നേപ്പാൾ പ്രളയം: 130 ടണ്ണിലധികം സഹായ സാമഗ്രികൾ കൈമാറി ഇന്ത്യ, എട്ടാമത്തെ വിമാനവും ഇന്നലെ കാഠ്മണ്ഡുവിൽ ഇറങ്ങി, ദുരിതാശ്വാസവും രക്ഷാപ്രവർത്തനവും ശക്തമാക്കി | Nepal Flood
കാഠ്മണ്ഡു: പ്രകൃതിദുരന്തം വിതച്ച നേപ്പാളിന് താങ്ങായി ഇന്ത്യയുടെ സഹായഹസ്തം. പ്രളയത്തിലും ഉരുൾപൊട്ടലിലും വലയുന്ന നേപ്പാളിലേക്ക് 130 ടണ്ണിലധികം ദുരിതാശ്വാസ സാമഗ്രികളും 54 വിദഗ്ധ രക്ഷാപ്രവർത്തകരെയുമാണ് ഇന്ത്യ അയച്ചത്. ഓഗസ്റ്റ് 26-ന് ആരംഭിച്ച ദുരിതാശ്വാസ ദൗത്യത്തിന്റെ ഭാഗമായി 35 ടൺ രക്ഷാ സാമഗ്രികളുമായി എട്ടാമത്തെ ഇന്ത്യൻ വ്യോമസേനാ വിമാനം ഇന്നലെ കാഠ്മണ്ഡുവിൽ ഇറങ്ങി.(Nepal Flood, India Escalates Flood Relief Assistance To Nepal With 130 Tonnes Materials)
മണ്ണിൽ ഉപയോഗിക്കുന്ന റെസ്ക്യൂ സ്യൂട്ടുകൾ, ഗ്യാസ് ഡിറ്റക്ടറുകൾ, ബ്രീത്തിങ് അപാരറ്റസ്, എയർ പമ്പുകൾ, ഇൻഫ്ലേറ്റബിൾ വാക്ക്വേകൾ, പോർട്ടബിൾ ജനറേറ്ററുകൾ എന്നിവ അടക്കമുള്ള ആധുനിക ഉപകരണങ്ങൾ ഇന്ത്യ കൈമാറി. പ്രളയത്തിൽ മരിച്ചവരെ തിരിച്ചറിയുന്നതിനായി ഡി.എൻ.എ കിറ്റുകളും അനുബന്ധ പരിശോധനാ ഉപകരണങ്ങളും ഇന്ത്യ നൽകിയിട്ടുണ്ട്.
പർവ്വത മേഖലകളായ ചിലിമെ, ലാംഗ്താങ് എന്നിവിടങ്ങളിൽ നേപ്പാൾ സേനയ്ക്കൊപ്പം ഇന്ത്യയുടെ പ്രത്യേക ടണൽ റെസ്ക്യൂ ടീം സജീവമാണ്. ചിലിമെയിലെ തുരങ്കത്തിൽ കഠിനമായ ഭൂപ്രകൃതിയും തടസ്സങ്ങളും തരണം ചെയ്ത് തിരച്ചിൽ തുടരുകയാണ്. എക്സ്കവേറ്ററുകൾ അടക്കമുള്ള വൻകിട യന്ത്രങ്ങൾ എത്തിക്കുന്നതിനായി താൽക്കാലിക പാത നിർമ്മിച്ചു വരികയാണ്. എട്ടാമത് വിമാനത്തിൽ എത്തിച്ച സഹായ സാമഗ്രികൾ ഇന്ത്യൻ സ്ഥാനപതി നവീൻ ശ്രീവാസ്തവ നേപ്പാൾ മന്ത്രി മഹാവീർ പുന്നിന് കൈമാറി. വരും ദിവസങ്ങളിലും ഇന്ത്യയുടെ സഹായ നടപടികൾ തുടരും.
Story Summary
India has significantly scaled up its humanitarian assistance to flood-hit Nepal by dispatching over 130 tonnes of relief materials and deploying 54 search and rescue experts. In addition to technical rescue gear and DNA profiling kits, Indian tunnel rescue personnel are actively assisting the Nepali Army in challenging terrain like Chilime and Langtang.
