കോഴിക്കോട്: കുടുംബത്തിലെ ദാമ്പത്യപ്രശ്നങ്ങൾ പരിഹരിക്കാമെന്ന് വിശ്വസിപ്പിച്ച് ചികിത്സയ്ക്കെത്തിയ യുവതിയെ ക്രൂരമായി പീഡിപ്പിച്ച വ്യാജസിദ്ധൻ പോലീസിന്റെ പിടിയിലായി. പുതുപ്പാടി സ്വദേശിയായ അൻവർ സാദത്താണ് താമരശ്ശേരി പോലീസിന്റെ പിടിയിലായത്.

രണ്ടാഴ്ച മുൻപാണ് കേസിനാസ്പദമായ സംഭവം നടന്നത്. കുടുംബപരമായ പ്രശ്നങ്ങൾ പരിഹരിക്കാൻ ഈങ്ങാപ്പുഴയിൽ അത്ഭുത സിദ്ധിയുള്ള ചികിത്സകനുണ്ടെന്ന് കേട്ടറിഞ്ഞ് യുവതിയുടെ ഭർത്താവ് തന്നെയാണ് ഇവരെ അൻവർ സാദത്തിന്റെ ഈങ്ങാപ്പുഴയിലെ വ്യാജ ചികിത്സാ കേന്ദ്രത്തിൽ എത്തിച്ചത്.

ചികിത്സയ്ക്കായി കേന്ദ്രത്തിലെത്തിയ ഭർത്താവിന്റെ കയ്യിൽ ഒരു തേങ്ങ നൽകിയ അൻവർ സാദത്ത്, ചികിത്സ തീരുന്നതുവരെ മുറിക്ക് പുറത്തേക്ക് നോക്കി നിന്ന് ചില പ്രത്യേക മന്ത്രങ്ങൾ ജപിക്കണമെന്ന് കർശനമായി ആവശ്യപ്പെടുകയായിരുന്നു.

ഭർത്താവ് മന്ത്രം ജപിച്ച് പുറത്തുനിന്ന തക്കത്തിന്, യുവതിയെ മുറിയുടെ മറ്റൊരു ഭാഗത്തേക്ക് കൂട്ടിക്കൊണ്ടുപോയി വ്യാജസിദ്ധൻ ക്രൂരമായി പീഡിപ്പിക്കുകയായിരുന്നു. കേന്ദ്രത്തിൽ നിന്ന് മടങ്ങി വീട്ടിലെത്തിയ ശേഷമാണ് യുവതി തനിക്കുണ്ടായ കൊടുംക്രൂരതയെക്കുറിച്ച് ഭർത്താവിനോട് വെളിപ്പെടുത്തിയത്.

ഇതോടെ കുടുംബം താമരശ്ശേരി പോലീസിൽ നേരിട്ടെത്തി രേഖാമൂലം പരാതി നൽകുകയായിരുന്നു. പരാതി ലഭിച്ചയുടൻ അന്വേഷണം ആരംഭിച്ച പോലീസ് സംഘം ഒളിവിൽ പോകാൻ ശ്രമിച്ച പ്രതിയെ അതിവേഗം പിടികൂടി.

ഇയാൾ മുൻപും സമാനമായ രീതിയിൽ സ്ത്രീകളെ പീഡിപ്പിച്ച കേസുകളിലും പോക്സോ കേസുകളിലും പ്രതിയാണെന്ന് താമരശ്ശേരി ഡി.വൈ.എസ്.പി വ്യക്തമാക്കി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസസ് (NBEMS) NEET PG 2026 ഫലം പ്രഖ്യാപിച്ചു. ഔദ്യോഗിക പോർട്ടലായ natboard.edu.in, nbe.edu.in എന്നിവയിൽ ഫലം പരിശോധിക്കാം. 

പരീക്ഷയിൽ ഉദ്യോഗാർഥികൾ നേടിയ റോ സ്കോറും നീറ്റ് പി ജി റാങ്കും ഉൾപ്പെടുന്ന ഫലമാണ് പ്രസിദ്ധീകരിച്ചിരിക്കുന്നത്. ഉദ്യോഗാർഥികൾക്ക് NBEMS-ന്റെ ഔദ്യോഗിക വെബ്സൈറ്റ് സന്ദർശിച്ച് ഫലം പരിശോധിക്കാം.

ഈ വർഷം ഓഗസ്റ്റ് 30-നാണ് നീറ്റ് പി ജി പരീക്ഷ നടന്നത്. ആകെ 2,73,096 പേരാണ് പരീക്ഷയ്ക്കായി രജിസ്റ്റർ ചെയ്തത്. അതിൽ 2,65,980 പേർ പരീക്ഷ എഴുതി. രാജ്യത്തുടനീളമുള്ള 339 നഗരങ്ങളിലെ 1,111 കേന്ദ്രങ്ങളിലായിരുന്നു പരീക്ഷ.

MD, MS, DNB, DrNB (Direct 6 Years Courses), PG Medical Diploma തുടങ്ങിയ കോഴ്സുകളിലേക്കുള്ള പ്രവേശനത്തിനുള്ള കുറഞ്ഞ യോഗ്യതാ മാനദണ്ഡങ്ങളും മെഡിക്കൽ ബോർഡ് പ്രഖ്യാപിച്ചിട്ടുണ്ട്. വിവിധ വിഭാഗങ്ങളിലെ കട്ട് ഓഫ് സ്കോറുകളും പ്രസിദ്ധീകരിച്ചിട്ടുണ്ട്.

പരീക്ഷയുടെ ഉത്തരസൂചിക ഒക്ടോബർ ഒന്നിന് ശേഷം ഔദ്യോഗിക പോർട്ടലിൽ പ്രസിദ്ധീകരിക്കുമെന്ന് അധികൃതർ അറിയിച്ചു.

തൃശൂർ: സംസ്ഥാനത്തെ സർക്കാർ ആശുപത്രികളിൽ യാതൊരുവിധ മരുന്ന് ക്ഷാമവുമില്ലെന്ന് മന്ത്രി കെ. മുരളീധരൻ.

നിലവിൽ 657 ഇനം ജീവൻരക്ഷാ മരുന്നുകൾ സർക്കാർ ആശുപത്രികളിൽ ആവശ്യത്തിന് സ്റ്റോക്കുണ്ടെന്നും വ്യാജപ്രചാരണങ്ങൾ നടത്തി ജനങ്ങളിൽ പരിഭ്രാന്തി സൃഷ്ടിക്കാനാണ് ചിലർ ശ്രമിക്കുന്നതെന്നും അദ്ദേഹം പറഞ്ഞു.

 തൃശൂരിൽ മാധ്യമങ്ങളോട് സംസാരിക്കുകയായിരുന്നു മന്ത്രി. ചിലരുടെ അസൂയക്കും കഷണ്ടിക്കും മാത്രമാണ് നിലവിൽ മരുന്നില്ലാത്തത്.

 ബ്ലാക്ക് സ്റ്റോൺ ഏജന്റുമാരെ പ്പോലെയാണ് ചില ആളുകൾ ആരോഗ്യ മേഖലയ്ക്കെതിരെ കുപ്രചാരണ ങ്ങളുമായി ഇറങ്ങിത്തിരിച്ചി രിക്കുന്നതെന്നും അദ്ദേഹം പരിഹസിച്ചു.

റായ്പൂര്‍: ഭാര്യയുടെ കുടുംബാംഗങ്ങളെ അധിക്ഷേപിക്കുന്നതും മോശം സന്ദേശങ്ങള്‍ അയക്കുന്നതും കടുത്ത മാനസിക വിഷമം ഉണ്ടാക്കുന്നതും മാനസിക പീഡനമായി കണക്കാക്കാവുന്നതുമാണെന്നും ഛത്തീസ്ഗഡ് ഹൈക്കോടതി. ഇത്തരം സന്ദര്‍ഭങ്ങളില്‍ ഭാര്യക്ക് വിവാഹമോചനം നേടാന്‍ അര്‍ഹതയുണ്ടെന്നും കോടതി നിരീക്ഷിച്ചു.

ബലിയ സ്വദേശിയായ അര്‍ച്ചന സിങ് നല്‍കിയ അപ്പീല്‍ പരിഗണിച്ചുകൊണ്ടാണ്, ജസ്റ്റിസ് പാര്‍ത്ഥ് പ്രതീം സാഹു, ജസ്റ്റിസ് സുഷമ സാവന്ത് എന്നിവരടങ്ങുന്ന ഡിവിഷന്‍ ബെഞ്ച് വിധി പുറപ്പെടുവിച്ചത്. 

ഹര്‍ജി തള്ളിയ വിചാരണക്കോടതി വിധി ഹൈക്കോടതി റദ്ദാക്കി. 1955-ലെ ഹിന്ദു വിവാഹ നിയമത്തിലെ സെക്ഷന്‍ 13(1)(i-a) പ്രകാരം ക്രൂരത എന്ന കാരണത്താല്‍ 2021-ല്‍ നടന്ന വിവാഹം ഹൈക്കോടതി റദ്ദാക്കി.

ബിഹാറിലെ ആരാ സ്വദേശിയായ ഭര്‍ത്താവ് ആനന്ദ് കുമാര്‍ ഗുപ്തയ്ക്കെതിരെ (35) യാണ്, ഉത്തര്‍പ്രദേശിലെ ബലിയ സ്വദേശിയും നിലവില്‍ അംബികാപൂര്‍ നിവാസിയുമായ അര്‍ച്ചന സിങ് (32) ഹൈക്കോടതിയെ സമീപിച്ചത്.

മതിയായ തെളിവുകളുടെ അഭാവത്തില്‍ വിവാഹമോചന ഹര്‍ജി തള്ളിക്കൊണ്ട് അംബികാപൂര്‍ കുടുംബ കോടതി 2024 ഏപ്രിലില്‍ പുറപ്പെടുവിച്ച ഉത്തരവിനെതിരെയാണ് അര്‍ച്ചന അപ്പീല്‍ നല്‍കിയത്.

2021 ഡിസംബര്‍ 5-നാണ് ഹര്‍ജിക്കാരിയായ അര്‍ച്ചനയും ആനന്ദ് കുമാര്‍ ഗുപ്തയുമായി ഹിന്ദു ആചാരപ്രകാരം വിവാഹം നടന്നത്. എന്നാല്‍, ഒരു മാസത്തിനുള്ളില്‍ത്തന്നെ ഭര്‍ത്താവ് തന്നെ ശാരീരികമായും വാക്കു കൊണ്ടും ഉപദ്രവിക്കാന്‍ തുടങ്ങിയെന്നും, സ്ത്രീധനമായി എയര്‍ കണ്ടീഷണര്‍ ആവശ്യപ്പെടുകയും തന്റെ ആഭരണങ്ങള്‍ വില്‍ക്കുമെന്ന് ഭീഷണിപ്പെടുത്തുകയും ചെയ്‌തെന്നും യുവതി ആരോപിച്ചു. തുടര്‍ച്ചയായ പീഡനത്തെത്തുടര്‍ന്ന് അര്‍ച്ചന അംബികാപൂരിലുള്ള സ്വന്തം വീട്ടിലേക്ക് പോയി.

ഭര്‍ത്താവിന്റെ പീഡനം ചോദ്യം ചെയ്തതിന് തനിക്കും തന്റെ ഇളയ സഹോദരിമാര്‍ക്കും അശ്ലീലവും ഭീഷണിപ്പെടുത്തുന്നതുമായ സന്ദേശങ്ങള്‍ അയച്ചെന്നും അര്‍ച്ചന പറയുന്നു. വാട്‌സ് ആപ്പ് സന്ദേശങ്ങള്‍ അടക്കമുള്ള ഡിജിറ്റല്‍ തെളിവുകള്‍ അര്‍ച്ചന കോടതിയില്‍ ഹാജരാക്കിയിരുന്നു. 

നടപടിക്രമങ്ങള്‍ മാത്രം ചൂണ്ടിക്കാട്ടി വിവാഹമോചന ഹര്‍ജി വിചാരണക്കോടതി തള്ളിക്കളഞ്ഞത് തെറ്റാണെന്ന് ഹൈക്കോടതി വിലയിരുത്തി. സാധാരണ സിവില്‍ കോടതികളെപ്പോലെ തെളിവ് നിയമത്തിലെ കര്‍ശനമായ ചട്ടങ്ങള്‍ പാലിക്കാന്‍ കുടുംബ കോടതികള്‍ ബാധ്യസ്ഥരല്ലെന്ന് ഹൈക്കോടതി വ്യക്തമാക്കി.

പട്ടിമറ്റം: ഓൺലൈൻ പ്ലാറ്റ്‌ഫോമായ ഒ.എൽ.എക്സ് വഴി തങ്ങളുടെ ഉടമസ്ഥതയിലല്ലാത്ത കാർ വിൽപനക്കെന്ന് പരസ്യം നൽകി തട്ടിപ്പ് നടത്തിയ സംഭവത്തിൽ ഷാഹിൻ സഫീർ എന്നയാൾക്കെതിരെ കുന്നത്തുനാട് പൊലീസ് കേസെടുത്തു.

ഡബിൾപാലം സ്വദേശിയായ അഫ്സൽ നൽകിയ പരാതിയുടെ അടിസ്ഥാനത്തിലാണ് പൊലീസ് നടപടി. കെ.എൽ 53 യു 3373 നമ്പറിലുള്ള കാർ വിൽപനക്കുണ്ടെന്ന് കാണിച്ച് ഒ.എൽ.എക്സിൽ പരസ്യം നൽകിയ പ്രതി പരാതിക്കാരനിൽനിന്ന് ഘട്ടംഘട്ടമായി ഗൂഗിൾ പേ വഴിയും ബാങ്ക് അക്കൗണ്ട് ട്രാൻസ്ഫർ വഴിയുമായി ആകെ 3,34,000 രൂപ തട്ടിയെടുക്കുകയായിരുന്നു.

മറ്റൊരാളുടെ ഉടമസ്ഥതയിലുള്ള കാർ നൽകി വഞ്ചിച്ചതായി കണ്ടെത്തിയതിനെ തുടർന്നാണ് കേസ്

തിരുവനന്തപുരം: 18-ാമത് രാജ്യാന്തര ഡോക്യുമെന്ററി, ഹ്രസ്വചിത്രമേളയിലേക്ക് തെരഞ്ഞെടുക്കപ്പെട്ട എല്ലാ ചിത്രങ്ങൾക്കും പ്രദർശനനുമതി ലഭിക്കാനുള്ള ശ്രമം നടന്നു വരികയാണെന്ന് സാംസ്കാരിക ടൂറിസം വകുപ്പ് മന്ത്രി പിസി വിഷ്ണുനാഥ്‌. 

സെപ്റ്റംബർ 25 ന് തിരുവനന്തപുരത്ത് ആംരംഭിക്കുന്ന 18-ാമത് രാജ്യാന്തര ഡോക്യുമെന്ററി, ഹ്രസ്വചിത്രമേളയുടെ (ഐഡിഎസ്എഫ്എഫ്കെ) ഡെലിഗേറ്റ് കിറ്റ് വിതരണ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. 

സമർപ്പിക്കപ്പെട്ട 1800 ഓളം സിനിമകളിൽ നിന്നും വലിയ സെലക്ഷൻ നടപടിക്രമങ്ങൾ പൂർത്തിയാക്കിയാണ് 347 ചിത്രങ്ങൾ തെരഞ്ഞെടുത്ത് പ്രദർശനാനുമതിക്കായി അയച്ചത്. 

ഇനിയും അനുമതി ലഭിക്കാനുള്ള ചില ചിത്രങ്ങൾ ഒന്നു കൂടി കാണേണ്ടതുണ്ടെന്ന് കേന്ദ്ര വാർത്താ വിതരണ പ്രക്ഷേപണ മന്ത്രാലയം അറിയിച്ചിട്ടുണ്ട്. ആ നടപടികൾ കൂടി പൂർത്തിയാക്കി എല്ലാ ചിത്രങ്ങളും പ്രദർശിപ്പിക്കാനുള്ള ശ്രമമാണ് നടക്കുന്നത് – മന്ത്രി പറഞ്ഞു. 

ചലച്ചിത്ര താരം ശ്യാം മോഹനും ചലച്ചിത്ര നടി പാർവ്വതി ആർ. കൃഷ്ണയ്ക്കും ഡെലിഗേറ്റ് കിറ്റ് കൈമാറിയാണ് മന്ത്രി ഉദ്ഘാടനം നിർവഹിച്ചത്. കൈരളി തിയേറ്ററിലെ ഫെസ്റ്റിവൽ ഓഫീസിന്റെ ഉദ്‌ഘാടനവും മന്ത്രി നിർവഹിച്ചു. 

ലോക സിനിമയെ മനസ്സിലാക്കുന്നതിനും സിനിമ അഭിനിവേശം വളർത്തിയെടുക്കുന്നതിലും ഐ എഫ് എഫ് കെ നിർണ്ണായക പങ്ക് വഹിച്ചിട്ടുണ്ടെന്നും, കൂടുതൽ ചെറുപ്പക്കാരുടെ കടന്നുവരവ് സിനിമയുടെ നിലവാരം ഉയർത്തുന്നുണ്ടെന്നും ഡെലി​ഗേറ്റ് കിറ്റ് ഏറ്റുവാങ്ങിയ ചലച്ചിത്ര താരം ശ്യാം മോഹൻ മോഹൻ പറഞ്ഞു. 

കൈരളി തിയറ്റർ പോർട്ടിക്കോയിൽ നടന്ന ചടങ്ങിൽ  സാംസ്കാരിക വകുപ്പ് ഡയറക്ടർ ഇമ്പശേഖർ കെ. ഐ.എ.എസ് അധ്യക്ഷത വഹിച്ച അക്കാദമി സെക്രട്ടറി ഇൻ ചാർജ് സജിത് സി.സി, ഡെപ്യൂട്ടി ഡയറക്ടർ ഫെസ്റ്റിവൽ ഇൻ ചാർജ്  എൻ. പി സജീഷ് എന്നിവർ പങ്കെടുത്തു.

കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന ഐ. ഡി.എസ്.എഫ്.എഫ്.കെ സെപ്റ്റംബർ 25 മുതൽ 30 വരെ തിരുവനന്തപുരത്തെ കൈരളി, ശ്രീ, നിള തിയേറ്ററുകളിലായാണ് നടക്കുന്നത്. 

https://registration.iffk.in എന്ന വെബ്‌സൈറ്റ് വഴി ഡെലിഗേറ്റുകൾക്ക് രജിസ്റ്റർ ചെയ്യാം. ജി.എസ്.ടി ഉൾപ്പെടെ പൊതുവിഭാഗത്തിന് 590 രൂപയും വിദ്യാർത്ഥികൾക്ക് 354 രൂപയുമാണ് ഡെലിഗേറ്റ് ഫീസ്. 

കൈരളി തിയേറ്ററിൽ സജ്ജീകരിച്ചിട്ടുള്ള ഡെലിഗേറ്റ് സെൽ വഴി നേരിട്ടും (ഓഫ്‌ലൈൻ) രജിസ്ട്രേഷൻ സൗകര്യം ലഭ്യമാണ്.

ആധാർ ഇന്ന് ഏറ്റവും പ്രധാനപ്പെട്ട തിരിച്ചറിയൽ രേഖകളിൽ ഒന്നാണ്. സ്കൂൾ അഡ്മിഷൻ മുതൽ സർക്കാർ സേവനങ്ങൾക്കും സ്കോളർഷിപ്പുകൾക്കും വരെ ആധാർ നിർബന്ധമാണ്. ഈ സാഹചര്യത്തിൽ കുട്ടികളുടെ ആധാർ കൃത്യസമയത്ത് അപ്ഡേറ്റ് ചെയ്യേണ്ടത് ഓരോ രക്ഷിതാവിന്റെയും ഉത്തരവാദിത്തമാണ്.

2018ലാണ് യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) കുട്ടികൾക്കായി പ്രത്യേകം നീല നിറത്തിലുള്ള ‘ബാൽ ആധാർ’ കാർഡ് അവതരിപ്പിച്ചത്. ആധാർ ആക്ട് 2016ലെ സെക്ഷൻ 3(1) പ്രകാരം കുട്ടികൾ ഉൾപ്പെടെ എല്ലാ താമസക്കാർക്കും ആധാർ നമ്പർ ലഭിക്കാൻ അർഹതയുണ്ട്.

5 വയസ്സ് വരെ കുട്ടികൾക്ക് ബയോമെട്രിക് വിവരങ്ങൾ ആവശ്യമില്ല. രക്ഷിതാക്കളിൽ ഒരാളുടെ ആധാറുമായി ബന്ധിപ്പിച്ചാണ് കുട്ടിയുടെ ആധാർ നൽകുന്നത്. എന്നാൽ കുട്ടിക്ക് 5 വയസ്സ് തികയുമ്പോൾ ആദ്യമായി ബയോമെട്രിക് വിവരങ്ങൾ നിർബന്ധമായും നൽകണം.

വിരലടയാളം, ഐറിസ് സ്കാൻ, പുതിയ ഫോട്ടോ എന്നിവ ആധാർ ഡാറ്റാബേസിൽ ചേർക്കും. പിന്നീട് കുട്ടിക്ക് 15 വയസ്സ് തികയുമ്പോൾ വീണ്ടും ബയോമെട്രിക് അപ്ഡേറ്റ് നിർബന്ധമാണ്.

 കുട്ടി വളരുന്നതിനനുസരിച്ച് ശാരീരിക സവിശേഷതകൾ, പ്രത്യേകിച്ച് വിരലടയാളങ്ങൾ ഗണ്യമായി മാറുന്നതിനാലാണ് ഈ അപ്ഡേറ്റ് ആവശ്യമായി വരുന്നത്. കൃത്യസമയത്ത് അപ്ഡേറ്റ് ചെയ്യാതിരുന്നാൽ സ്കൂളിലോ സർക്കാർ സേവനങ്ങൾക്കോ ആധാർ ഉപയോഗിക്കുമ്പോൾ പ്രശ്നങ്ങൾ നേരിടാൻ സാധ്യതയുണ്ട്.

5 വയസ്സിലും 15 വയസ്സിലും ചെയ്യേണ്ട നിർബന്ധിത ബയോമെട്രിക് അപ്ഡേറ്റുകൾ സെപ്റ്റംബർ 30 വരെ പൂർണ്ണമായും സൗജന്യമാണെന്ന് യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ അറിയിച്ചിട്ടുണ്ട്.

സമയപരിധി കഴിഞ്ഞാൽ രക്ഷിതാക്കൾ 125 രൂപ ഫീസ് നൽകേണ്ടി വരും. എന്നാൽ ആദ്യമായി ബയോമെട്രിക് വിവരങ്ങൾ അപ്ഡേറ്റ് ചെയ്യുന്നവരിൽ നിന്ന് സെപ്റ്റംബർ 30, 2026ന് ശേഷവും ഫീസ് ഈടാക്കില്ല എന്നതും ശ്രദ്ധേയമാണ്.

കുട്ടികളുടെ ആധാർ ബയോമെട്രിക് അപ്ഡേറ്റ് ചെയ്യാൻ രക്ഷിതാക്കൾ കുട്ടികളുമായി അടുത്തുള്ള ആധാർ എൻറോൾമെന്റ് സെന്ററിൽ എത്തണം. രക്ഷിതാവിന്റെ ആധാർ കാർഡ്, കുട്ടിയുടെ ജനന സർട്ടിഫിക്കറ്റ്, മേൽവിലാസ തെളിവ്, റേഷൻ കാർഡ്, കുട്ടിയുടെ രണ്ട് പാസ്പോർട്ട് സൈസ് ഫോട്ടോകൾ ഇവയൊക്കെ കയ്യിൽ കരുതേണ്ടതാണ്.

കണ്ണൂർ: പിണറായി വിജയൻ വിമാനത്തിലും ഹെലികോപ്റ്ററിലും പോയിട്ടുണ്ടെന്നും അതെല്ലാം പരസ്യമായ കാര്യമാണെന്നും സി.പി.എം നേതാവ് ഇ.പി. ജയരാജൻ.

ഏത് കമ്പനിയുടെ വിമാനത്തിൽ, ഏതു കാര്യത്തിന് പോകുന്നു എന്നതെല്ലാം പരസ്യമായിരുന്നു. എന്നാൽ, ഇപ്പോഴത്തെ മുഖ്യമന്ത്രി ഇത് എന്തെങ്കിലും വെളിപ്പെടുത്തുന്നുണ്ടോ എന്നും അദ്ദേഹം ചോദിച്ചു.

രഹസ്യമായിട്ട് എന്തൊക്കെയോ നടക്കുന്നു എന്ന തോന്നലല്ലേ വി.ഡി. സതീശൻ ഉണ്ടാക്കിയിട്ടുള്ളത്. ഇതുവരെ പോയ വിമാനം, ഹെലികോപ്റ്റർ എന്നിവയെ കുറിച്ചോ ആരുടേതാണെന്നോ പറഞ്ഞോ.

മുഖ്യമന്ത്രി ആരുടെയും സൗജന്യം സ്വീകരിക്കാൻ പാടില്ല. ഇതെല്ലാം ഗൂഢമായി നടത്തേണ്ട കാര്യമാണോ. ഗൂഢ പ്രവർത്തനത്തിന്റെ കേന്ദ്രമാണോ കേരളത്തിലെ യുഡിഎഫ് ഗവൺമെന്റ്. കേരളം തകർച്ചയിലേക്കാണ് പോകുന്നത്. ഉദ്യോഗസ്ഥരിൽ വലിയ തരത്തിൽ ജനവിരുദ്ധ വികാരങ്ങളാണ് ഉണ്ടാക്കുന്നത്. ഉദ്യോഗസ്ഥരെ നിയന്ത്രിക്കാൻ കഴിയാത്ത അവസ്ഥയിലേക്ക് എത്തും.

വളരെ മെച്ചപ്പെട്ട നിലയിൽ വന്ന സംസ്ഥാനമായിരുന്നു. അതിനെ നശിപ്പിക്കുകയാണിവർ. സർക്കാറിനും മന്ത്രിമാർക്കും സ്​പോൺസർ ചെയ്യുന്നവർക്ക് പ്രത്യുപകാരം ചെയ്യുന്നില്ല എന്നൊന്നും ആർക്കും വിശ്വസിക്കാൻ പറ്റുന്നതല്ല.

ഗവൺമെന്റ് ഇങ്ങനെയുള്ള നിലപാട് സ്വീകരിക്കാൻ പാടില്ല. പ്രത്യുപകാരം ഉണ്ടാകട്ടെ ഇല്ലാതിരിക്കട്ടെ, മന്ത്രിമാരു​ടെ യാത്ര സംസ്ഥാന സർക്കാർ നിർവഹിക്കേണ്ടതല്ലേ. അവർക്ക് വിദേശയാത്രകൾ ആവശ്യമാണെങ്കിൽ സംസ്ഥാനമാണ് ചിലവ് വഹിക്കേണ്ടത്.

ഇതെന്തിനാണ് സ്വകാര്യമായി വെച്ചുപുലർത്തുന്നത്. ഇവരിങ്ങനെ സ്വകാര്യ വിമാനയാത്രയും ഹെലികോപ്റ്റർ യാത്രയും നടത്തുന്നത് കേരളത്തിന്റെ ഖജനാനാവ് കാത്തുസൂക്ഷിക്കാനാണോ? എത്ര പരിഹാസ്യമായ വാദഗതികളാണ് ഉന്നയിക്കുന്നത്. നമ്മുടെ നാടിൻറെ പൊതുബോധത്തെയും സാമൂഹ്യബോധത്തെയും പരിഹസിക്കലല്ലേ.

പത്രക്കാർ ചോദിക്കുമ്പോൾ പത്രക്കാരെ പരിഹസിക്കുകയാണ്. ഇതെല്ലാം നല്ല ശീലമാണോ? അദ്ദേഹം അടിയന്തരമായി ഇത്തരം നിലപാട് തിരുത്തണം. അതാണ് ഞങ്ങൾക്ക് പറയാനുള്ളത്.

വി.ഡി. സതീശൻ ഇപ്പോൾ മുഖ്യമന്ത്രിയാണെന്ന് മനസ്സിലാക്കണം. അദ്ദേഹം പോയത് ഇന്നതിലാണെന്ന് പറഞ്ഞാൽ ആർക്കാണ് പരാതി ഉണ്ടാകുക. ആരെങ്കിലും പരാതി പറയുമോ? എന്തിനാണ് പോകുന്നത്, ആരുടേതാണ് ഫ്ലൈറ്റ് എന്ന് പറഞ്ഞാൽ എന്താണ് പ്രശ്നം.

മലപ്പുറത്ത് അപകടം സംഭവിച്ചിടത്ത് മുഖ്യമന്ത്രി പോകണം. പെട്ടെന്ന് അവിടെ എത്തിച്ചേരാൻ ഹെലികോപ്ടറോ ചാർട്ടേഡ് ഫ്ലൈറ്റോ ഉപയോഗിക്കേണ്ടി വന്നേക്കാം. അതിന് ആരെങ്കിലും പറയുമോ.

അതെന്തിനാ രഹസ്യമായി സൂക്ഷിക്കുന്നത്. സത്യസന്ധതയും വിശാലതയും മാന്യതയും കാണിക്കേണ്ടതല്ലേ. അതാണോ ഇവിടെ കാണിക്കുന്നത്. നിഗുഢത ഒരു ജനാധിപത്യ സംവിധാനത്തിന് യോജിച്ചതല്ല. അതുകൊണ്ട് ഇപ്പോൾ നടന്നുകൊണ്ടിരിക്കുന്ന കാര്യങ്ങൾ തികച്ചും അപലനീയമാണ് -ഇ.പി. ജയരാജൻ പറഞ്ഞു.

തിരുവനന്തപുരം: ‘മിന്നൽ’, ‘ സ്വിഫ്റ്റ്’ ബസുകളിൽ ഡ്രൈവർക്കും യാത്രക്കാർക്കും സീറ്റ് ബെൽറ്റ് നിർബന്ധമാക്കണമെന്ന് ആവശ്യപ്പെട്ട് അബിൻ വർക്കി എം.എൽ.എ കെ.എസ്.ആർ.ടി.സി മാനേജിങ് ഡയറക്ടർക്ക് കത്ത് നൽകി.

ലിമിറ്റഡ് സ്റ്റോപ്പുകളോടെ സ്റ്റേറ്റ് -നാഷനൽ ഹൈവേകളിൽ ഉയർന്ന വേഗതയിൽ സർവിസ് നടത്തുന്ന മിന്നൽ ബസുകൾ ചുരുങ്ങിയ സമയം കൊണ്ട് ജനപ്രീതി നേടിയിട്ടുണ്ട്. എന്നാൽ രാത്രികാലങ്ങളിലെ അതിവേഗ യാത്രയും ദേശീയപാതകളിലെ ഗതാഗത സാഹചര്യങ്ങളും കണക്കിലെടുക്കുമ്പോൾ യാത്രക്കാരുടെയും ഡ്രൈവർമാരുടെയും സുരക്ഷ അതീവ പ്രധാനമാണെന്ന് എം.എൽ.എ കത്തിൽ ചൂണ്ടിക്കാട്ടി.

ഉയർന്ന വേഗതയിലുള്ള പെട്ടെന്നുള്ള ബ്രേക്കിങ്ങും അപകടങ്ങളും വലിയ പരിക്കുകൾക്ക് കാരണമാകാന്‍ സാധ്യതയുള്ളതിനാൽ സുരക്ഷ മുൻനിർത്തി മിന്നൽ ബസുകളിലെ ഡ്രൈവർ സീറ്റിലും എല്ലാ യാത്രാ സീറ്റുകളിലും മികച്ച നിലവാരമുള്ള സീറ്റ് ബെൽറ്റുകൾ ഉറപ്പാക്കണം എന്നതാണ് കത്തിലെ പ്രധാന ആവശ്യം.

യാത്രയിലുടനീളം ഡ്രൈവർമാരും യാത്രക്കാരും സീറ്റ് ബെൽറ്റ് ധരിക്കുന്നത് കർശനമാക്കാൻ ആവശ്യമായ നടപടികൾ സ്വീകരിക്കണമെന്ന് ആവശ്യപ്പെട്ട് നൽകിയ കത്ത് അടിയന്തര പ്രാധാന്യത്തോടെ പരിഗണിക്കുമെന്ന് എംഡി ഉറപ്പുനൽകിയതായി എം.എൽ.എ അറിയിച്ചു.

തിരുവനന്തപുരം : ലേബർ കോഡ് കേന്ദ്ര സർക്കാർ കൊണ്ടുവന്നത് കോർപ്പറേറ്റുകൾക്ക് വേണ്ടിയെന്ന് പ്രതിപക്ഷ നേതാവ് പിണറായി വിജയൻ.

 തൊഴിലാളികൾ നേടിയെടുത്ത അവകാശങ്ങൾ ലേബർ കോഡ് ഇല്ലാതാക്കുന്നുവെന്നും പിണറായി വിജയൻ പറഞ്ഞു. എന്നാൽ ലേബർ കോഡ് തൊഴിലാളിക്ക് വേദന ഇല്ലാതെ നടപ്പാക്കുമെന്ന് യുഡിഎഫ് സർക്കാർ പറയുന്നു. കേരളം ആർജ്ജിച്ച പ്രത്യേകതകളെ എല്ലാം യുഡിഎഫ് തകർക്കുകയാണെന്നും അദ്ദേഹം കൂട്ടിചേർത്തു.

എൽഡിഎഫ് സർക്കാരാണ് എല്ലാ ഘട്ടത്തിലും ജീവനക്കാരോടൊപ്പം നിന്നത്. യുഡിഎഫ് സർക്കാർ അധികാരത്തിൽ വന്നപ്പോൾ ഇതല്ല അവസ്ഥ.

വലിയ രീതിയിലുള്ള സ്ഥലം മാത്രനടപടി യുഡിഎഫ് സ്വീകരിക്കുന്നുവെന്നും അദ്ദേഹം വ്യക്തമാക്കി. ശമ്പള പരിഷ്കരണം നടപടിയും എൽഡിഎഫ് സർക്കാർ കൃത്യമായി നിർവഹിച്ചു. എന്നാൽ അഞ്ചുവർഷം കൂടുമ്പോൾ ശമ്പള പരിഷ്കരണം വേണ്ട എന്നാണ് യുഡിഎഫ് സർക്കാർ തീരുമാനമെന്നും പിണറായി വിജയൻ ചൂണ്ടികാട്ടി

വഖഫ് ബോർഡിന്റെ ഭരണസമിതിയിൽ രണ്ട് ആ മുസ്ലിങ്ങൾ ഉണ്ടാവണമെന്ന് വ്യവസ്ഥ ആർഎസ്എസ് കൊണ്ടുവന്നു.

ഇതിനെതിരെ എൽഡിഎഫ് സർക്കാർ പ്രമേയം അവതരിപ്പിച്ചു. എന്നാൽ അമുസ്ലീങ്ങൾ ഉൾപ്പെടാത്ത വഖഫ് ബോർഡ് നിയമവിരുദ്ധമാണെന്ന് യുഡിഎഫ് സർക്കാർ പറയുന്നു. അത് പിരിച്ചു വിടണമെന്ന് യുഡിഎഫ് ആവശ്യം. ഇതിനെതിരെ ശക്തമായ പ്രതിഷേധം ഉയർന്നുവന്നുവെന്നും അദ്ദേഹം വ്യക്തമാക്കി.

വന്ദേമാതരം മുഴുവൻ പാടിയത് ആർഎസ്എസ് വേദിയിൽ മാത്രമാണ്. സമാനമായ നിലപാടാണ് യുഡിഎഫ് സർക്കാർ സ്വീകരിക്കുന്നത്. കോൺഗ്രസിന്റെ ആസ്ഥാനത്തും വന്ദേമാതരം പൂർണമായും ആലപിച്ചു.

 ആർഎസ്എസ് അജണ്ട സ്വീകരിക്കാൻ കോൺഗ്രസിന് ധൃതിയാണെന്നും ആർഎസ്എസ് നിയന്ത്രിക്കുന്ന കോൺഗ്രസ് സർക്കാരാണ് കേരളം ഭരിക്കുന്നതെന്നും അദ്ദേഹം പറഞ്ഞു. ജനദ്രോഹപരമായ നിലപാടുകൾ സർക്കാർ സ്വീകരിക്കുന്നതെന്നും പിണറായി വിജയൻ ചൂണ്ടികാട്ടി.

കണ്ണൂർ: മദ്യലഹരിയിൽ ഓടിച്ച കാറിടിച്ച്‌ മൂന്നുപേർക്ക്‌ പരിക്കേറ്റ സംഭവത്തിൽ എഎസ്‌ഐക്ക്‌ സസ്‌പെൻഷൻ. അഴീക്കൽ കോസ്‌റ്റൽ പൊലീസ്‌ ഗ്രേഡ്‌ എഎസ്‌ഐ കാട്ടാമ്പള്ളി സ്വദേശി കെ രജിത്തിനാണ്‌ സസ്‌പെൻഷൻ.

ചൊവ്വാഴ്‌ച രജിത്ത്‌ ഓടിച്ച കാറിടിച്ച്‌ മൂന്നുപേർക്ക്‌ പരിക്കേറ്റിരുന്നു. കണ്ണൂർ കണ്ണോത്തുംചാലിലെ മന്തിക്കടയ്‌ക്ക്‌ മുന്നിലായിരുന്നു അപകടം. അപകടമുണ്ടാക്കിയ ശേഷം വാഹനം നിർത്താതെ പോവുകയായിരുന്നു.

ഹോട്ടൽ മാനേജ്‌മെന്റ്‌ വിദ്യാർഥിനി പന്ന്യന്നൂരിലെ എം കെ സ്വാതി(22), അതിഥി തൊഴിലാളികളായ ഹവാസ്‌ അലി, റോക്കിബുൾ എന്നിവർക്കാണ്‌ പരിക്കേറ്റത്‌.

ഇവർ സ്വകാര്യ ആശുപത്രിയിൽ ചികിത്സയിലാണ്‌. സിറ്റി പൊലീസ്‌ കമീഷണറാണ്‌ അന്വേഷണ വിധേയമായി സസ്‌പെൻഡ്‌ ചെയ്‌തത്‌. രജിത്തിനെ നാട്ടുകാർ തടഞ്ഞുവെച്ച്‌ ചോദ്യം ചെയ്യുന്ന വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു.

സെപ്റ്റംബർ 25 നകം ഡ്രൈവിങ് ലൈസൻസിൽ മൊബൈൽ നമ്പർ അപ്‌ഡേറ്റ് ചെയ്തില്ലെങ്കിൽ ലൈസൻസ് റദ്ദാകുമെന്ന തരത്തിൽ സോഷ്യൽ മീഡിയയിൽ പ്രചരിക്കുന്ന വാർത്തകൾ പൂർണ്ണമായും വ്യാജമാണെന്ന് മോട്ടോർ വാഹന വകുപ്പ്.

ഇത്തരത്തിലുള്ള തെറ്റായ പ്രചാരണങ്ങൾ പൊതുജനങ്ങൾ വിശ്വസിക്കരുതെന്ന് സോഷ്യൽ മീഡിയയിലൂടെ അവർ അറിയിച്ചു.

വിവിധ ഗതാഗത സേവനങ്ങൾ തടസ്സമില്ലാതെ ലഭിക്കുന്നതിന് ഡ്രൈവിങ് ലൈസൻസിൽ ഉടമയുടെ മൊബൈൽ നമ്പർ ലിങ്ക് ചെയ്യേണ്ടത് ആവശ്യമാണെങ്കിലും, ഇതിനായി വകുപ്പ് യാതൊരുവിധ അവസാന തീയതിയോ സമയപരിധിയോ നിഷ്‌കർഷിച്ചിട്ടില്ല.

സെപ്റ്റംബർ 25-ഓടെ ഡ്രൈവിങ് ലൈസൻസ് റദ്ദാക്കപ്പെടുകയോ സസ്പെൻഡ് ചെയ്യപ്പെടുകയോ ചെയ്യുമെന്ന അവകാശവാദം വാസ്തവവിരുദ്ധമാണ്. ഒടിപി (OTP), സുരക്ഷാ സന്ദേശങ്ങൾ, മറ്റു ഔദ്യോഗിക അറിയിപ്പുകൾ എന്നിവ ലഭിക്കുന്നതിനാണ് കേന്ദ്ര ഗതാഗത മന്ത്രാലയവും പരിവാഹൻ സിസ്റ്റവും ലൈസൻസിലും വാഹന രജിസ്‌ട്രേഷനിലും മൊബൈൽ നമ്പർ പുതുക്കാൻ നിർദ്ദേശിക്കുന്നത്.

ഓൺലൈനായി മൊബൈൽ നമ്പർ എങ്ങനെ അപ്‌ഡേറ്റ് ചെയ്യാം?

മൊബൈൽ നമ്പർ അപ്‌ഡേറ്റ് ചെയ്യുന്നതിനായി നേരിട്ട് ആർ.ടി.ഒ ഓഫീസുകളിൽ പോകേണ്ടതില്ലെന്നും, ഓൺലൈൻ വഴി തന്നെ മാറ്റങ്ങൾ വരുത്താമെന്നും മോട്ടോർ വാഹന വകുപ്പ് അറിയിച്ചു.

parivahan.gov.in എന്ന ഔദ്യോഗിക പോർട്ടൽ സന്ദർശിക്കുക.

വെബ്‌സൈറ്റിലെ ‘Others’ എന്ന ലിങ്ക് തിരഞ്ഞെടുക്കുക.

‘Update Mobile Number’ എന്ന ഓപ്ഷൻ തിരഞ്ഞെടുക്കുക.

‘Select Criteria’ എന്ന ഭാഗത്ത് ‘Driving License’ എന്ന് സെലക്ട് ചെയ്യുക.

ഡ്രൈവിങ് ലൈസൻസ് നമ്പർ, ജനനത്തീയതി എന്നിവ കൃത്യമായി നൽകി ‘Submit’ ക്ലിക്ക് ചെയ്യുക.

ലൈസൻസ് ഉടമയുടെ വിവരങ്ങൾ സ്‌ക്രീനിൽ തെളിയുമ്പോൾ അത് ശരിയാണെന്ന് ഉറപ്പുവരുത്തി ‘Proceed’ നൽകുക.

അതിനുശേഷം പുതിയ മൊബൈൽ നമ്പറും, നമ്പർ മാറ്റുന്നതിനുള്ള കാരണവും നൽകി സമർപ്പിക്കുക.

പുതിയ മൊബൈൽ നമ്പറിലേക്ക് വരുന്ന ഒരു പ്രാവശ്യത്തെ ഒ.ടി.പി രേഖപ്പെടുത്തി സ്ഥിരീകരിക്കുന്നതോടെ അപ്‌ഡേഷൻ പ്രക്രിയ പൂർത്തിയാകും

ഓൺലൈൻ വഴി അപ്‌ഡേഷൻ സാധിക്കാത്തവർ മാത്രം ആർ.ടി.ഒ ഓഫീസുകളെ സമീപിച്ചാൽ മതിയാകും.

സംശയങ്ങൾക്കും ഔദ്യോഗിക വിവരങ്ങൾക്കുമായി മോട്ടോർ വാഹന വകുപ്പിന്റെ ഔദ്യോഗിക സോഷ്യൽ മീഡിയ പേജുകൾ മാത്രം ശ്രദ്ധിക്കണമെന്നും അനാവശ്യമായി പ്രചരിക്കുന്ന വാട്സ്ആപ്പ് സന്ദേശങ്ങൾ വിശ്വസിക്കരുതെന്നും എം.വി.ഡി വ്യക്തമാക്കി.

തിരുവനന്തപുരം: ഓർത്തോപീഡിക് പരിചരണരംഗത്ത് രണ്ട് പതിറ്റാണ്ട് പൂർത്തിയാക്കിയതിന്റെ ഭാഗമായി തിരുവനന്തപുരം കിംസ്ഹെൽത്തിൽ ഓർത്തോപീഡിക് ചികിത്സ നേടിയ രോഗികളുടെ സംഗമം ‘ബോൺ ടുഗെദർ’ സംഘടിപ്പിച്ചു. നടൻ മുരളി ഗോപി പരിപാടി ഉദ്ഘാടനം ചെയ്തു. കിംസ്ഹെൽത്ത് ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. എം. ഐ. സഹദുള്ള അധ്യക്ഷത വഹിച്ചു.

രണ്ട് പതിറ്റാണ്ടിലേറെയായി ക്ലിനിക്കൽ മികവ്, നൂതന ശസ്ത്രക്രിയാ വൈദഗ്ധ്യം, റോബോട്ടിക് സർജറി ഉൾപ്പെടെയുള്ള ആധുനിക സാങ്കേതികവിദ്യകളുടെ ഉപയോഗം എന്നിവയിലൂടെ കിംസ്ഹെൽത്ത് ഓർത്തോപീഡിക് ചികിത്സാരംഗത്ത് സാന്നിധ്യം ശക്തമാക്കിയതായി അധികൃതർ അറിയിച്ചു.

ഷോൾഡർ, ഹിപ്പ്, കാൽമുട്ട് മാറ്റിവയ്ക്കൽ ശസ്ത്രക്രിയകൾ, കൈകളുടെ ശസ്ത്രക്രിയ, നട്ടെല്ല് ശസ്ത്രക്രിയ, പീഡിയാട്രിക് ഓർത്തോപീഡിക്സ്, ട്രോമ കെയർ തുടങ്ങിയ വിവിധ മേഖലകളിൽ കിംസ്ഹെൽത്തിൽ പ്രത്യേക ചികിത്സ ലഭ്യമാക്കുന്നുണ്ട്. ഹിപ്പ്, കാൽമുട്ട് മാറ്റിവയ്ക്കൽ ശസ്ത്രക്രിയകൾക്കും സ്കോളിയോസിസ് ശസ്ത്രക്രിയയ്ക്കുമായി വിവിധ രാജ്യങ്ങളിൽ നിന്നുള്ള രോഗികളും ചികിത്സയ്ക്കായി എത്തുന്നുണ്ടെന്ന് അധികൃതർ വ്യക്തമാക്കി.

രോഗികളുടെ വിശ്വാസവും വിദഗ്ധ പരിചരണവും നൂതന ചികിത്സാ സംവിധാനങ്ങളുമാണ് രണ്ട് പതിറ്റാണ്ടിലേറെ നീണ്ട ഓർത്തോപീഡിക് പരിചരണത്തിന്റെ പ്രധാന കരുത്തെന്ന് ഡോ. എം. ഐ. സഹദുള്ള പറഞ്ഞു. രോഗികളോടൊപ്പം പിന്നിട്ട യാത്രയുടെ ഭാഗമാകുന്നതിനൊപ്പം ചികിത്സാരംഗത്ത് കൂടുതൽ മുന്നേറാനും മികച്ച ചികിത്സാഫലങ്ങൾ ഉറപ്പാക്കാനുമുള്ള പ്രതിബദ്ധത ശക്തിപ്പെടുത്തുന്നതാണ് ‘ബോൺ ടുഗെദർ’ എന്നും അദ്ദേഹം കൂട്ടിച്ചേർത്തു.

രോഗമുക്തിയിലേക്കുള്ള ഓരോ ചുവടിലും രോഗിക്ക് പരിശ്രമവും ആത്മവിശ്വാസവും ക്ഷമയും അതിജീവിക്കാനുള്ള മനക്കരുത്തും ആവശ്യമാണെന്ന് മുരളി ഗോപി പറഞ്ഞു. ഓരോ വിജയകരമായ തിരിച്ചുവരവിനും പിന്നിൽ ഡോക്ടർമാരും നഴ്‌സുമാരും ഉൾപ്പെടെയുള്ള ആരോഗ്യപ്രവർത്തകരുടെ വലിയ പങ്കുണ്ടെന്നും അദ്ദേഹം വ്യക്തമാക്കി. മികച്ച ചികിത്സ നൽകുന്നതിലുള്ള കിംസ്ഹെൽത്തിന്റെ പ്രതിബദ്ധതയെയും അദ്ദേഹം അഭിനന്ദിച്ചു.

കിംസ്ഹെൽത്ത് ഓർത്തോപീഡിക്സ് വിഭാഗം സീനിയർ കൺസൾട്ടന്റ് ഡോ. മുഹമ്മദ് നസീർ സ്വാഗതം പറഞ്ഞു. കൊല്ലം മേയർ എ. കെ. ഹഫീസ്, ട്രിവാൻഡ്രം ചേംബർ ഓഫ് കൊമേഴ്സ് ആൻഡ് ഇൻഡസ്ട്രി പ്രസിഡന്റ് എസ്. എൻ. രഘുചന്ദ്രൻ നായർ എന്നിവർ ആശംസകൾ നേർന്നു. കിംസ്ഹെൽത്ത് ഓർത്തോപീഡിക്സ് വിഭാഗം കൺസൾട്ടന്റും ഓർത്തോപീഡിക് സ്പൈൻ സർജനുമായ ഡോ. രഞ്ജിത്ത് ഉണ്ണികൃഷ്ണൻ നന്ദി രേഖപ്പെടുത്തി.

Story Summary:
KIMSHEALTH Thiruvananthapuram organized ‘Bone Together’, a gathering of patients who received orthopedic care at the hospital, marking more than two decades of orthopedic services. The event highlighted the institution’s clinical expertise, advanced surgical techniques and use of technologies including robotic surgery.

ചെന്നൈ: തന്റെ ആദ്യ സംവിധാന സംരംഭമായ ‘സിഗ്മ’യുടെ കഥ ആദ്യം നടൻ ദുൽഖർ സൽമാനോടാണ് പറഞ്ഞതെന്ന് ജേസൺ സഞ്ജയ്. തമിഴ് യൂട്യൂബ് ചാനലിന് നൽകിയ അഭിമുഖത്തിലാണ് വിജയ്‌യുടെ മകനായ ജേസൺ സഞ്ജയ് ഇക്കാര്യം പറഞ്ഞത് (Jason Sanjay Sigma movie). ദുൽഖറിന് സിനിമ ചെയ്യാൻ താൽപര്യമുണ്ടായിരുന്നെങ്കിലും ഡേറ്റ് പ്രശ്നങ്ങൾ കാരണം പിന്നീട് അത് സാധിച്ചില്ലെന്നും അദ്ദേഹം വ്യക്തമാക്കി. മൂന്ന് വർഷം മുമ്പാണ് ദുൽഖറിനെ നേരിൽ കണ്ട് ‘സിഗ്മ’യുടെ കഥ പറഞ്ഞതെന്ന് ജേസൺ പറഞ്ഞു. ചെന്നൈയിലുണ്ടായിരുന്ന ദുൽഖറിനെ കാണാൻ പോകുമ്പോൾ അദ്ദേഹത്തിന് ഡേറ്റ് ലഭിക്കുമോ, തന്നെക്കുറിച്ച് അറിയാമോ തുടങ്ങിയ കാര്യങ്ങളൊന്നും അറിയില്ലായിരുന്നുവെന്നും ജേസൺ വ്യക്തമാക്കി. വ്യത്യസ്ത ജോണറുകളിൽ സിനിമകൾ തിരഞ്ഞെടുക്കുന്ന ദുൽഖറിന്റെ രീതിയാണ് അദ്ദേഹത്തെ സമീപിക്കാൻ പ്രേരിപ്പിച്ചതെന്നും അദ്ദേഹം പറഞ്ഞു.

ഏകദേശം രണ്ട് മണിക്കൂറെടുത്താണ് ദുൽഖറിനോട് കഥ പറഞ്ഞത്. ആ നരേഷൻ തനിക്ക് വലിയ ആത്മവിശ്വാസം നൽകിയ അനുഭവമായിരുന്നുവെന്നും ജേസൺ പറഞ്ഞു. കഥയെക്കുറിച്ച് ദുൽഖർ ചില നിർദേശങ്ങൾ നൽകുകയും സിനിമയുമായി ബന്ധപ്പെട്ട കാര്യങ്ങൾ പിന്നീട് അറിയാൻ താൽപര്യം കാണിക്കുകയും ചെയ്തിരുന്നു.

നരേഷനുശേഷവും ഇരുവരും ബന്ധം തുടരുന്നുണ്ടെന്നും ജേസൺ പറഞ്ഞു.
സിനിമയിൽ അഭിനയിക്കാൻ ദുൽഖറിന് താൽപര്യമുണ്ടായിരുന്നെങ്കിലും ഡേറ്റ് പ്രശ്നമായിരുന്നു പ്രധാന തടസ്സമെന്ന് ജേസൺ വ്യക്തമാക്കി. ഭാവിയിൽ ഇരുവരും ഒരുമിച്ച് പ്രവർത്തിക്കാൻ കഴിയുമെന്ന പ്രതീക്ഷയും അദ്ദേഹം പങ്കുവച്ചു.
വിജയ്‌യുടെ മകൻ ജേസൺ സഞ്ജയ് സംവിധാന രംഗത്തേക്ക് അരങ്ങേറ്റം കുറിക്കുന്ന ചിത്രമാണ് ‘സിഗ്മ’. സന്ദീപ് കിഷനാണ് ചിത്രത്തിലെ നായകൻ. ലൈക്ക പ്രൊഡക്ഷൻസിന്റെ ബാനറിൽ എസ്. സുബാസ്കരനാണ് ചിത്രം നിർമിക്കുന്നത്. ഒക്ടോബർ രണ്ടിനാണ് ചിത്രം തിയറ്ററുകളിലെത്തുന്നത്.

Summary: Director Jason Sanjay revealed that he first narrated the story of his debut film Sigma to Dulquer Salmaan three years ago. Dulquer was interested in the project, but scheduling issues prevented him from taking it up.

https://www.youtube.com/watch?v=gfixuFrA_FI

Subscribe to Media 4 News YouTube Channel here ► https://tinyurl.com/ycbt2nma for Malayalam News Live updates

Website ► http://www.media4channel.in
Facebook ► https://www.facebook.com/Media4channel
Twitter ► https://www.instagram.com/media4_news_thrissur

Media 4 News, is a leading malayalam news channel, which having a wide range of viewers on social media platforms. We are keen to report district based news as prior and also having a full media coverage from all district via stringers.

Subscribe to Media 4 News YouTube Channel here ► https://tinyurl.com/ycbt2nma for Malayalam News Live updates

Website ► http://www.media4channel.in
Facebook ► https://www.facebook.com/Media4channel
Twitter ► https://www.instagram.com/media4_news_thrissur

Media 4 News, is a leading malayalam news channel, which having a wide range of viewers on social media platforms. We are keen to report district based news as prior and also having a full media coverage from all district via stringers.

കേരള കോൺഗ്രസ്സ് സംഘർഷം; ജോസഫ് വിഭാഗം ജില്ലാ പ്രസിഡണ്ട് ഉൾപ്പെടെ പതിനഞ്ച് പേർക്കെതിരെയും പോലീസ് ഉദ്യോഗസ്ഥൻ്റെ പരാതിയിൽ കണ്ടാൽ അറിയാവുന്ന പത്ത് പേർക്കെതിരെയും കേസ്സെടുത്തു

ഇരിങ്ങാലക്കുട : ഇരിങ്ങാലക്കുടയിൽ കേരള കോൺഗ്രസ്സ് ജോസഫ് വിഭാഗം യോഗത്തെ ചൊല്ലി ഉണ്ടായ സംഘർഷത്തിൽ ജില്ലാ പ്രസിഡണ്ട് സി വി കുര്യാക്കോസ്, യൂത്ത് ഫ്രണ്ട് പ്രവർത്തകർ ഉൾപ്പെടെ പതിനഞ്ച് പേർക്കെതിരെയും ഔദ്യോഗിക കൃത്യനിർവഹണത്തിന് തടസ്സം സൃഷ്ടിക്കുകയും ചായ നിറച്ച കെറ്റിൽ കൊണ്ട് തലയ്ക്ക് നേരെ എറിഞ്ഞ് അക്രമിക്കുകയും ചെയ്തുവെന്ന പോലീസ് ഉദ്യോഗസ്ഥൻ്റെ പരാതിയിൽ കണ്ടാൽ അറിയാവുന്ന പത്ത് പേർക്കെതിരെയും ഇരിങ്ങാലക്കുട പോലീസ് കേസെടുത്തു . സെപ്റ്റംബർ 18 ന് വൈകീട്ട് ഇരിങ്ങാലക്കുട സൗത്ത് ബസാറിൽ വെള്ളാനിക്കാരൻ കോംപ്ലക്സിൽ വച്ചായിരുന്ന സംഭവം. യോഗം ഉദ്ഘാടനം ചെയ്ത ജോസഫ് വിഭാഗം ജില്ലാ പ്രസിഡണ്ട് സി വി കുര്യാക്കോസ്, എബിൻ വെള്ളാനിക്കാരൻ , ജോബി ആലപ്പാട്ട്, സതീഷ് മടത്തിക്കര, വി ജി സന്ദീപ് , തോമസ് ആൻ്റണി, യൂത്ത് ഫ്രണ്ട് പ്രവർത്തകരായ വിവേക് വിൻസെൻ്റ് , ലാലു വിൻസെൻ്റ്, ടെഫിൻ, രഞ്ജോ, അനേയ് ജാക്സൻ, അർജ്ജൂൻ, സോനു, അഫ്സൽ , ഗോകുൽ എന്നിവർക്കും ചായ വീണ് പൊള്ളലേറ്റ പോലീസ് ഉദ്യോഗസ്ഥൻ എബിൻ്റെ പരാതിയിൽ കണ്ടാൽ അറിയാവുന്ന പത്ത് പേർക്കെതിരെയുമാണ് കേസ് എടുത്തിരിക്കുന്നത്.

തിരുവനന്തപുരം: മൃ​ഗശാല മാറ്റത്തിൽ ഉറച്ച് മുഖ്യമന്ത്രി വി.‍ഡി. സതീശൻ. മൃഗശാലക്ക് പകരം സ്ഥലത്ത് മാഡിസൺ സ്ക്വയർ മാതൃക വരുമെന്നും മുഖ്യമന്ത്രി വ്യക്തമാക്കി. കേരള ട്രാവൽ മാർട്ട് ഉദ്ഘാടന വേദിയിലാണ് മുഖ്യമന്ത്രിയുടെ പ്രഖ്യാപനം. 

മുഖ്യമന്ത്രിയാണ് ആ​ദ്യമായി തിരുവനന്തപുരം മൃ​ഗശാല മാറ്റണമെന്ന ആവശ്യം ഉന്നയിച്ചത്. തുടർന്ന് എതിർത്തും അനുകൂലിച്ചും ആളുകൾ രം​ഗത്തെത്തിയിരുന്നു.

മൃഗശാല മാറ്റണമെന്ന മുഖ്യമന്ത്രി വി ഡി സതീശന്റെ നിർദേശത്തെ എതിർത്ത് പ്രതിപക്ഷമായ സിപിഎമ്മും രം​ഗത്തെത്തി. നീക്കം വാണിജ്യ ലക്ഷ്യം മുന്നിൽ കണ്ടെന്ന് വി കെ പ്രശാന്ത് എംഎൽഎ വിമർശിച്ചു.

മുതലാളിമാർക്ക് മറിച്ചു കൊടുക്കാനുള്ള ശ്രമമാണോ എന്ന് സംശയിക്കേണ്ടിയിരിക്കുന്നു എന്നും വിമർശനം. പദ്ധതിയുമായി മുന്നോട്ട് പോയാൽ ഇടതുപക്ഷം എതിർക്കുമെന്നും സിപിഎം മുന്നറിയിപ്പ് നൽകി. 

തിരുവനന്തപുരം: മൃ​ഗശാല മാറ്റത്തിൽ ഉറച്ച് മുഖ്യമന്ത്രി വി.‍ഡി. സതീശൻ. മൃഗശാലക്ക് പകരം സ്ഥലത്ത് മാഡിസൺ സ്ക്വയർ മാതൃക വരുമെന്നും മുഖ്യമന്ത്രി വ്യക്തമാക്കി. കേരള ട്രാവൽ മാർട്ട് ഉദ്ഘാടന വേദിയിലാണ് മുഖ്യമന്ത്രിയുടെ പ്രഖ്യാപനം. 

മുഖ്യമന്ത്രിയാണ് ആ​ദ്യമായി തിരുവനന്തപുരം മൃ​ഗശാല മാറ്റണമെന്ന ആവശ്യം ഉന്നയിച്ചത്. തുടർന്ന് എതിർത്തും അനുകൂലിച്ചും ആളുകൾ രം​ഗത്തെത്തിയിരുന്നു.

മൃഗശാല മാറ്റണമെന്ന മുഖ്യമന്ത്രി വി ഡി സതീശന്റെ നിർദേശത്തെ എതിർത്ത് പ്രതിപക്ഷമായ സിപിഎമ്മും രം​ഗത്തെത്തി. നീക്കം വാണിജ്യ ലക്ഷ്യം മുന്നിൽ കണ്ടെന്ന് വി കെ പ്രശാന്ത് എംഎൽഎ വിമർശിച്ചു.

മുതലാളിമാർക്ക് മറിച്ചു കൊടുക്കാനുള്ള ശ്രമമാണോ എന്ന് സംശയിക്കേണ്ടിയിരിക്കുന്നു എന്നും വിമർശനം. പദ്ധതിയുമായി മുന്നോട്ട് പോയാൽ ഇടതുപക്ഷം എതിർക്കുമെന്നും സിപിഎം മുന്നറിയിപ്പ് നൽകി. 

പത്തനംതിട്ട: ശബരിമലയിൽ ഇനി വെടിവഴിപാട് ഉണ്ടാകില്ല. ഇത്തവണത്തെ ലേലത്തിൽ വെടിവഴിപാട് ദേവസ്വം ബോർഡ് ഉൾപ്പെടുത്തിയില്ല. ശബരിമല സന്നിധാനത്ത് വെടിമരുന്ന് സൂക്ഷിക്കുന്നതായി ബന്ധപ്പെട്ട സുരക്ഷ പ്രശ്നങ്ങൾ വിവിധ വകുപ്പുകൾ ചൂണ്ടികാട്ടിയിരുന്നു.

തുടർന്ന് ബോർഡ്‌ തന്ത്രിയോട് അഭിപ്രായം ആരാഞ്ഞു. വെടിവഴിപാട് ശബരിമലയിലെ ആചാരത്തിന്‍റെ ഭാഗമല്ല എന്ന് തന്ത്രി മറുപടി നൽകി.

പു​ത്തൂ​ർ: കൊ​ല്ല​ത്ത് ഭൂ​മി പോ​ക്കു​വ​ര​വ് ചെ​യ്യാ​ൻ കൈ​ക്കൂ​ലി വാ​ങ്ങു​ന്ന​തി​നി​ടെ വി​ല്ലേ​ജ് ഓ​ഫി​സ​ർ വി​ജി​ല​ൻ​സ് പി​ടി​യി​ൽ.

പു​ത്തൂ​ർ വി​ല്ലേ​ജ് ഓ​ഫി​സ​ർ അ​ഭി​ലാ​ഷ് ആ​ന​ന്ദ് ആ​ണ് പി​ടി​യി​ലാ​യ​ത്. 5,000 രൂ​പ കൈ​ക്കൂ​ലി വാ​ങ്ങു​ന്ന​തി​നി​ടെ​യാ​ണ് അ​ഭി​ലാ​ഷ് ആ​ന​ന്ദി​നെ വി​ജി​ല​ൻ​സ് ക​സ്റ്റ​ഡി​യി​ലെ​ടു​ത്ത​ത്.

പു​ത്തൂ​ർ സ്വ​ദേ​ശി​യാ​യ പ​രാ​തി​ക്കാ​ര​ന്‍റെ മാ​താ​പി​താ​ക്ക​ളു​ടെ പേ​രി​ലു​ള്ള 52 സെ​ന്‍റ് വ​സ്തു വി​ൽ​പ​ത്ര പ്ര​കാ​രം പോ​ക്കു​വ​ര​വ്‌ ചെ​യ്‌​ത്‌ ന​ൽ​കു​ന്ന​തി​നാ​ണ് അ​ഭി​ലാ​ഷ് ആ​ന​ന്ദ് കൈ​ക്കൂ​ലി ആ​വ​ശ്യ​പ്പെ​ട്ട​ത്. ഇ​തേ തു​ട​ർ​ന്ന് പ​രാ​തി​ക്കാ​ര​ൻ വി​ജി​ല​ൻ​സി​നെ സ​മീ​പി​ക്കു​ക​യാ​യി​രു​ന്നു.

ആമ്പല്ലൂര്‍: ആമ്പല്ലൂർ ഗ്രാമപഞ്ചായത്ത് മുൻ പ്രസിഡണ്ട് എൻ.വി.ഗോപാലൻ്റ നിര്യാണത്തിൽ ആമ്പല്ലൂർ ഗ്രാമപഞ്ചായത്ത് അനുസ്മരണ യോഗം നടത്തി. 

ഗ്രാമ പഞ്ചായത്ത് പ്രസിഡണ്ട് കെ.ജി.രഞ്ജിത്ത് അധ്യക്ഷത വഹിച്ച യോഗത്തിൽ വൈസ് പ്രസിഡണ്ട് ഷീലാ സത്യൻ അനുശോചന പ്രമേയം അവതരിപ്പിച്ചു.

മുൻ മെമ്പർ കെ.ജെ.ജോസഫ്, ആസുത്രണ സമിതി ഉപാധ്യക്ഷൻ കെ.എ.മുകുന്ദൻ, ബ്ലോക്ക് പഞ്ചായത്തംഗം സി.ആർ.ദിലീപ് കുമാർ, രാഷ്ട്രീയ നേതാക്കളായ കെ.പി.ഷാജഹാൻ, സുമയ്യ ഹസൻ, ശശി പാലോത്ത്, സുരേഷ് കുമാർ, വ്യാപാരി വ്യവസായി യൂണിറ്റ് പ്രസിഡണ്ട് മോൻസി.സി.വി. തുടങ്ങിയവർ സംസാരിച്ചു.

ഇതിലൂടെ 59,939 ചതുരശ്ര കിലോമീറ്റർ പ്രദേശം ഇ.എസ്.എ പരിധിയിലാവുകയും വലിയ ജനകീയ പ്രക്ഷോഭങ്ങൾക്ക് വഴിതുറക്കുകയും ചെയ്തു.  തുടർന്ന്, ഉമ്മൻചാണ്ടി സർക്കാരിന്റെ കാലത്ത് ജനവാസ മേഖലകളും കൃഷിയിടങ്ങളും തോട്ടങ്ങളും ഇ.എസ്.എ പരിധിയിൽ നിന്ന് ഒഴിവാക്കണമെന്ന് നിയമസഭ പ്രമേയം പാസാക്കുകയും ഉമ്മൻ വി. ഉമ്മൻ സമിതിയെ നിയോഗിച്ച് പഠനം നടത്തുകയും ചെയ്തു. ഈ സമിതിയുടെ റിപ്പോർട്ട് അംഗീകരിച്ച് കേന്ദ്ര മന്ത്രാലയം 2014 മാർച്ച് 10ന് പുറപ്പെടുവിച്ച ആദ്യ കരട് വിജ്ഞാപനത്തിലൂടെ കേരളത്തിലെ ഇ.എസ്.എ വിസ്തീർണ്ണം 13,108 ചതുരശ്ര കിലോമീറ്ററിൽ നിന്ന് 9,993.7 ചതുരശ്ര കിലോമീറ്ററായി പുനർനിർണ്ണയിച്ച് കുറച്ചു. ഇതിലൂടെ ജനവാസ മേഖലകളും കൃഷിയിടങ്ങളും പൂർണ്ണമായും ഇ.എസ്.എയിൽ നിന്ന് ഒഴിവാക്കപ്പെട്ടിരുന്നു.തൊട്ടടുത്തുള്ള മറ്റ് അഞ്ച് സംസ്ഥാനങ്ങളും കസ്തൂരിരംഗൻ റിപ്പോർട്ടിലെ നിർദ്ദേശങ്ങളിൽ മാറ്റം വരുത്താൻ തയ്യാറാകാതിരുന്നപ്പോൾ കേരളം മാത്രമാണ് അതിർത്തി പുനർനിർണ്ണയിച്ച് കേന്ദ്രത്തിന് സമർപ്പിച്ചത്.    പശ്ചിമഘട്ട സംസ്ഥാനങ്ങളിലെ ഇ.എസ്.എ വിസ്തീർണ്ണം (ചതുരശ്ര കി.മീറ്ററിൽ) ഇങ്ങനെയാണ്.

ഗുജറാത്ത്: 449, മഹാരാഷ്ട്ര: 17,340, ഗോവ: 1,461,   കർണ്ണാടക: 20,668, തമിഴ്‌നാട്: 6,914, കേരളം: 13,108 (പിന്നീട് 9,993.7 ആയി പുനർനിർണ്ണയിച്ചു). തുടർന്നുവന്ന പിണറായി വിജയൻ സർക്കാരിന്റെ കാലത്തും, പിന്നീട് വി.ഡി. സതീശന്റെ നേതൃത്വത്തിലുള്ള സർക്കാർ അധികാരത്തിൽ വന്ന ശേഷവും പുറപ്പെടുവിച്ച കരട് വിജ്ഞാപനങ്ങളെല്ലാം 2014ലെ ആദ്യ വിജ്ഞാപനത്തിന്റെ തനിയാവർത്തനം മാത്രമായിരുന്നു.

 2026 ജൂലൈ 27ന് പുറത്തുവന്ന ഏഴാമത് കരട് വിജ്ഞാപനത്തിലും കേരളത്തിലെ ഇ.എസ്.എ വിസ്തീർണ്ണം 9,993.7 ചതുരശ്ര കിലോമീറ്ററായി മാറ്റമില്ലാതെ തുടരുകയാണ്. പിണറായി സർക്കാരിന്റെ കാലത്തോ വി.ഡി. സതീശൻ സർക്കാരിന്റെ കാലത്തോ ഒഴിവാക്കപ്പെട്ട ഭൂമിയിൽ മാറ്റങ്ങളൊന്നും വരുത്തിയിട്ടില്ലെന്നിരിക്കെ, വിഷയത്തിൽ പുതിയ സമരങ്ങൾ ഉയർത്തുന്നത് വസ്തുതകൾ മറച്ചുവെച്ചാണെന്ന് അഡ്വ. എസ്. അശോകൻ ചൂണ്ടിക്കാട്ടി.വനമേഖല മാത്രമായി ഇ.എസ്.എ പുനർനിർണ്ണയിക്കണമെന്ന നിലപാടാണ് നിലവിലെ സർക്കാരിനുള്ളത്. കേരളത്തിലെ ഭൂപരിമിതിയും ഉയർന്ന ജനസാന്ദ്രതയും കണക്കിലെടുത്ത് ജനങ്ങളുടെ സഹകരണത്തോടെയുള്ള പ്രകൃതിസംരക്ഷണ പ്രവർത്തനങ്ങളാണ് ഉണ്ടാകേണ്ടതെന്നും അനാവശ്യ ഭീതി പടർത്തുന്നത് അവസാനിപ്പിക്കണമെന്നും അദ്ദേഹം വ്യക്തമാക്കി.

കണ്ടു ഞാൻ ഭൂമിതൻ സ്വർഗ്ഗ സൗന്ദര്യത്തെ 
കണ്ടു ഞാൻ പ്രകൃതിതൻ വശ്യമാം ഭംഗിയെ 
കണ്ടു ഞാൻ പുഴകളെ, മലകളെ, പൂക്കളെ 
കണ്ടു ഞാൻ സർവസ്വയാം ഭൂമി ദേവിയെ 

കണ്ടു ഞാൻ പ്രഭയേറും ആദിത്യ ദേവനെ 
കണ്ടു ഞാനാ സ്വർണ്ണ വർണ്ണമാം കിരണത്തെ 
കണ്ടു ഞാൻ തെളിവാർന്നുണർന്നൊരാകാശത്തെ 
കണ്ടു ഞാൻ സർവസ്വയാം ഭൂമി ദേവിയെ 

കണ്ടു ഞാൻ ഹിമകണമണിഞ്ഞ വൃക്ഷങ്ങളെ 
കണ്ടു ഞാൻ കാറ്റിലാടീടും മരങ്ങളെ
കണ്ടു ഞാൻ ഇട തൂർന്ന വനാന്തരങ്ങളെ 
കണ്ടു ഞാൻ സർവസ്വയാം ഭൂമി ദേവിയെ 

കണ്ടു ഞാൻ സഹ്യാദ്രിതൻ തുംഗ ശൃംഗത്തെ 
കണ്ടു ഞാൻ നിരകളായ് വിലസും മലകളെ 
കണ്ടു ഞാൻ മലകളെ തഴുകിടും ജലദത്തെ 
കണ്ടു ഞാൻ സർവസ്വയാം ഭൂമിദേവിയെ 

കണ്ടു ഞാൻ ജീവാമൃതമാം നദീകളെ 
കണ്ടു ഞാൻ അഴകോടെ ഒഴുകും പുഴകളെ 
കണ്ടു ഞാൻ പുഴകളിൽ തെളിയുമോളങ്ങളെ 
കണ്ടു ഞാൻ സർവസ്വയാം ഭൂമിദേവിയെ 

കണ്ടു ഞാൻ തൂമഞ്ഞിൽ വിരിയുന്ന പൂക്കളെ 
കണ്ടു ഞാൻ  പൂന്തേൻ നുകരും അളികളെ 
കണ്ടു ഞാൻ വർണാഭമാം ശലഭങ്ങളെ 
കണ്ടു ഞാൻ സർവസ്വയാം ഭൂമിദേവിയെ 

കണ്ടു ഞാൻ കുങ്കുമ ശോഭയാം സന്ധ്യയെ 
കണ്ടു ഞാൻ തൻ കൂടുപറ്റും കിളികളെ
കണ്ടു ഞാൻ രാവിൻ ആകാശ ദീപങ്ങളെ
കണ്ടു ഞാൻ സർവസ്വയാം ഭൂമിദേവിയെ 

കണ്ടു ഞാൻ ഭൂമിതൻ സ്വർഗ്ഗ സൗന്ദര്യത്തെ 
കണ്ടു ഞാൻ പ്രകൃതിതൻ വശ്യമാം ഭംഗിയെ 
കണ്ടു ഞാൻ പുഴകളെ, മലകളെ, പൂക്കളെ 
കണ്ടു ഞാൻ സർവസ്വയാം ഭൂമി ദേവിയെ

-സൗപർണ്ണ ശശികുമാർ

ന്യൂഡൽഹി: രാജ്യത്ത് ശക്തമായ ഭരണവിരുദ്ധ വികാരം അലയടിക്കുമ്പോഴും പ്രധാനമന്ത്രി നരേന്ദ്ര മോദി പ്രകടിപ്പിച്ച അസാധാരണ ആത്മവിശ്വാസം ജനാധിപത്യത്തിന് ചേർന്നതല്ലെന്നും, ഭരണവിരുദ്ധ വികാരം ഇല്ലാത്ത ഒരേയൊരു സാഹചര്യം സദ്ദാം ഹുസൈന്റെ ഇറാഖിലും കിം ജോങ് ഉന്നിന്റെ ഉത്തരകൊറിയയിലും മാത്രമാണെന്നും ലോക്സഭാ പ്രതിപക്ഷ നേതാവ് രാഹുൽ ഗാന്ധി. 

ഏകാധിപത്യ ഭരണകൂടങ്ങളെ ഓർമ്മിപ്പിക്കുന്ന വിധത്തിലാണ് പ്രധാനമന്ത്രിയുടെയും ബി.ജെ.പിയുടെയും പ്രവർത്തനങ്ങളെന്ന് കുറ്റപ്പെടുത്തിയാണ് രാഹുൽ ഗാന്ധി പ്രധാനമന്ത്രിയെ കടന്നാക്രമിച്ചത്. 

തെരഞ്ഞെടുപ്പ് കമ്മീഷന്റെ ആഭ്യന്തര തീരുമാനങ്ങളിലെ ഗുരുതര ഭിന്നതകളും കമ്മീഷണർമാരുടെ അതൃപ്തിയും വ്യക്തമാക്കുന്ന വിവരങ്ങൾ പുറത്തുവന്നതിന് തൊട്ടുപിന്നാലെ ന്യൂഡൽഹിയിൽ വിളിച്ചുചേർത്ത വാർത്താസമ്മേളനത്തിൽ, 2024-ലെ ലോക്സഭാ തെരഞ്ഞെടുപ്പ് പ്രചാരണ വേളയിൽ പ്രധാനമന്ത്രി “അബ് കി ബാർ, 400 പാർ” എന്ന് മുദ്രാവാക്യം വിളിക്കുന്ന പഴയ വീഡിയോ ദൃശ്യങ്ങൾ മാധ്യമങ്ങൾക്ക് മുന്നിൽ പ്രദർശിപ്പിച്ചുകൊണ്ടായിരുന്നു രാഹുലിന്റെ കടന്നാക്രമണം.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും ചേർന്നാണ് പക്ഷപാതപരമായി തിരഞ്ഞെടുത്തതെന്ന് രാഹുൽ ഗാന്ധി ആരോപിച്ചു.

വോട്ടർ പട്ടിക പരിഷ്കരണ പ്രക്രിയയായ എസ്.ഐ.ആറിലും (SIR) ഇന്ത്യൻ വോട്ടിങ് സമ്പ്രദായത്തിലുമുണ്ടായ വലിയ തകർച്ചകൾക്കും വ്യാപക ക്രമക്കേടുകൾക്കും ഗ്യാനേഷ് കുമാറാണ് ഉത്തരവാദിയെന്ന് തെരഞ്ഞെടുപ്പ് കമ്മീഷനിലെ മറ്റ് രണ്ട് കമ്മീഷണർമാർ തന്നെ വ്യക്തമാക്കിയ പശ്ചാത്തലത്തിൽ, രാജ്യത്തെ മുഴുവൻ തെരഞ്ഞെടുപ്പുകളും അട്ടിമറിക്കപ്പെടുകയാണെന്ന ആരോപണത്തിന് അടിവരയിടുകയാണെന്ന് അദ്ദേഹം ചൂണ്ടിക്കാട്ടി.

പ്രധാനമന്ത്രിയും ആഭ്യന്തര മന്ത്രിയും ഒത്തുചേർന്ന് സ്വതന്ത്ര സ്ഥാപനങ്ങളെ തങ്ങളുടെ രാഷ്ട്രീയ താല്പര്യങ്ങൾക്കായി ഉപയോഗിക്കുകയും, ഇന്ത്യയുടെ പവിത്രമായ ജനാധിപത്യ നിർമ്മിതിയെ അപ്പാടെ ആക്രമിച്ച് തകർക്കുകയുമാണ് ചെയ്തതെന്ന് രാഹുൽ ഗാന്ധി തുറന്നടിച്ചു.

ജനാധിപത്യത്തിന്റെ അടിത്തറയായ വോട്ടവകാശത്തിന് മേൽ നടക്കുന്ന ഇത്തരം കൊടിയ കൈകടത്തലുകൾക്കെതിരെ രാജ്യം ഒറ്റക്കെട്ടായി പ്രതിരോധം തീർക്കണമെന്നും അദ്ദേഹം ആവശ്യപ്പെട്ടു. 

ആംബുലൻസ് ഒരു കിലോമീറ്റർ പിന്നിട്ടപ്പോഴേക്കും യുവതിയുടെ ആരോഗ്യനില കൂടുതൽ വഷളാവുകയും തുടർന്ന് എമർജൻസി മെഡിക്കൽ ടെക്നീഷ്യൻ ജോബിൻ തോമസ് നടത്തിയ പരിശോധനയിൽ പ്രസവം എടുക്കാതെ മുന്നോട്ട് പോകുന്നത് അമ്മയ്ക്കും കുഞ്ഞിനും സുരക്ഷിതമല്ല എന്ന് മനസ്സിലാക്കി ആംബുലൻസിൽ ഇതിനുവേണ്ട സജ്ജീകരണങ്ങൾ ഒരുക്കി.

 പുലർച്ചെ 4.20ന് ജോബിന്റെ പരിചരണത്തിൽ യുവതി കുഞ്ഞിന് ജന്മം നൽകുകയായിരുന്നു. ഉടൻ ജോബിൻ അമ്മയും കുഞ്ഞുമായുള്ള പൊക്കിൾകൊടി ബന്ധം വേർപെടുത്തി ഇരുവർക്കും വേണ്ട പ്രഥമ ശുശ്രൂഷ നൽകി.തുടർന്ന് ആംബുലൻസ് പൈലറ്റ് അനന്തു ഇതുവരെയും നെടുങ്കണ്ടം താലൂക്ക് ആശുപത്രിയിൽ എത്തിച്ചു. അമ്മയും കുഞ്ഞും സുഖമായി ഇരിക്കുന്നതായി ആശുപത്രി അധികൃതർ അറിയിച്ചു. 

കണ്ണൂർ: കണ്ണൂർ പയ്യന്നൂരിൽ ഫിസിയോതെറാപ്പിക്ക് എത്തിയ യുവതിയോട് ക്ലിനിക്ക് ഉടമ മോശമായി പെരുമാറിയെന്ന് പരാതി. കാസർകോട് സ്വദേശിയായ യുവതിയുടെ പരാതിയിൽ ആരോഗ്യ വെൽനസ് ക്ലിനിക് ഉടമ ശരത് നമ്പ്യാരെ പയ്യന്നൂർ പൊലീസ് കസ്റ്റഡിയിലെടുത്തു. 

കഴിഞ്ഞ വർഷമാണ് കേസിന് ആസ്പദമായ സംഭവം. ഫിസിയോതെറാപ്പിക്കിടെ ശരത് നമ്പ്യാർ യുവതിയെ കടന്ന് പിടിക്കുകയായിരുന്നു. പിന്നീട് ജോലി സ്ഥലത്തേക്ക് മടങ്ങിപ്പോയ യുവതി, കൗൺസിലിംഗിനിടെയാണ് തനിക്ക് ഉണ്ടായ ദുരനുഭവം പുറത്ത് പറഞ്ഞത്. 

തുടർന്ന് പയ്യന്നൂർ പൊലീസിൽ പരാതി നൽകുകയായിരുന്നു. മറ്റൊരു യുവതിയോട് മോശമായി പെരുമാറിയ കേസിൽ ഇയാൾ നേരത്തെ അറസ്റ്റിലായിരുന്നു. ഇതറിഞ്ഞപ്പോഴാണ് കാസർകോട് സ്വദേശിയായ യുവതിയും പൊലീസിൽ പരാതി നൽകിയത്.

ഇരിങ്ങാലക്കുട : ഠാണ ജംഗ്ഷനിൽ ട്രാഫിക് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥന്റെ ഔദ്യോഗിക കൃത്യനിർവഹണം തടസ്സപ്പെടുത്തിയ കേസിലെ പ്രതിയെ ഇരിങ്ങാലക്കുട പോലീസ് അറസ്റ്റ് ചെയ്തു.
ഇരിങ്ങാലക്കുട, ഡോൺബോസ്കോ സ്കൂളിന് സമീപം താമസിക്കുന്ന രായംമരക്കാർ വീട്ടിൽ ഷംനാദ് (38) ആണ് അറസ്റ്റിലായത്. നടപടിക്രമങ്ങൾക്ക് ശേഷം പ്രതിയെ കോടതിയിൽ ഹാജരാക്കും

കൊച്ചി: എറണാകുളം ജില്ലയിലെ നാല് തദ്ദേശ സ്വയംഭരണ വാർഡുകളിലേക്ക് സെപ്റ്റംബർ 28-ന് നടക്കാനിരിക്കുന്ന ഉപതിരഞ്ഞെടുപ്പിനോടനുബന്ധിച്ച് ബന്ധപ്പെട്ട പ്രദേശങ്ങളിൽ ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ ജി. പ്രിയങ്ക പ്രാദേശിക അവധി പ്രഖ്യാപിച്ചു. 

കൊച്ചി മുൻസിപ്പൽ കോർപ്പറേഷനിലെ 19-ാം വാർഡ് (അയ്യപ്പൻകാവ്), പാറക്കടവ് ഗ്രാമപഞ്ചായത്തിലെ നാലാം വാർഡ് (പുളിയനം സൗത്ത്), പൂതൃക്ക ഗ്രാമപഞ്ചായത്തിലെ എട്ടാം വാർഡ് (കോലഞ്ചേരി ഈസ്റ്റ്), വടക്കേക്കര ഗ്രാമപഞ്ചായത്തിലെ ഒൻപതാം വാർഡ് (മടപ്ലാതുരുത്ത് ഈസ്റ്റ്) എന്നിവയുടെ അതിർത്തിക്കുള്ളിൽ സ്ഥിതി ചെയ്യുന്ന എല്ലാ സംസ്ഥാന സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും തദ്ദേശ സ്വയംഭരണ സ്ഥാപനങ്ങൾക്കും സ്റ്റാറ്റ്യൂട്ടറി ബോഡികൾക്കും പൊതുമേഖലാ സ്ഥാപനങ്ങൾക്കുമാണ് അവധി. 

കൊച്ചി: ജനകീയ പങ്കാളിത്തവും മൂലധന നിക്ഷേപവും വഴി കേരളത്തെ പുതിയൊരു വികസന യുഗത്തിലേക്ക് നയിക്കുകയാണ് സർക്കാരിന്റെ പ്രധാന ലക്ഷ്യമെന്ന് മുഖ്യമന്ത്രി വി. ഡി. സതീശൻ പറഞ്ഞു. സംസ്ഥാന പതിനഞ്ചാം പഞ്ചവത്സര പദ്ധതിയുടെ ആദ്യ വർഷമായ 2027-28-ലെ പദ്ധതി നിർദ്ദേശങ്ങൾ ജനപങ്കാളിത്തത്തോടെ രൂപീകരിക്കുന്നതിനായി എറണാകുളം ജില്ലാ ഉന്നത തല യോഗം കാക്കനാട് ഇൻഫോപാർക്കിലെ അതുല്യ ഓഡിറ്റോറിയത്തിൽ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. ജനങ്ങളുടെ അനുഭവസമ്പത്തും നിർദ്ദേശങ്ങളും ഉൾക്കൊണ്ടുകൊണ്ട് സമഗ്ര വികസനം സാധ്യമാക്കുകയാണ് സർക്കാരിന്റെ മുൻഗണന. സംസ്ഥാനത്തിന്റെ നിലവിലെ ധനസ്ഥിതി വ്യക്തമാക്കുന്ന ധവളപത്രം നേരത്തെ തന്നെ പുറപ്പെടുവിച്ചിട്ടുണ്ട്. തടസങ്ങളും സാമ്പത്തിക ബാധ്യതകളും തരണം ചെയ്തുകൊണ്ട് പുതിയ വികസന-ക്ഷേമ പദ്ധതികൾ നടപ്പിലാക്കാനുള്ള പ്രായോഗിക കർമ്മപദ്ധതികളാണ് സർക്കാർ ആവിഷ്കരിക്കുന്നതെന്ന് മുഖ്യമന്ത്രി വ്യക്തമാക്കി. പൊതുജനങ്ങൾക്ക് മേൽ പുതിയ നികുതി ഭാരം അടിച്ചേൽപ്പിക്കാതെ, സാമ്പത്തിക ഇടപാടുകളും വിപണി ചലനങ്ങളും ശക്തമാക്കുന്ന നയ സമീപനമാണ് സർക്കാർ സ്വീകരിക്കുന്നത്. ഇതിനായി സ്വകാര്യ നിക്ഷേപങ്ങളും വിദേശത്തു നിന്നുള്ള നേരിട്ടുള്ള നിക്ഷേപങ്ങളും ഉറപ്പു വരുത്തും. മൂലധന ചെലവ് വർദ്ധിപ്പിച്ച് അടിസ്ഥാന സൗകര്യ വികസനം ശക്തമാക്കുകയാണ് അടുത്ത പ്രധാന ലക്ഷ്യം. ഇതിനായി ഹാർബറുകളും 600 കിലോമീറ്ററിലധികം ദൈർഘ്യമുള്ള തീരദേശവും പ്രയോജനപ്പെടുത്തി കേരളത്തെ ഒരു വലിയ തുറമുഖ നഗരം ആക്കി മാറ്റാനുള്ള സ്വപ്ന പദ്ധതിക്ക് തുടക്കം കുറിച്ചു കഴിഞ്ഞു. ഇതിനു പുറമേ, നാല് അന്താരാഷ്ട്ര വിമാനത്താവളങ്ങളെ കേന്ദ്രീകരിച്ച് ഏവിയേഷൻ ഹബ്ബുകൾ, പുതിയ എം എസ് എം ഇ കൾ(MSME), ആർട്ടിഫിഷ്യൽ ഇന്റലിജൻസ്, സെമി കണ്ടക്ടർ, ഡാറ്റാ സെന്ററുകൾ, ഗ്ലോബൽ കേപ്പബിലിറ്റി സെന്ററുകൾ തുടങ്ങിയ നവീന സാങ്കേതികവിദ്യകളിൽ അധിഷ്ഠിതമായ വ്യവസായ ശൃംഖലകളും സ്ഥാപിക്കും. ഉന്നത വിദ്യാഭ്യാസ, ആരോഗ്യ രംഗങ്ങളെ ലോകോത്തര നിലവാരമുള്ള കേന്ദ്രങ്ങളാക്കി മാറ്റാനും പദ്ധതിയുണ്ട്. കേന്ദ്രാവിഷ്കൃത പദ്ധതികൾ പരമാവധി പ്രയോജനപ്പെടുത്തി സംസ്ഥാനത്തിന് അർഹമായ വിഹിതം ലഭ്യമാക്കാൻ പ്ലാനിംഗ് ബോർഡിന്റെ നേതൃത്വത്തിൽ എല്ലാ വകുപ്പുകളുടെയും പ്രവർത്തനങ്ങൾ ഏകോപിപ്പിച്ചു വരികയാണ്. പ്ലാനിംഗ് ബോർഡിന്റെ പ്രവർത്തനം പുനഃസംഘടിപ്പിച്ച് പദ്ധതികൾക്ക് അന്താരാഷ്ട്ര നിലവാരമുള്ള ‘നോളജ് പാർട്ണർമാരുടെ’ സേവനം ഉറപ്പാക്കും. തദ്ദേശ സ്വയംഭരണ സ്ഥാപനങ്ങൾ അഞ്ചു വർഷത്തെ കാലാവധി പൂർത്തിയാക്കുമ്പോൾ നാടിന്റെ മുഖച്ഛായ മാറ്റുന്ന ‘സിഗ്നേച്ചർ പ്രൊജക്റ്റുകൾ’ നടപ്പിലാക്കണം. കൃത്യമായ നിർദ്ദേശങ്ങളും കൂടിയാലോചനകളും നടത്തി ഒറ്റക്കെട്ടായി നിന്നുകൊണ്ട് കേരളത്തിന്റെ മാറ്റത്തിനു വേണ്ടി പ്രവർത്തിക്കാമെന്നും മുഖ്യമന്ത്രി പറഞ്ഞു. ജില്ലയിലെ ഗതാഗതക്കുരുക്കിന് പരിഹാരമായി അങ്കമാലി-അരൂർ ദേശീയപാത ബൈപ്പാസ് പദ്ധതി വേഗത്തിലാക്കുന്നതിനുള്ള ശ്രമം നടത്തി വരിയാണെന്ന് ചടങ്ങിന് അധ്യക്ഷത വഹിച്ച ഉന്നത വിദ്യാഭ്യാസ വകുപ്പ് മന്ത്രി റോജി എം ജോൺ പറഞ്ഞു. വിജ്ഞാപനം ലഭ്യമായാൽ സ്ഥലമേറ്റെടുപ്പ് നടപടികളിലേക്ക് കടക്കുകയും എറണാകുളത്തിൻ്റെ മുഖച്ഛായ മാറ്റുന്ന പദ്ധതി…

ഹൂസ്റ്റൺ: കൊക്കെയ്ൻ മോഷണ ശ്രമത്തിനിടെ മൂന്ന് പേരെ കൊലപ്പെടുത്തിയ കേസിലെ പ്രതിയായ കെർസാൻ ഒലജുവ റാമെയ്ക്ക് (41) വധശിക്ഷ നടപ്പാക്കി. ടെക്സസിൽ 20052005 ഓഗസ്റ്റ് 24നാണ് കേസിന് ആസ്പദമായ സംഭവം നടന്നത്. ഹണ്ട്സ്വില്ലെയിലെ ടെക്സസ് സ്റ്റേറ്റ് പെനിറ്റൻഷ്യറിയിൽ മാരകമായ വിഷം കുത്തിവച്ചാണ് ശിക്ഷ നടപ്പിലാക്കിയത്.

ഇതോടെ ഈ വർഷം ടെക്സസിൽ വധശിക്ഷയ്ക്ക് വിധേയനാകുന്ന ആറാമത്തെ വ്യക്തിയായി ഒലജുവ റാമെ മാറി. ഈ വർഷം ഇതുവരെ അമേരിക്കയിലുടനീളം 28 പേരുടെ വധശിക്ഷയാണ് നടപ്പാക്കിയത്.

ടിഫാനി പീക്കോക്ക് (18), സാമുവൽ റോബർട്ട്സ് (24), സെൽസോ ലോപ്പസ് (38) എന്നിവരാണ് കൊല്ലപ്പെട്ടത്. കുറ്റകൃത്യം നടക്കുമ്പോൾ റാമെയ്ക്ക് 20 വയസ്സായിരുന്നു പ്രായം. 

ന്യൂ യോർക്ക് സിറ്റിയിലെ തിരഞ്ഞെടുക്കപ്പെട്ട ഭരണാധികാരികളിൽ ഏറ്റവുമധികം ജനപ്രീതി മേയർ സോഹ്രാൻ മാംദാനിക്കാണെന്നു അദ്ദേഹം സ്ഥാനമേറ്റു 9 മാസം പിന്നിടുമ്പോൾ നടത്തിയ സർവേയിൽ കാണുന്നു.

ക്വിനിപിയാക് യൂണിവേഴ്സിറ്റി ബുധനാഴ്ച്ച പുറത്തു വിട്ട സർവേയിൽ മാംദാനിക്കു ന്യൂ യോർക്കിൽ ഗവർണർ കാത്തി ഹോക്കലിനുള്ള ജനപ്രീതി തന്നെയുണ്ട്: 44%. എന്നാൽ ഇന്ത്യൻ വംശജനായ ആദ്യത്തെ മുസ്ലിം മേയർക്ക് 36% എതിർപ്പുമുണ്ട്. 15% പേർ ആവട്ടെ, മാംദാനിയെ കുറിച്ചു കേട്ടിട്ടേയില്ല എന്നു പറഞ്ഞു.

ക്വിനിപിയാക് പോളിംഗ് പുറത്തുവന്ന അന്നു തന്നെ സിയെന്ന നൽകിയ സർവേയിലും മാംദാനിക്കു 44% ജനപ്രീതി തന്നെ കാണുന്നു. എന്നാൽ അത്രയും തന്നെ എതിർപ്പുമുണ്ട്. സംസ്ഥാനതലത്തിൽ മാംദാനിക്കു സ്ത്രീകളുടെ ഇടയിൽ 10% ലീഡുണ്ട്.

മറ്റു നേതാക്കളിൽ പ്രസിഡന്റ് സ്ഥാനാർഥിയാവാൻ ശ്രമിക്കുന്ന ഡെമോക്രാറ്റിക് റെപ്. അലെക്സാൻഡ്രിയ ഒക്കെഷ്യോ-കോർടസിനു 41% ജനപ്രീതി കണ്ടു. 36% പേർ അവരെ തള്ളിക്കളയുന്നുമുണ്ട്.

സെനറ്റിലെ ഡെമോക്രാറ്റിക് നേതാവായ ചക് ഷൂമറെ ന്യൂ യോർക്ക് തള്ളിക്കളയുന്നത് 51% ഭൂരിപക്ഷത്തിലാണ്. അദ്ദേഹത്തിന്റെ ജനപിന്തുണ വെറും 34% മാത്രം.

മാംദാനിയുടെ രാഷ്ട്രീയ അടിത്തറയായ ഡെമോക്രാറ്റിക് സോഷ്യലിസ്റ്സ് ഓഫ് അമേരിക്കയ്ക്കും ജനപിന്തുണ കുറവാണ്: 29%. അതേ സമയം 43% പേർ എതിർക്കുന്നു.

ഗവർണർ ഹോക്കലിനു സംസ്ഥാനതലത്തിൽ 46% പിന്തുണയുണ്ട്, 43% എതിർപ്പും.ന്യൂ യോർക്ക് സിറ്റിയിൽ അവരെ 53% പേർ പിന്തുണയ്ക്കുന്നു.

റിപ്പബ്ലിക്കൻ എതിരാളി ബ്രൂസ് ബ്ലെയ്ക്ക്മാനെതിരെ ഹോക്കലിനു 58-39% ലീഡുണ്ട്.അഞ്ചു ബറകളിൽ മറ്റെല്ലാ നേതാക്കളെയും പിന്നിലാക്കുന്ന 60% ജനപിന്തുണയാണ് മാംദാനിക്കുള്ളത്.

തള്ളിക്കളയുന്നവർ 29% മാത്രം.ഇടക്കാല തിരഞ്ഞെടുപ്പിൽ ന്യൂ യോർക്കിൽ മാത്രമേ പ്രചാരണം നടത്തൂ എന്നു മാംദാനി വ്യക്തമാക്കിയിട്ടുണ്ട്.

നഗരത്തിന്റെ കാര്യങ്ങൾ കഴിഞ്ഞു മാത്രമേ ദേശീയ രാഷ്ട്രീയം പരിഗണിക്കൂ എന്നതാണ് നിലപാട്. മംദാനി ആണ് ഏറ്റവും ജനപ്രിയം