കൊല്ലത്ത് സ്വകാര്യ ഹോട്ടൽ കെട്ടിടത്തിൽ നിന്ന് ചാടിയ യുവതി മരിച്ചു; പൊലീസ് അന്വേഷണം | Woman death Kollam

കൊല്ലം: കൊല്ലത്ത് സ്വകാര്യ ഹോട്ടൽ കെട്ടിടത്തിൽ നിന്ന് വീണ് 27 വയസ്സുകാരി മരിച്ചു (Woman death Kollam). ആലപ്പുഴ കഞ്ഞിക്കുഴി കണിച്ചുകുളങ്ങര എൻ.എച്ച് ജങ്ഷന് സമീപം വിഷ്ണു നിവാസിൽ നാഗപ്പന്റെ മകൾ വൃന്ദയാണ് മരിച്ചത്.

കഴിഞ്ഞ ദിവസം വൈകിട്ട് ആറുമണിയോടെയാണ് സംഭവം നടന്നത്. യുവതിക്കൊപ്പം ഹോട്ടലിൽ താമസിച്ചിരുന്ന എറണാകുളം സ്വദേശിയായ യുവാവിനെ പൊലീസ് നിരീക്ഷണത്തിൽ തുടരുന്നതായാണ് വിവരം. കെട്ടിടത്തിൽ നിന്ന് വീണ യുവതി സംഭവസ്ഥലത്തുവെച്ചുതന്നെ മരിച്ചതായി പൊലീസ് അറിയിച്ചു.

ഈ മാസം 20നാണ് യുവതിയും യുവാവും കൊല്ലത്തെത്തി ഹോട്ടലിൽ മുറിയെടുത്തതെന്നാണ് പ്രാഥമിക വിവരം. മുറിയിൽ നിന്ന് ഒരു കുറിപ്പ് കണ്ടെത്തിയതായും പൊലീസ് അറിയിച്ചു. സംഭവത്തിന്റെ പശ്ചാത്തലത്തിൽ വിശദമായ അന്വേഷണം പുരോഗമിക്കുകയാണ്.

ഹോട്ടലിലെ സിസിടിവി ദൃശ്യങ്ങൾ ഉൾപ്പെടെ പരിശോധിച്ചാണ് പൊലീസ് അന്വേഷണം നടത്തുന്നത്. മരണവുമായി ബന്ധപ്പെട്ട എല്ലാ സാഹചര്യങ്ങളും പരിശോധിച്ചുവരികയാണെന്ന് അധികൃതർ വ്യക്തമാക്കി.

ജില്ലാ മോർച്ചറിയിൽ സൂക്ഷിച്ചിരുന്ന മൃതദേഹം പോസ്റ്റുമോർട്ടം നടപടികൾ പൂർത്തിയാക്കിയ ശേഷം ബന്ധുക്കൾക്ക് വിട്ടുനൽകി.

മാതാവ് ശശികലയാണ്. സഹോദരങ്ങൾ വിഷ്ണുവും വീണയും.

Story Summary:
A 27-year-old woman from Alappuzha died after falling from a private hotel building in Kollam. Police are investigating the circumstances surrounding the death and are examining CCTV footage.