കാവസാക്കി വേർസിസ് 650 പുതിയ നിറത്തിൽ വിപണിയിൽ; എക്സ്-ഷോറൂം വില 8.63 ലക്ഷം രൂപ!

ജനപ്രിയ അഡ്വഞ്ചർ ടൂറർ മോഡലായ വേർസിസ് 650-ന്റെ 2027 പതിപ്പ് കാവസാക്കി ഇന്ത്യ വിപണിയിലെത്തിച്ചു. 8.63 ലക്ഷം രൂപയാണ് പുതിയ മോഡലിന്റെ എക്സ്-ഷോറൂം വില. വലിയ മെക്കാനിക്കൽ മാറ്റങ്ങളൊന്നുമില്ലാതെ എത്തുന്ന ഈ പുതിയ പതിപ്പിന്റെ പ്രധാന ആകർഷണം ആകർഷകമായ ‘കാൻഡി ലൈം ഗ്രീൻ’ പെയിന്റ് സ്കീമാണ്. കാവസാക്കിയുടെ പരമ്പരാഗത പച്ച നിറത്തിന് കൂടുതൽ തിളക്കവും പുതുമയും നൽകുന്നതാണ് ഈ പുതിയ കളർ ഓപ്ഷൻ. നിറം ഒഴികെയുള്ള ഡിസൈനും ഫ്രെയിമും സസ്പെൻഷനും മുൻ മോഡലിൽ നിന്ന് അതേപടി നിലനിർത്തിയിട്ടുണ്ട്.

ബൈക്കിന്റെ കരുത്തുറ്റ പ്രകടനത്തിന് മാറ്റമില്ലാതെ 649 സിസി, ലിക്വിഡ് കൂൾഡ്, പാരലൽ ട്വിൻ എൻജിൻ തന്നെയാണ് തുടരുന്നത്. ഇത് 8,500 ആർപിഎമ്മിൽ 67 ബിഎച്ച്പി കരുപ്പും 7,000 ആർപിഎമ്മിൽ 61 എൻഎം ടോർക്കും ഉത്പാദിപ്പിക്കുന്നു. 6 സ്പീഡ് ഗിയർബോക്സിനൊപ്പം അസിസ്റ്റ് ആൻഡ് സ്ലിപ്പർ ക്ലച്ചും നൽകിയിട്ടുണ്ട്. ദീർഘദൂര യാത്രകൾക്കായി രൂപകൽപ്പന ചെയ്ത ഈ മോഡലിൽ 21 ലിറ്റർ ശേഷിയുള്ള വലിയ ഇന്ധന ടാങ്ക്, ഉയരം ക്രമീകരിക്കാവുന്ന വിൻഡ്സ്ക്രീൻ, ട്രാക്ഷൻ കൺട്രോൾ, സ്മാർട്ട്ഫോൺ കണക്റ്റിവിറ്റിയോടുകൂടിയ 4.3 ഇഞ്ച് ടിഎഫ്ടി ഡിസ്പ്ലേ എന്നിവയും ഉൾപ്പെടുന്നു.

Also Read: റോയൽ എൻഫീൽഡ് ‘വൺ റൈഡ് 2026’! ഹിമപ്പുലി സംരക്ഷണവുമായി ആഗോള ബൈക്ക് മഹാമേളം

ഇന്ത്യൻ വിപണിയിലെ മിഡിൽവെയ്റ്റ് ടൂറിങ് വിഭാഗത്തിൽ ഹോണ്ട എൻഎക്സ്500 ആണ് വേർസിസ് 650-ന്റെ പ്രധാന എതിരാളി. ഹോണ്ട മോഡലിന് 7.44 ലക്ഷം രൂപ വില വരുമ്പോൾ, കൂടുതൽ ടൂറിങ് കേന്ദ്രീകൃതമായാണ് കാവസാക്കി ഈ ബൈക്ക് ഒരുക്കിയിരിക്കുന്നത്. പുതിയ നിറവും ശക്തമായ എൻജിനും വലിയ ടാങ്കും ഒരേപോലെ ഒത്തിണങ്ങിയ 2027 വേർസിസ് 650, ദീർഘദൂര യാത്രാപ്രേമികൾക്ക് വിപണിയിലെ ഏറ്റവും മികച്ച ചോയ്സുകളിൽ ഒന്നായി തുടരുന്നു.

The post കാവസാക്കി വേർസിസ് 650 പുതിയ നിറത്തിൽ വിപണിയിൽ; എക്സ്-ഷോറൂം വില 8.63 ലക്ഷം രൂപ! appeared first on Express Kerala.