വഞ്ചിയിൽനിന്ന് എഞ്ചിനും നീട്ടുവലയും മോഷ്ടിക്കുകയും വഞ്ചി മോഷ്ടിച്ചുകൊണ്ടുപോകാൻ ശ്രമിക്കുകയും ചെയ്ത കേസിൽ കവർച്ച, തട്ടിപ്പ്, മോഷണം, വധശ്രമം തുടങ്ങി നിരവധി മോഷണക്കേസുകളിൽ പ്രതിയായ സ്റ്റേഷൻ റൗഡി അറസ്റ്റിൽ

കുളിമുട്ടം തട്ടുങ്ങൾ വീട്ടിൽ ആലിപറമ്പിൽ അൽത്താഫ് (26) ആണ് അറസ്റ്റിലായത്. നടപടിക്രമങ്ങൾ പൂർത്തിയാക്കിയ ശേഷം പ്രതിയെ കോടതിയിൽ ഹാജരാക്കും.
കോട്ടപ്പുറം മാണിക്യപ്പാലത്തുള്ള കടവിൽ കെട്ടിയിരുന്ന കോട്ടപ്പുറം മാണിക്യപ്പാലം സ്വദേശി പെരിങ്ങാട്ട് വീട്ടിൽ വിശാഖിന്റെ (25) പിതാവിന്റെ ഉടമസ്ഥതയിലുള്ള വഞ്ചിയിൽനിന്ന് പ്രതി, 25,000 രൂപ വിലവരുന്ന ലംബാർഡിൻ എഞ്ചിൻ മോഷ്ടിക്കുകയും വഞ്ചി മോഷ്ടിച്ചുകൊണ്ടുപോകാൻ ശ്രമിക്കുകയും ചെയ്തു. തുടർന്ന് അതേ ദിവസം രാത്രി 10.30 മണിയോടെ വി.പി. തുരുത്തിൽ കെട്ടിയിരുന്ന മേത്തല വി.പി. തുരുത്ത് സ്വദേശി കടവിൽ വീട്ടിൽ അൻസാറിന്റെ (50) ഉടമസ്ഥതയിലുള്ള വഞ്ചിയിൽനിന്ന് 10,000 രൂപ വിലവരുന്ന നീട്ടുവലയും മോഷ്ടിച്ചു. ഈ സംഭവങ്ങളുമായി ബന്ധപ്പെട്ട കേസിലാണ് അൽത്താഫിനെ പോലീസ് അറസ്റ്റ് ചെയ്തത്.