സംസ്ഥാനത്ത് വൈദ്യുതി പ്രതിസന്ധി. രാത്രികാലങ്ങളിൽ ആയിരം മെഗാവാട്ട് വൈദ്യുതിയുടെ കുറവ് . നിലവിലെ വൈദ്യുതി പ്രതിസന്ധി ആരുടെയും കുറ്റമല്ല: കെഎസ്ഇബി ചെയർമാൻ എം.ജി. രാജമാണിക്യം
തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി ഈ മാസം മുപ്പത് വരെ നീളുമെന്ന് കെഎസ്ഇബി ചെയർമാൻ എം.ജി. രാജമാണിക്യം.
രാത്രികാലങ്ങളിൽ ആയിരം മെഗാവാട്ട് വൈദ്യുതിയുടെ കുറവ് അനുഭവപ്പെടുന്നുണ്ട്. നിലവിലെ വൈദ്യുതി പ്രതിസന്ധി ആരുടെയും കുറ്റമല്ലെന്നും അദ്ദേഹം പറഞ്ഞു.
ഒക്ടോബർ ഒന്നു മുതൽ സംസ്ഥാനത്തിന് കൂടുതൽ വൈദ്യുതി ലഭിക്കുമെന്നും അദ്ദേഹം വ്യക്തമാക്കി. വൈദ്യുതി നിയന്ത്രണം ഏർപ്പെടുത്തുന്ന വിവരം പൊതുജനങ്ങളെ മുൻകൂട്ടി അറിയിക്കുമെന്നും അദ്ദേഹം പറഞ്ഞു.
അതേസമയം ഈ മാസം പതിനഞ്ചിനുള്ളിൽ നിലവിലെ വൈദ്യുതി പ്രതിസന്ധിക്ക് പരിഹാരം കാണുമെന്നാണ് മുഖ്യമന്ത്രി ഇന്ന് രാവിലെ വാർത്താസമ്മേളനത്തിൽ വ്യക്തമാക്കിയത്.
