പ്രണബ് മുഖർജി പ്രധാനമന്ത്രിയാകാൻ ആഗ്രഹിച്ചെന്നും ഞെട്ടിയെന്നും സോണിയ ഗാന്ധി: ‘ഇത്ര ‘ഞെട്ടാൻ’ എന്തിരിക്കുന്നു’വെന്ന് മകൾ ശർമ്മിഷ്ഠ മുഖർജി | Sharmistha Mukherjee

ന്യൂഡൽഹി: മുൻ രാഷ്ട്രപതി പ്രണബ് മുഖർജിക്ക് പ്രധാനമന്ത്രിയാകാൻ ആഗ്രഹമുണ്ടായിരുന്നുവെന്ന സോണിയ ഗാന്ധിയുടെ പരാമർശത്തിന് മറുപടിയുമായി ശർമ്മിഷ്ഠ മുഖർജി. സോണിയ ഗാന്ധിയുടെ ആത്മകഥയായ ‘ബിലോങ്ങിങ്: എ ജേർണി ഓഫ് ലൗ’വിൽ പ്രണബ് മുഖർജിയുടെ പ്രധാനമന്ത്രി പദവിയെക്കുറിച്ചുള്ള ആഗ്രഹത്തെക്കുറിച്ച് പരാമർശിച്ചതിന് പിന്നാലെയാണ് മകൾ ശർമ്മിഷ്ഠ മുഖർജി പ്രതികരണവുമായി രംഗത്തെത്തിയത്.(Sharmistha Mukherjee Hits Back At Sonia Gandhi Over Pranab PM Ambition Remark)

“ഇതിൽ ‘ഞെട്ടാൻ’ എന്തിരിക്കുന്നു? പതിറ്റാണ്ടുകളുടെ ഭരണപരിചയവും രാഷ്ട്രീയ അനുഭവസമ്പത്തും കഠിനാധ്വാനവും ബുദ്ധികൂർമ്മതയുമുള്ള ഒരു നേതാവ് പ്രധാനമന്ത്രി പദവി ആഗ്രഹിക്കുന്നതിൽ എന്താണ് തെറ്റ്?” ശർമ്മിഷ്ഠ സോഷ്യൽ മീഡിയ പോസ്റ്റിൽ ചോദിച്ചു. ഗാന്ധി-നെഹ്റു കുടുംബത്തിന് പുറത്തുള്ള ഒരാൾ ഇത്തരം ഒരു ആഗ്രഹം പ്രകടിപ്പിച്ചത് സോണിയയെ ചൊടിപ്പിച്ചതാണോ എന്നും, തങ്ങളുടെ കുടുംബ മഹിമയുടെ പേരിൽ പദവികൾ തളികയിൽ വെച്ച് നീട്ടാൻ പിതാവിന് ആരുമുണ്ടായിരുന്നില്ലെന്നും ശർമ്മിഷ്ഠ കൂട്ടിച്ചേർത്തു.

2010-ൽ പി. ചിദംബരവുമായുള്ള അഭിപ്രായവ്യത്യാസങ്ങൾക്ക് ശേഷം, ഭരണത്തിൽ ഒരു മാറ്റം വേണമെന്ന് പ്രണബ് തന്നോട് സൂചിപ്പിച്ചത് ഞെട്ടലുണ്ടാക്കിയെന്നും, അത് അദ്ദേഹത്തിന്റെ പ്രധാനമന്ത്രിയാകാനുള്ള നീക്കമായിരുന്നുവെന്നും സോണിയ പുസ്തകത്തിൽ എഴുതിയിരുന്നു. ഇതിന് പുറമെ അഹമ്മദ് പട്ടേൽ, അർജുൻ സിങ്, എ.കെ. ആന്റണി, മാധവ് റാവു സിന്ധ്യ, ഷീലാ ദീക്ഷിത് തുടങ്ങിയ പ്രമുഖ കോൺഗ്രസ് നേതാക്കളെക്കുറിച്ചുള്ള സോണിയയുടെ ഓർമ്മക്കുറിപ്പുകളും ചൊവ്വാഴ്ച പുറത്തിറങ്ങിയ പുസ്തകത്തിലുണ്ട്.

Story Summary

Sharmistha Mukherjee, daughter of former President Pranab Mukherjee, pushed back against Sonia Gandhi’s remarks in her memoir ‘Belonging: A Journey of Love’. Sonia recalled being ‘shocked’ by Pranab’s 2010 hint to become PM, to which Sharmistha questioned what was wrong with a seasoned, hardworking leader harboring PM ambitions outside dynastic entitlement.