തിരുവനന്തപുരം: ബിജെപി പ്രതിനിധി സംഘം സംസ്ഥാന പോലീസ് മേധാവിയെ സന്ദർശിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ പോലീസിന്റെ നടപടികളെക്കുറിച്ച് ഉന്നയിച്ച പരാതികൾ ഉൾക്കൊള്ളുന്ന കത്ത് കൈമാറി.. പോലീസിന്റെ ഏകപക്ഷീയ നടപടികൾക്കെതിരെ സംസ്ഥാന പോലീസ് മേധാവിക്ക് ബിജെപി നേതൃത്വം രേഖമൂലം പരാതി നൽകി. സംസ്ഥാനത്ത് നടന്ന അക്രമ സംഭവങ്ങളിൽ പോലീസ് സ്വീകരിച്ച തെറ്റായ നടപടികൾ ഡിജിപിയുടെ ശ്രദ്ധയിൽപ്പെടുത്തിയതായി ബിജെപി ദേശീയ നിർവാഹകസമിതി അംഗം പി.കെ. കൃഷ്ണദാസ് ഡിജിപി രവതാ ചന്ദ്രശേഖറുമായി നടത്തിയ കൂടിക്കാഴ്ചയ്ക്ക് ശേഷം പറഞ്ഞു. ബിജെപി പ്രതിനിധി സംഘം സംസ്ഥാന പോലീസ് മേധാവിയെ സന്ദർശിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ പോലീസിന്റെ നടപടികളെക്കുറിച്ച് ഉന്നയിച്ച പരാതികൾ ഉൾക്കൊള്ളുന്ന കത്ത് കൈമാറി. കോൺഗ്രസുകാർ നടത്തുന്ന ഏകപക്ഷീയമായ അക്രമങ്ങൾക്കും അഴിഞ്ഞാട്ടങ്ങൾക്കും പോലീസ് പരസ്യമായി കൂട്ടുനിൽക്കുന്നു എന്നതാണ് ബിജെപി ഉന്നയിക്കുന്ന പ്രധാന ആരോപണം. ബിജെപി സംസ്ഥാന കാര്യാലയത്തിന് നേരെയും തിരുവനന്തപുരം സൗത്ത് ജില്ലാ അധ്യക്ഷൻ മുക്കമ്പാലമൂട് ബിജുവിനെതിരെയും പോലീസ് സാന്നിധ്യത്തിലാണ്…

തെലങ്കാന: ആന്ധ്രാപ്രദേശിലെ തിരുപ്പതി ജില്ലയിലെ ശ്രീ സിറ്റിയിലെ ഫാക്ടറിയിലുണ്ടായ സ്ഫോടനത്തിൽ അഞ്ചുപേർ മരിച്ചു. പത്തിലേറെ പേർക്ക് പരിക്കേറ്റു. 

പരിക്കേറ്റവരിൽ ചിലരുടെ നില ഗുരുതരമാണ്. ടിഐഎൽ (TIL) എന്ന ഹെൽത്ത് കെയർ ഫാക്ടറിയിലാണ് സ്ഫോടനം നടന്നത്. ബോയിലർ പൊട്ടിത്തെറിക്കുകയായിരുന്നു എന്നാണ് പ്രാഥമിക നിഗമനം.

രാവിലെ 8 മണിക്ക് അപകടം നടക്കുമ്പോൾ ഫാക്ടറിയിൽ മുപ്പതിലേറെ ജീവനക്കാർ ഉണ്ടായിരുന്നു. ശ്രീസിറ്റിയിലെ സത്യവേദു മണ്ഡൽ ഇൻഡസ്ട്രിയൽ ഏരിയയിലാണ് ഫാക്ടറി പ്രവർത്തിച്ചിരുന്നത്. 

സംഭവത്തിൽ ദുഃഖം രേഖപ്പെടുത്തിയ ആന്ധ്രാപ്രദേശ് ഐടി മന്ത്രി നാരാ ലോകേഷ് മരിച്ചവരുടെ കുടുംബാംഗങ്ങൾക്ക് സർക്കാർ സഹായം നൽകുമെന്ന് പ്രഖ്യാപിച്ചു. സംഭവത്തിൽ സർക്കാർ അന്വേഷണം പ്രഖ്യാപിച്ചിട്ടുണ്ട്.

തിരുവനന്തപുരം: സംസ്ഥാനത്ത് ഒരു ഹെൽത്ത് ഡാറ്റ വേണമെന്ന് മുഖ്യമന്ത്രി വി ഡി സതീശൻ. കൊവിഡിന് ശേഷം പല അസുഖങ്ങളും കൂടി. ജീവിത ശൈലീരോഗങ്ങൾ ഏറ്റവും കൂടുതലുള്ള സംസ്ഥാനങ്ങളിൽ ഒന്നാണ് കേരളം. 

പ്രതിരോധവും രോഗം നേരത്തെ കണ്ടെത്തുന്നതും വളരെ പ്രധാനമാണ്. ജീവിത രീതിയിൽ മാറ്റം വരുത്താൻ കൃത്യമായ മാർഗം കണ്ടെത്തണം. രോഗം നേരത്തെ കണ്ടെത്തുന്നതും പ്രതിരോധിക്കുന്നതും ഉൾപ്പെടുത്തി വലിയൊരു ക്യാംപെയിൻ കേരളത്തിൽ ഉണ്ടാകും. 

കേരളത്തെ വലിയൊരു ഹെൽത്ത് ഡെസ്റ്റിനേഷനാക്കണം. പുറത്തു നിന്നുള്ള രോഗികളും ഇവിടെ എത്തണം. കോഴിക്കോട് ഏറ്റവും വലിയ ഓർഗൺ ട്രാൻസ്പ്ലാൻ്റേഷൻ സെൻ്റർ വരാൻ പോവുകയാണ്. രണ്ട് വർഷത്തിനകം സെന്‍റർ സജ്ജമാക്കുമെന്ന് മുഖ്യമന്ത്രി പറഞ്ഞു.

തിരുവനന്തപുരം: പിഎം ശ്രീ പദ്ധതിയുമായി തല്‍ക്കാലം മുന്നോട്ടുപോകേണ്ട എന്ന നിലപാടില്‍ വിദ്യാഭ്യാസ വകുപ്പ്. മുസ്‌ലിം ലീഗിലെ എതിര്‍പ്പ് രൂക്ഷമായതോടെയാണ് വിദ്യാഭ്യാസ മന്ത്രി നിര്‍ദേശം നല്‍കിയത്. ഇത് സംബന്ധിച്ച് വിദ്യാഭ്യാസ മന്ത്രി മുഖ്യമന്ത്രിയുമായും ആശയവിനിമയം നടത്തിയെന്നാണ് സൂചന. കൂടുതല്‍ നടപടികള്‍ സ്വീകരിച്ച് വിവാദങ്ങള്‍ ഉണ്ടാക്കേണ്ട എന്നാണ് തീരുമാനം. നിലവില്‍ അനാവശ്യമായി നിരവധി വിവാദങ്ങള്‍ ഉണ്ടായി. നിലപാട് എടുത്തെ മതിയാകൂ എന്ന് നിര്‍ബന്ധിത സാഹചര്യം വരുന്നെങ്കില്‍ മാത്രം തുടര്‍നടപടിയുണ്ടാകും. ഉപസമിതി ചേരുന്നത് അടക്കമുള്ള കാര്യങ്ങള്‍ താല്‍ക്കാലികമായി നിര്‍ത്തിവെച്ചിരിക്കുകയാണ്. വലിയ വിവാദങ്ങളും രാഷ്ട്രീയ സമ്മര്‍ദ്ദങ്ങളും ഉണ്ടായ ഘട്ടത്തിലാണ് ഇത്തരത്തില്‍ ഒരു അനൗദ്യോഗിക തീരുമാനത്തിലേക്ക് വിദ്യാഭ്യാസ വകുപ്പ് എത്തുന്നത്. എംഎസ്എഫ് മുതല്‍ ലീഗ് വരെ എല്ലാ തലങ്ങളിലും വലിയ രാഷ്ട്രീയ വിയോജിപ്പുകള്‍ പദ്ധതിയില്‍ നിലനില്‍ക്കുകയാണ്. നിലപാടിലെ അസ്ഥിരത വോട്ട് ചെയ്ത ജനങ്ങളില്‍ ആശയക്കുഴപ്പത്തിന് കാരണമാകും എന്നാണ് ലീഗിലെ വിലയിരുത്തല്‍. ആദ്യ ഘട്ടത്തില്‍ മന്ത്രി എന്‍ ഷംസുദ്ദീന്‍ ഇതില്‍ മൗനം പാലിച്ചു എങ്കിലും പിന്നീട് പദ്ധതിയില്‍ തല്‍കാലും തീരുമാനങ്ങള്‍…

മലപ്പുറം: മലപ്പുറം ജില്ലയെക്കുറിച്ച് വിവാദ പരാമർശവുമായി മുൻ എം.എൽ.എ പി. നന്ദകുമാർ. മലപ്പുറം മതമൗലികവാദികളുടെയും വർഗീയവാദികളുടെയും കൂടാണെന്നും എന്നാൽ കമ്മ്യൂണിസ്റ്റ് പാർട്ടി മാത്രമാണ് യഥാർത്ഥ മതനിരപേക്ഷ പ്രസ്ഥാനമെന്നും അദ്ദേഹം പ്രസ്താവിച്ചു.(P Nandakumar Remarks Malappuram Nest Of Fundamentalists CPM Meeting) സി.പി.എം വിപുലീകരിച്ച മലപ്പുറം ജില്ലാ കമ്മിറ്റി യോഗത്തിന്റെ സ്വാഗതസംഘം പ്രസംഗത്തിനിടെയായിരുന്നു നന്ദകുമാറിന്റെ പരാമർശം. പാർട്ടി നേതാവ് പിണറായി വിജയൻ ഉൾപ്പെടെയുള്ള മുതിർന്ന നേതാക്കൾ വേദിയിലിരിക്കെയായിരുന്നു ഈ പരാമർശം എന്നത് ശ്രദ്ധേയമാണ്. അതേസമയം, നിയമസഭാ തിരഞ്ഞെടുപ്പിൽ മലപ്പുറം ജില്ലയിലും പാർട്ടിയുടെ ശക്തമായ സ്വാധീനമേഖലയായ പൊന്നാനിയിലുമുണ്ടായ തിരിച്ചടി യോഗത്തിൽ കടുത്ത വിമർശനങ്ങൾക്ക് വഴിവെച്ചു. പൊന്നാനിയിലെ പ്രാദേശിക ഭിന്നതകളും സ്ഥാനാർത്ഥി നിർണ്ണയത്തിലെ പാളിച്ചകളും തിരിച്ചടിക്ക് കാരണമായതായി താഴെത്തട്ടിലെ പ്രവർത്തകർ ചൂണ്ടിക്കാട്ടി. ന്യൂനപക്ഷങ്ങളുടെ വിശ്വാസം വീണ്ടെടുക്കാനുള്ള മാർഗ്ഗങ്ങൾ ജില്ലാ കമ്മിറ്റി വിശദമായി ചർച്ച ചെയ്യുമെന്നാണ് സൂചന. Story Summary Former CPM MLA P. Nandakumar sparked controversy by terming Malappuram a…

തിരുവനന്തപുരം: തിരുവനന്തപുരം നഗരസഭാ കൗൺസിലർ സ്ഥാനം രാജിവെച്ച് മുൻ ഡി.ജി.പിയും പ്രമുഖ നേതാവുമായ ആർ. ശ്രീലേഖ. കൗൺസിലർ സ്ഥാനം രാജിവെക്കുന്നതായി കാണിച്ച് തിരുവനന്തപുരം നഗരസഭ മേയർ വി.വി. രാജേഷിന് അവർ കത്ത് കൈമാറി.(R Sreelekha Resigns As Thiruvananthapuram Corporation BJP Councillor) ബി.ജെ.പി നേതൃത്വവുമായുണ്ടായ അഭിപ്രായവ്യത്യാസങ്ങളും തർക്കങ്ങളുമാണ് പെട്ടെന്നുള്ള രാജിക്ക് പിന്നിലെന്നാണ് ലഭിക്കുന്ന സൂചനകൾ. കഴിഞ്ഞ തദ്ദേശ തിരഞ്ഞെടുപ്പിൽ ശാസ്തമംഗലം വാർഡിൽ നിന്നാണ് ആർ. ശ്രീലേഖ വിജയിച്ചത്. ഇതോടെ തിരുവനന്തപുരം കോര്‍പറേഷനിൽ വൻതിരിച്ചടിയാണ് ബിജെപി നേരിട്ടിരിക്കുന്നത്. നിലവിലുള്ള ബിജെപി അംഗങ്ങളുടെ എണ്ണം 49 ആയി. തിരഞ്ഞെടുപ്പിന് മുൻപ് മേയർ സ്ഥാനാർത്ഥിയായി ഉയർത്തിക്കാട്ടുമെന്ന് ഉറപ്പുനൽകിയിരുന്നെങ്കിലും പിന്നീട് വി.വി. രാജേഷിനെ മേയറായി തെരഞ്ഞെടുത്തിരുന്നു. തുടർന്ന് പാർട്ടിക്കുള്ളിലെ ആഭ്യന്തര വിഷയങ്ങളിലും അവഗണന നേരിട്ടതായി പരാതി ഉയർന്നിരുന്നു. രാജിക്കത്ത് കൈമാറിയതിനെക്കുറിച്ച് ബി.ജെ.പി സംസ്ഥാന-ജില്ലാ നേതൃത്വങ്ങൾ ഔദ്യോഗികമായി പ്രതികരിച്ചിട്ടില്ല. തിരുവനന്തപുരം നഗരസഭയിലെ ബി.ജെ.പി കൗൺസിലർ സ്ഥാനം രാജിവെച്ച സംഭവത്തിൽ വിശദീകരണവുമായി മുൻ ഡി.ജി.പി ആർ. ശ്രീലേഖ രംഗത്തെത്തി.…

ബെംഗളൂരു: കർണാടകയിൽ ഉണ്ടായ രൂക്ഷമായ വരൾച്ചയെ തുടർന്നുണ്ടായ സാമ്പത്തിക നഷ്ടം 50,000 കോടി മുതൽ 60,000 കോടി രൂപ വരെ ഉയർന്നേക്കാമെന്ന് ഉപമുഖ്യമന്ത്രിയും റവന്യൂ മന്ത്രിയുമായ ജി. പരമേശ്വര വെളിപ്പെടുത്തി. ബാധിത പ്രദേശങ്ങളിൽ കേന്ദ്രസംഘം നടത്തുന്ന പരിശോധനയ്ക്ക് മുന്നോടിയായാണ് അദ്ദേഹം വിവരങ്ങൾ പങ്കുവെച്ചത്.(Karnataka Drought Losses May Reach 60000 Crore Says Dy CM Parameshwara) സംസ്ഥാനത്തെ 217 താലൂക്കുകളെയാണ് വരൾച്ച ബാധിത പ്രദേശങ്ങളായി പ്രഖ്യാപിച്ചിരിക്കുന്നത്. ഇതിൽ 177 താലൂക്കുകളിലെ വിവരശേഖരണം പൂർത്തിയായപ്പോൾ ഏകദേശം 46,000 കോടി രൂപയുടെ നഷ്ടം കണക്കാക്കി കേന്ദ്രത്തിന് രണ്ടാമത്തെ നിവേദനം സമർപ്പിച്ചു കഴിഞ്ഞു. ഒക്ടോബർ 1-ന് വരൾച്ച ബാധിതമായി പ്രഖ്യാപിച്ച ബാക്കി 40 താലൂക്കുകളിലെ കണക്കെടുപ്പ് നിലവിൽ നടന്നു വരികയാണ്. ഇവിടങ്ങളിലെ വിവരങ്ങൾ കൂടി ഉൾപ്പെടുത്തി അന്തിമ റിപ്പോർട്ട് തയ്യാറാക്കുമ്പോൾ ആകെ നഷ്ടം വലിയ തോതിൽ ഉയരുമെന്നും അദ്ദേഹം പറഞ്ഞു. കേന്ദ്ര സർക്കാരിന്റെ നിർദ്ദേശാനുസൃതമുള്ള വരൾച്ചാ ആശ്വാസ സഹായം സംസ്ഥാനം ആവശ്യപ്പെടും. ബാക്കിയുള്ള 22…

തിരുവനന്തപുരം: കേരളത്തിൽ അടുത്ത 5 ദിവസങ്ങളിൽ ഒറ്റപ്പെട്ട ശക്തമായ മഴയ്ക്കും ഇടിമിന്നലിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വിവിധ ദിവസങ്ങളിൽ വിവിധ ജില്ലകളിൽ ജാഗ്രതയുടെ ഭാഗമായി യെല്ലോ അലർട്ട് പ്രഖ്യാപിച്ചു. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാവുന്ന സാഹചര്യമാണിത്.(Kerala Weather Update Yellow Alert In Various Districts For Heavy Rain And Thunderstorms) യെല്ലോ അലർട്ട് 04/10/2026 (ഞായർ): പത്തനംതിട്ട, കോട്ടയം, ഇടുക്കി, എറണാകുളം 05/10/2026 (തിങ്കൾ): പത്തനംതിട്ട, ഇടുക്കി, മലപ്പുറം 06/10/2026 (ചൊവ്വാ): ഇടുക്കി, പാലക്കാട്, വയനാട് ഒക്ടോബർ 3 മുതൽ ഒക്ടോബർ 6 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ട്. ഒക്ടോബർ 7-നും ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴ തുടരാൻ സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു. പൊതുജനങ്ങൾ ആവശ്യമായ ജാഗ്രത പാലിക്കണമെന്ന്…

കോഴിക്കോട്: കോഴിക്കോട് കൂടരഞ്ഞി കൂമ്പാറയിൽ ട്രാവലർ മറിഞ്ഞ് 11 മാസം പ്രായമായ കുട്ടിക്ക് ദാരുണാന്ത്യം. കാളികാവ് സ്വദേശി അമിത്ഷ് അദാം ആണ് മരിച്ചത്. അപകടത്തിൽ നിരവധി പേർക്ക് പരിക്കേറ്റു. കക്കാടംപൊയിലിലെ റിസോർട്ടിൽ നിന്നും മടങ്ങുകയായിരുന്ന ട്രാവലറാണ് മറിഞ്ഞത്.

വാഹനത്തിൽ മലപ്പുറം കാളികാവ് സ്വദേശികളായ കുട്ടികൾ ഉൾപ്പെടെ 18 പേരാണ് ഉണ്ടായിരുന്നത്. ട്രാവലറിനുള്ളിൽ കുടുങ്ങിയ ഒരാളെ ഫയർ ഫോഴ്‌സ് എത്തി വാഹനം വെട്ടിപ്പൊളിച്ചാണ് പുറത്തെടുത്തത്. അപകടത്തിൽ പരിക്കേറ്റവർ ആശുപത്രിയിൽ ചികിത്സയിലാണ്.

നാട്ടുകാരും ഫയർ ഫോഴ്‌‌സും പൊലീസും ചേർന്ന് ഉടൻ തന്നെ രക്ഷാപ്രവർത്തനം നടത്തുകയും പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിക്കുകയുമായിരുന്നു. പരിക്കേറ്റ മറ്റു ചിലരുടെ നില ഗുരുതരമാണെന്നാണ് വിവരം.

നോയിഡ: ഡൽഹിക്ക് സമീപം നോയിഡയിലെ സൂപ്പർനോവ സമുച്ചയത്തിൽ 43-ാം നിലയിൽ നിന്ന് വീണ് യുവാവ് മരിച്ചു. സെക്ടർ 94ലെ സ്പിറ ടവറിലാണ് സംഭവം. മരിച്ചയാളെ ഹരിയാനയിലെ മനേസർ സ്വദേശിയായ സംഭവ് ജെയിൻ എന്നാണ് പൊലീസ് തിരിച്ചറിഞ്ഞത്. (Noida Supernova 43rd floor death) കെട്ടിടത്തിലെ എയർബിഎൻബിയിൽ താമസിച്ചിരുന്ന സംഭവ് ജെയിൻ വെള്ളിയാഴ്ചയാണ് അവിടെ ചെക്ക് ഇൻ ചെയ്തതെന്ന് പൊലീസ് പറഞ്ഞു. ശനിയാഴ്ച ഉച്ചയോടെ ചെക്ക് ഔട്ട് ചെയ്യാനിരിക്കെയാണ് സംഭവമുണ്ടായത്. സംഭവത്തിന് മുമ്പ് പിതാവിനെ പലതവണ ഫോണിൽ വിളിച്ചിരുന്നതായും പൊലീസ് അറിയിച്ചു. സംഭവസ്ഥലത്തുണ്ടായിരുന്ന മറ്റൊരാൾ യുവാവിനെ പിന്തിരിപ്പിക്കാൻ ശ്രമിച്ചെങ്കിലും വിജയിച്ചില്ലെന്നാണ് പൊലീസ് പറയുന്നത്. നിലത്തുവീണതിനെ തുടർന്ന് സംഭവസ്ഥലത്തുവച്ചുതന്നെ മരണം സംഭവിച്ചു. കുടുംബത്തെ വിവരം അറിയിച്ചതായും മൃതദേഹം പോസ്റ്റ്‌മോർട്ടത്തിനായി മാറ്റിയതായും പൊലീസ് അറിയിച്ചു. പൊലീസും ഫോറൻസിക് സയൻസ് ലബോറട്ടറി സംഘവും സ്ഥലത്ത് പരിശോധന നടത്തി തെളിവുകൾ ശേഖരിച്ചു. സമീപത്തെ സിസിടിവി ദൃശ്യങ്ങൾ ഉൾപ്പെടെ പരിശോധിച്ച് സംഭവത്തിന്റെ വിവിധ വശങ്ങൾ അന്വേഷിച്ചുവരികയാണ്. യുവാവ് കടുത്ത സാമ്പത്തിക…

ദുബായ്-ടെൽ അവീവ് ഫ്ലൈദുബായ് വിമാനത്തിൽ നടന്ന ആക്രമണം ‘ഭീകരാക്രമണം’ ആയിരുന്നെന്ന് യുഎഇ പ്രോസിക്യൂട്ടർമാർ സ്ഥിരീകരിച്ചു. കോ-പൈലറ്റ് ഹമാം അൽഹമ്മാമി കോക്പിറ്റിൽ സൂക്ഷിച്ചിരുന്ന ക്രാഷ് ആക്‌സ് ഉപയോഗിച്ച് ഇന്ത്യൻ പൈലറ്റ് ക്യാപ്റ്റൻ സ്മിത് മച്ചാറിനെ ആക്രമിക്കുകയും വിമാനം നിയന്ത്രിക്കാൻ ശ്രമിക്കുകയും ചെയ്തതായി അന്വേഷണ ഉദ്യോഗസ്ഥർ വ്യക്തമാക്കി. (Hamam Alhammami crash axe attack) അന്താരാഷ്ട്ര വ്യോമയാന ചട്ടങ്ങൾ പ്രകാരം വാണിജ്യ വിമാനങ്ങളിൽ ഇത്തരം ക്രാഷ് ആക്‌സ് നിർബന്ധമായ സുരക്ഷാ ഉപകരണമാണ്. അടിയന്തര സാഹചര്യങ്ങളിൽ ഉപയോഗിക്കുന്നതിനായി ഇത് കോക്പിറ്റിലാണ് സൂക്ഷിക്കുന്നത്. 9/11 ആക്രമണങ്ങൾക്ക് മുമ്പ് ഇത്തരം ഉപകരണങ്ങൾ വിമാനത്തിന്റെ പ്രധാന കാബിനിലാണ് സൂക്ഷിച്ചിരുന്നതെന്നും പിന്നീട് കോക്പിറ്റിലേക്ക് മാറ്റിയതായും റിപ്പോർട്ടിൽ പറയുന്നു. 170ലേറെ യാത്രക്കാരും 24 കുട്ടികളും ഉൾപ്പെട്ട ബോയിങ് 737 വിമാനം ഏകദേശം 34,000 അടി ഉയരത്തിൽ സഞ്ചരിക്കുമ്പോഴായിരുന്നു ആക്രമണം. വിമാനം മിനിറ്റിൽ ഏകദേശം 23,000 അടി വേഗത്തിൽ താഴേക്ക് പതിക്കുകയും 15,600 അടി വരെ എത്തുകയും ചെയ്തു. ആക്രമണത്തിൽ പരിക്കേറ്റിട്ടും ക്യാപ്റ്റൻ മച്ചാർ…

ന്യൂഡൽഹി: റഷ്യൻ സൈന്യത്തിൽ ചേർന്ന 140 ഓളം ഇന്ത്യൻ പൗരന്മാരെ സർവീസിൽ നിന്ന് പിരിച്ചുവിട്ടതായി ഇന്ത്യ-റഷ്യ കൺസൾട്ടേറ്റീവ് കമ്മിറ്റി യോഗത്തിലെ വിവരങ്ങൾ ഉദ്ധരിച്ച് വാർത്താ ഏജൻസി റിപ്പോർട്ട് ചെയ്തു. ഇനിയും റഷ്യൻ സൈന്യത്തിലുണ്ടെന്ന് കരുതുന്ന 55 ഇന്ത്യക്കാരെക്കുറിച്ചുള്ള വിവരങ്ങൾക്കായി ഇന്ത്യൻ അധികൃതർ റഷ്യൻ ഭരണകൂടവുമായി ബന്ധപ്പെട്ടുവരികയാണ്.(Russian Army, Around 140 Indians Discharged From Russian Army India Seeks 55 Others) റഷ്യൻ സൈന്യത്തിൽ ജോലിയിൽ പ്രവേശിച്ച എല്ലാ ഇന്ത്യക്കാരെയും എത്രയും വേഗം വിട്ടയക്കണമെന്ന് വിദേശകാര്യ മന്ത്രാലയം ഉന്നതതലത്തിൽ തന്നെ റഷ്യയോട് ആവശ്യപ്പെട്ടിരുന്നു. തട്ടിപ്പിലൂടെയും തെറ്റിദ്ധരിപ്പിച്ചും ആളുകളെ വിദേശ സൈന്യത്തിലേക്ക് റിക്രൂട്ട് ചെയ്ത ഏജന്റമാർക്കെതിരെ കർശന നടപടിയാണ് ഇന്ത്യൻ നിയമപാലകർ സ്വീകരിച്ചുവരുന്നത്. നേരത്തെ വിദേശകാര്യ സെക്രട്ടറി വിക്രം മിസ്രി നൽകിയ വിവരങ്ങൾ പ്രകാരം 227 ഇന്ത്യക്കാരാണ് റഷ്യൻ സൈന്യത്തിൽ ചേർന്നിരുന്നത്. ഇതിൽ 139 പേർ വിടുതൽ നേടുകയും നിർഭാഗ്യവശാൽ 51 പേർ യുദ്ധത്തിൽ കൊല്ലപ്പെടുകയും ചെയ്തിരുന്നു. ബാക്കിയുള്ളവരെയും എത്രയും വേഗം…

വാഷിങ്ടൺ: ഇറാനുമായുള്ള നിലവിലെ സംഘർഷം അധികനാൾ നീളില്ലെന്ന് അമേരിക്കൻ പ്രസിഡന്റ് ഡോണൾഡ് ട്രംപ്. ഇറാന്റെ സ്ഥിതി മോശമാണെന്നും കാര്യങ്ങൾ വളരെ അനുകൂലമായാണ് മുന്നോട്ട് പോകുന്നതെന്നും വൈറ്റ് ഹൗസിൽ മാധ്യമങ്ങളോട് സംസാരിക്കവെ ട്രംപ് പറഞ്ഞു. ഇറാനെതിരായ അമേരിക്കയുടെ അടുത്ത നീക്കങ്ങളെക്കുറിച്ച് മാധ്യമപ്രവർത്തകർ ചോദിച്ചപ്പോൾ വിശദാംശങ്ങൾ വെളിപ്പെടുത്താൻ ട്രംപ് തയ്യാറായില്ല. പദ്ധതികൾ നേരത്തെ പ്രഖ്യാപിച്ചാൽ വലിയ വാർത്തയാകുമെന്നായിരുന്നു അദ്ദേഹത്തിന്റെ പ്രതികരണം. ഇറാന്റെ അവസ്ഥ മോശമാണെന്നും നിലവിലെ സാഹചര്യം ‘വളരെ നന്നായി മുന്നോട്ട് പോകുന്നു’ എന്നുമാണ് ട്രംപ് പറഞ്ഞത്. (Trump Iran war statement) ഇറാൻ സംഘർഷം അവസാനിച്ചാൽ ആഗോള വിപണിയിൽ കൂടുതൽ എണ്ണ ലഭ്യമാകുമെന്നും ക്രൂഡ് ഓയിൽ വില മുൻകാല നിലയിലേക്ക് താഴാൻ സാധ്യതയുണ്ടെന്നും ട്രംപ് പറഞ്ഞു. സംഘർഷം അധികനാൾ നീളില്ലെന്നും അതിന് ശേഷം എണ്ണവില കുറയുമെന്നും അദ്ദേഹം കൂട്ടിച്ചേർത്തു. അതേസമയം, ആഗോള ഡീസൽ ലഭ്യതയെക്കുറിച്ചും ട്രംപ് സംസാരിച്ചു. യൂറോപ്പിനോട് അന്താരാഷ്ട്ര വിപണിയിലേക്ക് കൂടുതൽ ഡീസൽ എത്തിക്കാൻ ആവശ്യപ്പെട്ടതായും യൂറോപ്യൻ രാജ്യങ്ങൾ ഇതിനോട് അനുകൂലമായി…

ഡൽഹി: റബ്ബർ ബോർഡ് ജീവനക്കാരുടെയും പെൻഷൻകാരുടെയും ദീർഘകാല ആവശ്യങ്ങളിൽ നിർണായക പുരോഗതി. എൻ.പി.എസ്. ജീവനക്കാരുടെ കുടുംബ പെൻഷൻ, നിർബന്ധിത വിരമിക്കൽ പെൻഷൻ, നോഷണൽ ഇൻക്രിമെന്റ് തുടങ്ങിയ വിഷയങ്ങളിൽ കേന്ദ്ര സർക്കാർ അനുകൂല നടപടി സ്വീകരിച്ചു. എൻ.പി.എസ്. ജീവനക്കാരുടെ മരണാനന്തര കുടുംബ പെൻഷൻ സംബന്ധിച്ച് എൻ.എസ്.ഡി.എൽ. മുഖേന ലഭിക്കുന്ന ആനുകൂല്യമോ റബ്ബർ ബോർഡ് ചട്ടങ്ങൾ പ്രകാരമുള്ള കുടുംബ പെൻഷനോ തിരഞ്ഞെടുക്കുന്നതിനുള്ള ഓപ്ഷൻ അനുവദിക്കുന്നതിനുള്ള നടപടികൾക്കാണ് അനുമതി ലഭിച്ചിരിക്കുന്നത്. റബ്ബർ ബോർഡ് (സർവീസ്) റൂൾസ്, 1961 ഉൾപ്പെടെയുള്ള ബാധകമായ ചട്ടങ്ങൾ പരിശോധിച്ച് ആനുകൂല്യം നടപ്പാക്കണമെന്നും കേന്ദ്ര സർക്കാരിന്റെ നിർദേശത്തിൽ വ്യക്തമാക്കിയിട്ടുണ്ട്. നിർബന്ധിത വിരമിക്കൽ പെൻഷൻ ലഭിക്കുന്നവർക്കും ആശ്വാസകരമായ തീരുമാനമാണ് ഉണ്ടായിരിക്കുന്നത്. നിലവിൽ ലഭിച്ചുവരുന്ന 30 ശതമാനം പെൻഷൻ 50 ശതമാനമായി ഉയർത്തുന്നതിനുള്ള അനുമതിയാണ് ലഭിച്ചത്. ഇതിന്റെ അടിസ്ഥാനത്തിൽ അർഹരായ പെൻഷൻകാരുടെയും കുടുംബ പെൻഷൻകാരുടെയും ആനുകൂല്യങ്ങൾ പുനഃപരിശോധിക്കാൻ കഴിയും. ജൂൺ 30, ഡിസംബർ 31 തീയതികളിൽ വിരമിച്ച ജീവനക്കാരുടെ കാര്യത്തിലും നിർണായക തീരുമാനമുണ്ട്. വിരമിച്ച ജീവനക്കാർക്ക്…

മലപ്പുറം: വിജിലൻസ് പരിശോധനയ്ക്കിടെ കൈക്കൂലി പണം ക്ലോസറ്റിലിട്ട് ഫ്ലഷ് ചെയ്ത ഹെൽത്ത് ഇൻസ്പെക്ടർ പിടിയിൽ (Malappuram Vigilance Raid). തിരൂരങ്ങാടി നഗരസഭയിലെ പബ്ലിക് ഹെൽത്ത് ഇൻസ്പെക്ടറും തിരുവനന്തപുരം സ്വദേശിയുമായ എസ്. ശ്രീജിയാണ് വിജിലൻസിന്റെ പിടിയിലായത്. ക്ലോസറ്റിലിട്ട 10,000 രൂപ പിന്നീട് വിജിലൻസ് സംഘം കണ്ടെത്തി. പുതിയ ഹോട്ടലിനും ജ്യൂസ് കടയ്ക്കും ലൈസൻസ് അനുവദിക്കുന്നതിനായി പ്രവാസിയായ യുവതിയോട് ഹെൽത്ത് ഇൻസ്പെക്ടർ കൈക്കൂലി ആവശ്യപ്പെട്ടെന്നാണ് പരാതി. യുവതി നേരത്തെ കെ-സ്മാർട്ട് വഴി ലൈസൻസിനായി അപേക്ഷ നൽകിയിരുന്നു. എന്നാൽ രേഖകൾ കൃത്യമല്ലെന്ന് ചൂണ്ടിക്കാട്ടി അപേക്ഷ മടക്കിയതിന് പിന്നാലെയാണ് ലൈസൻസ് അനുവദിക്കുന്നതിന് പണം ആവശ്യപ്പെട്ടതെന്നാണ് വിവരം. തുടർന്ന് യുവതി വിജിലൻസിനെ വിവരമറിയിക്കുകയായിരുന്നു. വിജിലൻസിന്റെ നിർദേശപ്രകാരം കൈക്കൂലി നൽകാമെന്ന് പരാതിക്കാരി സമ്മതിച്ചു. തുടർന്ന് പരപ്പനങ്ങാടിയിലെ താമസസ്ഥലത്ത് വെച്ച് പണം വാങ്ങുന്നതിനിടെയാണ് ശ്രീജി വിജിലൻസിന്റെ പിടിയിലായത്. വിജിലൻസ് സംഘം സ്ഥലത്തെത്തിയതോടെ കൈക്കൂലി പണം ക്ലോസറ്റിലിട്ട് ഫ്ലഷ് ചെയ്യുകയായിരുന്നു പ്രതിയെന്നാണ് വിവരം. ഇതോടെ അന്ന് നടത്തിയ പരിശോധനയിൽ പണം കണ്ടെത്താനായില്ല. തുടർന്ന്…

തിരുവനന്തപുരം: എസ്എഫ്ഐ തിരുവനന്തപുരം ജില്ലാ സെക്രട്ടറി എം.എ. നന്ദനെ ഫോണിൽ ഭീഷണിപ്പെടുത്തിയെന്ന പരാതിയിൽ കന്റോൺമെന്റ് എസ്‌ഐ ഗോകുൽ ഗോപനെതിരെ അന്വേഷണം (Gokul Gopan SI). സംഭവത്തിൽ തിരുവനന്തപുരം സിറ്റി പൊലീസ് കമ്മീഷണർ അന്വേഷണം നടത്തണമെന്ന് എഡിജിപി നിർദേശം നൽകിയതായി റിപ്പോർട്ടുകൾ. ഭീഷണിയെന്ന് ആരോപിക്കപ്പെടുന്ന ഫോൺ സംഭാഷണത്തിന്റെ ശബ്ദരേഖ പുറത്തുവന്നതിന് പിന്നാലെയാണ് നടപടി. എസ്എഫ്ഐ ജില്ലാ സെക്രട്ടറി നന്ദൻ സംസ്ഥാന പൊലീസ് മേധാവിക്ക് നൽകിയ പരാതിയിൽ, തലസ്ഥാനത്തെ സമാധാനാന്തരീക്ഷം നിലനിർത്താൻ ഇടപെടണമെന്നും ഗോകുൽ ഗോപനെ മാറ്റിനിർത്തി സുതാര്യമായ അന്വേഷണം നടത്തണമെന്നും ആവശ്യപ്പെട്ടു. എസ്എഫ്ഐക്കെതിരെ നടക്കുന്ന പൊലീസ് നടപടികളിൽ എസ്‌ഐയും സിഐയും നേതൃത്വം നൽകുന്നതായി സംഘടന നേരത്തെ ആരോപണം ഉന്നയിച്ചിരുന്നു. യൂണിവേഴ്സിറ്റി കോളേജ് ഹോസ്റ്റലിലുണ്ടായ സംഘർഷത്തിനിടെ വിദ്യാർഥികൾക്ക് നേരെ പൊലീസ് ലാത്തിച്ചാർജ് നടത്തിയ സംഭവവും വിവാദമായിരുന്നു. ഇതുമായി ബന്ധപ്പെട്ട ദൃശ്യങ്ങൾ പുറത്തുവന്നതിന് പിന്നാലെ എസ്‌ഐക്കെതിരെ പ്രതിഷേധം സംഘടിപ്പിക്കുമെന്ന് എസ്എഫ്ഐ പ്രഖ്യാപിച്ചിരുന്നു. ഇതിന് പിന്നാലെയാണ് നന്ദനെ ഫോണിൽ വിളിച്ച് എസ്‌ഐ ഭീഷണിപ്പെടുത്തിയെന്ന ആരോപണം ഉയർന്നത്. പ്രതിഷേധവുമായി…

നാഗോയ: ഏഷ്യൻ ഗെയിംസിൽ ഇന്ത്യയുടെ മത്സരങ്ങൾക്ക് ഗംഭീര സമാപനം (Asian Games 2026). അവസാന ദിനമായ ഇന്ന് ഇന്ത്യ അഞ്ച് സ്വർണമടക്കം ഒമ്പത് മെഡലുകൾ സ്വന്തമാക്കി. 21 സ്വർണവും 27 വെള്ളിയും 37 വെങ്കലവും ഉൾപ്പെടെ 85 മെഡലുകളുമായി ഇന്ത്യ മെഡൽ പട്ടികയിൽ നാലാം സ്ഥാനത്താണ് ഫിനിഷ് ചെയ്തത്. അവസാന ദിവസം ഏഴ് ഫൈനലുകളിലാണ് ഇന്ത്യ മത്സരിച്ചത്. പുരുഷ ഹോക്കിയിലും പുരുഷ ക്രിക്കറ്റിലും നേടിയ സ്വർണം ഉൾപ്പെടെ അഞ്ച് സ്വർണങ്ങളാണ് ഇന്ത്യ സ്വന്തമാക്കിയത്. ഇതോടെ ഹോക്കിയിൽ പുരുഷ-വനിതാ ടീമുകൾ ഒരേ ഏഷ്യൻ ഗെയിംസിൽ സ്വർണം നേടുന്ന അപൂർവ നേട്ടത്തിനും ഇന്ത്യ ഉടമയായി. ഹോക്കിയിൽ സ്വർണം നിലനിർത്തി പുരുഷ ഹോക്കി ഫൈനലിൽ മലേഷ്യയെ 5-1ന് തകർത്താണ് ഇന്ത്യ തുടർച്ചയായ രണ്ടാം തവണയും സ്വർണം നേടിയത്. ക്യാപ്റ്റൻ ഹർമൻപ്രീത് സിങ് ഉൾപ്പെടെയുള്ള താരങ്ങളുടെ മികവിലാണ് ഇന്ത്യയുടെ വിജയം. ഈ നേട്ടത്തോടെ 2028ലെ ലോസ് ആഞ്ചലസ് ഒളിമ്പിക്സിലേക്കും ഇന്ത്യ നേരിട്ട് യോഗ്യത നേടി. പാകിസ്താനെ തോൽപ്പിച്ച്…

എറണാകുളം: കാക്കനാട്ട് എംഡിഎംഎയുമായി ഫാഷൻ ഫോട്ടോഗ്രാഫർ പിടിയിലായ സംഭവത്തിൽ കൂടുതൽ വിവരങ്ങൾ പുറത്ത് (Kakkanad MDMA case). അറസ്റ്റിലായ അരുൺ സിനിമാമേഖലയിലുള്ളവർക്കും എംഡിഎംഎ വിൽപ്പന നടത്തിയിരുന്നതായി എക്സൈസ് അന്വേഷണത്തിൽ കണ്ടെത്തിയെന്നാണ് റിപ്പോർട്ട്. രണ്ട് ദിവസത്തിനിടെ ഏകദേശം അരക്കിലോ എംഡിഎംഎ ഇയാൾ വിൽപ്പന നടത്തിയതായാണ് എക്സൈസിന്റെ കണ്ടെത്തൽ. ലഹരി വിൽപ്പനയിലൂടെ ലഭിച്ച പണമാണ് പ്രതി സഞ്ചരിച്ച കാറിൽ നിന്ന് പിടിച്ചെടുത്ത 15 ലക്ഷം രൂപയെന്നാണ് അന്വേഷണ സംഘത്തിന്റെ നിഗമനം. ഐടി പ്രൊഫഷണലുകൾ, ഡോക്ടർമാർ, വിദ്യാർഥികൾ എന്നിവർക്കും ഇയാൾ ലഹരി എത്തിച്ചുനൽകിയിരുന്നതായി എക്സൈസ് കണ്ടെത്തിയിട്ടുണ്ട്. സിനിമാമേഖലയുമായി ബന്ധപ്പെട്ടവരിലേക്കും ലഹരി എത്തിയിരുന്നുവെന്ന വിവരത്തിന്റെ അടിസ്ഥാനത്തിൽ അന്വേഷണം കൂടുതൽ വ്യാപിപ്പിക്കാനാണ് എക്സൈസിന്റെ നീക്കം. കാക്കനാട് എക്സൈസ് നടത്തിയ പരിശോധനയിലാണ് 38.133 ഗ്രാം എംഡിഎംഎ, ഹോണ്ട സിറ്റി കാർ, 15 ലക്ഷം രൂപ എന്നിവയുമായി അരുൺ പിടിയിലായത്. ഇയാളുടെ ലഹരി ഇടപാടുകളുമായി ബന്ധപ്പെട്ട കൂടുതൽ വിവരങ്ങൾ കണ്ടെത്തുന്നതിനായി എക്സൈസ് വിശദമായ അന്വേഷണം ആരംഭിച്ചിട്ടുണ്ട്. ലഹരി ശൃംഖലയിൽ ഇയാളുമായി ബന്ധപ്പെട്ടിരുന്നവരെയും…

ന്യൂഡൽഹി: ഒക്ടോബർ മാസത്തിൽ ബാങ്ക് ഇടപാടുകൾ നടത്താനിരിക്കുന്നവർക്ക് പ്രധാന അറിയിപ്പ് (October 2026 bank holidays). വിവിധ ദേശീയ അവധികളും പ്രാദേശിക ഉത്സവങ്ങളും കാരണം രാജ്യത്തിന്റെ വിവിധ ഭാഗങ്ങളിൽ ഈ മാസം ബാങ്കുകൾക്ക് നിരവധി അവധികളുണ്ടാകും. സംസ്ഥാനങ്ങൾക്കനുസരിച്ച് അവധി ദിനങ്ങളിൽ വ്യത്യാസമുണ്ടാകും. രണ്ടും നാലും ശനിയാഴ്ചകളും ഞായറാഴ്ചകളും ഉൾപ്പെടെയുള്ള സാധാരണ അവധികൾക്ക് പുറമെയാണിത്. ബാങ്കുകൾക്ക് അവധിയുള്ള പ്രധാന ദിവസങ്ങൾ ഒക്ടോബർ 2: ഗാന്ധി ജയന്തി പ്രമാണിച്ച് രാജ്യവ്യാപകമായി ബാങ്കുകൾക്ക് അവധി. ഒക്ടോബർ 10: മഹാലയ അമാവാസി പ്രമാണിച്ച് കർണാടകയിലും പശ്ചിമ ബംഗാളിലും ബാങ്കുകൾ പ്രവർത്തിക്കില്ല. ഒക്ടോബർ 17: മഹാസപ്തമി പ്രമാണിച്ച് ത്രിപുരയിൽ ബാങ്ക് അവധി. ഒക്ടോബർ 19: ദസറ, മഹാഷ്ടമി, മഹാനവമി, ആയുധപൂജ, ദുർഗാപൂജ തുടങ്ങിയ ആഘോഷങ്ങളുടെ ഭാഗമായി കേരളം ഉൾപ്പെടെയുള്ള വിവിധ സംസ്ഥാനങ്ങളിൽ ബാങ്കുകൾക്ക് അവധി. ഒക്ടോബർ 20: വിജയദശമി, ദസറ ആഘോഷങ്ങളുടെ ഭാഗമായി കേരളം ഉൾപ്പെടെ നിരവധി സംസ്ഥാനങ്ങളിൽ ബാങ്കുകൾ അടഞ്ഞുകിടക്കും. ഒക്ടോബർ 21: വിജയദശമി, ദുർഗാപൂജ എന്നിവയുടെ…

കൊൽക്കത്ത: സാൾട്ട് ലേക്ക് സ്റ്റേഡിയത്തിൽ നടന്ന ചരിത്ര സൗഹൃദ മത്സരത്തിൽ ഇന്ത്യക്കെതിരെ ബ്രസീലിന് തകർപ്പൻ ജയം. മറുപടിയില്ലാത്ത നാല് ഗോളുകൾക്കാണ് അഞ്ച് തവണ ലോകചാമ്പ്യന്മാരായ ബ്രസീൽ ഇന്ത്യയെ പരാജയപ്പെടുത്തിയത്. ഇന്ത്യയും ബ്രസീലും തമ്മിലുള്ള സീനിയർ പുരുഷ ടീമുകളുടെ ആദ്യ രാജ്യാന്തര മത്സരമായിരുന്നു ഇത്. 28-ാം മിനിറ്റിൽ എസ്തേവാവോയാണ് ബ്രസീലിന്റെ അക്കൗണ്ട് തുറന്നത്. 42-ാം മിനിറ്റിൽ പെഡ്രോ ലീഡ് ഇരട്ടിയാക്കി. രണ്ടാം പകുതിയിൽ സാമുവൽ ലിനോ രണ്ട് ഗോളുകൾ കൂടി നേടി ബ്രസീലിന്റെ വിജയം 4–0 ആക്കി. 58-ാം മിനിറ്റിലായിരുന്നു ലിനോയുടെ ആദ്യ ഗോൾ; ഇഞ്ചുറി ടൈമിൽ രണ്ടാം ഗോളും നേടി. ആദ്യ പകുതിയിൽ ഇന്ത്യൻ പ്രതിരോധം മികച്ച രീതിയിൽ ബ്രസീലിന്റെ മുന്നേറ്റങ്ങളെ ചെറുത്തെങ്കിലും രണ്ടാം പകുതിയിൽ ബ്രസീലിന്റെ ആക്രമണ മികവിന് മുന്നിൽ ഇന്ത്യ പതറുകയായിരുന്നു. മൻവീർ സിങ്ങിനും റയാൻ വില്യംസിനും ലഭിച്ച അവസരങ്ങൾ ഗോളാക്കാൻ കഴിയാതിരുന്നതും ഇന്ത്യക്ക് തിരിച്ചടിയായി. 51,000-ത്തോളം കാണികൾ സാക്ഷിയായ മത്സരത്തിൽ വിനീഷ്യസ് ജൂനിയർ ഉൾപ്പെടെയുള്ള ബ്രസീൽ താരങ്ങളുടെ…

കൊച്ചി: ജയസൂര്യയെ നായകനാക്കി ജിതിൻ കെ. ജോസ് സംവിധാനം ചെയ്യുന്ന മിസ്റ്ററി ത്രില്ലർ ചിത്രം ‘മായൻ – ചാപ്റ്റർ 1’ ഡിസംബർ 3ന് ലോകമെമ്പാടുമുള്ള തിയറ്ററുകളിലെത്തും (Mayan Chapter 1). 2026 ഡിസംബർ 3നാണ് ചിത്രത്തിന്റെ റിലീസ്. ചിത്രീകരണം പൂർത്തിയായതായി അണിയറപ്രവർത്തകർ അറിയിച്ചു. മമ്മൂട്ടിയെ നായകനാക്കി ജിതിൻ കെ. ജോസ് ഒരുക്കിയ ‘കളങ്കാവൽ’ എന്ന ചിത്രത്തിന് ശേഷം സംവിധായകന്റെ അടുത്ത ചിത്രമാണ് ‘മായൻ’. മാജിക് മൂൺ പ്രൊഡക്ഷൻസിന്റെ ബാനറിൽ രാജീവ് ഗോവിന്ദനാണ് ചിത്രം നിർമിക്കുന്നത്. കേരളത്തിലും റഷ്യയിലുമായാണ് ചിത്രത്തിന്റെ പ്രധാന ഭാഗങ്ങൾ ചിത്രീകരിച്ചത്. റഷ്യയിലെ വിദേശ ഷെഡ്യൂൾ പൂർത്തിയാക്കിയതിന് പിന്നാലെ കേരളത്തിലെ ചിത്രീകരണവും പൂർത്തിയാക്കുകയായിരുന്നു. നിഗൂഢത നിറഞ്ഞ മിസ്റ്ററി ത്രില്ലർ പശ്ചാത്തലത്തിലാണ് ‘മായൻ’ ഒരുങ്ങുന്നത്. കേരളത്തിൽ നൂറ്റാണ്ടുകളായി നിലനിൽക്കുന്നുവെന്ന് പറയപ്പെടുന്ന, പൊതുസമൂഹത്തിൽ അധികം ചർച്ച ചെയ്യപ്പെടാത്ത ചില ആചാരങ്ങളിലേക്കും വിശ്വാസങ്ങളിലേക്കും ചിത്രം കടന്നുചെല്ലുമെന്നാണ് സംവിധായകൻ നേരത്തെ വ്യക്തമാക്കിയിട്ടുള്ളത്. ‘വിപരീത ആരാധന’ എന്ന ആശയവും ചിത്രത്തിന്റെ പ്രമേയവുമായി ബന്ധപ്പെട്ടിരിക്കുന്നതായി അദ്ദേഹം സൂചിപ്പിച്ചിട്ടുണ്ട്. എന്നാൽ…

തിരുവനന്തപുരം: നെയ്യാർ ഡാം മേഖലയിൽ കാട്ടുപോത്തിനെ വെടിവെച്ച് കൊന്ന് ഇറച്ചി കടത്തിയ സംഭവത്തിൽ രണ്ടുപേരെ വനംവകുപ്പ് അറസ്റ്റ് ചെയ്തു (Neyyar Dam). പൂവച്ചൽ സ്വദേശികളായ സുകുമാരൻകുട്ടി നായരും ചന്ദ്രദാസുമാണ് അറസ്റ്റിലായത്.

വനംവകുപ്പ് പരുത്തിപ്പള്ളി റേഞ്ചിലെ ഉദ്യോഗസ്ഥരാണ് പ്രതികളെ പിടികൂടിയത്. സംഭവവുമായി ബന്ധപ്പെട്ട് നടത്തിയ പരിശോധനയിൽ ചന്ദ്രദാസിന്റെ വീട്ടിൽനിന്ന് വേവിച്ച നിലയിലുള്ള കാട്ടുപോത്തിറച്ചിയും കണ്ടെത്തി. ഇറച്ചി വനംവകുപ്പ് കസ്റ്റഡിയിലെടുത്തു.

കാട്ടുപോത്തിനെ വേട്ടയാടി കൊന്നതുമായി ബന്ധപ്പെട്ട് കൂടുതൽ അന്വേഷണം നടക്കുകയാണെന്ന് വനംവകുപ്പ് അറിയിച്ചു. സംഭവത്തിൽ മറ്റാർക്കെങ്കിലും പങ്കുണ്ടോയെന്നും ഇറച്ചി കടത്തിയതിന്റെ വിശദാംശങ്ങളും പരിശോധിക്കുന്നുണ്ട്.

Story Summary:
Two people have been arrested in connection with the alleged killing of a wild gaur and transportation of its meat in the Neyyar Dam area of Thiruvananthapuram. Forest officials also seized cooked wild gaur meat from one of the accused’s houses.

കാസർകോട്: മന്ത്രി ഒ.ജെ. ജനീഷിനെതിരെ നടന്ന കരിങ്കൊടി പ്രതിഷേധത്തിൽ പങ്കെടുത്തെന്ന ആരോപണത്തെ തുടർന്ന് താൽക്കാലിക ഡോക്ടറെ സർവീസിൽനിന്ന് നീക്കി (OJ Janeesh). ദേശീയ ആരോഗ്യ ദൗത്യത്തിന് (എൻഎച്ച്എം) കീഴിൽ കാസർകോട് ജില്ലാ ആശുപത്രിയിൽ ഡെന്റൽ സർജനായി ജോലി ചെയ്തിരുന്ന ഡോ. സിദ്ധാർഥ് രവീന്ദ്രനെയാണ് സർവീസിൽനിന്ന് ഒഴിവാക്കിയത്. കഴിഞ്ഞ ദിവസം കാഞ്ഞങ്ങാട് നടന്ന ഒ.ജെ. ജനീഷിനെതിരായ ഡിവൈഎഫ്ഐയുടെ കരിങ്കൊടി പ്രതിഷേധത്തിലാണ് ഡോക്ടർ പങ്കെടുത്തതെന്നാണ് റിപ്പോർട്ട്. ഒക്ടോബർ ഒന്നിന് കാസർകോട് തൃക്കരിപ്പൂരിലും മന്ത്രിക്കെതിരെ ഡിവൈഎഫ്ഐ പ്രതിഷേധം നടന്നിരുന്നു. ജില്ലാ ആരോഗ്യ കുടുംബക്ഷേമ സൊസൈറ്റിയുമായി ഡോക്ടർ ഒപ്പുവെച്ച കരാറിലെ വ്യവസ്ഥകൾ ലംഘിച്ചതായി ചൂണ്ടിക്കാട്ടിയാണ് സർവീസിൽനിന്ന് ഒഴിവാക്കിയതെന്ന് ഉത്തരവിൽ വ്യക്തമാക്കുന്നതായി റിപ്പോർട്ടുകൾ പറയുന്നു. മന്ത്രിക്കെതിരായ പ്രതിഷേധങ്ങളുടെ ഭാഗമായി കാസർകോട് ജില്ലയുടെ വിവിധ ഭാഗങ്ങളിൽ ഡിവൈഎഫ്ഐ പ്രവർത്തകർ പ്രതിഷേധിച്ചിരുന്നു. തൃക്കരിപ്പൂരിൽ മന്ത്രിയുടെ വാഹനം തടഞ്ഞതിനെ തുടർന്ന് സ്ഥലത്ത് സംഘർഷാവസ്ഥയും രൂപപ്പെട്ടിരുന്നു. ഡോക്ടറെ സർവീസിൽനിന്ന് നീക്കിയ നടപടിയുമായി ബന്ധപ്പെട്ട ഔദ്യോഗിക ഉത്തരവിലെ മറ്റ് വിശദാംശങ്ങൾ പുറത്തുവന്നിട്ടില്ല. Story Summary: A…