലോകനേതാക്കൾ പങ്കെടുത്ത വേദിയിലായിരുന്നു പ്രധാനമന്ത്രി ഇന്ത്യയുടെ നിലപാട് ആവർത്തിച്ചത്. 

ഇന്ത്യയുടെ അധ്യക്ഷതയിൽ നടക്കുന്ന ഇത്തവണത്തെ ബ്രിക്സ് ഉച്ചകോടി പ്രതിരോധം, നവീകരണം, സഹകരണം, സുസ്ഥിരത എന്നീ നാല് സുപ്രധാന തത്വങ്ങളിലാണ് ഊന്നൽ നൽകിയിരിക്കുന്നത്.

കോഴിക്കോട്: തെറ്റുതിരുത്തി തിരിച്ചുവരാനുള്ള സി.പി.എമ്മിന്റെ വിപുലീകൃത സംസ്ഥാന കമ്മിറ്റി കോഴിക്കോട് നടക്കുന്നതിനിടെ ഉള്ളുലക്കുന്ന ചോദ്യവുമായി കെ.കെ. രമ എംഎൽഎ.

നേതൃത്വം ചെയ്തുകൂട്ടിയ രാഷ്ട്രീയവും സംഘടനാപരവുമായ നൂറുകൂട്ടം തെറ്റുകള്‍ തിരുത്താനെന്ന പേരില്‍ കൊട്ടിഘോഷിച്ച് കോഴിക്കോട് ചേരുന്ന വിപുലീകൃത സംസ്ഥാന കമ്മിറ്റിക്കാരോട് ഒരൊറ്റ ചോദ്യം മാത്രം എന്ന ആമുഖത്തോടെയാണ് കുറിപ്പ്.

ഇതേ കോഴിക്കോട് ജില്ലയുടെ മണ്ണില്‍ വെട്ടിനുറുക്കി തീര്‍ത്തുകളഞ്ഞ ടി.പി ചന്ദ്രശേഖരനെന്ന ധീര കമ്യൂണിസ്റ്റിന്‍റെ നിഷ്ഠൂര കൊലപാതകമെന്ന തിരുത്താനാവാത്ത തെറ്റ് ഇനിയെങ്കിലും കേരളീയ പൊതുസമൂഹത്തോട് ഏറ്റുപറയാനുള്ള രാഷ്ട്രീയ സത്യസന്ധതയുണ്ടോ നിങ്ങള്‍ക്ക് എന്നാണ് രമയുടെ ചോദ്യം.

നേതൃത്വത്തിന്‍റെ അഴിമതിക്കും നയവഞ്ചനകള്‍ക്കുമെതിരെ സഖാവ് വിഎസും വിജയന്‍ മാഷുമടക്കമുള്ളവര്‍ പാര്‍ട്ടിക്കകത്തും പുറത്തും നടത്തിയ ഉജ്വലമായ രാഷ്ട്രീയ സമരത്തെ പിന്തുണച്ച്, നേതൃത്വത്തിന്‍റെ തെറ്റുകള്‍ക്കെതിരെ വിട്ടുവീഴ്ച്ചയില്ലാതെ വിരല്‍ ചൂണ്ടിയെന്ന ഒരൊറ്റ കുറ്റത്തിന് സിപിഎം നേതാക്കള്‍ ഗൂഢാലോചന നടത്തിയാണ് ടി.​പിയെ കൊലപ്പെടുത്തിയതെന്നും രമ ചൂണ്ടിക്കാട്ടി.

കോഴിക്കോട് എ.കെ.ജി ഓഡിറ്റോറിയത്തിൽ ഇന്നുമുതൽ ചൊവ്വാഴ്ച വരെയാണ് വിപുലീകൃത സംസ്ഥാന കമ്മിറ്റി ചേരുന്നത്. ഇന്ന് രാവിലെ ജനറൽ സെക്രട്ടറി എം.എ. ബേബി ഉദ്ഘാടനം ചെയ്തു. ചൊവ്വാഴ്ച വൈകീട്ട് നാലിന് ലക്ഷം പേർ പങ്കെടുക്കുന്ന റാലിയോടെ സംസ്ഥാന സമിതിക്ക് സമാപനമാകും.

തുടർന്ന് കടപ്പുറത്തെ ഫ്രീഡം സ്ക്വയറിൽ നടക്കുന്ന പൊതുസമ്മേളനം ജനറൽ സെക്രട്ടറി എം.എ. ബേബി ഉദ്ഘാടനം ചെയ്യും. പ്രതിപക്ഷ നേതാവ് പിണറായി വിജയൻ, പോളിറ്റ് ബ്യൂറോ അംഗം എ. വിജയരാഘവൻ, സംസ്ഥാന സെക്രട്ടറി എം.വി. ഗോവിന്ദൻ തുടങ്ങിയവർ പങ്കെടുക്കും.

കോഴിക്കോട്: പാർട്ടി നേരിടുന്ന ദൗർബല്യങ്ങളും പോരായ്മകളും ഗൗരവത്തോടെ തിരുത്തുമെന്നും ഉയർന്നുവരുന്ന വിമർശനങ്ങൾ തുറന്ന മനസോടെ ചർച്ച ചെയ്യുമെന്നും സിപിഎം സംസ്ഥാന സെക്രട്ടറി എം.വി. ഗോവിന്ദൻ.

പുതിയ രാഷ്ട്രീയ സാഹചര്യത്തിനനുസരിച്ച് പാർട്ടി പ്രവർത്തന ശൈലിയിൽ മാറ്റങ്ങൾ വരുത്തേണ്ടതുണ്ടെന്നും അദ്ദേഹം പറഞ്ഞു. 

തെരഞ്ഞെടുപ്പിലെ തിരിച്ചടികളിലേക്ക് നയിച്ച ഘടകങ്ങൾ സംസ്ഥാന, കേന്ദ്ര ഘടകങ്ങൾ നേരത്തെ തന്നെ കണ്ടെത്തിയിട്ടുണ്ടെന്നും ഇവ എങ്ങനെ പരിഹരിക്കാമെന്നത് വിശാലയോഗം ഗൗരവമായി ചർച്ച ചെയ്യുമെന്നും അദ്ദേഹം വ്യക്തമാക്കി.

ബിജെപി കേരള രാഷ്ട്രീയത്തിൽ പിടിമുറുക്കാൻ നടത്തുന്ന ശ്രമങ്ങളെയും വലതുപക്ഷത്തിന്‍റെ മേൽക്കൈ സ്ഥാപിക്കാനുള്ള നീക്കങ്ങളെയും ഫലപ്രദമായി പ്രതിരോധിക്കാനാണ് പാർട്ടിയുടെ നീക്കം.

ഭരണ പങ്കാളിത്തം ഉള്ളതുകൊണ്ട് മാത്രം വർഗീയ ശക്തികളോട് ചേർന്നുനിൽക്കാൻ മുസ്ലിം ലീഗ് കാണിക്കുന്ന സമീപനത്തെ ഗോവിന്ദൻ രൂക്ഷമായി വിമർശിച്ചു. 

ന്യൂനപക്ഷ അവകാശങ്ങളുടെ പേരുപറയുകയും എന്നാൽ വർഗീയ ശക്തികളുമായി കൂട്ടുകൂടുകയും ചെയ്യുന്നതാണ് ലീഗിന്‍റെ രീതിയെന്ന് അദ്ദേഹം കുറ്റപ്പെടുത്തി.

പിഎംശ്രീ പദ്ധതിയുമായി ബന്ധപ്പെട്ട സമീപനങ്ങൾ ഉൾപ്പെടെയുള്ളവ ഇതിന് തെളിവാണ്. ന്യൂനപക്ഷ രാഷ്ട്രീയത്തിന്‍റെ പേരിൽ വർഗീയ പ്രീണനം നടത്തുന്ന നിലപാടുകൾക്കെതിരെ ജനങ്ങൾക്കിടയിൽ ആശയവിനിമയം ശക്തമാക്കുമെന്നും പാർട്ടി വിലയിരുത്തുന്നു.

തെറ്റായ പ്രവണതകളും പോരായ്മകളും പരിഹരിക്കാൻ പാർട്ടിയിൽ താഴെത്തട്ട് മുതൽ ഗൗരവകരമായ ഇടപെടലുകൾ ഉണ്ടാകുമെന്ന് അദ്ദേഹം വ്യക്തമാക്കി. ജില്ലാ-പ്രാദേശിക ഘടകങ്ങളുടെ പ്രവർത്തനം കൂടുതൽ ജനകീയവും ഫലപ്രദവുമാക്കും.

ഇതിന്‍റെ ഭാഗമായി പാർട്ടി അംഗങ്ങളുടെ സൈദ്ധാന്തികവും സംഘടനാപരവുമായ നിലവാരം ഉയർത്തേണ്ടതുണ്ടെന്നും, സമകാലിക രാഷ്ട്രീയ വെല്ലുവിളികളെ നേരിടാൻ പാർട്ടിയെ നവീകരിക്കുമെന്നും ഗോവിന്ദൻ കൂട്ടിച്ചേർത്തു.

ഈരാറ്റുപേട്ട: പനിയും ചുമയും വ്യാപകമാകുന്നതിനിടെ ഈരാറ്റുപേട്ട കുടുംബാരോഗ്യ കേന്ദ്രത്തിൽ കിടത്തി ചികിത്സ സൗകര്യമില്ലാത്തത് രോഗികൾക്ക് ദുരിതമാകുന്നു.

നഗരസഭ പരിധിയിലും സമീപ പഞ്ചായത്തുകളിലും മുതിർന്നവർക്കും കുട്ടികൾക്കുമിടയിൽ പനിയും ചുമയും വ്യാപകമായി പടരുകയാണ്. കാലവർഷത്തിന്റെ തുടക്കത്തിൽ പനിയും മഞ്ഞപ്പിത്തവും വ്യാപകമായിരുന്നെങ്കിലും പിന്നീട് നിയന്ത്രണവിധേയമായിരുന്നു.

ആഗസ്റ്റ് മുതലാണ് കുട്ടികളിൽ വീണ്ടും പനിയും ചുമയും വ്യാപകമായത്. മലയോര മേഖലയിലാണ് രോഗവ്യാപനം കൂടുതലായി റിപ്പോർട്ട് ചെയ്യുന്നത്. സർക്കാർ ആശുപത്രികളിൽ മാത്രം ദിനേന 300ലധികം കുട്ടികൾ പനിയും ചുമയുമായി ചികിത്സ തേടിയെത്തുന്നതായാണ് കണക്ക്.

കഫമില്ലാത്ത വരണ്ട ചുമയാണ് പല കുട്ടികളിലും കാണുന്നത്. മരുന്ന് കഴിച്ചാലും ദിവസങ്ങൾ നീണ്ടുനിൽക്കുന്ന ചുമയും പനിയുമാണ് മിക്കവർക്കും. ഒരാഴ്ചയോളം ഡോക്ടറുടെ നിർദേശപ്രകാരം മരുന്ന് കഴിച്ച് രോഗം ഭേദമായ ശേഷവും വീണ്ടും രോഗലക്ഷണങ്ങൾ പ്രത്യക്ഷപ്പെടുന്നതായും രക്ഷിതാക്കൾ പറയുന്നു.

ശ്വാസകോശത്തെ ബാധിക്കുന്ന റെസ്പിറേറ്ററി സിൻസിഷ്യൽ വൈറസ് (ആർ.എസ്.വി), ഇൻഫ്ലുവൻസ എ, ബി വൈറസുകൾ എന്നിവ കുട്ടികളിൽ പനിക്കും ചുമക്കും കാരണമാകുന്നതായി ഡോക്ടർമാർ പറയുന്നു. രോഗലക്ഷണങ്ങളിൽ താൽക്കാലിക ആശ്വാസം ലഭിക്കുന്നതോടെ കുട്ടികളെ സ്കൂളുകളിലും അംഗൻവാടികളിലും അയക്കുന്നത് രോഗവ്യാപനത്തിന് കാരണമാകുന്നതായും ആരോഗ്യപ്രവർത്തകർ പറയുന്നു.

ഈരാറ്റുപേട്ട മേഖലയിലെ കുടുംബാരോഗ്യ കേന്ദ്രങ്ങളിൽ രാത്രി ഡോക്ടറുടെ സേവനം ലഭ്യമല്ലാത്തതും പ്രതിസന്ധി രൂക്ഷമാക്കുകയാണ്. കിടത്തി ചികിത്സക്കുള്ള സൗകര്യം ഇല്ലാത്തതിനാൽ രാത്രി ഗുരുതരാവസ്ഥയിലുള്ള രോഗികളെ മറ്റ് ആശുപത്രികളിലേക്ക് മാറ്റേണ്ട സാഹചര്യമാണ്.

ഈരാറ്റുപേട്ട കുടുംബാരോഗ്യ കേന്ദ്രം താലൂക്കാശുപത്രിയായി ഉയർത്തണമെന്ന് സംസ്ഥാന ന്യൂനപക്ഷ കമീഷനും കേരള ഹൈകോടതിയും നേരത്തെ ഉത്തരവിട്ടിരുന്നു. സംസ്ഥാനത്തിന്റെ വിവിധ ഭാഗങ്ങളിൽ സർക്കാർ ആശുപത്രികളെ താലൂക്കാശുപത്രികളായി ഉയർത്തിയിട്ടും ഈരാറ്റുപേട്ടയോട് അവഗണന തുടരുകയാണെന്നാണ് ആരോപണം.

ഈരാറ്റുപേട്ട സർക്കാർ ആശുപത്രി താലൂക്കാശുപത്രിയായി ഉയർത്തണമെന്നാവശ്യപ്പെട്ട് യു.ഡി.എഫും നഗരസഭ ചെയർപേഴ്സൻ വി.പി. നാസറും രണ്ടു മാസം മുമ്പ് മന്ത്രി കെ. മുരളീധരന് നിവേദനം നൽകിയിരുന്നു.

ആ​ല​പ്പു​ഴ: വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി സം​സ്ഥാ​ന പ്ര​സി​ഡ​ന്‍റ് രാ​ജു അ​പ്സ​ര​ക്കെ​തി​രെ കേ​സെ​ടു​ത്തു. ആ​ല​പ്പു​ഴ ന​ഗ​ര​സ​ഭ അ​ധ്യ​ക്ഷ​യു​ടെ പ​രാ​തി​യി​ലാ​ണ് പൊ​ലീ​സ് കേ​സെ​ടു​ത്ത​ത്.

സ്ത്രീ​ത്വ​ത്തെ അ​പ​മാ​നി​ച്ചെ​ന്ന് എ​ഫ്ഐ​ആ​റി​ൽ പ​റ​യു​ന്നു. ക​ഴി​ഞ്ഞ ദി​വ​സം ന​ട​ന്ന സ​മ​ര​ത്തി​ൽ ന​ഗ​ര​സ​ഭ അ​ധ്യ​ക്ഷ​യെ പൂ​ത​ന​യെ​ന്നും അ​ഴി​മ​തി​ക്കാ​രി​യെ​ന്നും രാ​ജു അ​പ്സ​ര വി​ളി​ച്ചി​രു​ന്നു. ആ​ല​പ്പു​ഴ സൗ​ത്ത് പൊ​ലി​സാ​ണ് കേ​സെ​ടു​ത്ത​ത്.

തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി രൂക്ഷമായി തുടരുന്നതിനിടെ, ഉയർന്ന വിലയ്ക്ക് വൈദ്യുതി വാങ്ങുന്നതിനായി സർക്കാർ സഹായം തേടി കെ.എസ്.ഇ.ബി. വൈദ്യുതി ഉപഭോഗം ഉയർന്നതും ലഭ്യതയിൽ കുറവ് നേരിടുന്നതും കാരണം കടുത്ത പ്രതിസന്ധിയാണ് സംസ്ഥാനത്ത് അനുഭവപ്പെടുന്നത്. മധ്യപ്രദേശിൽ നിന്ന് ലഭിക്കേണ്ടിയിരുന്ന 200 മെഗാവാട്ട് വൈദ്യുതി ലഭിക്കാത്തതും സംസ്ഥാനത്തെ വൈദ്യുതി പ്രതിസന്ധി കൂടുതൽ രൂക്ഷമാക്കിയിട്ടുണ്ട്.

നിലവിൽ പീക്ക് സമയങ്ങളിൽ സംസ്ഥാനത്ത് ഏകദേശം 1000 മെഗാവാട്ടിന്റെ വൈദ്യുതി കുറവാണ് അനുഭവപ്പെടുന്നത്. പ്രതിസന്ധി മറികടക്കുന്നതിനായി മറ്റ് സംസ്ഥാനങ്ങളിൽ നിന്ന് അധിക വൈദ്യുതി എത്തിക്കാനാണ് നീക്കം.

ഗുജറാത്ത്, ഉത്തർപ്രദേശ്, ജാർഖണ്ഡ്, ബിഹാർ തുടങ്ങിയ സംസ്ഥാനങ്ങളിൽ നിന്ന് വൈദ്യുതി ലഭ്യമാക്കുന്നതിനായി കെ.എസ്.ഇ.ബി ഡയറക്ടർമാർ നേരിട്ട് ചർച്ച നടത്തും. പീക്ക് സമയത്തെ ആവശ്യകത നിറവേറ്റുന്നതിനായി വൈദ്യുതി എക്സ്ചേഞ്ചിൽ നിന്ന് ഉയർന്ന നിരക്കിലാണ് കെ.എസ്.ഇ.ബി വൈദ്യുതി വാങ്ങുന്നത്.

നിലവിൽ യൂണിറ്റിന് 13 രൂപയ്ക്ക് മേൽ നൽകേണ്ട സാഹചര്യമാണുള്ളത്. ഉയർന്ന വിലയ്ക്ക് വൈദ്യുതി വാങ്ങുന്നത് കെ.എസ്.ഇ.ബിക്ക് വലിയ സാമ്പത്തിക ബാധ്യതയാണ് സൃഷ്ടിക്കുന്നത്. നിലവിലെ പ്രതിസന്ധി തുടർന്നാൽ വൈദ്യുതി വാങ്ങുന്നതിനായി വരുന്ന അധിക ചെലവ് ഭാവിയിൽ സർചാർജ് രൂപത്തിൽ ഉപഭോക്താക്കളിൽ നിന്ന് ഈടാക്കേണ്ട സാഹചര്യമുണ്ടാകുമെന്ന ആശങ്കയും നിലനിൽക്കുന്നുണ്ട്.

അതേസമയം, സംസ്ഥാനത്തെ വൈദ്യുതി ഉപയോഗത്തിൽ നേരിയ കുറവ് രേഖപ്പെടുത്തി. ഇന്നലെ 94.94 ദശലക്ഷം യൂണിറ്റായിരുന്നു മൊത്തം വൈദ്യുതി ഉപയോഗം. പീക്ക് സമയത്തെ വൈദ്യുതി ആവശ്യകത 4,938 മെഗാവാട്ട് ആയി.

രാമപുരം:  മാർ ആഗസ്തീനോസ് കോളേജ് സോഷ്യൽ വർക്ക് അസോസിയേഷൻ മാക്സ്വാ (MACSWA) 2026~27 അധ്യയന വർഷത്തെ പ്രവർത്തനങ്ങളുടെ   ഉദ്ഘാടനം നടത്തി. കോളേജ് മാനേജർ റവ. ഫാ. ബെർക്കുമാൻസ് കുന്നുംപുറം അധ്യക്ഷതവഹിച്ചു.

ചങ്ങനാശ്ശേരി എസ്.ബി. കോളേജ് സോഷ്യൽ വർക്ക് വിഭാഗം മേധാവി ഡോ. ദീപക് ജോസഫ്  ഉദ്ഘാടനം നിർവ്വഹിച്ചു.  “ഒരുമിച്ച് ആരോഗ്യകരമായ നാളെയിലേക്ക്”   എന്നതാണ് ഈ  വർഷത്തെ പ്രമേയം.

 രണ്ടാം വർഷ എം.എസ്.ഡബ്ല്യു. മെഡിക്കൽ ആൻഡ് സൈക്യാട്രിക് സോഷ്യൽ വർക്ക് വിദ്യാർഥികളുടെ വൈറ്റ് കോട്ട് ചടങ്ങും, കമ്മ്യൂണിറ്റി ഡെവലപ്‌മെന്റ് വിഭാഗം വിദ്യാർഥികളുടെ ബാഡ്ജ് വിതരണവും ഒന്നാം വർഷ സോഷ്യൽ വർക്ക് വിദ്യാർഥികൾക്ക് ക്യാപ്സ് വിദ്യാർഥി മെമ്പർഷിപ്പും ചടങ്ങിൽ നൽകി.

കോളേജ് പ്രിൻസിപ്പൽ ഡോ. റെജി വർഗീസ് മേക്കാടൻ,സോഷ്യൽ വർക്ക് വിഭാഗം മേധാവി സിജു തോമസ്, മാക്‌സ്വാ പ്രസിഡൻ്റ് സാധിക ശെൽവൻ എന്നിവർ പ്രസംഗിച്ചു. വിദ്യാർത്ഥി പ്രതിനിധി നോയൽ തോമസ് റിനോ റിപ്പോർട്ട് അവതരിപ്പിച്ചു .
 
അസോസിയേഷൻ പ്രവർത്തനങ്ങൾക്ക് സ്റ്റാഫ് കോ-ഓർഡിനേറ്ററായി അസിസ്റ്റന്റ് പ്രൊഫ. ഐഡ ഇമ്മാനുവൽ സ്റ്റുഡന്റ് കോ-ഓർഡിനേറ്റർമാരായി സാധിക സെൽവിൻ, ജെസ പ്രകാശ്, റിയ, ജിയ ബൈജു, വിനോദ്, ജോസ്മി പി. എം. എന്നിവരെ തിരഞ്ഞെടുത്തു

മലമ്പുഴ: കേരള സർക്കാർ നടപ്പിലാക്കിയ പവ്വർ കട്ടിനെതിരെ ഡിവൈഎഫ് ഐ യുടെ നേതൃത്വത്തിൽ പന്തം കൊളുത്തി പ്രതിഷേധ പ്രകടനം നടത്തി.

മലമ്പുഴ കാർ പാർക്കിൽ നിന്നും വെള്ളിയാഴ്ച്ച രാത്രി ഏഴുമണിക്ക് ആരംഭിച്ച പ്രകടനം കെ എസ് ഇ ബി ഓഫീസിനു മുന്നിൽ സമാപിച്ചു. ഡിവൈഎഫ്ഐ മുണ്ടൂർ ബ്ലോക്ക് പ്രസിഡന്റ് കെ പി ഐശ്വര്യ സമാപന സമ്മേളനം ഉദ്ഘാടനം ചെയ്തു.

മലമ്പുഴ മേഖല പ്രസിഡന്റ് എൻ ശ്രീജിത്ത് അധ്യക്ഷനായി. മേഖല സെക്രട്ടറി പികാർത്തിക്, ബ്ലോക്ക് കമ്മിറ്റിയംഗം കെ രോഹിത്, സി പി ഐ എം ലോക്കൽ സെക്രട്ടറി കെ കെ പ്രമോദ്, മലമ്പുഴ മേഖല ട്രഷറർ പി സന്തോഷ് എന്നിവർ പ്രസംഗിച്ചു.

പവ്വർ കട്ട് സമയത്ത് ഇരുട്ടിലാകുന്ന കെ എസ് ഇ ബി ഓഫിസിലെ ജീവനക്കാർ ക്ക്
വെളിച്ചം കിട്ടാൻ മെഴുകുതിരികൾ നൽകിയാണ് പ്രതിഷേധക്കാർ മടങ്ങിയത്.

മലപ്പുറം: മലപ്പുറം മഞ്ചേരിയിലെ വൻ ലഹരിവേട്ടയിൽ മുഖ്യപ്രതികൾ ഡൽഹിയിൽ നിന്ന് പിടിയിലായി. മലപ്പുറം സ്വദേശി അജ്മലും ഇയാളുടെ പെൺസുഹൃത്തായ തിരുവനന്തപുരം സ്വദേശി സൂര്യയുമാണ് പിടിയിലായത്. മാസങ്ങൾ മുൻപ് പന്തീരങ്കാവിൽ നിന്ന് എംഡിഎംഎ കേസിൽ പിടിയിലായ ആളാണ് അജ്മൽ.

അന്ന് ഒരു കിലോ എംഡിഎംഎ ആണ് അന്ന് ഇയാളിൽ നിന്ന് കണ്ടെടുത്തത്. കേരളത്തിലേയ്ക്ക് എംഡിഎംഎ എത്തിക്കുന്നതിലെ മുഖ്യ കണ്ണിയാണ് അജ്മലെന്ന് പൊലീസ് പറഞ്ഞു. 

മലപ്പുറം മഞ്ചേരിയിൽ നിന്ന് അടുത്തിടെ 10 കോടിയിലധികം വിലവരുന്ന 13 കിലോയോളം എംഡിഎംഎ പൊലീസ് പിടികൂടിയിരുന്നു. ഈ കേസിലെയും പ്രധാനിയാണ് അജ്മൽ.

അജ്മലിന്റെ സുഹൃത്തായ സൂര്യയുടെ ഡൽഹി നോയിഡയിലെ ഫ്ളാറ്റിൽ നിന്നാണ് ഇവരെ പൊലീസ് പിടികൂടിയത്. ബം​ഗളൂരുവിൽ നഴ്സിങ്ങിന് പഠിക്കുന്ന സൂര്യ അജ്മലിനെ പരിചയപ്പെട്ട് ഡൽഹിയിൽ എത്തുകയായിരുന്നുവെന്നാണ് വിവരം.

ശേഷം ഇരുവരും ഒരുമിച്ചാണ് ലഹരിമരുന്ന് കേരളത്തിലേയ്ക്ക് എത്തിച്ചുകൊണ്ടിരുന്നത്. ഇവരിൽ നിന്നും എടിഎം കാർഡുകളും ലഹരി ഉപയോ​ഗിക്കാനുള്ള ഉപകരണങ്ങളും പൊലീസ് പിടികൂടി. 

പാലക്കാട്:  ‘ചിന്തയെ ഏറ്റവും അധികം സ്വാധീനിക്കാനും 
വികാരങ്ങളെ ഏറ്റവും അധികം ഉദ്ദീപിപ്പിക്കാനും കഴിയുന്ന കലാരൂപം ചലച്ചിത്രമാണ്.
യുവാക്കളെ നേർവഴിക്കു നടത്താൻ അതുപയോഗപ്പെടു ത്താം’ എന്നു പാലക്കാട് ജില്ലാ കളക്ടർ സുധീർ ഐഎഎസ് പ്രസ്താവിച്ചു.

ഇൻസൈറ്റ് സംഘടിപ്പിച്ച 16-ആമത് ഹാഫ് ചലച്ചിത്രമേള ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പാലക്കാട് ലയൻസ് സ്കൂളിൽ ഇൻസൈറ്റ് സെക്രട്ടറി മേതിൽ കോമളൻ കുട്ടിയുടെ അധ്യക്ഷതയിൽ ചേർന്ന യോഗത്തിൽ ഫെസ്റ്റിവൽ ഡയറക്ടർ കെ.വി. വിൻസന്റ് ഫെസ്റ്റിവൽ അവലോകനവും.

 ലയൻസ് ക്ലബ് പ്രസിഡന്റ് സാബു പി, റീജിയണൽ കൗൺസിൽ അംഗം രാജേശ്വരി കെ. കെ. എന്നിവർ ആശംസകൾ അർപ്പിച്ചു സംസാരിച്ചു. മാണിക്കോത്ത് മാധവദേവ് സ്വാഗതവും സി.കെ. രാമകൃഷ്ണൻ നന്ദിയും പ്രകാശിപ്പിച്ചു.

മത്സര വിഭാഗത്തിൽ ആറ് ഡോക്യുമെന്ററികളും, മത്സരേ തര വിഭാഗത്തിൽ രണ്ട് ഡോക്യുമെന്ററികളും 25-ഓളംഹൈക്കു സിനിമ കളും  മേളയിൽ പ്രദർശിപ്പിച്ചു.
സമാപന ദിവസമായ ഞായർ അഞ്ചുമിനുട്ടിൽ താഴെയുള്ള ഹാഫ് ചിത്രങ്ങളുടേയും ഒരു മിനുട്ടിൽ താഴെയുള്ള മൈന്യൂട്ട് ചിത്രങ്ങളുടേയും മത്സരങ്ങൾ നടക്കും.

ന്യൂഡൽഹി: 1945-ലെ ആഗോള സാഹചര്യമല്ല ഇന്നുള്ളതെന്നും, മാറിയ ലോകക്രമത്തിനനുസരിച്ച് ഐക്യരാഷ്ട്രസഭയും (UN) ലോകബാങ്ക് ഉൾപ്പെടെയുള്ള ആഗോള സാമ്പത്തിക സ്ഥാപനങ്ങളും പുനഃസംഘടിപ്പിക്കണമെന്നും യു.എൻ സെക്രട്ടറി ജനറൽ അന്റോണിയോ ഗുട്ടെറസ്. ഡൽഹിയിൽ നടക്കുന്ന 18-ാമത് ബ്രിക്സ് ഉച്ചകോടിയുടെ രണ്ടാം ദിനത്തിൽ സംസാരിക്കുകയായിരുന്നു അദ്ദേഹം.(UN Chief Antonio Guterres BRICS Summit 2026 New Delhi Reforms Security Council)

ഇന്നത്തെ ആഗോള സാമ്പത്തിക, ജനസംഖ്യാ, ഭൂരാഷ്ട്രീയ യാഥാർത്ഥ്യങ്ങൾ 1945-ലേതിൽ നിന്ന് തീർത്തും വ്യത്യസ്തമാണ്. നമ്മുടെ അന്താരാഷ്ട്ര സ്ഥാപന ഘടനകളിൽ ഈ മാറ്റങ്ങൾ പ്രതിഫലിക്കണം. ബ്രിക്സ് ഉച്ചകോടിയിൽ പങ്കെടുക്കുന്ന രാജ്യങ്ങൾ ഈ മാറിയ യാഥാർത്ഥ്യത്തിന്റെ പ്രതിരൂപങ്ങളാണ്. ലോകം കൂടുതൽ ബഹുമുഖ ക്രമത്തിലേക്ക് മാറിക്കൊണ്ടിരിക്കുകയാണ്, ഗുട്ടെറസ് ചൂണ്ടിക്കാട്ടി.

യു.എൻ രക്ഷാസമിതിയിലും ബ്രെട്ടൻ വുഡ്സ് സംവിധാനങ്ങളിലും കാലാനുസൃതമായ പരിഷ്കാരങ്ങൾ വരണമെന്ന് അദ്ദേഹം ആവശ്യപ്പെട്ടു. ഉച്ചകോടിയുടെ പ്രമേയം ചൂണ്ടിക്കാണിക്കുന്നത് പോലെ പ്രതിരോധശേഷി, നവീകരണം, സഹകരണം, സുസ്ഥിരത എന്നിവയിൽ അധിഷ്ഠിതമായ വികസനം സാധ്യമാക്കാൻ ഇത്തരം പരിഷ്കരണങ്ങൾ അത്യന്താപേക്ഷിതമാണെന്നും അദ്ദേഹം കൂട്ടിച്ചേർത്തു.

Story Summary

Addressing Day 2 of the 18th BRICS Summit 2026 in New Delhi, UN Secretary-General António Guterres called for urgent reforms in global multilateral institutions, including the UN Security Council and the Bretton Woods system, to reflect the modern multipolar world.

ന്യൂഡൽഹി: 2026-ലെ ബ്രിക്സ് ഉച്ചകോടി ഇന്ത്യയിൽ നടന്ന അവസരത്തിൽ പ്രതിപക്ഷ നേതാക്കളെ പരിഹസിച്ച് ബി.ജെ.പിയുടെ പുതിയ അനിമേഷൻ വീഡിയോ. ഉച്ചകോടിയിലെ ഇന്ത്യയുടെ നേട്ടങ്ങളെയും ആഗോള സ്വാധീനത്തെയും വിമർശിക്കുന്ന പ്രതിപക്ഷത്തെ ‘നാരാസ് ഫൂഫാ’ (പിണങ്ങിനിൽക്കുന്ന കാരണവർ) എന്ന് പരിഹസിച്ചാണ് ബി.ജെ.പി സോഷ്യൽ മീഡിയയിൽ ആനിമേറ്റഡ് വീഡിയോ പങ്കുവെച്ചത്.(BJP Naraz Phupha cartoon, BJP released a satirical ‘Naraz Phupha’ cartoon video on social media)

ആഗോളതലത്തിൽ ഇന്ത്യയുടെ സ്വാധീനവും നേതൃശേഷിയും ലോകം മുഴുവൻ അംഗീകരിക്കുമ്പോൾ, പ്രതിപക്ഷ നേതാക്കൾ പുറത്തുനിന്ന് അകാരണമായി അസംതൃപ്തി പ്രകടിപ്പിക്കുകയാണെന്ന് പാർട്ടി വീഡിയോയിലൂടെ ആരോപിക്കുന്നു. ബ്രിക്സ് ഉച്ചകോടിയുടെ പശ്ചാത്തലത്തിൽ സർക്കാരിനെതിരെ പ്രതിപക്ഷം വിവിധ വിമർശനങ്ങൾ ഉന്നയിക്കുന്നതിനിടെയാണ് ബി.ജെ.പിയുടെ ഈ സൈബർ മറുപടി.

Story Summary

The Bharatiya Janata Party (BJP) released a satirical ‘Naraz Phupha’ cartoon video on social media, mocking opposition leaders for allegedly expressing unwarranted displeasure over India’s growing global influence and leadership showcased at the BRICS Summit 2026.

ന്യൂഡൽഹി: ഡൽഹിയിൽ നടന്ന പതിനെട്ടാമത് ബ്രിക്സ് ഉച്ചകോടിയുടെ ഭാഗമായി ലോകനേതാക്കൾക്കായി കേന്ദ്ര സർക്കാർ ഒരുക്കിയ ശുദ്ധ സസ്യഭക്ഷണ അത്താഴവിരുന്നിനെ വിമർശിച്ച് കോൺഗ്രസ് നേതാവും ലോക്‌സഭാ പ്രതിപക്ഷ നേതാവുമായ രാഹുൽ ഗാന്ധി. ഇന്ത്യക്കാരിൽ 80 ശതമാനവും മാംസാഹാരം കഴിക്കുന്നവരാണെന്ന് വ്യക്തമാക്കിക്കൊണ്ടാണ് രാഹുൽ ഗാന്ധി കേന്ദ്ര സർക്കാരിനെതിരെ സോഷ്യൽ മീഡിയ പ്ലാറ്റ്‌ഫോമായ എക്‌സിലൂടെ രംഗത്തെത്തിയത്.(Rahul Gandhi Criticizes BRICS Summit Vegetarian Dinner Menu 80 Percent Non Vegetarian)

‘കണക്കുകൾക്കായി പറയട്ടെ: 80% ഇന്ത്യക്കാരും മാംസാഹാരം കഴിക്കുന്നവരാണ്. ഇന്ത്യൻ നോൺ വെജിറ്റേറിയൻ ഭക്ഷണം വളരെ രുചികരമാണ്; എന്റെ സഹോദരിയുടെ ചോലെ ഭട്ടൂറെയും,’ രാഹുൽ ഗാന്ധി എക്സിൽ കുറിച്ചു. ചോലെ ഭട്ടൂറെയുടെ ചിത്രം പങ്കുവെച്ചുകൊണ്ടായിരുന്നു അദ്ദേഹത്തിന്റെ പോസ്റ്റ്.

പ്രധാനമന്ത്രി നരേന്ദ്ര മോദി ഭാരത് മണ്ഡപത്തിൽ വെച്ച് ബ്രിക്സ് നേതാക്കൾക്കായി ഒരുക്കിയ അത്താഴവിരുന്നിൽ ഖാണ്ട്വി, പനീർ ലബാബ്ദാർ, മഷ്‌റൂം ഗലൗട്ടി, ചെറുധാന്യങ്ങൾ കൊണ്ടുള്ള വിഭവങ്ങൾ തുടങ്ങിയ സസ്യഭക്ഷണങ്ങളാണ് വിളമ്പിയത്. ഇന്ത്യയുടെ പരമ്പരാഗത ഭക്ഷണ സംസ്കാരവും സുസ്ഥിര ഭക്ഷണ രീതികളും വിദേശ നേതാക്കൾക്ക് മുന്നിൽ അവതരിപ്പിക്കുന്നതിന്റെ ഭാഗമായാണ് സസ്യഭക്ഷണ വിരുന്ന് ഒരുക്കിയതെന്ന് അധികൃതർ വ്യക്തമാക്കിയിരുന്നു. ഇതിനെതിരെയാണ് രാഹുൽ ഗാന്ധി വിമർശനവുമായി രംഗത്തെത്തിയത്.

Story Summary

Congress MP Rahul Gandhi criticized the Narendra Modi government over the exclusively vegetarian menu served at the BRICS Summit gala dinner in New Delhi, asserting that 80% of Indians consume non-vegetarian food. Sharing a picture of chole bhature, Rahul highlighted Indian non-vegetarian cuisine while questioning the official menu choice for visiting world leaders.

ന്യൂഡൽഹി: ഡൽഹിയിൽ നടന്ന പതിനെട്ടാമത് ബ്രിക്സ് ഉച്ചകോടിയിൽ സംയുക്ത പ്രഖ്യാപനത്തിലെത്താൻ അംഗരാജ്യങ്ങൾക്കിടയിൽ സമവായമുണ്ടാക്കിയ ഇന്ത്യയുടെ നയതന്ത്ര നീക്കങ്ങളെ പ്രശംസിച്ച് ഒമാൻ. വിവിധ രാജ്യങ്ങളെ ഒരുമിച്ചുകൊണ്ടുവരാനും പ്രധാന വിഷയങ്ങളിൽ സമവായം കണ്ടെത്താനുമുള്ള കഴിവ് ഇന്ത്യ തുടർച്ചയായി തെളിയിച്ചുകൊണ്ടിരിക്കുകയാണെന്ന് ഇന്ത്യയിലെ ഒമാൻ അംബാസഡർ ഈസ അൽഷിബാനി വ്യക്തമാക്കി. വാർത്താ ഏജൻസിയോട് സംസാരിക്കുകയായിരുന്നു അദ്ദേഹം.(Oman Praises India BRICS Summit 2026 Consensus Joint Declaration)

ഉച്ചകോടിയിൽ ഒരു സംയുക്ത പ്രഖ്യാപനം സാധ്യമാകുമോ എന്ന കാര്യത്തിൽ പല ആഗോള നിരീക്ഷകരിലും സംശയങ്ങളും നിരാശയും നിലനിന്നിരുന്നു. എന്നാൽ എല്ലാ അഭിപ്രായവ്യത്യാസങ്ങളും പരിഹരിച്ച് അംഗരാജ്യങ്ങളെ ഒരു പ്രഖ്യാപനത്തിലേക്ക് എത്തിക്കാൻ ഇന്ത്യയ്ക്ക് സാധിച്ചു. വിവിധ അന്താരാഷ്ട്ര കൂട്ടായ്മകളിൽ ഒന്നിലധികം രാജ്യങ്ങളെ ഒരുമിച്ചു നിർത്തി തീരുമാനങ്ങളെടുക്കാൻ ഇന്ത്യ കാണിക്കുന്ന ഈ മികവ് പുതിയൊരു കാര്യമല്ലെന്നും മുൻപും ഇന്ത്യ അത് തെളിയിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

Story Summary 

Oman commended India for its consensus-building efforts at the 18th BRICS Summit 2026 in New Delhi, leading to the adoption of the joint declaration. Oman’s Ambassador to India, Issa Alshibani, stated that bringing multiple nations together on key issues is “nothing new” for New Delhi.

മുംബൈ: 67 കാരനായ സൂറത്ത് വസ്ത്ര വ്യാപാരി മുംബൈയിൽ വച്ച് തട്ടിപ്പിനിരയായി. 1.5 കിലോ സ്വർണ്ണവും 33.35 ലക്ഷം രൂപയും നഷ്ടമായതായി വ്യാപാരി പൊലീസിന് നൽകിയ പരാതിയിൽ പറയുന്നു.

മലപ്പുറം സ്വദേശികളായ മുഹമ്മദ് ആസിഫ്, നിയാസ് മുഹമ്മദ് എന്നിവ‍ർക്കെതിരെയാണ് പരാതി. 

വ്യാപാരിയുടെ മൊഴി ഇങ്ങനെ. മുഹമ്മദ് ആസിഫിൻ്റെ നിർദേശപ്രകാരം ദുബൈയിൽ നിന്നാണ് സ്വർണ്ണ കട്ടികൾ വാങ്ങിയത്. തുട‍ർന്ന് ആസിഫും സുഹൃത്ത് നിയാസ് മുഹമ്മദും വ്യാപാരിക്കൊപ്പം മുംബൈയിൽ എത്തി. 

വിമാനത്താവളത്തിൽ വച്ച് സഹായിക്കാനെന്ന വ്യാജേന നിയാസ് പണവും സ്വർണ്ണവുമടങ്ങിയ ബാഗ് കൈക്കലാക്കുകയായിരുന്നു. 

കസ്റ്റംസ് ഡ്യൂട്ടി അടയ്ക്കുന്നതിനിടെ നിയാസ് ബെംഗളൂരുവിലേക്കുള്ള വിമാനത്തിൽ ബാഗുമായി കടന്നുകളയുകയായിരുന്നുവെന്ന് വ്യാപാരി പരാതിപ്പെട്ടു. പരാതിയിൽ മുംബൈ സഹർ പോലീസ് അന്വേഷണം തുടങ്ങി

കുവൈത്ത് സിറ്റി: 2026–2027 പുതിയ അക്കാദമിക് വർഷത്തിന് തുടക്കമാകുന്നതിന് മുന്നോടിയായി രാജ്യത്തുടനീളം സുരക്ഷയും ഗതാഗത നിയന്ത്രണങ്ങളും കർശനമാക്കി കുവൈത്ത് ആഭ്യന്തര മന്ത്രാലയം. 

വിദ്യാർത്ഥികളുടെ സുരക്ഷ ഉറപ്പാക്കുന്നതിനും റോഡുകളിലെ ഗതാഗതക്കുരുക്ക് ഒഴിവാക്കുന്നതിനുമായി 870 സെക്യൂരിറ്റി-ട്രാഫിക് പട്രോളിംഗ് യൂണിറ്റുകളെയാണ് സ്കൂൾ പരിസരങ്ങളിലും പ്രധാന റോഡുകളിലും നിർണായക മേഖലകളിലുമായി വിന്യസിച്ചിരിക്കുന്നത്.

റോഡുകളിലെ സ്ഥിതിഗതികൾ തത്സമയം നിരീക്ഷിക്കുന്നതിനായി 338 ട്രാഫിക് ക്യാമറകൾ സജ്ജമാക്കിയിട്ടുണ്ടെന്ന് മന്ത്രാലയം അറിയിച്ചു. ഗതാഗത നിയമലംഘനങ്ങൾ തടയുന്നതിനും സുഗമമായ യാത്ര ഉറപ്പാക്കുന്നതിനും ഇത് സഹായിക്കും.

ഇതോടൊപ്പം പൊതുജനങ്ങളിലും വിദ്യാർത്ഥികളിലും അവബോധം വളർത്തുന്നതിനായി “പ്രിവൻഷൻ ആൻഡ് സേഫ്റ്റി” (Prevention and Safety) എന്ന പേരിൽ പ്രത്യേക പ്രചാരണ പരിപാടിക്കും മന്ത്രാലയം തുടക്കമിട്ടു. 

ട്രാഫിക് സുരക്ഷ, കുട്ടികളുടെ സംരക്ഷണം, മയക്കുമരുന്ന് വിരുദ്ധ സന്ദേശങ്ങൾ, സൈബർ സുരക്ഷ, പരിസ്ഥിതി സംരക്ഷണം എന്നിവയെക്കുറിച്ച് സമൂഹത്തിൽ വലിയ തോതിലുള്ള അവബോധം സൃഷ്ടിക്കുകയാണ് ഈ ക്യാമ്പയിനിലൂടെ ലക്ഷ്യമിടുന്നത്.

തൃശ്ശൂർ: മുതിര്‍ന്ന സിപിഎം നേതാവും ട്രേഡ്യൂണിയൻ നേതാവുമായ ബേബി ജോൺ മാസ്റ്റർ അന്തരിച്ചു. 74 വയസായിരുന്നു.

ദീർഘനാളായി അസുഖ ബാധിതനായി ചികിത്സയിലായിരുന്നു അദ്ദേഹം. സിപിഎം മുൻ സംസ്ഥാന സെക്രട്ടറിയേറ്റ് അംഗമാണ്.

സിപി എം സംസ്ഥാനകമ്മിറ്റി അംഗം, ജില്ലാ സെക്രട്ടറി എന്നീ നിലകളിൽ പ്രവർത്തിച്ചിരുന്നു. സിഐടിയു തൃശൂർ ജില്ലാ സെക്രട്ടറിയായും പ്രവർത്തിച്ചിട്ടുണ്ട്.

മണലൂർ മണ്ഡലത്തിെൽ തൈക്കാട് ചക്രമാക്കിൽ അന്തോണിയുടെയും മേരിയുടെയും മകനായി 1952ലായിരുന്നു ജനനം. 1969 മുതൽ ഇടതുപക്ഷപ്രസ്ഥാനങ്ങളുമായി ബന്ധപ്പെട്ട് പ്രവർത്തിക്കുന്ന അദ്ദേഹം 1971ൽ പാർട്ടി അംഗമായി. പാലുവായ് ബ്രാഞ്ച് സെക്രട്ടറി, തൈക്കാട്, ചാവക്കാട് ലോക്കൽ കമ്മിറ്റി സെക്രട്ടറി എന്നീ നിലകളിൽ പ്രവർത്തിച്ചശേഷം 1984മുതൽ 97വരെ ചാവക്കാട് ഏരിയ സെക്രട്ടറിയായി. 1986ൽ ജില്ലാ കമ്മിറ്റിയംഗമായ ഇദ്ദേഹം 97മുതൽ ജില്ലാ സെക്രട്ടറിയറ്റംഗമാണ്. 2006 ജൂലൈയിൽ സിപിഐ എം തൃശൂർ ജില്ലാസെക്രട്ടറിയായി. 

കേരള ബീഡി ആൻഡ് സിഗാർ വർക്കേഴ്സ് ഫെഡറേഷൻ സംസ്ഥാന വൈസ് പ്രസിഡന്റ്, മത്സ്യത്തൊഴിലാളി യൂണിയന്റെ ജില്ലാ സെക്രട്ടറി, സംസ്ഥാന ഫെഡറേഷൻ ഭാരവാഹി, ചാവക്കാട് മേഖലാ ചെത്തുതൊഴിലാളി യൂണിയൻ പ്രസിഡന്റ്, യൂണിയന്റെ സ്റ്റേറ്റ് ഫെഡറേഷൻ വൈസ് പ്രസിഡന്റ്, തൃശൂർ ജില്ലാ ഹെഡ് ലോഡ് ആൻഡ് ജനറൽ വർക്കേഴ്സ് യൂണിയൻ പ്രസിഡന്റ്, സംസ്ഥാന ഫെഡറേഷന്റെ വൈസ് പ്രസിഡന്റ് തുടങ്ങിയ നിലകളിലും പ്രവർത്തിച്ചിട്ടുണ്ട്. 

ഒട്ടേറെ സമരപോരാട്ടങ്ങൾക്ക് നേതൃത്വം നൽകിയ ബേബിജോൺ അടിയന്തരാവസ്ഥയിൽ രണ്ടരമാസം ജയിലിലായി. അടിയന്തരാവസ്ഥക്കാലത്ത് ഡിഐആർ പ്രകാരം രണ്ടുതവണ അറസ്റ്റിലായി. 

തൈക്കാട് പഞ്ചായത്തിലെ ബ്ലാങ്ങാട് പിവിഎംഎൽപി സ്കൂളിൽ 1971 മുതൽ അധ്യാപകനായിരുന്നു. പൊലീസ് നടപടികളെത്തുടർന്ന് ഒന്നരകൊല്ലം സർവീസിൽനിന്ന് സസ്പെൻഡ് ചെയ്യപ്പെട്ടു. 

1991ൽ സർവീസിൽനിന്നും സ്വയം വിരമിച്ച് മുഴുവൻ സമയ രാഷ്ട്രീയ പ്രവർത്തകനായി. ചാവക്കാട് നഗരസഭ നിലവിൽ വന്നപ്പോൾ (1980–-85) കൗൺസിലറും ആദ്യ സ്റ്റാൻഡിങ് കമ്മിറ്റി ചെയർമാനുമായി. 88ൽ വീണ്ടും കൗൺസിലറായി തെരഞ്ഞെടുക്കപ്പെട്ടു. 

ചാവക്കാട് സർവീസ് സഹകരണ ബാങ്ക് പ്രസിഡന്റായും കള്ള് വ്യവസായ ക്ഷേമനിധി ബോർഡ് അംഗമായും പ്രവർത്തിച്ചിട്ടുണ്ട്. 

ബേബി ജോൺ 2011ൽ നിയമസഭ തെരഞ്ഞെടുപ്പിൽ മണലൂർ മണ്ഡലത്തിൽ നിയമസഭയിലേക്ക് ജനവിധി തേടി. ബേബി ജോൺ 2011ലെ നിയമസഭ തെരഞ്ഞടുപ്പ് വരെ ആ സ്ഥാനത്തുണ്ടായി. ഭാര്യ: ഷീല. മാനവൻ (ദേശാഭിമാനി), ഹിമവാൻ (ചാവക്കാട് സർവീസ് സഹകരണ ബാങ്ക്), അംഗന (അയ്യന്തോൾ സഹകരണബാങ്ക് )എന്നിവരാണ് മക്കൾ

Subscribe to Media 4 News YouTube Channel here ► https://tinyurl.com/ycbt2nma for Malayalam News Live updates

Website ► http://www.media4channel.in
Facebook ► https://www.facebook.com/Media4channel
Twitter ► https://www.instagram.com/media4_news_thrissur

Media 4 News, is a leading malayalam news channel, which having a wide range of viewers on social media platforms. We are keen to report district based news as prior and also having a full media coverage from all district via stringers.