Thrissur District

കേന്ദ്രസർക്കാരിന് കീഴിലുള്ള സെലക്ഷൻ പോസ്റ്റുകളിലെ നിയമനത്തിനായി നടത്തുന്ന പരീക്ഷക്ക് സ്റ്റാഫ് സെലക്ഷൻ കമ്മീഷൻ വിജ്ഞാപനം പ്രസിദ്ധീകരിച്ചു.പത്താം ക്ലാസ്, ഹയർസെക്കൻഡറി, ബിരുദ യോഗ്യതയുള്ളവർക്ക് അപേക്ഷിക്കാം. വിവിധ തസ്തികകളിലായി 3003 ഒഴിവുണ്ട്. ഇതില്‍ 324 ഒഴിവ് കേരളം ഉള്‍പ്പെടുന്ന റീജ്യനിലാണ്. വിവിധ വകുപ്പുകളിലായാണ് ഒഴിവുകള്‍. തിരഞ്ഞെടുപ്പിനായുള്ള കമ്പ്യൂട്ടർ അധിഷ്ഠിത പരീക്ഷ 2026 ജൂണില്‍ നടക്കും. കേരളത്തില്‍ ഒൻപത് പരീക്ഷാകേന്ദ്രങ്ങളുണ്ടാവും. ഓണ്‍ലൈനായി അപേക്ഷിക്കണം. കേരള- കർണാടക റീജ്യനില്‍ പത്താംക്ലാസ് യോഗ്യതയുള്ള തസ്തികകള്‍ ലബോറട്ടറി അറ്റൻഡ്, ഫീല്‍ഡ് അസിസ്റ്റന്റ്, സ്റ്റെനോഗ്രാഫർ, ലോവർ ഡിവിഷൻ

പാലക്കാട്, തൃശൂർ, കൊല്ലം ജില്ലകളിലെ ഒറ്റപ്പെട്ടയിടങ്ങളിൽ ഇന്ന് ഉഷ്ണ തരംഗ സാധ്യത.  പാലക്കാട്ട് 41 °C വരെയും; കൊല്ലം, തൃശൂർ ജില്ലകളിൽ 40 °c വരെയും താപനില ഉയരും. കോട്ടയം, പത്തനംതിട്ട, എറണാകുളം, കോഴിക്കോട് ജില്ലകളിൽ 38 °C വരെ ഉയരാം. കൊല്ലം, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി. അങ്കണവാടികളിലെ പ്രീ സ്‌കൂൾ പ്രവർത്തനം ഒരാഴ്ചത്തേയ്ക്ക് നിർത്തിവെച്ചിട്ടുണ്ട്.

തൃശ്ശൂർ ജില്ലയിലെ സ്കൂളുകൾ, കോളേജുകൾ (പ്രൊഫഷണൽ കോളേജുകൾ ഉൾപ്പെടെ) എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ ശിഖ സുരേന്ദ്രൻ ഇന്ന് (24-04-26) അവധി പ്രഖ്യാപിച്ചു. കേന്ദ്ര കാലാവസ്ഥാ വകുപ്പ് ജില്ലയിൽ ഏപ്രിൽ 23, 24 തിയതികളിൽ ഉഷ്ണതരംഗസാധ്യതക്കുള്ള ഓറഞ്ച് അലർട്ട് പ്രഖ്യാപിച്ചിട്ടുള്ള സാഹചര്യത്തിലും ജില്ലയിലെ താപനില 40°C വരെ ഉയരാനുള്ള സാധ്യത മുന്നറിയിപ്പുള്ളതിനാലുമാണ് അവധി പ്രഖ്യാപിക്കുന്നത്. സ്ഥാപനങ്ങൾക്ക് അത്യാവശ്യസാഹചര്യങ്ങളിൽ ഓൺലൈനായി ക്ലാസ്സുകൾ നടത്താവുന്നതാണ്. സർവകലാശാലകൾ/ബോർഡുകൾ, സംസ്ഥാന സർക്കാർ ഇതിനകം അറിയിച്ചിട്ടുള്ളതും ഷെഡ്യൂൾ ചെയ്ത പരീക്ഷകൾക്കും അവധി ബാധകമ

ഗുരുവായൂര്‍ ക്ഷേത്രത്തില്‍ ശുദ്ധി ചടങ്ങുകള്‍ നടക്കുന്നതിനാല്‍ മേയ് 1, 2 തീയതികളില്‍ ദര്‍ശനത്തിന് നിയന്ത്രണം ഉണ്ടാകും. വൈകീട്ട് ദീപാരാധനയ്ക്ക് ശേഷം അത്താഴപൂജ കഴിയുന്നത് വരെയാണ് ദര്‍ശന നിയന്ത്രണം ഏര്‍പ്പെടുത്തിയിരിക്കുന്നത്. ഈ സമയത്ത് ഭക്തര്‍ക്ക് നാലമ്പലത്തിലേക്ക് പ്രവേശനം ഉണ്ടാകില്ല. ഗുരുവായൂരപ്പന് മേയ് ഒന്നിന് വൈകുന്നേരവും മേയ് 2 ന് രാവിലെയുമാണ് ശുദ്ധി ചടങ്ങുകള്‍.