അർലേക്കറിന് മാറ്റം, ഓം പ്രകാശ് മാഥൂർ പുതിയ കേരള ഗവർണർ; കർണാടക ഗവർണറായി ഡോ. സുധാ യാദവിനെ നിയമിച്ചു; ആറ് സംസ്ഥാനങ്ങളിൽ പുതിയ ഗവർണർമാർ | Om Prakash Mathur Kerala Governor
Current: മലയാളം
ന്യുഡൽഹി: രാജ്യത്തെ ആറ് സംസ്ഥാനങ്ങളിൽ പുതിയ ഗവർണർമാരെ നിയമിച്ചുകൊണ്ട് രാഷ്ട്രപതി ദ്രൗപദി മുർമു ഉത്തരവിറക്കി. ബി.ജെ.പി പാർലമെന്ററി ബോർഡ് അംഗമായ ഡോ. സുധാ യാദവിനെ കർണാടകയുടെ പുതിയ ഗവർണറായി നിയമിച്ചു. കർണാടകയ്ക്ക് പുറമെ കേരളം, തമിഴ്നാട്, ഒഡീഷ, ഉത്തരാഖണ്ഡ്, സിക്കിം എന്നീ സംസ്ഥാനങ്ങളിലാണ് ഗവർണർമാരുടെ മാറ്റവും പുതിയ നിയമനങ്ങളും പ്രഖ്യാപിച്ചത്.
കേരളത്തിലെ ഇപ്പോഴത്തെ ഗവർണറായ രാജേന്ദ്ര വിശ്വനാഥ് അർലേക്കറെ (Om Prakash Mathur Kerala Governor) തമിഴ്നാട് ഗവർണറായി മാറ്റ നിയമനം നടത്തി. പകരം സിക്കിം ഗവർണറായിരുന്ന ഓം പ്രകാശ് മാഥൂറിനെ കേരളത്തിന്റെ പുതിയ ഗവർണറായി നിയമിച്ചു.
മറ്റ് പ്രധാന നിയമനങ്ങൾ:
ഒഡീഷ: ബ്രജ് മോഹൻ റാം
കർണാടക: ഡോ. സുധാ യാദവ്
ഉത്തരാഖണ്ഡ്: ഡോ. ധാൽ സിംഗ് ബിസെൻ
സിക്കിം: ദുഷ്യന്ത് ഗൗതം
പ്രസിഡന്റ്സ് ഓഫീസിൽ (രാഷ്ട്രപതി ഭവൻ) നിന്ന് പുറത്തിറക്കിയ ഔദ്യോഗിക പത്രക്കുറിപ്പിലാണ് നിയമന വിവരങ്ങൾ അറിയിച്ചത്. പുതിയ ഗവർണർമാർ ചുമതലയേൽക്കുന്ന തീയതി മുതൽ നിയമനം പ്രാബല്യത്തിൽ വരും.
