ഡല്‍ഹി: വോട്ടര്‍ പട്ടികയുടെ പ്രത്യേക തീവ്ര പുനഃപരിശോധനയുമായി ബന്ധപ്പെട്ട വിവാദങ്ങളിലും മറ്റ് ഇലക്ഷന്‍ കമ്മീഷണര്‍മാരുമായുള്ള ഭിന്നതയിലും ചീഫ് ഇലക്ഷന്‍ കമ്മീഷണര്‍ ജ്ഞാനേഷ് കുമാര്‍ രാജിവെക്കണമെന്ന പ്രതിപക്ഷ ആവശ്യത്തിനിടെ, വിഷയത്തില്‍ കേന്ദ്ര തിരഞ്ഞെടുപ്പ് കമ്മീഷന്‍ വ്യക്തമായ മറുപടി നല്‍കണമെന്ന് എന്‍.ഡി.എ ഘടകകക്ഷി നേതാവും കേന്ദ്രമന്ത്രിയുമായ ചിരാഗ് പാസ്വാന്‍. 

ഇലക്ഷന്‍ കമ്മീഷന്റെ പ്രവര്‍ത്തനങ്ങളില്‍ ജനങ്ങള്‍ക്ക് സംശയങ്ങളോ അവിശ്വാസമോ ഉണ്ടാകാതിരിക്കാന്‍ സി.ഇ.സി വിഷയത്തില്‍ തങ്ങളുടെ നിലപാട് ദൃഢമായി വ്യക്തമാക്കണമെന്ന് അദ്ദേഹം ആവശ്യപ്പെട്ടു. 

ചീഫ് ഇലക്ഷന്‍ കമ്മീഷണറുടെ ഏകപക്ഷീയമായ തീരുമാനങ്ങള്‍ക്കെതിരെ മറ്റ് രണ്ട് കമ്മീഷണര്‍മാരായ സുഖ്ബീര്‍ സിംഗ് സന്ധുവും വിവേക് ജോഷിയും 14 തവണ രേഖാമൂലം എതിര്‍പ്പറിയിച്ചെന്ന റിപ്പോര്‍ട്ട് പുറത്തുവന്നതിന് പിന്നാലെ സി.ഇ.സി രാജിവെക്കണമെന്ന് കോണ്‍ഗ്രസ് നേതാവ് രാഹുല്‍ ഗാന്ധി ആവശ്യപ്പെട്ടിരുന്നു.

ഇതിനോട് പ്രതികരിക്കുകയായിരുന്നു ലോക് ജനശക്തി പാര്‍ട്ടി (രാം വിലാസ്) അധ്യക്ഷന്‍ കൂടിയായ ചിരാഗ് പാസ്വാന്‍.

രാഷ്ട്രീയ ആക്ഷേപങ്ങള്‍ ഉന്നയിക്കുക എന്നത് പ്രതിപക്ഷത്തിന്റെ ജോലിയാണെന്നും എന്നാല്‍ തിരഞ്ഞെടുപ്പ് പ്രക്രിയയുടെ സുതാര്യതയില്‍ ജനങ്ങള്‍ക്ക് സംശയങ്ങള്‍ ഉയര്‍ന്നാല്‍ അത് തെറ്റായ സന്ദേശം നല്‍കുമെന്നും കേന്ദ്രമന്ത്രി ഓര്‍മ്മിപ്പിച്ചു.

വോട്ടര്‍മാരുടെ ആത്മവിശ്വാസം നിലനിര്‍ത്തേണ്ടത് കമ്മീഷന്റെ ഭരണഘടനാപരമായ ഉത്തരവാദിത്തമാണെന്നും അദ്ദേഹം കൂട്ടിച്ചേര്‍ത്തു. 

വോട്ടര്‍ പട്ടിക പരിഷ്‌കരണം, ഫോം 6 മാറ്റങ്ങള്‍, ഡാറ്റാബേസ് കേന്ദ്രീകരണം തുടങ്ങിയ സുപ്രധാന വിഷയങ്ങളില്‍ കമ്മീഷനകത്ത് ഭിന്നതയുണ്ടെന്ന ആരോപണങ്ങള്‍ ശക്തമാകുന്നതിനിടെയാണ് ഭരണപക്ഷത്ത് നിന്നുള്ള മുതിര്‍ന്ന നേതാവിന്റെ നിര്‍ണ്ണായക പ്രതികരണം.

അതേസമയം, വിവാദങ്ങള്‍ തള്ളിയ തിരഞ്ഞെടുപ്പ് കമ്മീഷന്‍ തീരുമാനങ്ങള്‍ ഏകകണ്ഠമായാണ് കൈക്കൊള്ളുന്നതെന്ന് വിശദീകരിച്ചു.

ന്യൂഡല്‍ഹി: ദീര്‍ഘകാല വൈദ്യുതി കരാര്‍ റദ്ദാക്കിയതിനെതിരെ കേരളസര്‍ക്കാര്‍ സമര്‍പ്പിച്ച ഹര്‍ജി സുപ്രീംകോടതി തിങ്കളാഴ്ച പരിഗണിക്കും. ഹര്‍ജി അടിയന്തരമായി പരിഗണിക്കണമെന്ന കേരളത്തിന്റെ ആവശ്യം കോടതി അംഗീകരിക്കുകയായിരുന്നു. 

കേരളം അഭിമുഖീകരിക്കുന്ന വലിയ ഊര്‍ജ്ജ പ്രതിസന്ധി ചൂണ്ടിക്കാട്ടിയാണ്, ഹര്‍ജി അടിയന്തരമായി പരിഗണിക്കണമെന്ന് സംസ്ഥാന സര്‍ക്കാര്‍ ആവശ്യപ്പെട്ടത്.

ചീഫ് ജസ്റ്റിസ് സൂര്യകാന്ത് അധ്യക്ഷനായ മൂന്നംഗ ബെഞ്ചാണ് കേരള സര്‍ക്കാരിന്റെ ഹര്‍ജി പരിഗണിക്കുന്നത്. ദീര്‍ഘകാല വൈദ്യുതി കരാര്‍ റദ്ദാക്കിയതിലൂടെ സംസ്ഥാനം വലിയ സാമ്പത്തിക നഷ്ടം നേരിടുന്നു. ഇതുവരെ സംസ്ഥാനത്തിന് 12, 570 കോടി രൂപയുടെ നഷ്ടമുണ്ടായതായും സംസ്ഥാന സര്‍ക്കാര്‍ ഹര്‍ജിയില്‍ ചൂണ്ടിക്കാട്ടുന്നു. 

കേരളത്തിന് കുറഞ്ഞ വിലയ്ക്ക് വൈദ്യുതി ലഭിക്കുന്നില്ലെന്നും ഹര്‍ജിയില്‍ പറയുന്നു.

വൈദ്യുതി റെഗുലേറ്ററി അപ്പലേറ്റ് ബോഡിയാണ് കരാര്‍ റദ്ദാക്കിയത്. ഇതിനെതിരെ സര്‍ക്കാര്‍ സുപ്രീംകോടതിയില്‍ അപ്പീല്‍ നല്‍കിയിരുന്നു. എന്നാല്‍ അപ്പീലില്‍ സുപ്രീംകോടതി വാദം കേട്ടിരുന്നില്ല. 

നിലവിലെ വൈദ്യുതി പ്രതിസന്ധിയുടെ പശ്ചാത്തലത്തിലാണ് ഹര്‍ജി അടിയന്തരമായി പരിഗണിക്കണമെന്ന് ആവശ്യപ്പെട്ടത്. മുതിര്‍ന്ന അഭിഭാഷകര്‍ കേരളത്തിന് വേണ്ടി സുപ്രീംകോടതിയില്‍ ഹാജരാകും.

തിരുവനന്തപുരം: ഇന്ത്യ–വെസ്റ്റ് ഇൻഡീസ് ആദ്യ ഏകദിന ക്രിക്കറ്റ് മത്സരത്തിന്റെ ടിക്കറ്റുകൾ ലഭ്യമാണെന്ന് വിശ്വസിപ്പിച്ച് സോഷ്യൽ മീഡിയ വഴി ലക്ഷങ്ങളുടെ ഓൺലൈൻ സാമ്പത്തിക തട്ടിപ്പ് നടത്തുന്ന വൻ സംഘങ്ങൾ സജീവമാകുന്നു. സമൂഹമാധ്യമങ്ങളിൽ വ്യാജ പരസ്യങ്ങൾ നൽകി വാട്സാപ് വഴി പണം തട്ടുന്ന റാക്കറ്റുകൾക്കെതിരെ പൊതുജനങ്ങൾ ജാഗ്രത പാലിക്കണമെന്ന് സൈബർ പൊലീസ് മുന്നറിയിപ്പ് നൽകി. ഇൻസ്റ്റഗ്രാമിലെ വ്യാജ പേജുകളിലും പരസ്യ പോസ്റ്റുകളിലും മത്സര തീയതിയും വേദിയും പ്രവേശന നിരക്കുകളും കൃത്യമായി നൽകിയാണ് ഇവർ കായികപ്രേമികളെ ആകർഷിക്കുന്നത്. ടിക്കറ്റ് ബുക്കിങ്ങിനായി ലിങ്കിൽ ക്ലിക്ക് ചെയ്യുന്ന ഉപഭോക്താക്കളെ നേരിട്ട് പ്രത്യേക വാട്സാപ് നമ്പറുകളിലേക്ക് എത്തിക്കുകയാണ് ആദ്യ പടി. തുടർന്ന് ഉപഭോക്താക്കളുടെ പേര്, മേൽവിലാസം, മൊബൈൽ നമ്പർ, ഇ-മെയിൽ തുടങ്ങിയ വ്യക്തിഗത വിവരങ്ങൾ കൈക്കലാക്കാനായി വ്യാജ ബുക്കിങ് ഫോമുകൾ അയച്ചു നൽകും. തുടക്കത്തിൽ ടിക്കറ്റ് റിസർവ് ചെയ്യാനെന്ന പേരിൽ ചെറിയൊരു തുക അഡ്വാൻസായി വാങ്ങിയ ശേഷം ടിക്കറ്റ് ലഭിച്ചതായി വ്യാജ ‘ഓർഡർ കൺഫർമേഷൻ’ രേഖകളും അയച്ചുകൊടുക്കും. ഇതിനുശേഷമാണ് വൻ തട്ടിപ്പ് അരങ്ങേറുന്നത്. ജിഎസ്ടി (GST), റീഫണ്ടബിൾ ചാർജ്, വെരിഫിക്കേഷൻ ഫീ, പ്രോസസിങ് ചാർജ് എന്നീ പേരുകളിൽ വൻ തുകകൾ ഇവർ ആവശ്യപ്പെടും. ഈ തുകകൾ പിന്നീട് അക്കൗണ്ടിലേക്ക് തിരികെ നൽകുമെന്നാണ് ഉപഭോക്താക്കളെ വിശ്വസിപ്പിക്കുന്നത്. ഇതിന് ശേഷവും ‘ട്രാൻസാക്ഷൻ പ്രോസസിങ്’, ‘റീഫണ്ട് പെൻഡിങ്’ തുടങ്ങിയ സാങ്കേതിക കാരണങ്ങൾ നിരത്തി വീണ്ടും കൂടുതൽ പണം ചോദിക്കും. പണം നൽകിയില്ലെങ്കിൽ ടിക്കറ്റും ആദ്യം അടച്ച തുകയും നഷ്ടപ്പെടുമെന്ന് ഭീഷണിപ്പെടുത്തിയാണ് തട്ടിപ്പുസംഘം ഉപഭോക്താക്കളിൽനിന്ന് വലിയ തുക തുടർച്ചയായി കൈക്കലാക്കുന്നത്. കായിക മത്സരങ്ങളുടെ ടിക്കറ്റ് ലഭ്യതയും ബുക്കിങ് വിവരങ്ങളും ഔദ്യോഗിക പ്ലാറ്റ്‌ഫോമുകൾ വഴിയും സംഘാടകരുടെ അറിയിപ്പുകൾ വഴിയും മാത്രം ഉറപ്പുവരുത്താൻ ശ്രദ്ധിക്കണമെന്ന് പൊലീസ് ഓർമ്മിപ്പിച്ചു. സമൂഹമാധ്യമ പരസ്യങ്ങളിൽ കാണുന്ന വ്യാജ വാട്സാപ് നമ്പറുകളിലേക്ക് യാതൊരു കാരണവശാലും പണം അയക്കരുത്. ബുക്കിങ് ഐഡിയോ ഓർഡർ കൺഫർമേഷനോ ലഭിച്ചതുകൊണ്ട് മാത്രം ടിക്കറ്റ് യഥാർഥമാണെന്ന് വിശ്വസിക്കരുത്. ചെറിയ തുക വാങ്ങിയ ശേഷം ജിഎസ്ടി, വെരിഫിക്കേഷൻ തുടങ്ങിയ കാരണങ്ങൾ പറഞ്ഞ് വീണ്ടും വീണ്ടും പണം ആവശ്യപ്പെടുന്നത് ഓൺലൈൻ തട്ടിപ്പിന്റെ വ്യക്തമായ സൂചനയാണ്. വ്യക്തിഗത ബാങ്ക് വിവരങ്ങളോ ഒടിപിയോ യുപിഐ പിൻ നമ്പറുകളോ മറ്റുള്ളവരുമായി പങ്കുവെക്കരുതെന്നും അധികൃതർ നിർദ്ദേശിച്ചു. ഇത്തരത്തിലുള്ള വ്യാജ പരസ്യങ്ങൾ ശ്രദ്ധയിൽപ്പെടുകയോ ഓൺലൈൻ സാമ്പത്തിക തട്ടിപ്പിന് ഇരയാവുകയോ ചെയ്താൽ പരമാവധി ഒരു മണിക്കൂറിനകം തന്നെ വിവരം 1930 എന്ന ടോൾ ഫ്രീ നമ്പറിലോ cybercrime.gov.in എന്ന വെബ്സൈറ്റ് മുഖേനയോ സൈബർ പോലീസിനെ അറിയിക്കേണ്ടതാണ്. യഥാസമയം പരാതി നൽകിയാൽ തട്ടിപ്പുകാരുടെ അക്കൗണ്ടുകളിലേക്ക് പോയ തുക മരവിപ്പിച്ച്…

സംഗീതസംവിധായകന്‍ ഇളയരാജയ്ക്കൊപ്പം പ്രവര്‍ത്തിച്ചപ്പോഴുള്ള രസകരമായ അനുഭവം പങ്കുവെച്ച് നടന്‍ ഋഷികാന്ത്. കാര്‍ത്തിക് സുബ്ബരാജ് സംവിധാനം ചെയ്യുന്ന പുതിയ ചിത്രം ‘ഡൊറോത്തി’യിലെ ‘മുത്തുമണി’ എന്ന ഗാനത്തിന്റെ ചിത്രീകരണത്തിനിടെ നടന്ന സംഭവമാണ് താരം വെളിപ്പെടുത്തിയത്.

 ഋഷികാന്ത്, സനന്ത്, കീര്‍ത്തി സുരേഷ് എന്നിവരാണ് ചിത്രത്തില്‍ പ്രധാന വേഷങ്ങളില്‍ എത്തുന്നത്.

പാട്ടിന്റെ പ്രൊമോഷണല്‍ വീഡിയോയില്‍ ഇളയരാജയ്ക്കൊപ്പം ചുവടുവെക്കാനുള്ള അപൂര്‍വ അവസരമാണ് അഭിനേതാക്കള്‍ക്ക് ലഭിച്ചത്.

ചിത്രീകരണ വേളയില്‍ സഹനടന്‍ സനന്ത് തന്റെ ഭാഗം ഭംഗിയായി ചെയ്‌തെങ്കിലും, കൂടെയുണ്ടായിരുന്ന ഋഷികാന്തിന് പതറുകയും ഷൂട്ടിംഗ് തടസപ്പെടുകയും ചെയ്തു.

ഇതോടെ തമാശരൂപേണ ഇടപെട്ട ഇളയരാജ, ‘നീ എന്താണ് എന്റെ പാട്ടിന് അനുസരിച്ച് ഡാന്‍സ് ചെയ്യാത്തത്… നിനക്കുവേണ്ടിയാണ് ഞാന്‍ ഈ ഗാനം ഉണ്ടാക്കിയത്…’ എന്ന് ഋഷികാന്തിനോട് പറഞ്ഞു.

ഇതിനു മറുപടിയായി അടുത്ത ടേക്കില്‍ താന്‍ ഇത് മനോഹരമായി ചെയ്തു തീര്‍ക്കുമെന്ന് അദ്ദേഹത്തിന് ഉറപ്പുനല്‍കേണ്ടി വന്നതായി ഋഷികാന്ത് വ്യക്തമാക്കി.

ടൊറന്റോ ഇന്റര്‍നാഷണല്‍ ഫിലിം ഫെസ്റ്റിവലില്‍ ആദ്യമായി പ്രദര്‍ശിപ്പിച്ച ‘ഡൊറോത്തി’ വലിയ സ്വീകാര്യതയാണ് നേടിയത്.

അബുദാബി: പശ്ചിമേഷ്യന്‍ സംഘര്‍ഷത്തിനിടെ ഇറാന്‍ വിമാനകമ്പനികള്‍ക്ക് വിലക്കേര്‍പ്പെടുത്തി യുഎഇ. ഇന്ന് മുതല്‍ യുഎഇയില്‍ നിന്ന് ഇറാനിലേക്കോ തിരിച്ചോ ഇറാനി എയര്‍ലൈനുകളുടെ സര്‍വീസുകള്‍ വിലക്കിയതായി യുഎഇ അറിയിച്ചു.

ഇറാന്‍-യുഎസ് സംഘര്‍ഷങ്ങള്‍ക്കിടെ ഇറാനെതിരെ സാമ്പത്തിക സമ്മര്‍ദ്ദം ശക്തമാക്കുന്നതിന്റെ ഭാഗമായാണ് യുഎഇയുടെ നീക്കം. 

ഇറാന്‍ വിമാനകമ്പനികള്‍ക്ക് വിലക്കേര്‍പ്പെടുത്താനുള്ള യുഎസ് തീരുമാനത്തെ തുടര്‍ന്നാണ് നടപടിയെന്ന് ജനറല്‍ സിവില്‍ ഏവിയേഷന്‍ അതോറിറ്റി അറിയിച്ചു.

ഇറാനിയന്‍ വിമാനക്കമ്പനികള്‍ യുഎഇയിലേക്ക് നടത്തുന്നതും അവിടെനിന്ന് പുറപ്പെടുന്നതുമായ എല്ലാ സര്‍വീസുകളും നിര്‍ത്തിവെക്കുന്നതായി’ ജനറല്‍ സിവില്‍ ഏവിയേഷന്‍ അതോറിറ്റി അറിയിച്ചതായി ഔദ്യോഗിക വാര്‍ത്താ ഏജന്‍സിയായ വാം പുറത്തുവിട്ട പ്രസ്താവനയില്‍ പറഞ്ഞു.

യുഎഇയുടെ വാണിജ്യ കേന്ദ്രമായ ദുബായ് ഇറാനിയന്‍ വിമാനക്കമ്പനികളുടെ പ്രധാന ലക്ഷ്യസ്ഥാനമാണ്. ദിവസവും നിരവധി സര്‍വീസുകള്‍ക്ക് പുറമെ, വലിയ ഇറാനിയന്‍ ജനവിഭാഗവും ശക്തമായ വ്യാപാര ബന്ധങ്ങളും ഇവിടെയുണ്ട്. മറ്റ് പല രാജ്യങ്ങളും ഇറാനിലേക്കുള്ള വിമാന സര്‍വീസുകള്‍ ഇതിനകം നിര്‍ത്തിവെച്ചിട്ടുണ്ടെങ്കിലും, തുര്‍ക്കിയിലേക്കും ചൈനയിലേക്കും സര്‍വീസുകള്‍ നടത്തുന്നുണ്ട്.

കോട്ടയം: ഏറ്റുമാനൂര്‍ നഗരപരിധിയില്‍ നഗരസഭാ ആരോഗ്യ വിഭാഗം നടത്തിയ മിന്നല്‍ പരിശോധനയില്‍ വിവിധ ഹോട്ടലുകളില്‍ നിന്നു പഴകിയ ഭക്ഷണം പിടിച്ചെടുത്തു.

എന്നാല്‍ പരിശോധനയില്‍ ക്രമക്കേട് കണ്ടെത്തിയ സ്ഥാപനങ്ങളുടെ പേരുകള്‍ പുറത്തുവിടാന്‍ നഗരസഭ തയ്യാറാകാത്തതു വ്യാപക പ്രതിഷേധത്തിന് ഇടയാക്കുന്നു. 

ഏറ്റുമാനൂരില്‍ മാത്രമല്ല എവിടെ പരിശോധന നടന്നു ക്രമക്കേട് കണ്ടെത്തിയാലും ഒരു തദ്ദേശ സ്ഥാപനവും പേരു വിവരങ്ങള്‍ പുറത്തുവിടില്ല. കഴിഞ്ഞിടയ്ക്കു കോട്ടയം നഗരസഭയ്‌ക്കെതിരെയും പേരു പുറത്തുവിടുന്നില്ലെന്ന സമാന ആക്ഷേപം ഉയര്‍ന്നിരുന്നു.

പൊതുജനങ്ങളുടെ ആരോഗ്യത്തിനു ഭീഷണിയാകുന്ന രീതിയില്‍ പ്രവര്‍ത്തിക്കുന്ന ഇത്തരം സ്ഥാപനങ്ങളെ സംരക്ഷിക്കുന്ന നിലപാടാണ് അധികൃതര്‍ സ്വീകരിക്കുന്നതെന്ന ആക്ഷേപമാണു ശക്തമാകുന്നത്.

ശുചിത്വ മാനദണ്ഡങ്ങള്‍ ലംഘിക്കുന്ന ഹോട്ടലുകള്‍ക്കെതിരെ കര്‍ശന നടപടി സ്വീകരിക്കുന്നതിന് പകരം, തുച്ഛമായ തുക പിഴയായി ഈടാക്കി ദിവസങ്ങള്‍ക്കകം സ്ഥാപനങ്ങള്‍ വീണ്ടും തുറക്കാന്‍ അനുമതി നല്‍കുന്ന രീതിയാണ് നിലവിലുള്ളത്.

ഇത് വ്യാപാരികള്‍ക്ക് ഒരു തരം ഭയമില്ലായ്മ വളര്‍ത്താന്‍ മാത്രമേ സഹായിക്കൂ എന്നു നാട്ടുകാര്‍ ചൂണ്ടിക്കാണിക്കുന്നു.

ഹോട്ടലുകള്‍ക്കു റേറ്റിങ് വേണമെന്ന ആവശ്യം ശക്തം ക്രമക്കേടുകള്‍ ആവര്‍ത്തിക്കുന്ന പശ്ചാത്തലത്തില്‍, ഭക്ഷണശാലകളുടെ ഗുണനിലവാരവും ശുചിത്വവും മുന്‍നിര്‍ത്തി തദ്ദേശ സ്ഥാപനങ്ങള്‍ അവയ്ക്ക് കൃത്യമായ ‘റേറ്റിങ്’ അഥവാ ഗ്രേഡിംഗ് സംവിധാനം ഏര്‍പ്പെടുത്തണമെന്ന ആവശ്യം ശക്തമായിരിക്കുകയാണ്.

നിലവില്‍ റേറ്റിങ് സംവിധാനം ഉണ്ടെങ്കിലും നിര്‍ജീവമാണ്.

ഹോട്ടലുകളുടെ മുന്‍വശത്ത് അവയുടെ ഗുണനിലവാരം വ്യക്തമാക്കുന്ന റേറ്റിങ് ബോര്‍ഡുകള്‍ നിര്‍ബന്ധമാക്കണം

. കഴിക്കുന്ന ഭക്ഷണം സുരക്ഷിതമാണോ എന്ന് അറിയാനുള്ള അവകാശം ഉപഭോക്താക്കള്‍ക്കുണ്ട്.

തുടര്‍ച്ചയായി ക്രമക്കേട് കാണിക്കുന്ന സ്ഥാപനങ്ങളുടെ ലൈസന്‍സ് റദ്ദാക്കുകയും പേരുകള്‍ പരസ്യപ്പെടുത്തുകയും വേണം.

പൊതുജനാരോഗ്യത്തിനു മുന്‍ഗണന നല്‍കി, ഇത്തരം സ്ഥാപനങ്ങള്‍ക്കെതിരെ വിട്ടുവീഴ്ചയില്ലാത്ത നടപടികള്‍ സ്വീകരിക്കാന്‍ അധികൃതര്‍ തയ്യാറാകണമെന്നാണ് ജനങ്ങുടെ ആവശ്യം.

ന്യൂഡൽഹി: രാജ്യത്തെ തെക്കുപടിഞ്ഞാറൻ മൺസൂൺ മഴയിലെ കുറവ് 15 ശതമാനമായി ഉയർന്നതായി ഐ.സി.ഐ.സി.ഐ ബാങ്ക് റിസർച്ച് റിപ്പോർട്ട്. ശക്തിപ്പെടുന്ന എൽ നിനോ പ്രതിഭാസം വരും ദിവസങ്ങളിലെ മഴയെ കൂടുതൽ ബാധിക്കാനിടയുണ്ടെന്നും റിപ്പോർട്ട് മുന്നറിയിപ്പ് നൽകുന്നു.

സെപ്റ്റംബർ 21 വരെയുള്ള കണക്കുകൾ പ്രകാരം രാജ്യത്ത് ലഭിച്ച ആകെ മഴ 704 മില്ലീമീറ്ററാണ്. ഇത് ദീർഘകാല ശരാശരിയേക്കാൾ 15 ശതമാനം കുറവാണ്. ദക്ഷിണേന്ത്യയിലാണ് ഏറ്റവും വലിയ മഴക്കുറവ് രേഖപ്പെടുത്തിയിരിക്കുന്നത്.

ഇവിടെ മഴ 27 ശതമാനം കുറവാണ്. കിഴക്കൻ ഇന്ത്യയിൽ 26 ശതമാനവും, വടക്കുപടിഞ്ഞാറൻ ഇന്ത്യയിൽ 10 ശതമാനവും, മധ്യ ഇന്ത്യയിൽ ആറു ശതമാനവും മഴക്കുറവ് രേഖപ്പെടുത്തി.

എന്നിരുന്നാലും ഖരീഫ് കൃഷിക്ക് മഴക്കുറവിന്റെ ആഘാതം ഒരു പരിധിവരെ നിയന്ത്രിക്കപ്പെട്ടിട്ടുണ്ടെന്നാണ് റിപ്പോർട്ടിന്റെ വിലയിരുത്തൽ. ഖരീഫ് വിത്തിടൽ ഭൂരിഭാഗവും പൂർത്തിയായതും ജൂലൈയിൽ ലഭിച്ച അധികമഴയും കർഷകർക്ക് ആശ്വാസമായതായി റിപ്പോർട്ടിൽ പറയുന്നു.

കാർഷിക മേഖലയെ ബാധിക്കാവുന്ന പ്രധാന അപകടസാധ്യതയായി ശക്തമാകുന്ന എൽ നിനോയെയാണ് റിപ്പോർട്ട് ചൂണ്ടിക്കാണിക്കുന്നത്. നിനോ 3.4 സൂചിക 2.53 ആയി ഉയർന്നിട്ടുണ്ട്. 2015ലെ സമാന കാലയളവിൽ ഇത് 2.14 ആയിരുന്നു.

അതേസമയം ഇന്ത്യൻ മഹാസമുദ്ര ഡൈപോൾ (IOD) സൂചിക 0.7 ആയി പോസിറ്റീവ് നിലയിലെത്തിയത് എൽ നിനോയുടെ ചില പ്രതികൂല ഫലങ്ങൾ ഭാഗികമായി കുറക്കാൻ സഹായിക്കുമെന്നാണ് വിലയിരുത്തൽ.

സെപ്റ്റംബർ 18 വരെയുള്ള കണക്കുപ്രകാരം ഖരീഫ് വിത്തിടൽ വിസ്തൃതി 110.4 ദശലക്ഷം ഹെക്ടറാണ്. കഴിഞ്ഞ വർഷത്തെ അപേക്ഷിച്ച് 1.3 ശതമാനം കുറവാണെങ്കിലും സാധാരണ ഖരീഫ് കൃഷി വിസ്തൃതിയുടെ മുഴുവൻ ഭാഗത്തും വിത്തിടൽ പൂർത്തിയായിട്ടുണ്ട്. രാജ്യത്തെ പ്രധാന ഖരീഫ് വിളയായ നെല്ലിന്റെ കൃഷിവിസ്തൃതി 3.7 ശതമാനം കുറഞ്ഞ് 42.9 ദശലക്ഷം ഹെക്ടറായി. പയർവർഗങ്ങളുടെയും ചെറുധാന്യങ്ങളുടെയും കൃഷിവിസ്തൃതി വർധിച്ചിട്ടുണ്ട്.

ജലസംഭരണികളിലെ വെള്ളത്തിന്റെ അളവും ആശങ്കയുണർത്തുന്നതാണെന്ന് റിപ്പോർട്ട് ചൂണ്ടിക്കാട്ടുന്നു. സെപ്റ്റംബർ 17-നുള്ള കണക്കുപ്രകാരം രാജ്യത്തെ ജലാശയങ്ങൾ ആകെ ശേഷിയുടെ 71 ശതമാനം നിറഞ്ഞിട്ടുണ്ട്. എന്നാൽ ഇത് കഴിഞ്ഞ വർഷത്തെ നിലവാരത്തിന്റെ 79.4 ശതമാനം മാത്രമാണ്. ദക്ഷിണേന്ത്യയിലെ ജലാശയങ്ങൾ വെറും 52 ശതമാനം ശേഷി മാത്രമാണ് നിറഞ്ഞിരിക്കുന്നത്.

വടക്കുപടിഞ്ഞാറൻ ഇന്ത്യയിലെ ചില ഭാഗങ്ങളിൽ നിന്ന് മൺസൂൺ പിൻവാങ്ങിത്തുടങ്ങിയ സാഹചര്യത്തിൽ, ശക്തമാകുന്ന എൽ നിനോയും രാജ്യത്തെ അസമമായ മഴവിതരണവും വരും മാസങ്ങളിലെ കാർഷിക മേഖലയെ നിർണായകമായി സ്വാധീനിക്കുമെന്ന് റിപ്പോർട്ട് വിലയിരുത്തുന്നു.

കൊച്ചി: സാമൂഹിക മാധ്യമങ്ങളിലൂടെ തന്നെ അപമാനിച്ചെന്ന അന്‍സിബ ഹസന്‍റെ പരാതിയില്‍ നടി ലക്ഷ്മി പ്രിയക്കെതിരെ കേസെടുക്കാന്‍ പൊലീസിന് കോടതി നിര്‍ദേശം.

എറണാകുളം മജിസ്ട്രേറ്റ് കോടതിയാണ് നിര്‍ദേശം നല്‍കിയത്. അശ്ലീല പരാമര്‍ശങ്ങള്‍ ചേര്‍ത്ത് തനിക്കെതിരെ ലക്ഷ്മി പ്രിയ വ്യക്തിയധിക്ഷേപം നടത്തിയെന്നും സ്ത്രീത്വത്തെ അപമാനിക്കുന്ന പരാമര്‍ശങ്ങള്‍ നടത്തിയെന്നും ചൂണ്ടിക്കാട്ടി നേരത്തെ അന്‍സിബ പൊലീസിനെ സമീപിച്ചിരുന്നു.

 കേസെടുക്കാതിരുന്നതോടെ മജിസ്ട്രേറ്റ് കോടതിയിലേക്ക് നീങ്ങി. എന്നാല്‍, സ്വകാര്യ പരാതിയായി പരിഗണിക്കാനാണ് കോടതി ഉത്തരവിട്ടത്. തുടര്‍ന്ന് ഹൈക്കോടതിയെ സമീപിച്ചതോടെയാണ് പരാതി വീണ്ടും പരിശോധിക്കാന്‍ ഹൈക്കോടതി കീഴ്ക്കോടതിക്ക് നിര്‍ദേശം നല്‍കിയത്.

ജോലി സംബന്ധമായ ആവശ്യങ്ങൾക്കും മറ്റുമായി നമുക്ക് അത്യാവശ്യമായി ഉണ്ടായിരിക്കേണ്ട രേഖയാണ് പൊലീസ് ക്ലിയറസ് സർട്ടിഫിക്കറ്റ് അഥവാ നോൺ ഇൻവോൾവ്മെന്റ് ഇൻ ഒഫൻസ് സർട്ടിഫിക്കറ്റ്.

2011 കേരള പൊലീസ് ആക്ട് സെക്ഷൻ 59 പ്രകാരം വ്യക്തികൾക്ക് നൽകുന്ന ക്ലിയറസ് സർട്ടിഫിക്കറ്റുകൾ നോൺ ഇൻവോൾവ്മെന്റ് ഇൻ ഒഫൻസ് സർട്ടിഫിക്കറ്റ് എന്നായി പേര് മാറ്റിയിട്ടുണ്ട്.

ഇന്ത്യയ്ക്കുള്ളിൽ വിവിധ ആവശ്യങ്ങൾക്കായി ആവശ്യമായി വരുന്ന പൊലീസ് ക്ലിയറസ് സർട്ടിഫിക്കറ്റ് ഇനി കേരള പൊലീസിന്റെ Pol-App വഴി ഓൺലൈനായി അപേക്ഷിക്കാം. അപേക്ഷകർക്ക് പൊലീസ് സ്റ്റേഷനിൽ നേരിട്ട് എത്താതെ തന്നെ പോൽ-ആപ്പ് മുഖേന NIOC സർട്ടിഫിക്കറ്റിനായി അപേക്ഷ സമർപ്പിക്കാനുള്ള സൗകര്യം ലഭ്യമാണ്.

പോൽ-ആപ്പിലെ സിറ്റിസൺസ് സർവ്വീസ് (Citizen Services) വിഭാഗത്തിൽ നിന്ന് ബന്ധപ്പെട്ട സർട്ടിഫിക്കറ്റ് സേവനം തിരഞ്ഞെടുക്കുകയും ആവശ്യമായ വിവരങ്ങൾ രേഖപ്പെടുത്തി അപേക്ഷ സമർപ്പിക്കുകയും ചെയ്താൽ മാത്രം മതി.

അപേക്ഷയിൽ ആവശ്യപ്പെടുന്ന വ്യക്തിഗത വിവരങ്ങൾ, തിരിച്ചറിയൽ വിവരങ്ങൾ, വിലാസം തുടങ്ങിയവ കൃത്യമായി നൽകണം. ആവശ്യമായ രേഖകൾ അപ്‌ലോഡ് ചെയ്ത് ഓൺലൈനായി അപേക്ഷ സമർപ്പിക്കാനും നിശ്ചിത ഫീസ് അടയ്ക്കാനും സാധിക്കും.

അപേക്ഷ സമർപ്പിച്ചതിന് ശേഷം ബന്ധപ്പെട്ട പോലീസ് അധികാരികൾ ആവശ്യമായ പരിശോധനകൾ നടത്തുകയും പരിശോധന പൂർത്തിയായാൽ പൊലീസ് ക്ലിയറൻസ് സർട്ടിഫിക്കറ്റ് അനുവദിക്കുകയും ചെയ്യും. അപേക്ഷയുടെ സ്റ്റാറ്റസ് ഓൺലൈനായി പരിശോധിക്കാനുള്ള സൗകര്യവും ലഭ്യമാണ്.

തിരുവനന്തപുരം: സ്പോട്സ് കൗണ്‍സിലെ പൂഴ്ത്തി വെപ്പിൽ രണ്ട് ഉദ്യോഗസ്ഥർക്കെതിരെ നടപടി. സീനിയർ ക്ലർക്കുമാരായ നിതിൻ റോയ്, അരുണ്‍ ടി.എസ് എന്നിവരെ സസ്പെൻഡ് ചെയ്തു. കായിക താരങ്ങള്‍ക്കായി വാങ്ങിയ സാധനങ്ങളുടെ വിവരങ്ങള്‍ അടങ്ങിയ ഫയലുകള്‍ കൈകാര്യം ചെയ്തതില്‍ വീഴ്ചയെന്ന് കണ്ടെത്തിയതിനെത്തുടർന്നാണ് നടപടി.

വിവിധ സ്‌പോർട്‌സ് കൗൺസിൽ ഓഫീസുകളിൽ വിജിലൻസ് ആൻഡ് ആന്റി കറപ്ഷൻ ബ്യൂറോയുടെ വ്യാപക മിന്നൽ പരിശോധന നടന്നിരുന്നു. ഇതിന് പിന്നാലെയാണ് നടപടി. 

എന്ന് പേരിട്ടിരിക്കുന്ന ഈ പ്രത്യേക പരിശോധന തിരുവനന്തപുരത്തെ സ്‌പോർട്‌സ് കൗൺസിൽ ആസ്ഥാനത്തും സംസ്ഥാനത്തെ 14 ജില്ലാ ഓഫീസുകളിലും ഒരേസമയമാണ് നടന്നത്.

സ്‌പോർട്‌സ് കൗൺസിലുകളുടെ പ്രവർത്തനങ്ങളിലും ഫണ്ട് വിനിയോഗത്തിലും കായിക ഉപകരണങ്ങൾ വാങ്ങിയതിലും വ്യാപക ക്രമക്കേടുകൾ നടക്കുന്നതായി പരാതികൾ ഉയർന്നതിനെ തുടർന്നായിരുന്നു വിജിലൻസിന്റെ ഈ നടപടി.

സ്‌പോർട്‌സ് കൗൺസിൽ വഴി കായിക മത്സരങ്ങളിൽ പങ്കെടുക്കുന്ന വിദ്യാർഥികൾക്ക് നൽകിയ ജെഴ്‌സി, ഷൂ ഉൾപ്പെടെയുള്ള സ്‌പോർട്‌സ് കിറ്റുകൾ വാങ്ങിയതിൽ വലിയ രീതിയിലുള്ള ക്രമക്കേടും അഴിമതിയും നടന്നെന്നാണ് ആരോപണം. 

കുറഞ്ഞ തുകയ്ക്ക് നിലവാരമില്ലാത്ത സാധനങ്ങൾ വാങ്ങി നൽകിയ ശേഷം ഉയർന്ന തുക കണക്കിൽ കാണിച്ചാണ് തട്ടിപ്പ് നടത്തിയതെന്നും പരാതികളിൽ പറയുന്നു.

സ്‌പോർട്‌സ് കൗൺസിലിൽ നടന്ന വിവിധ നിയമനങ്ങളിലെ അഴിമതിയെക്കുറിച്ചും വിജിലൻസ് അന്വേഷണം ആരംഭിച്ചിട്ടുണ്ട്. മുൻവർഷങ്ങളിലെ സാമ്പത്തിക ഇടപാടുകൾ, സ്‌പോൺസർഷിപ്പ് ബോർഡുകൾ, വിവിധ പദ്ധതികൾക്കായി ലഭിച്ച തുകയുടെ വിനിയോഗം എന്നിവയുമായി ബന്ധപ്പെട്ട രേഖകൾ വിജിലൻസ് ഉദ്യോഗസ്ഥർ വിശദമായി പരിശോധിച്ചുവരികയാണ്. 

സ്‌പോർട്‌സ് കൗൺസിൽ ഓഫീസുകളുടെ കീഴിൽ പ്രവർത്തിക്കുന്ന വിവിധ കായിക ഹോസ്റ്റലുകളിലും വിജിലൻസ് സംഘം പരിശോധന നടത്തുന്നുണ്ട്. 

തിരുവനന്തപുരം: വടക്കൻ പറവൂർ താലൂക്ക് ആശുപത്രിയിൽ മൃതദേഹങ്ങൾ അഴുകിയതിൽ ഇടപെട്ട് ആരോഗ്യമന്ത്രി കെ. മുരളീധരൻ. ഇതിന്റെ ഭാ​ഗമായി ആറ് ഡ്രോയറുള്ള ഫ്രീസർ വാങ്ങാൻ ഡിഎംഒയ്ക്ക് നിർദേശം നൽകി. അടിയന്തരമായി ഫ്രീസർ എത്തിക്കാനാണ് നിർദേശം നൽകിയത്.

പറവൂർ പരുവതുരുത്ത് സ്വദേശിനിയുടെയും തൃശൂർ കൈപ്പമംഗലം സ്വദേശിയുടെയും മൃതദേഹങ്ങളാണ് ഫ്രീസർ ശരിയായി പ്രവർത്തിക്കാത്തതിനെ തുടർന്ന് അഴുകിയത്.

സംഭവത്തിൽ ആശുപത്രി ഭരണകൂടത്തിന്റെയും സൂപ്രണ്ടിന്റെയും ഭാഗത്തുനിന്ന് ഗുരുതര വീഴ്ച സംഭവിച്ചതായി ബന്ധുക്കൾ ആരോപിച്ചിരുന്നു.

മോർച്ചറിയിലെ ഫ്രീസറുകൾക്ക് മുമ്പും പലതവണ തകരാർ സംഭവിച്ചിരുന്നുവെങ്കിലും പ്രവർത്തനക്ഷമത ഉറപ്പുവരുത്തുന്നതിൽ ആശുപത്രി സൂപ്രണ്ട് ഡോ. ആശ വീഴ്ച വരുത്തിയെന്നാണ് ആക്ഷേപം.

സംഭവത്തിൽ ഡിഎംഒ റിപ്പോർട്ട് തേടിയിട്ടുണ്ട്. അതേസമയം, മൃതദേഹം സൂക്ഷിച്ചതിൽ വീഴ്ച സംഭവിച്ചിട്ടില്ലെന്നാണ് ആശുപത്രി അധികൃതരുടെ വിശദീകരണം. 

കോഴിക്കോട്: താമരശേരി ചുരത്തില്‍ കണ്ടെയ്‌നര്‍ ലോറി കുടുങ്ങിയതിനെ തുടര്‍ന്ന് വന്‍ ഗതാഗതക്കുരുക്ക്. ഇന്നലെ ചുരത്തിലെ ഏഴാം വളവില്‍ കണ്ടെയ്‌നര്‍ ലോറി കുടുങ്ങിയതിന് പിന്നാലെയാണ് ഗതാഗത കുരുക്കുണ്ടായത്. ഇരുഭാഗത്തേക്കും വാഹനങ്ങളുടെ നീണ്ട നിരയാണ്.

ഗതാഗതക്കുരുക്ക് പരിഹരിക്കാന്‍ പൊലീസും നാട്ടുകാരും ശ്രമം നടത്തുന്നുണ്ട്. ഏഴാം വളവില്‍ കണ്ടെയ്‌നര്‍ ലോറി തകരാറിലായതാണ് ഗതാഗതക്കുരുക്കിന് കാരണമായത്. ലോറി ഇന്നലെ രാത്രി തന്നെ സ്ഥലത്തുനിന്ന് മാറ്റിയെങ്കിലും വാഹനങ്ങളുടെ തിരക്ക് ഒഴിവായില്ല.

അതുവരെ ചുരത്തില്‍ കുടുങ്ങിക്കിടന്ന വാഹനങ്ങളും ഇന്ന് രാവിലെ എത്തിയ വാഹനങ്ങളും കൂടിയായപ്പോള്‍ ഗതാഗതക്കുരുക്ക്  രൂക്ഷമാകുകയായിരുന്നു.ചുരത്തില്‍ ടോറസ് ഉള്‍പ്പെടെയുള്ള വലിയ വാഹനങ്ങള്‍ കുടുങ്ങിക്കിടക്കുന്നുണ്ട്.

സ്‌കൂള്‍ വാഹനങ്ങള്‍ ഉള്‍പ്പെടെ ഇതുവഴി കടന്നുപോകുന്നതാണ്. ഗതാഗതകുരുക്കൊഴിവാകാന്‍ അഞ്ച് മണിക്കൂര്‍ എങ്കിലും സമയം എടുക്കുമെന്നാണ് വിവരം. അത്യാവശ്യക്കാര്‍ അല്ലാത്തവര്‍ ഇതുവഴി യാത്ര ഒഴിവാക്കുന്നതാണ് അഭികാമ്യം.

തിരുവല്ല: പത്തനംതിട്ട ജില്ലയിലെ തിരുവല്ലയിലേക്കും പ്രവർത്തനം വ്യാപിപ്പിച്ച് ഇഞ്ചിയോൺ കിയ (Incheon Kia). തിരുവല്ല എം.സി റോഡിൽ തിരുമൂലപുരത്ത് ഒരുക്കിയ പുതിയ 3എസ് (സെയിൽസ്, സർവീസ്, സ്പെയർ പാർട്സ്) ഫെസിലിറ്റിയുടെ ഉദ്ഘാടനം അഡ്വ. വർഗീസ് മാമ്മൻ എം.എൽ.എ, തിരുവല്ല നഗരസഭ ചെയർപേഴ്സൺ ലേഖ എസ്, ഇഞ്ചിയോൺ കിയ മാനേജിങ് ഡയറക്ടർ നയീം ഷാഹുൽ എന്നിവർ ചേർന്ന് നിർവഹിച്ചു.

തിരുവല്ലയിലെയും സമീപ പ്രദേശങ്ങളിലെയും കിയ ഉപഭോക്താക്കൾക്ക് വാഹന വിൽപ്പന, സർവീസ്, സ്പെയർ പാർട്സ് സേവനങ്ങൾ ഒരേ കുടക്കീഴിൽ ലഭ്യമാക്കുകയെന്ന ലക്ഷ്യത്തോടെയാണ് പുതിയ ഫെസിലിറ്റി പ്രവർത്തനം ആരംഭിച്ചിരിക്കുന്നത്. ഉപഭോക്താക്കൾക്ക് കൂടുതൽ വേഗത്തിലും സുതാര്യമായും സേവനങ്ങൾ ലഭ്യമാക്കുന്നതിന്റെ ഭാഗമായാണ് ഇഞ്ചിയോൺ കിയയുടെ പുതിയ വിപുലീകരണം.

അത്യാധുനിക സംവിധാനങ്ങളോടൊപ്പം പരിശീലനം നേടിയ പരിചയസമ്പന്നരായ ജീവനക്കാരെയും ഉൾപ്പെടുത്തി ഒരുക്കിയിരിക്കുന്ന ഫെസിലിറ്റിയിലൂടെ മികച്ച സേവനം ഉറപ്പാക്കുകയാണ് കമ്പനിയുടെ ലക്ഷ്യം. ഏകദേശം ഒരേക്കർ സ്ഥലത്ത് 10,000 ചതുരശ്ര അടി വിസ്തീർണ്ണത്തിലാണ് തിരുവല്ലയിലെ പുതിയ ഷോറൂം സജ്ജീകരിച്ചിരിക്കുന്നത്.

“ഓരോ ഉപഭോക്താവിനും അവരുടെ വീടിന് സമീപത്തുതന്നെ ഉയർന്ന നിലവാരത്തിലുള്ള സെയിൽസ്, സർവീസ്, സ്പെയർ പാർട്സ് സൗകര്യങ്ങൾ ലഭ്യമാക്കുകയാണ് ഞങ്ങളുടെ ലക്ഷ്യം. ഉപഭോക്താക്കളുടെ പൂർണ സംതൃപ്തിയും തടസ്സങ്ങളില്ലാത്ത വാഹന പരിചരണവും ഉറപ്പാക്കുന്നതിനുള്ള ഞങ്ങളുടെ പ്രതിബദ്ധതയാണ് പുതിയ ഫെസിലിറ്റിയിലൂടെ തുടരുന്നത്,” ഉദ്ഘാടന വേളയിൽ ഇഞ്ചിയോൺ കിയ മാനേജിങ് ഡയറക്ടർ നയീം ഷാഹുൽ പറഞ്ഞു.

പുതിയ ഷോറൂമിൽ കിയയുടെ പ്രമുഖ മോഡലുകൾ നേരിട്ട് കണ്ടറിയുന്നതിനും ടെസ്റ്റ് ഡ്രൈവ് നടത്തുന്നതിനുമുള്ള സൗകര്യവും ഒരുക്കിയിട്ടുണ്ട്. സോറന്റോ ഉൾപ്പെടെയുള്ള കിയ മോഡലുകൾ ഉപഭോക്താക്കൾക്ക് ഷോറൂമിൽ പരിചയപ്പെടാം.

കൂടുതൽ വിവരങ്ങൾക്കും സർവീസ് അപ്പോയിന്റ്മെന്റ് ബുക്ക് ചെയ്യുന്നതിനുമായി തിരുവല്ല ഇഞ്ചിയോൺ കിയയുമായി ബന്ധപ്പെടാം.

ഫോൺ: 8111879111

Story Summary:
Incheon Kia has expanded its operations to Thiruvalla with the launch of a new 3S facility offering sales, service and spare parts under one roof. The 10,000 sq. ft. showroom at Thirumoolapuram on MC Road also offers customers test-drive facilities for Kia’s leading models.

ന്യൂഡൽഹി: തിരഞ്ഞെടുപ്പ് കമ്മീഷൻ നടത്തിയ വോട്ടർപട്ടികയുടെ പ്രത്യേക തീവ്ര പുനഃപരിശോധനയുമായി ബന്ധപ്പെട്ട വിവാദങ്ങളിൽ ചീഫ് ഇലക്ഷൻ കമ്മീഷണർ ഗ്യാനേഷ് കുമാറിനെതിരെ രാജ്യവ്യാപക പ്രതിഷേധവുമായി കോൺഗ്രസ്. ജ്ഞാനേഷ് കുമാർ രാജിവെക്കണമെന്നും ഇദ്ദേഹത്തെ സ്ഥാനത്തുനിന്ന് നീക്കി അറസ്റ്റ് ചെയ്യണമെന്നും ആവശ്യപ്പെട്ട് രാജ്യത്തിന്റെ വിവിധ ഭാഗങ്ങളിൽ പാർട്ടി പ്രതിഷേധ പ്രകടനങ്ങൾ നടത്തി.(Congress Nationwide Protest Demanding Resignation Of Chief Election Commissioner Gyanesh Kumar) ഡൽഹി, ജമ്മു, ബീഹാർ, അസം, ചണ്ഡീഗഡ്, തെലങ്കാന ഉൾപ്പെടെ വിവിധ സംസ്ഥാനങ്ങളിൽ കോൺഗ്രസ് നേതാക്കളും പ്രവർത്തകരും തെരുവിലിറങ്ങി. തിരഞ്ഞെടുപ്പ് കമ്മീഷൻ ഓഫീസുകളിലേക്കും മറ്റ് പ്രധാന കേന്ദ്രങ്ങളിലേക്കും നടന്ന മാർച്ചിനിടെ പോലീസ് ബാരിക്കേഡുകൾ മറികടക്കാൻ ശ്രമിച്ച പ്രവർത്തകർക്ക് നേരെ ജലപീരങ്കിയും കണ്ണീർവാതകവും പ്രയോഗിച്ചു. പോലീസും പ്രവർത്തകരും തമ്മിൽ വലിയ സംഘർഷമുണ്ടാവുകയും പ്രതിഷേധക്കാരെ പിരിച്ചുവിടാൻ പോലീസ് ജലപീരങ്കി പ്രയോഗിക്കുകയും ചെയ്തു. പഞ്ചാബ് കോൺഗ്രസ് അധ്യക്ഷൻ അമരീന്ദർ സിംഗ് രാജാ വാറിംഗ് ഉൾപ്പെടെയുള്ള നേതാക്കളെ ചണ്ഡീഗഡിൽ കസ്റ്റഡിയിലെടുത്തു. സംസ്ഥാന തിരഞ്ഞെടുപ്പ് കമ്മീഷൻ ഓഫീസിലേക്ക് നടന്ന മാർച്ചിൽ പ്രവർത്തകർ ബാരിക്കേഡുകൾ തകർത്തു. കോൺഗ്രസ് എം.പി. ഗൗരവ് ഗൊഗോയ് ഉൾപ്പെടെ നിരവധി നേതാക്കളെ അസം പോലീസ് അറസ്റ്റ് ചെയ്തു നീക്കി. ലാംഫെലിലെ ചീഫ് ഇലക്ടറൽ ഓഫീസർക്ക് മുന്നിൽ നടന്ന പ്രതിഷേധത്തിൽ പ്രവർത്തകർ സി.ഇ.സി ഗ്യാനേഷ് കുമാറിന്റെ കോലം കത്തിച്ചു. പോലീസിന് നേരെ പ്രതിഷേധം കനത്തതോടെ പോലീസ് കണ്ണീർവാതകം പ്രയോഗിച്ചു. ജന്തർ മന്തറിലും ഇന്ത്യൻ യൂത്ത് കോൺഗ്രസിന്റെ നേതൃത്വത്തിലും ശക്തമായ ധർണ്ണ സംഘടിപ്പിച്ചു. ജമ്മുവിൽ നടന്ന മാർച്ചിൽ കോൺഗ്രസ് എം.പി സയ്യിദ് നാസിർ ഹുസൈൻ ഉൾപ്പെടെയുള്ളവർ കസ്റ്റഡിയിലായി. ജമ്മു കശ്മീർ നിയമസഭയിലും കോൺഗ്രസ് എം.എൽ.എമാർ പ്ലക്കാർഡുകളുമേന്തി പ്രതിഷേധിച്ചു. കൊൽക്കത്ത, ലഖ്‌നൗ, ഭുവനേശ്വർ, ഷിംല, ഡെറാഡൂൺ, ഹൈദരാബാദ് തുടങ്ങിയ നഗരങ്ങളിലും പ്രതിഷേധ പ്രകടനങ്ങൾ അരങ്ങേറി. തിരഞ്ഞെടുപ്പ് കമ്മീഷനിലെ മറ്റ് രണ്ട് അംഗങ്ങളായ സുഖ്ബീർ സിംഗ് സന്ധുവും വിവേക് ജോഷിയും സി.ഇ.സി ഗ്യാനേഷ് കുമാറിന്റെ ഏകപക്ഷീയ തീരുമാനങ്ങൾക്കെതിരെ 14-ഓളം തവണ എതിർപ്പ് അറിയിച്ചെന്ന മാധ്യമ റിപ്പോർട്ടുകളാണ് കോൺഗ്രസിന്റെ പ്രതിഷേധം ശക്തമാക്കിയത്. വോട്ടർപട്ടിക തിരുത്തൽ പ്രക്രിയയിലെ ക്രമക്കേടുകൾ അന്വേഷിച്ച് കുറ്റക്കാർക്കെതിരെ നിയമനടപടി സ്വീകരിക്കണമെന്ന് കോൺഗ്രസ് ആവശ്യപ്പെട്ടു. എന്നാൽ, ആരോപണങ്ങൾ തള്ളിക്കളഞ്ഞ തിരഞ്ഞെടുപ്പ് കമ്മീഷൻ, ഭരണഘടനാ സ്ഥാപനങ്ങൾക്കുള്ളിൽ അഭിപ്രായ വ്യത്യാസങ്ങൾ സാധാരണമാണെന്നും തങ്ങളുടെ തീരുമാനങ്ങളും ഉത്തരവുകളും പൂർണ്ണമായും നിയമപരവും ചട്ടക്കൂടുകൾ പാലിച്ചുമുള്ളതാണെന്നും വ്യക്താമാക്കി. Story Summary The Congress party staged massive nationwide protests demanding the resignation and arrest of Chief Election Commissioner Gyanesh Kumar over alleged irregularities in…

ചണ്ഡീഗഡ്: ചീഫ് ഇലക്ഷൻ കമ്മീഷണർ (സി.ഇ.സി) ഗ്യാനേഷ് കുമാറിനെ സ്ഥാനത്തുനിന്ന് പുറത്താക്കണമെന്നും അറസ്റ്റ് ചെയ്യണമെന്നും ആവശ്യപ്പെട്ട് പഞ്ചാബ് പ്രദേശ് കോൺഗ്രസ് കമ്മറ്റിയുടെ നേതൃത്വത്തിൽ ചണ്ഡീഗഡിൽ വൻ പ്രതിഷേധ മാർച്ച് നടത്തി. പഞ്ചാബ് കോൺഗ്രസ് അധ്യക്ഷൻ അമരീന്ദർ സിംഗ് രാജാ വാറിംഗിന്റെ നേതൃത്വത്തിൽ നടന്ന പ്രതിഷേധം സംഘർഷത്തിൽ കലാശിച്ചു.(Punjab Congress Protests Against CEC Gyanesh Kumar In Chandigarh)

ചണ്ഡീഗഡിലെ സെക്ടർ 17-ൽ ഒത്തുകൂടിയ കോൺഗ്രസ് നേതാക്കളും എം.എൽ.എമാരും പ്രവർത്തകരും സംസ്ഥാന തിരഞ്ഞെടുപ്പ് കമ്മീഷൻ ഓഫീസ് ഉപരോധിക്കാനായി മാർച്ച് നടത്തുകയായിരുന്നു. എന്നാൽ പോലീസ് സജ്ജമാക്കിയ ബാരിക്കേഡുകൾ മറികടക്കാൻ പ്രവർത്തകർ ശ്രമിച്ചതോടെ ചണ്ഡീഗഡ് പോലീസ് പ്രതിഷേധക്കാർക്ക് നേരെ ജലപീരങ്കി പ്രയോഗിച്ചു.

തിരഞ്ഞെടുപ്പ് കമ്മീഷന്റെ തീരുമാനങ്ങളിലെ സുതാര്യതയില്ലായ്മയ്ക്കും വോട്ടർപട്ടിക പുതുക്കലുമായി ബന്ധപ്പെട്ട വിവാദങ്ങൾക്കുമെതിരെ രാജ്യവ്യാപകമായി കോൺഗ്രസ് നടത്തുന്ന പ്രതിഷേധങ്ങളുടെ ഭാഗമായാണ് പഞ്ചാബിലും സമരം അരങ്ങേറിയത്.

Story Summary

Punjab Congress, led by PCC Chief Amrinder Singh Raja Warring, staged a protest in Chandigarh demanding the dismissal and arrest of Chief Election Commissioner Gyanesh Kumar. The situation escalated into a clash as Chandigarh Police deployed water cannons after protesters attempted to scale barricades and march toward the State Election Commission office.

തിരുവനന്തപുരം: സംസ്ഥാനത്ത് വരും ദിവസങ്ങളിൽ ശക്തമായ മഴയ്ക്കും കള്ളക്കടൽ പ്രതിഭാസത്തിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. കനത്ത മഴ കണക്കിലെടുത്ത് സംസ്ഥാനത്തെ അഞ്ച് വടക്കൻ ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു. ഇന്ന് മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിലാണ് യെല്ലോ അലർട്ടുള്ളത്.(Heavy Rain Yellow Alert And Kallakkadal High Waves Warning For Kerala Coast)

ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന കനത്ത മഴയ്ക്കാണ് സാധ്യത പ്രവചിച്ചിരിക്കുന്നത്. ദേശീയ സമുദ്രവിവര വിശകലന കേന്ദ്രത്തിന്റെ (INCOIS) മുന്നറിയിപ്പ് പ്രകാരം കേരള, കന്യാകുമാരി തീരങ്ങളിൽ സെപ്റ്റംബർ 26 രാത്രി 11.30 വരെ കള്ളക്കടൽ പ്രതിഭാസത്തിന്റെ ഭാഗമായി ശക്തമായ കടലാക്രമണത്തിന് സാധ്യതയുണ്ട്. കേരള തീരത്ത് 0.3 മുതൽ 1.1 മീറ്റർ വരെ ഉയർന്ന തിരമാലകൾക്ക് സാധ്യതയുണ്ട്. കന്യാകുമാരി തീരംത്ത് 0.9 മുതൽ 1.6 മീറ്റർ വരെ ഉയർന്ന തിരമാലകൾക്ക് സാധ്യതയുണ്ട്.

അതിനാൽ തീരദേശവാസികളും മത്സ്യത്തൊഴിലാളികളും ജാഗ്രത പാലിക്കണം. കടൽക്ഷോഭം ശക്തമാകാൻ സാധ്യതയുള്ളതിനാൽ അപകടനില നിലനിൽക്കുന്ന മേഖലകളിൽ ഉള്ളവർ അധികൃതർ നിർദേശിക്കുന്ന സുരക്ഷിത സ്ഥാനങ്ങളിലേക്ക് മാറി താമസിക്കണം. കടൽ പ്രക്ഷുബ്ധമായ സമയങ്ങളിൽ ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് പൂർണ്ണമായും ഒഴിവാക്കുക. തിരമാലകൾ രൂക്ഷമാകുമ്പോൾ യാനങ്ങൾ കടലിലേക്ക് ഇറക്കുന്നതും കരയിലേക്ക് അടുത്തുപ്പിക്കുന്നതും ഒരുപോലെ അപകടകരമാണ്. ബീച്ചുകളിലേക്കുള്ള വിനോദസഞ്ചാര യാത്രകളും കടലിലിറങ്ങിയുള്ള വിനോദങ്ങളും പൂർണ്ണമായും മാറ്റിവെക്കുക. ഹാർബറുകളിൽ കെട്ടിയിടുന്ന മത്സ്യബന്ധന യാനങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകടങ്ങൾ ഒഴിവാക്കും. തീരശോഷണ സാധ്യതയുള്ള പ്രദേശങ്ങളിലുള്ളവർ പ്രത്യേക മുൻകരുതലെടുക്കുക. കേരളത്തിൽ സെപ്റ്റംബർ 25, 26, 29 തീയതികളിൽ ഇടിമിന്നലോടു കൂടിയ ശക്തമായ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റടിക്കാനും സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു.

Story Summary

The Central Meteorological Department has issued a yellow alert for five northern districts in Kerala due to anticipated heavy rainfall. Alongside the rain warning, INCOIS has advised coastal residents and fishermen to remain cautious as the Swell surge phenomenon is expected to bring high waves and coastal erosion through September 26.

എറണാകുളം : സാമൂഹിക മാധ്യമങ്ങളിലൂടെ തനിക്കെതിരെ അപകീർത്തികരമായ പരാമർശങ്ങൾ നടത്തിയെന്ന നടി അൻസിബ ഹസന്റെ പരാതിയിൽ, നടി ലക്ഷ്മി പ്രിയക്കെതിരെ കേസെടുക്കാൻ എറണാകുളം മജിസ്‌ട്രേറ്റ് കോടതി പൊലീസിന് നിർദേശം നൽകി. അൻസിബ മുൻപ് പൊലീസിൽ പരാതി നൽകിയിരുന്നെങ്കിലും തുടർ നടപടികളുണ്ടായിരുന്നില്ല.(Ansiba Hassan, Court orders police case against actress Lakshmi Priya on defamation complaint)

തുടർന്ന് അൻസിബ എറണാകുളം മജിസ്‌ട്രേറ്റ് കോടതിയെ സമീപിച്ചെങ്കിലും, ഹർജി സ്വകാര്യ പരാതിയായി പരിഗണിക്കാനാണ് കോടതി ആദ്യം ഉത്തരവിട്ടത്. ഇതിനെതിരെ അൻസിബ ഹൈക്കോടതിയെ സമീപിക്കുകയായിരുന്നു. വിഷയം വീണ്ടും പരിഗണിച്ച് തക്കതായ നടപടിയെടുക്കാൻ ഹൈക്കോടതി നിർദേശിച്ചതിനെ തുടർന്നാണ് ഇപ്പോൾ കേസെടുക്കാൻ മജിസ്‌ട്രേറ്റ് കോടതി ഉത്തരവിട്ടിരിക്കുന്നത്.

Story Summary

The Ernakulam Magistrate Court has directed the police to register a case against actress Lakshmi Priya based on a defamation complaint filed by actress Ansiba Hassan. Ansiba alleged that Lakshmi Priya made derogatory and sexually suggestive comments against her on social media, insulting her womanhood. The court order comes after the Kerala High Court instructed the lower court to re-examine the complaint following an initial refusal by the police to file a case.

തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പർ BR-111 ലോട്ടറിയുടെ ടിക്കറ്റുകൾ പൂർണ്ണമായും വിറ്റഴിഞ്ഞ് ചരിത്രം സൃഷ്ടിച്ചു. നാളെ ഉച്ചയ്ക്ക് 2 മണിക്ക് നറുക്കെടുപ്പ് നടക്കാനിരിക്കെ, അച്ചടിച്ച 90 ലക്ഷം ടിക്കറ്റുകളും വിറ്റഴിഞ്ഞതായി ഭാഗ്യക്കുറി വകുപ്പ് ഡയറക്ടർ അറിയിച്ചു.(Thiruvonam Bumper BR 111 Record Sales All Tickets Sold Draw Tomorrow) 500 രൂപ വിലയുള്ള ടിക്കറ്റുകളുടെ വിൽപ്പനയിൽ 20,95,300 ടിക്കറ്റുകൾ വിറ്റഴിച്ച പാലക്കാട് ജില്ലയാണ് മുന്നിൽ. തൃശൂർ (10,62,000), തിരുവനന്തപുരം (8,64,100) ജില്ലകൾ യഥാക്രമം രണ്ടും മൂന്നും സ്ഥാനങ്ങളിലെത്തിയപ്പോൾ, ഏറ്റവും കുറഞ്ഞ വിൽപ്പന രേഖപ്പെടുത്തിയത് കാസർഗോഡാണ് (2,71,400). TA, TB, TC, TD, TE, TG, TH, TJ, TK, TL എന്നീ 10 സീരീസുകളിലാണ് ടിക്കറ്റുകൾ പുറത്തിറക്കിയിട്ടുള്ളത്. നാളെ ഉച്ചയ്ക്ക് 1.30-ന് ഗോർഖി ഭവനിൽ നടക്കുന്ന ചടങ്ങിൽ നറുക്കെടുപ്പ് ഉദ്ഘാടനം ചെയ്യും. പൂജ ബമ്പർ 2026-ന്റെ പ്രകാശനവും ചടങ്ങിൽ നിർവ്വഹിക്കും. ഭാഗ്യക്കുറി വകുപ്പ് ഡയറക്ടർ അധ്യക്ഷത വഹിക്കും. ഒന്നാം സമ്മാനം: 30 കോടി രൂപ രണ്ടാം സമ്മാനം: 1 കോടി രൂപ വീതം (20 പേർക്ക്) മൂന്നാം സമ്മാനം: 25 ലക്ഷം രൂപ വീതം (20 പേർക്ക്) നാലാം സമ്മാനം: 5 ലക്ഷം രൂപ വീതം (10 പേർക്ക്) അഞ്ചാം സമ്മാനം: 2 ലക്ഷം രൂപ വീതം (10 പേർക്ക്) സമാശ്വാസ സമ്മാനം: 5 ലക്ഷം രൂപ വീതം (9 പേർക്ക്) കൂടാതെ 5,000, 2,000, 1,000, 500 രൂപ വീതമുള്ള ആയിരക്കണക്കിന് മറ്റ് സമ്മാനങ്ങളുമുണ്ട്. ആകെ 125.54 കോടി രൂപയാണ് സമ്മാനത്തുകയായി നൽകുന്നത്. 10,000 രൂപയ്ക്ക് മുകളിലുള്ള സമ്മാനങ്ങൾക്ക് 10% ഏജന്റ് കമ്മീഷനും തുടർന്ന് 30% ആദായനികുതിയും കുറച്ചുള്ള തുകയാണ് വിജയികൾക്ക് ലഭിക്കുക. സമ്മാനാർഹർ നിർദ്ദിഷ്ട രേഖകൾ സഹിതം തിരുവനന്തപുരത്തെ ലോട്ടറി ഡയറക്ടറേറ്റിലോ ജില്ലാ ലോട്ടറി ഓഫീസുകളിലോ 90 ദിവസത്തിനകം ടിക്കറ്റ് സമർപ്പിക്കണം. തട്ടിപ്പുകൾക്കെതിരെ ഭാഗ്യക്കുറി വകുപ്പ് ജാഗ്രതാ നിർദേശം നൽകിയിട്ടുണ്ട്. സമ്മാനം ലഭിച്ചെന്ന പേരിൽ ഫോൺ വഴിയോ സന്ദേശങ്ങൾ വഴിയോ വരുന്ന അക്കൗണ്ട് വിവരങ്ങൾ, ഒ.ടി.പി, ബാങ്കിംഗ് രഹസ്യവിവരങ്ങൾ എന്നിവ അപരിചിതരുമായി പങ്കുവെക്കരുതെന്ന് ഡയറക്ടർ മുന്നറിയിപ്പ് നൽകി. Story Summary The Kerala State Lotteries department achieved a record sale of all 90 lakh tickets for the Thiruvonam Bumper BR-111, with the draw scheduled for tomorrow at 2 PM. Offering a first prize of Rs…

ന്യൂഡൽഹി: ജനങ്ങൾക്കിടയിലെ സംശയങ്ങൾ ദുരീകരിക്കാൻ തിരഞ്ഞെടുപ്പ് കമ്മീഷനും ചീഫ് ഇലക്ഷൻ കമ്മീഷണർ (സി.ഇ.സി) ഗ്യാനേഷ് കുമാറും വിഷയത്തിൽ തങ്ങളുടെ നിലപാട് പരസ്യമായി വ്യക്തമാക്കണമെന്ന് ലോക ജനശക്തി പാർട്ടി (രാം വിലാസ്) അധ്യക്ഷനും കേന്ദ്രമന്ത്രിയുമായ ചിരാഗ് പസ്വാൻ. ഭരണപക്ഷമായ എൻ.ഡി.എയിലെ മറ്റു ഘടകകക്ഷികളിൽ നിന്ന് വേറിട്ട നിലപാടാണ് ഈ വിഷയത്തിൽ ചിരാഗ് പസ്വാൻ സ്വീകരിച്ചിരിക്കുന്നത്.(Chirag Paswan Demands Public Clarification From Election Commission On Electoral Process)

തിരഞ്ഞെടുപ്പ് കമ്മീഷൻ സ്വതന്ത്ര ഭരണഘടനാ സ്ഥാപനമാണെന്നും, രാഹുൽ ഗാന്ധിക്കല്ല മറിച്ച് സാധാരണ ജനങ്ങൾക്കാണ് കമ്മീഷൻ മറുപടി നൽകേണ്ടതെന്നും അദ്ദേഹം ന്യൂഡൽഹിയിൽ മാധ്യമങ്ങളോട് പറഞ്ഞു. തിരഞ്ഞെടുപ്പ് പ്രക്രിയയെ ജനങ്ങൾ സംശയത്തോടെ വീക്ഷിക്കുന്നത് ജനാധിപത്യത്തിന് നല്ലതല്ലെന്നും അദ്ദേഹം കൂട്ടിച്ചേർത്തു. വോട്ടർ പട്ടിക പുതുക്കലുമായി ബന്ധപ്പെട്ട് ഇലക്ഷൻ കമ്മീഷനിൽ അഭിപ്രായവ്യത്യാസങ്ങളുണ്ടെന്ന മാധ്യമ റിപ്പോർട്ടുകൾ പുറത്തുവന്ന പശ്ചാത്തലത്തിലാണ് ഈ പരാമർശം.

കേന്ദ്രത്തിലും ബിഹാറിലും എൻ.ഡി.എയുടെ ഭാഗമായിരിക്കുമ്പോഴും ക്രമസമാധാനം, സംവരണം, ഭരണഘടനാ സ്ഥാപനങ്ങളുടെ സുതാര്യത തുടങ്ങിയ വിഷയങ്ങളിൽ സ്വന്തം നിലപാട് തുറന്നുപറയുന്ന ശൈലിയാണ് ചിരാഗ് പസ്വാൻ തുടരുന്നത്. ബിഹാറിലെ ക്രമസമാധാന തകർച്ചയിലും പെൺകുട്ടികൾക്കെതിരായ അതിക്രമങ്ങളിലും സംസ്ഥാന സർക്കാരിനെതിരെ അദ്ദേഹം മുൻപും രൂക്ഷവിമർശനം ഉന്നയിച്ചിട്ടുണ്ട്.

Story Summary

Union Minister and LJP(RV) chief Chirag Paswan urged the Chief Election Commissioner to publicly clarify its stance to restore public faith in the electoral process, diverging from NDA allies. Known for his independent position despite being part of the ruling alliance, Paswan has also repeatedly criticized the Bihar government over law and order while firmly opposing sub-categorization in Scheduled Caste reservations.