ചാലക്കുടി പുഴയിൽ ഒഴുക്കിൽപ്പെട്ട തമിഴ്‌നാട് സ്വദേശിയെ സാഹസികമായി രക്ഷിച്ച് അഗ്നിരക്ഷാസേന

ചാലക്കുടി: ഫോട്ടോയെടുക്കുന്നതിനിടെ ചാലക്കുടി പുഴയിലെ ശക്തമായ ഒഴുക്കിൽപ്പെട്ട യുവാവിനെ അതിസാഹസികമായി രക്ഷിച്ച് അഗ്നിരക്ഷാസേന. തമിഴ്‌നാട് സ്വദേശിയായ സുരേന്ദ്രനാണ് അപകടത്തിൽപ്പെട്ടത്.

പുഴയുടെ സൗന്ദര്യം കണ്ട് ഫോട്ടോയെടുക്കാൻ ശ്രമിക്കുന്നതിനിടെ സുരേന്ദ്രൻ അപ്രതീക്ഷിതമായി ശക്തമായ ഒഴുക്കിൽപ്പെടുകയായിരുന്നു. വിവരമറിഞ്ഞ് മിനിറ്റുകൾക്കകം സ്ഥലത്തെത്തിയ ഫയർഫോഴ്സ് സംഘം കൃത്യമായ രക്ഷാപ്രവർത്തനത്തിലൂടെ ഇയാളെ സുരക്ഷിതമായി കരയ്‌ക്കെത്തിച്ചു.

കഴിഞ്ഞ ദിവസവും ചാലക്കുടി പുഴയിൽ ഒഴുക്കിൽപ്പെട്ട മറ്റൊരു വ്യക്തിയെ അഗ്നിരക്ഷാസേന സമാനമായ രീതിയിൽ രക്ഷപ്പെടുത്തിയിരുന്നു. പുഴയിൽ നീരൊഴുക്ക് ശക്തമായതിനാൽ സന്ദർശകരും നാട്ടുകാരും ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.