Thrissur District

സംസ്ഥാനത്ത് മിൽമ പാൽ വില വർധിപ്പിക്കുന്നതിൽ തീരുമാനമായി. ലിറ്ററിന് നാല് രൂപ കൂട്ടും. പ്രഖ്യാപനം ഇന്നുണ്ടാവില്ലെന്നും തീരുമാനം നടപ്പിലാക്കുക മെയ്യ് 6ന് ശേഷമെന്നും ഡയറക്ടർ ബോർഡ് അറിയിച്ചു. ഇന്ന് തന്നെ വില വർധന പ്രാബല്യത്തിൽ വരുത്താത്ത തീരുമാനത്തിൽ പ്രതിഷേധിച്ച് കോൺഗ്രസ് ഭരണ സമിതി നേതൃത്വം നൽകുന്ന എറണാകുളം യൂണിയൻ രംഗത്തെത്തി. പാൽ വില വർദ്ധിപ്പിക്കാൻ ചേർന്ന യോഗത്തിലാണ് ഡയറക്ടർ ബോർഡ് തീരുമാനം വ്യക്തമാക്കിയത്.

ഇന്നലെ രണ്ടുതവണ കുറഞ്ഞ സ്വർണ വിലയിൽ ഇന്ന് വർധന. ഗ്രാമിന് 40 രൂപ കൂടി 13,875 രൂപയും പവന് 320 രൂപ കൂടി 1,11,000 രൂപയുമായി. ഇന്നലെ രാവിലെയും വൈകീട്ടുമായി 1320 രൂപയാണ് പവന് കുറഞ്ഞത്. പവന് 1,10,680 രൂപയും ഗ്രാമിന് 13,835 രൂപയുമായിരുന്നു വില.ആഗോളവിപണിയിൽ സ്വർണം ട്രോയ് ഔൺസിന് 12.76 ഡോളർ കൂടി 4,606.84 ഡോളറാണ് വില. 0.28 ശതമാനമാണ് വർധന.

തൃശൂർ : ബന്ധുവീട്ടിലേക്കുള്ള യാത്രയ്ക്കിടെ ഒന്നാം ക്ലാസ് വിദ്യാർത്ഥിനി കുഴഞ്ഞുവീണ് മരിച്ചു. തൃശൂർ താഴപ്ര കോടംകുന്നത്ത് വീട്ടിൽ അലി സഖാഫിയുടെ മകൾ സൻഹാ മഹ്റിൻ (7) ആണ് മരിച്ചത്. കുടുംബത്തോടൊപ്പം ബന്ധുവീട്ടിലേക്ക് പോകുന്നതിനിടെയാണ് ദാരുണമായ സംഭവം ഉണ്ടായത്. യാത്രയ്ക്കിടെ കുട്ടി പെട്ടെന്ന് കുഴഞ്ഞുവീഴുകയായിരുന്നു. ഉടൻതന്നെ സമീപത്തെ സ്വകാര്യ ആശുപത്രിയിൽ എത്തിച്ച് അടിയന്തര ചികിത്സ ലഭ്യമാക്കിയെങ്കിലും ജീവൻ രക്ഷിക്കാനായില്ല.

ദേശീയപാതയി എടമുട്ടം പാലപ്പെട്ടിയിൽ കെഎസ്ആർടിസി ബസ്സും കാറും കൂട്ടിയിടിച്ച് കാർ യാത്രക്കാരായ രണ്ട് പേർക്ക് പരിക്ക്. പടിഞ്ഞാറെ വളവിന് തെക്ക് ഭാഗത്താണ് അപകടമുണ്ടായത്. ഗുരുവായൂരിൽ നിന്നും എറണാകുളത്തേക്ക് പോയിരുന്ന ബസ്സും എതിരെ വന്ന കാറുമാണ് അപകടത്തിൽപ്പെട്ടത്. അപകടത്തെത്തുടർന്ന് നിയന്ത്രണം വിട്ട ബസ് സമീപത്തെ സ്‌കൂളിൻ്റെ മതിലിൽ ഇടിച്ചാണ് നിന്നത്. കാർ യാത്രക്കാരായ പെരിങ്ങോട്ടുകര സ്വദേശികൾക്കാണ് പരിക്കേറ്റത്. ഇവരെ വലപ്പാട് മിറാക്കിൾ ആംബുലൻസ് പ്രവർത്തകർ കൊടുങ്ങല്ലൂർ എആർ ആശുപത്രിയിൽ പ്രവേശിപ്പിച്ചിട്ടുണ്ട്.

വാടാനപ്പള്ളി :  ദേശീയപാത 66 ൽ ഏത്തായിയിൽ ഓട്ടോറിക്ഷയും പിക്കപ്പും കൂട്ടിയിടിച്ച് ഓട്ടോറിക്ഷ ഡ്രൈവർ ഉൾപ്പെടെ മൂന്ന് പേർക്ക് പരിക്കേറ്റു. ഗുരുതര പരിക്കേറ്റ ഓട്ടോറിക്ഷാ ഡ്രൈവർ മുല്ലശ്ശേരി സ്വദേശി പോൾസൺ (55) നെ തൃശ്ശൂർ ജൂബിലി മിഷൻ ആശുപത്രിയിൽ പ്രവേശിപ്പിച്ചു. ഓട്ടോറിക്ഷ യാത്രക്കാരായ രണ്ട് പേരെ ഏങ്ങണ്ടിയൂർ എം.ഐ ആശുപത്രിയിലും പ്രവേശിപ്പിച്ചു. ഇന്ന് ഉച്ചക്കായിരുന്നു അപകടം. അപകടത്തിൽ ഓട്ടോറിക്ഷയിൽ നിന്നും റോഡിലേക്ക് തെറിച്ച് വീണാണ് പോൾസണ് പരിക്കേറ്റത്.

അസാപ് കമ്മ്യൂണിറ്റി സ്‌കില്‍ പാർക്കില്‍ പവർ ഇലക്‌ട്രോണിക്‌സ് സർവീസ് ടെക്‌നീഷ്യൻ കോഴ്‌സിലേക്ക് അപേക്ഷ ക്ഷണിച്ചു.ഒ.ബി.സി വിഭാഗത്തില്‍പ്പെടുന്നവർക്ക് പൂർണ്ണമായും സൗജന്യമായ ഈ പരിശീലനത്തിന് സ്‌റ്റൈപെൻഡ് ലഭ്യമാണ്. നാല് മാസം ദൈർഘ്യമുള്ള കോഴ്‌സിലേക്ക് ഐ.ടി.ഐ, ഡിപ്ലോമ, ബി.ടെക് (ഇലക്‌ട്രിക്കല്‍ / ഇ.സി.ഇ) യോഗ്യതയുള്ളവർക്ക് അപേക്ഷിക്കാം. വാർഷിക കുടുംബ വരുമാനം 2.5 ലക്ഷം രൂപ വരെ ഉള്ളവർക്കാണ് പ്രവേശനം. പരിശീലനത്തിനു ശേഷം പ്ലേസ്‌മെന്റ് സഹായവും ഉറപ്പുനല്‍കുന്നുണ്ട്. താല്‍പര്യമുള്ളവർ രജിസ്റ്റർ ചെയ്യുക. കൂടുതല്‍ വിവരങ്ങള്‍ക്ക്: 9495999675.

രാഷ്ട്രീയ കേരളം ആകാംക്ഷയോടെ കാത്തിരിക്കുന്ന എക്സിറ്റ് പോള്‍ ഫലങ്ങള്‍ ഇന്നറിയാം. നിയമസഭാ തെരഞ്ഞെടുപ്പ് ഫലം വരാൻ ദിവസങ്ങള്‍ മാത്രം അവശേഷിക്കവെ മുന്നണികളും രാഷ്ട്രീയ പാർട്ടികളും നടത്തുന്ന കണക്കുകൂട്ടലുകള്‍ക്കും കരുനീക്കങ്ങള്‍ക്കും എക്സിറ്റ് പോള്‍ ഫലങ്ങള്‍ ആക്കംകൂട്ടും.വരാനിരിക്കുന്ന ദിവസങ്ങളിലെ രാഷ്ട്രീയചർച്ചകള്‍ക്കും ഈ ഫലങ്ങള്‍ തന്നെയാകും പ്രധാന ആധാരം. കഴിഞ്ഞ നിയമസഭാ തിരഞ്ഞെടുപ്പിലും ഏപ്രില്‍ 29-നായിരുന്നു എക്സിറ്റ് പോള്‍ ഫലങ്ങള്‍ പുറത്തുവന്നത്. ദേശീയ മാധ്യമങ്ങളും വിവിധ ഏജൻസികളും അന്ന് എല്‍ഡിഎഫിന് തുടർഭരണം പ്രവചിച്ചിരുന്നു. പിന്നീട് വോട്ടെണ്ണല്‍ ഫലം വന്നപ്പോള്‍ ആ പ്രവചനങ്ങള്‍